Haryjie的个人专页

實不相瞞我係睇咗「衛食xx」嘅YouTube片先知道有呢間舖頭，好鍾意龍蝦湯既我同海鮮既我決定搵日就黎幫襯！皇天不負有心人，老公記得我講就話明天去啦，首先梗係要多謝老公啦，上星期去既鐵板燒懶得寫都要寫呢篇先！星期日中午1點左右，我地排第三張，前面有5人未入，等左約15分鐘啦，店旁有長紅櫈，目測足夠10人座住等🌷大熱天時有水派🌷呢啲就係店主（總之就係要讚唸呢樣野出黎既人啦）誠意！真心讚！一定會介意多啲朋友來試！入座不久，店員就擺低bb餐具同qoo 比我個小朋友🌷🌷🌷見到我地餵佢有一下急需紙巾，我記得當下真係想搵但無手，結果店員就放下一盒全場得bb獨享既紙巾用🌷！嗰下真係雪中送炭，一定要記下來，好人有好報！我地食左，睇相啦拉麵，點左生蠔、鮑魚、同是日精選北寄貝真係無得輸，好新鮮！生蠔最好味口感一流！個湯拉麵啦，唔好味都先贏賣相，雖然話never judge a book by its cover ，呢碗拉麵就係相反晒，睇得！好味！蝦頭完整係度但蝦身係唔連殼架🌷，對一個已經唔識剝蝦殼嘅人係幾甘福音！總結，口味就好個人既，要試左先知係咪好食，快啲黎試下啦，我唸我個肚開心左一日🥰…查看更多

Good morning Sunday!一行三人（老公、我、3歲人仔）去荔枝角搵食，這餐廳係麗新，易搵！值得讚美：女店員見到3歲人仔，主動拎左個細叉食具比佢；小小男店員見到3歲人仔竟然請佢飲左杯babycinno 佢，真係好暖男！（姨姨真係要讚讚你）食物：炒蛋丹麥多士，好食，有蔥花係畫龍點睛之筆！三歲人仔食得仲多過我；飲品：咖啡非常出色，店員比左nutty d既味比我地，畫既花仲好靚點左既食物都很快到，可能一早未有太多人，但眼見店員不停包外賣，應該有不少捧場客！目測店裡面有好多細微既擺設值得欣賞，溫馨小店，一定會再幫襯！日子就係甘易滿足，生活就係甘開始！祝生意興隆，長做長有！…查看更多

是日五一假想嘆番個靚早餐，skip左平日去開既麥記、金鳳、意樂，行多少少去到sloth(有食過晚餐，真心不錯才encore)，結果…有啲失望，會寫呢個食評，希望貴店老闆/管理層睇到，作出改善，食客有口福，店主生意興隆。首先，隊排取票機壞了，入場秩序有點混亂（詳情可問番當天安排入座的員工，想讚一下呢位女員工），不以為然我的票號竟然同另外一家人撞了（是手寫吧？！），但那家人已經入座，我只好告訴該員工，她很快明白及修正錯誤，亦很快安排我入座，其實當時我亦聽到在旁等待入座的客人說票號怎麼怎麼…..入座後，發現在旁兩枱食客的食物都有被耽誤及留單了，其中一枱男食客更火起三丈….（下省二百字），看得出員工盡力配合及安排，雖見到食客食飽離開，但抱著埋怨這埋怨哪走著，真不明白貴店面臨緊急的時候要及時處理，人呢？期間一職員拿來一樣食物好像是要補償給食客，但說的話又很奇怪，就連坐在旁邊的我都覺得很奇怪….中途見到很多人在收銀位（等外賣/等付款…），其中一個似是食客又似送外賣既男人喃喃自語：甘x既店都甘x多人來….我聽後有點唏噓…講番我們點餐經過，自問性子不急的我們略略了解發生什麼事後，找到原先安排入座的員工為我們點餐；之後先來的食物亦不是我們點的，職員說我們點的沒有，我有點吃驚，無都不應是旦來一樣食物給我，三秒間，我告訴職員幫我取消我的A餐（我叫他取消並不是我生氣是我預知到如果繼續等待我應該要等好耐）但B餐照上。不一會兒，A餐的飲品送到，我亦發覺有點不對，馬上叫老公去了解一下…..最後我兩share左一個餐後打算結帳，今餐被免費了，但收銀位員工說的都係有點奇怪…有幾點要讚既：1.員工有盡力處理2.食物有水準3.環境亦有水準4.咖啡質素有水準（我杯齋啡要加8蚊嗰款）要改善既有咩就留待貴店去了解。真心想再幫襯，有機會再留食評。…查看更多

紅雨、睇完醫生、肚餓、去左同場另一間食左啲野而感覺麻麻既我決定同場再試另一間，由頭行到尾，隨心決定就呢間啦，伏多次都要食番啲想食既野，一座低就點了下午茶餐生炸雞脾🍗薯條🍟加凍奶茶🧋。店員好熱情送來一碗例湯，免費的，盛情難卻，拒絕不果，來了就試飲吧，花生眉豆豬骨雞腳湯，料好足，味道都夠，少鹽就更加好👍🏻雞脾係夠味既，略嫌乾左少少🤏，總括係中上質素；薯條係有波浪紋既，年少時回憶馬上回來補償番我剛才缺失的那一塊兒。凍奶茶，茶底對了、顏色對了、少甜少冰都剛剛好，我唔敢話佢超好飲，但起碼都要甘先叫質素！值得再encore下次試試佢既凍鴛鴦凍咖啡先…查看更多

首先讚一讚OpenRice搜索引擎，令大眾真係會搵到當時方便易搵既食店，今晚踏進店內的確沒太多顧客，店面的座位未坐下都覺得不是太舒適，因為是矮枱矮凳，未食已經覺得食嘅時候會好辛苦因為要彎腰低頭，牆壁掛了食物餐牌亦有一個易拉架的食物餐牌，它的裝潢確實簡單，未食就有少少擔心伏味濃。是晚突然想吸收一點澱粉質但竟然沒有飯，唯有改點豬扒濛粉，不似平時食開的濛粉，有點似米線，但幼條兼少少彈牙，加有「𡁻口」的，食物是意想不到的好味。另外都點了春卷濛粉，春卷炸得剛剛好又香，都是一般越式春卷應該有的餡料。點餐加$18就有杯越式咖啡，以為是正宗滴流的，但又不是，形容為帶炭燒味又少少苦的黑朱古力咖啡，夠熱，好飲既，不過提一提大家晚餐七八點喝咖啡代價就是現在零晨三點鐘寫食評比大家引以為戒。寫完，係時候去訓，希望訓得著。…查看更多

還未跟你飲過冰 零度天氣看風景...還未去到日本，唯有去一下位於太子既和食屋，小店面積不大，但確有日本居酒屋的風味。食物種類的而且唔算多，但勝在食品及飲品質素搭夠。是晚點了的食物印象深刻是燒雞心，鰻魚飯，芝士年糕，還有點了的梅酒及清酒，詳細不在此描述，看圖予文，等待大家去試試看。值得一提店雖只有十五座位，是晚坐滿人都不算太嘈雜，樓面職員收拾很勤快，最怕和杯盤狼藉沒人收拾的情況。很有人情味的和式小店，輕輕鬆鬆過了一個happy Friday, 特別愛杯中物的朋友要去試下枝雪影！…查看更多

逆市疫情令大家都無心情出外用膳，唯有「無飯情侶」介紹一間值得一試的好店！店面裝潢簡約而chill，少少窩心是每枱都有消毒揉手液及口罩紙封，講番食物方面每每令人驚喜！Daily soup - 南瓜濃湯，新鮮製造，值得一提是餐包表面層香草，讓人嚐出一陣熱浪薯片既味道，令人懷疑的是牛油都是新鮮製造！Salad - 牛油果大蝦凱撒，擺盤確實令食客好奇，四小格的醬、煙肉、麵包粒和芝士粉，說到這個用anchovy 打成的沙醬，味道似生蠔的鮮味，特別有趣！Main - Parma ham n chorizo risotto, 只看擺盤都令人食慾大增，Parma ham 薄切但味濃 ，味道一流，碟上撒了一層辣粉，這樣細心的擺盤，確實令人驚喜！最後點了的Crème brûlée, 略嫌焦糖厚了一點，這次我認為less is more，但cream的味道及質感是很軟滑的！這間店疫市生存，食物裝潢優秀，極力推薦大家來一試，因為佢杯紅酒🍷好好飲！Happy hour 仲buy one get one free!…查看更多

行行行食食食成了我們拍拖的指定假日活動，發明openrice呢個search engine真好，只要有耐性打一些關鍵字，就有可能找到好的餐廳！喜歡鐵板燒的朋友絕對不能錯過；不喜歡的朋友更值得一試！鐵板燒可愛之處除了能食到美食，與廚師的交流，隔離枱的食客都很重要，點解？睇相不多說..............................是晚多謝廚師（實為老闆？！）為滿足我貪吃的心理，只時戲言說要有塊多士佐蝦膏汁食，他就立即處理我的要求亦要多謝隔離枱妹妹想食魔鬼多士，我也不知道原來沙糖加麵包就可以變成魔鬼👹！最後好想多謝接我訂座電話的職員，我只是查詢過拿蛋糕到店切餅費事宜，當我們吃飽時居然有「生日甜品」及happy birthday既音樂....我被嚇了一跳，今天不是正日喔！哈哈...他有點尷尬，我就更加，不過總要感恩生活中有些素未謀面的人為自己做了的一些事！…查看更多

寫食評前好想比個讚這間店的服務員、廚師及店主，怎樣的食物及服務能讓客人感到愉快，你們都做到了！不過可能是平日關係，是晚只有我們一枱二人客，顯然有點冷清，若店能把光調較得暗一點，情調會浪漫一點呢！不過入店前我看到室外有些小枱，客人若揀室外與三五知己飲杯，的確不錯！話說回來食物的確美味，明明不太肚餓的我，食完前菜後居然肚餓起來，食材新鮮烹調至擺盤都很精緻，不足只是洋蔥湯偏咸，但洋蔥湯內的法包、頭盤帶子、蟹肉藜麥沙律及主菜羊架都很美味比個讚廚師餐廳在大坑較偏的一個位置，略懂地圖的話都不難找到。雖然時世疫情不明加經濟環境低迷，能夠在此寧靜環境下與喜歡的人慶祝生辰更加要珍惜！…查看更多

沒有詳細記下吃的是什麼，相片說明一切，吃了什麼也由記憶及腸胃記住一切，只記得用料非常新鮮，咖啡豆來自非洲。店內裝潢很精美，由傢私，窗簾，裝飾擺設，掛畫等等都很有特式。在香港很難會在鬧市中有這樣一間店的服務佳及食物品種我認為是偏門的，但偏偏卻令你喜出望外，一試難忘。我們各點了一個主食及飲品就花上一個下午，當天是公眾假期，店舖位於黃竹坑某一商廈的15樓，期間都有不少食客，大家各有目的的光顧。店內有間party room,應該是可出租作function之用，用作烹飪比賽也很不錯吧！地點對於我來說有點遠，不過是次光臨令我非常難忘，多謝店主打理一間這樣的餐廳！…查看更多

今餐性價比高，食物品質好，服務也很好！小店一間，最後得知一個廚師一個樓面，我猜想兩人應該是該店老闆，才能做到咁有人情味，服務質量佳。是晚點了火灸油甘魚鮫、厚燒玉子、豆腐唐揚、燒墨魚咀、豚腩肉、枝豆、忌廉薯餅、和牛炒飯及清酒。值得一讚是豆腐唐揚、火灸油甘魚鮫及和牛炒飯，豆腐是小吃但令人一試難忘，油甘魚鮫的油香很甘香以及和牛炒飯都很足料可口。以上只有枝豆是可以改良一下，我估是汆得耐了少了咬店內位子不算多，亦有客人現場等待用膳，所以記得預計位子啊。店內有電影播放下，雖然無聲，看著字幕版的「蝙蝠俠」也很有趣，最後店長友善的讓我點播「Toy story 3」走的時候問了店長只有兩人打理是否很辛苦，他是笑著回答很辛苦，我認為有目標的辛苦也是值得的！加油啊，我這種吃貨一定會再光臨貴店！…查看更多

科技發達教曉大家容易找到食.....肆開餐，網絡推薦好評如潮與合適自己口味是有分別的。幸運地今晚來到chef’s secret大快朵頤，離開的時候大家是一肚滿足。食物款式與一般西餐廳的餐牌不大相同，由熱湯，沙律，前菜，主菜，飲品都各有少驚喜。熱湯是紅菜頭甘筍湯，味覺清甜，健康之選。沙律也是健康之選，有一兩片酸筍（應該是除非不是），很少餐廳會加入此材料，挺特別。是由於訂座餐廳送上頭盤，絕不取巧，材料不詳，只知有小米制成，是好味的。主菜點了青口及牛排，青口似是一般急凍的，要讚是沒有雪味及不過火；牛排就煮得過熟了一點，牙齒要動多一點吧，飲品點了芫荽latte, 樣子普通，初聞不到，再呷一口，視嗅味覺齊呈現，多重感覺，總括味道價錢是性價比高的。服務員有禮貌也是個可人兒。雖然用餐時間偏長，朋友不時著我不用焦急，應該是用心制作需時，食飯慢一點，等都可以是種享受。走的時候忘記多說一句：味道很對！謝謝你們用心制作的。…查看更多

我很愛吃台灣正宗的鹽水雞，每次去台灣總會買來食，正如我每次到葵芳都會去呢這店間買一樣，無他，雖說神不似，至少有形。若形神不備，我還要繼續光顧嗎？這店開鋪不久，水準都能保持，日子久了，份量開始少，味道調的每次不同，要辣沒有加，我明白忙中總有錯，偶有一次配少了一款菜是情有可原，不過 貴店亦沒有理由以此作借口，所以我曾經要求此店配還上次欠加的菜，雖然店員是願意配還，但我總覺得他們的眼神在訕笑我。當然我沒有錯，我不會理會，還有一句"不好意思"我都沒有收集到。今日會寫這篇食評，確實用了十蚊買了難以接收的冷面，相對地其他的配菜份量又少了，3分2是面，3分1是菜，感覺是受剝削了。奉勸大家....十蚊，不值。雖然錯漏百出，形不像神不似，我會繼續幫襯嗎？我...相信孔子。…查看更多

忘記了在那裡吃過海鹽雪糕, 是雪白色的, 味道恰到好處,相反,那天正等待朋友下船, 路經碼頭,天時暑熱,吃了杯XTC就是, 橫掃一眼, 亦試了一口那"焦糖海鹽"味,初嚐一口都可以接受, 顏色像一般咖啡色, 有點溶, 要加快節奏把它扒光就是了,愈食味道愈濃,忍無可忍要拋掉, 因為真是太鹹了.製造商者,這口味應該很多人都喜歡,但為消費者健康著想,可否低鹽製作?…查看更多

這是我第二次來這店,卻是首次受這對待!不是氣憤,只是有感而發.食物一般,服務卻有待改善.我明白每間餐廳定出來的"任食時間"是要切實執行事緣限定時間快到,店長會遞上單據要求客人結帳,人客都應自律結帳, 在預定的時間離開讓出座位, 已經結帳了,店員(應該是經理)立即上前忙著收拾我兩人用膳後的桌面,喃喃自語道: 兩位..已經夠鐘..請..離開 (其實我不太聽清潔經理在說什麼,不過既然時間已到,我們都打算起來離開)我: e...原來真係夠鐘就要走,眼看男朋友正在把雪糕一啖一啖bug入口再問(向店員): 係咪要即刻走?店員: 係,要即刻走.(佢又唔係好大聲的說, 不算無禮, 但我真係有點odd既感覺)在剎那間,腦震盪出考試先會出現的畫面: time is up, put down your pen....我們都戰戰兢兢地停止所有舉動, "監考員"要你停bug你仲唔停bug??!!哈哈, 有感而發,大家緊要記得量時而為!…查看更多