kny515的个人专页

尋晚喺灣仔修頓打完波同女朋友去咗球場斜對面既半島漁港食晚飯小菜，大約六點鐘上到去，當時晚市剛開始就唔係太多人，可以安排倒睇大電視既位置，因為本人最鍾意電視汁撈飯😂，講返嘢食先現場餐牌好多選擇，有選擇困難症嘅人都應該會幾頭痛，最後我就揀咗 1.豉汁蒸盤龍鱔(例牌)👍🏻豉汁味濃鱔肉新鮮好爽彈👍🏻2.至尊燒鵝皇(例牌)👍🏻皮脆肉嫩唔會太肥又唔會太瘦啱啱好，底盤仲有蠟燭加熱保持溫度👍🏻3.鹵水豬腳仔👍🏻鹵得好入味，外皮同肉唔知係咪因為係乳豬腳既關係所以質地特別嫩滑 👍🏻4.晚市燒味1蚊優惠極品BB豬👍🏻皮脆鬆化，呢個雖然係燒味優惠但質素一啲都唔hea👍🏻喺度食飯比倒我好大驚喜，無論係侍應招呼同服務都好好，食物質素高😋飯後仲送是日糖水，環境高貴又舒適，唔怪得之我走嘅時候都差唔多全場爆滿👍🏻👍🏻…查看更多

今個月中約左朋友聚餐去左位於屯門三聖邨既《泰海鮮》食海鮮餐，朋友一早book左枱，當晚1800準時到達入座，睇完餐牌花多眼亂，大家又好似有選擇困難証諗唔倒食乜😂，最後我地就問侍應有咩是日推价並介紹左以下菜式有：海鮮湯、冬蔭公湯煮花甲、豉椒蟶子皇米粉底、辣糕炒肉蟹、砵酒焗桶蠔、豉油皇鮑魚、青山灣焗龍蝦，海鮮陸陸續續送上，最後食完呢餐大家都非常滿足，每碟餸都用料新鮮火喉十足，正所謂中國人食飯最緊要有鑊氣👍🏻👍🏻 呢度完全做得到，個人特別喜愛青山灣焗龍蝦，肉質飽滿之餘配埋個脆皮芝士好香口好夾好好食，另外海鮮湯雖然其貌不揚，其實係禾稈冚珍珠集海鮮精華於一身，必飲👍🏻呢間食物質素真係冇得彈👍🏻現場侍應服務係好既，一定會再幫襯😋😋…查看更多