heidiyeunghl的個人專頁

同兩個朋友仔專登嚟呢度食韓式炸雞，聽講好出名，果然食落似足喺韓國食嗰啲，質素幾好，起碼係夠脆同Juicy，而且份量都唔少！重點炸雞食落都唔油膩，喺荃灣又想食炸雞嘅話值得一試！…查看更多

鍾意食馬來西亞嘢食嘅我同男朋友今日又出動啦，今次嚟左呢間蘇媽蘇媽試試佢，男朋友叫左三層肉肉骨茶，我叫左檳城福建蝦麵，同埋叫左份海南鴛鴦燒麵包。三層肉肉骨茶入面有肥瘦夾雜的三層肉加上索湯的豆卜同金菇，真係非常好味，肉骨茶的湯底藥材味非常濃郁，飲湯落肚成身都暖晒，而且啲湯唔夠仲可以加，真係飲湯都飲到飽。檳城福建蝦麵用蝦熬煮而成的湯頭混合特制嘅特辣參巴醬，帶啲微辣，蝦醬味道更明顯，更重鮮味。碗麵有蝦、魚片、豬腩肉、雞蛋、通菜同芽菜，都算多料。麵底配油麵加米粉的滲滲，麵底都好索湯。鍾意食咖央多士嘅我哋點會放過海南鴛鴦燒麵包，咖央多士除左普通麵包，仲有啡色嘅燒麵包，兩種都好好食，咖央醬好足料，加埋厚厚冰凍嘅鮮牛油，極之邪惡但好滿足，果然間唔中係要放縱下。我個人都幾推薦大家嚟試下呢間馬來嘢，好適合重口味嘅人同突然感受下馬來西亞Feel嘅人，值得嚟食。…查看更多

同朋友聚餐首選！位置坐得10分舒適，亦都去過幾次幫襯，質素都大致相同，唔錯！覺得可以嗌第二個套餐都幾抵食，內容選擇都夠多！另外都係好鍾意食佢嘅燒麻糬！哈哈，每次必點！…查看更多

當日同男朋友去完溜冰，就諗住喺MegaBox度搵嘢食，經過見到呢間餐廳，睇過下個Menu，覺得好似都唔錯，就入咗去試吓。環境好舒服，好有空間感，唔會好迫。我哋叫咗晚餐set，頭盤叫咗海鮮蕃茄湯同日本帶子刺身，味道唔錯，不過不失。主菜我嗌咗京式鴨胸片薄餅，呢種中西合璧嘅菜式我都係第一次食，有驚喜。男朋友叫咗個意大利千層麵，味道都幾濃郁，好重芝士味。甜品我嗌咗個黑松石雲呢拿雪糕，鍾意食黑松露嘅可以試吓，幾特別。男朋友就叫咗個法式焦糖燉蛋，外面朝脆嘅焦糖加上裏面滑嫩嘅燉蛋，融合埋一齊，係一個唔錯嘅甜品選擇。呢間餐廳都幾值得推介俾大家去試吓。…查看更多

同男朋友兩個人去食，唔小心叫得太多，因為佢每次上嚟嘅份量都唔少，而且擺盤都幾靚，更加吸引我叫多左，另外食物質素都好好，牛肉正，另外蝦滑同老友鬼鬼（油炸鬼）都好味！建議可以一大班friend去食，咁就可以叫更多配料！…查看更多

同3個friend 去食，叫左好似6個餸，份量適中，唔多唔少，食物質素正常唔錯嘅，但某啲嘢價錢貴左啲，可能會揀街市大排檔食Cp值會更高！但佢用個碗飲酒又幾有趣，打卡用！？…查看更多

當日四個人一齊去用餐，當中有兩位男士，的確四個人坐十分之逼夾十分辛苦，好等我講返啲食物先，有出現漏單嘅情況，不過可能當日生意都好好，食物質素唔錯，推薦串燒！反而咖喱軟殼蟹麻麻。…查看更多

又嚟到飛嘅時候，唔知點解經過都會想坐低食件cake🤣今次叫咗拿破崙同伯爵茶食，本人比較推薦伯爵茶！拿破崙唔夠脆，整體食落去麻麻，相反伯爵茶茶味好濃郁，但怕茶味重嘅人就唔好叫啦！…查看更多

服務態度幾好，侍應有不停幫忙斟水，當日叫嘅所有餐點都都幾好食，但係唯一美中不足係我哋已經冇胃口食埋佢嘅開心果甜品，下次一定要去食！！份all day Breakfast一個人食都夠飽，有朋友share可以加埋$28加多份窩夫！…查看更多

雞煲嘅雞任加，入面侍應服務態度都好好，好有人情味，落嘅單都嚟齊晒野食，無漏，好加分！！最重要嘅係食物質素都好好，火鍋配料又仼叫任食，仲要點一份份量都比足你！絕對唔係敷衍你，真係比錢買享受嘅一餐！…查看更多

一品雞煲，食咗好多年，唔知係咪市面上而家有更多嘅選擇，覺得冇咁好食，加上味道好似同之前有分別，味道冇咁濃郁，火鍋質素亦都冇咁好了，價錢相對貴，但如果喺附近經過都係會去食的！未食過嘅人都可以去試吓！相信你哋第一次食唔會去到失望的！…查看更多

當日專程同朋友去試試呢間cafe，等咗一個鐘左右，但結果都冇令人失望！推薦cobber noodles!!簡單嘅材料，但係食完我同朋友都會想叫多份🤤🤤千島醬pizza都好正，雞肉好嫩滑！另外飲品方面叫左椰子咖啡，好愛啊！！飲咖啡嘅大家一定要叫。不過唯一美中不足嘅係鹹蛋黃雞翼，比較冇乜鹹蛋黃味，雖然睇落色水好夠，但食落真係失望，希望之後去食會有改善啦！甜品方面，兩個女仔食完啲主食小食已經冇乜quota，下次再去試！…查看更多

因為之前都有食過吉列牛，對呢間餐廳都好大期望，當日仲專登book位食，點知就中伏了！當日同同行家人叫左京都勝牛三味套餐同東京風翼板牛肉食。首先京都勝牛三味套餐唔太合格，三款牛食落都冇咩牛味，唔係好清楚食緊啲咩，我認為呢個價錢肉味可以做得更好，反而椰菜食落鮮甜，我比較鍾意食佢嘅椰菜多於主食。東京風翼板牛肉食無乜特別，一般想像到的味道。如果經過嘗試一下啲飯類好似仲ok,但如果專登去食吉列牛的話認為荃灣有其他更好其他的選擇！…查看更多

我哋當日五個人7點左右到，拎飛都等左30分鐘，但我見兩個人嘅話會快好多，所以建議如果多人嚟食嘅話要預早番少少嚟拎位啦！芝士秘製炸雞肉質好鮮嫩，外皮炸得好香脆，就係韓國會食到嘅味道，好正宗嘅炸雞啊，一全份五個人要爭住食！不過建議芝士粉可以落多啲，感覺會更加惹味🤤另外今次我勁推嘅係芝加哥pizza真係好正，芝士超多可以拉絲，每個人食一塊就差唔多濟咁，而且佢係有兩隻芝士整成嘅pizza，更加好味，鍾意食Pizza同芝士嘅朋友一定要叫！…查看更多

知道荃灣新開左一間日式Cafe，而且入邊主打好多甜品款式，立即同朋友嚟試下，果然質素不負眾望。當日食咗一個鹹食，兩個甜品，首先九州漢堡扒肉質十分多，好好味，同朋友搶住嚟食，法式多士外脆內軟，十分好味，沙律菜亦有配少量醬汁，令人十分開胃，擺盤精美十分適合打卡。甜品方面，芭菲似足日本cafe擺盤好靚！！牛乳雪糕牛乳味十足，值得一試。另外順帶一提，店內冇限時，同朋友坐喺度食嘢傾偈完全冇壓力超正，店員亦都唔會催趕我哋離開。…查看更多