tungtunglaw的個人專頁

其實我真係好鍾意食泰國野👉🏼👈🏼成日試唔同既，都覺得泰壹泰係最好架😋由於成日幫襯既關係，所以好多野食已經試過晒，有幾樣係必試既😈燒原隻大頭蝦：$25隻其實佢燒既多野都好好食，因為唔係預先整定，即叫即燒，可能會等耐啲，加埋香港人真係太心急既關係，見過幾次有人係叫催老闆娘（泰國人），作為食客真係睇唔過眼😤咁趕，去食大家樂啦笨！講返隻蝦，又大又滿足，肉質結實，唔會梅林林，試過有幾次都話冇貨，相信係新鮮小批量咁買既😋可以放心食用。燒牛肉：（好似係$68-78）呢個真係好好味！牛肉唔會用鬆肉粉加工過，原汁原味，唔食得辣既人唔點佢個醬，都依然食到香香既蜜糖味😫 邊打邊流口水海鮮冬蔭功金邊粉：$38個湯係我飲過，比小曼谷出色既冬蔭功🙈顏色雖然淡，但係味道好濃，唔會淨酸唔辣，又唔會淨辣唔酸！海鮮配料有：魷魚，蝦，菇類，青口$38黎講，真係超晒班啦！每次去我都會自己食晒一碗😋馬拉盞炒芥蘭：$38佢個馬拉盞香口既程度，係一拎出黎已經可以聞到陣香味！唔炒通菜既原因，係因為炒芥蘭同馬拉盞真係好夾😋真係會忍唔住，食完一條又一條！青咖啡海鮮炒飯：（$48-58忘記了）唔好睇佢好和善，其實佢會辣到你飛起！佢係濕炒既，青咖哩同啲飯混合埋一齊，每一啖都係刺激緊你味蕾！又香又好食😫鳳爪：$38（好似係）泰壹泰既青木瓜沙律，鳳爪沙律其實都好好食，因為味道調較得好好，酸辣既真係好開胃！其實仲有太多好味道既野食，例如係燒豬頸肉，生菜包，炒金邊粉等等寫食評既時候掙扎左好耐，唔想其他人一窩蜂去試，搞到以後要大排長龍先有得食👉🏼👈🏼泰壹泰是最好的😩…查看更多

同好姊妹慶祝生日，有朋友話不如試下上海野，唔貴又好食咁話。但係明明南小館就係德福商場，於是我地就抱住半信半疑既心態，去試下啦！雖然係上海菜，餐廳裝修得似西餐廳咁，以為係食fusion 菜添，坐得幾舒服。（不過留意返，入座起計算90分鐘用餐時間）第一道黎既係：綠色炒年糕由於係壽星女發板，所以都唔知佢叫咩名😅味道方面就好出色！綠色既應該係⋯菠菜？伴住小小肉絲，年糕唔會硬到㧸死人，又唔會淋到冇口感，最重要係，佢好入味！唔會好似出面啲上海菜館咁，顏色濃濃而冇味！呢個認真出色👍🏼佢其實仲有好多款年糕，老乾媽年糕都好想試下！四小拼（醉雞、口水雞、木耳、冰肴肉）呢個係自己揀4樣小食，所以我地就揀左呢四款口水雞既麻香👍🏼醉雞就不過不失，木耳有啲wasabi味伴住，香得黎又唔嗆喉，開胃👍🏼冰肴肉就第一次試😌口感好得意，咸香咸香咁。蟹粉小籠包：👏🏼👏🏼👏🏼挾既時候，需要運用一啲內功，令到皮薄既小籠包唔好穿，唔好蝕左好味既湯汁😋豆漿勝瓜：好新穎既配搭，聽到個名就知道健康啦！勝瓜食落口好多汁，配埋豆漿😋😋😋😋👍🏼👍🏼👍🏼太讚喇！唔知咩名既大餅🙆🏼Er …由於我唔食香口野/有芝麻既野，所以不予置評啦😝抄手：如圖所示，出色！不過辣味可以再添啲添啲☺️☺️家鄉魚：呢個上菜既時候，已經太香既關係，所以竟然冇影到相！！！酸辣既湯汁，一件又一件冇骨既魚塊，魚塊又索晒啲湯汁！成件事實在太好味啦😋😋😋😋必叫，必點！$68一兜，經濟又實惠！…查看更多

個日同朋友下定決心，明知等位要等到天昏地暗都食小曼谷，因為以前食過，味道價錢都一樣咁出色。當日去到大概6點鐘到，出面已經堆左一班人等位，而餐廳就已經坐滿左⋯⋯實在太厲害喇，飯市岩岩開始已經咁爆！由於等位既時間太長，我地已經plan好晒想食咩，一個鐘後我地終於排到入去😅酸辣鳳爪沙律🙆🏼個汁調得唔錯，食落感覺超級開胃，又清新醒胃，炎炎夏日真係岩晒！亦因為個頭盤唔錯，令我地對主菜既期望大左😩泰式生蝦😌👍🏼生蝦呢樣野，真係唔可以隨便嗌，啲貨一去得唔快，唔夠新鮮既話，肚子就會迅速受罪！不過小曼谷日日人流咁勁，相信唔新鮮極都有個譜，所以都嗌得過👍🏼食生蝦除左新鮮，個汁都一樣好重要架，試過有啲鋪頭個醬係青色偏辣，又試過有啲係橙色偏酸，而呢個，就係唔辣淨酸，好似有啲遜色喎👉🏼👈🏼冬蔭功（細）：冬蔭功係我既最愛，毫不猶疑，兩個人點小煲。材料有3隻蝦，秀珍菇，同蕃茄。味道方面😩飲完就開始懷疑自己係咪去左間翻版小曼谷，點解會咁唔泰國既？如果食過泰國一隻冬蔭功即食面既，相信一飲呢個冬蔭功，一定以為自己係飲緊味精湯粉！成個湯唔辣淨酸😩可能連味道湯粉都好味過佢⋯⋯香葉炒蜆🌚呢碟炒蜆令人愈食愈失落⋯⋯炒蜆應該充滿鑊氣，唔香都最少乾身嘛，一黎到好似鹽水浸蜆咁！冇鑊氣，唔香，梅笠笠咁，食落口仲要偏甜，好唔泰國既「正宗泰國菜」呀😩 有相為證：食完可以仍然有咁多水！係咪太誇張喇😂😂😂總結：小曼谷到底幾時開始水準下降😂唔通唔憂做就可以忽略食物既質素？雖然價錢比九龍城任何一間泰菜都超值，但係味道唔掂嘛😕希望佢地會改良一下啦👏🏼成餐飯覺得ok既兩樣餸都係唔洗煮就食得既凍盤🙈咁好難可以繼續支持架喎…查看更多

朋友話想重遊以前讀書時期既浦點，所以就黎左自修室附近呢間「飯堂」根據證人既口供，呢到平時好多學生哥，隔離又係戲院，係熱點中既熱點😂問佢有咩好食，佢話冇架，不過大件夾抵食⋯最後我擇左上海糖醋排骨菜飯：黎到既時候，我發現我太年輕喇，原來係碟頭飯方式上既🐷🐷份量十足，女孩子應該多數食唔晒，為左唔好浪費，我建議可以叫「少飯」！味道方面，糖醋排骨個味道唔錯，酸酸甜甜好口胃😋而個菜飯呢⋯⋯可能菜唔夠多？定係唔靚？菜飯冇左個種好香好香既味道，反而似係平時食白菜仔剪碎佢係咁二撈埋啲飯咁👉🏼👈🏼不過以呢個價錢，其實已經合格有餘啦！同埋做開學生生意，係咁上下啦😁食既時候見到對面有人食緊粉絲，好似都幾好味咁，如果有機會，下次我會試埋個上海粉絲啦👏🏼…查看更多

屋企人生日既關係，終於有藉口試下呢個遠近馳名既蛋糕。玫瑰花型既雪糕就試過，而蛋糕呢…就真係第一次！成個蛋糕係一朵花既形狀，外表已經可以氹到主角好開心啦！盒入面會有兩包乾冰，得呀玫瑰唔好熱到走樣。玫瑰花既花瓣係甜到漏既朱古力🙊而入面都係甜到漏。$490買佢個樣真係好貴好貴好貴🙈特別係大家影完一輪相都唔想食佢, 就更加覺得浪費💸💸…查看更多

長沙灣有咩好野食？唔想食連鎖餐廳，就可以試下支持呢類小店啦。店頭面積唔大，由一大班姐姐主理，令人不禁聯想起譚仔😂 而佢開放式廚房既設計，可以見到姐姐係到即叫即整，好有家庭feel 😂 當碗麵黎到既時候，就會心諗：嘩！呢個咁似琴日晏就煮個麵既！洗乜出去食！我既蕃茄餃湯麵；同朋友既牛肉餃湯麵。睇相個樣真係平淡到同屋企煮既差唔多，但係一食落口令人驚喜既係佢既麵條！中式既麵條其實有好多款，就連上海麵都分左唔同既質感。而呢一款面，睇落比烏冬幼啲，食落口既時候好煙韌，好香麵粉既味道👍🏼😋 比起成百蚊碗既「日式拉麵麵底」有過之而無不及！讚👏🏼👏🏼👏🏼👏🏼餃子方面，因為係自製既關係（食既時候見到一位姐姐係隔離包緊餃），冇皮薄，但係就有真材實料！撈入去既豬肉唔係頭頭尾尾既肥膏或者核突肉，所以食起上黎唔會有一大陣豬臭味，亦都唔會一咬落去成口油，成個感覺好踏實咁😋讚👍🏼另外見佢幾特別咁有得嗌蕃薯苗，所以就叫左一碟。蕃薯苗係好健康同有益既菜，因為纖維特別多，出面既鋪頭亦比較少有得食！味道方面，食慣重味既可能會以為自己食緊草，但係就正正係白灼先可以食到佢本身淡淡既個種香味！如果有機會又唔介意啖味一啲既，嗌黎試下都唔錯，唔洗餐餐菜心生菜嘛。…查看更多

以前補習總會經過呢間聰嫂，每次都會食龍眼冰😋因為價錢合理，又真材實料，夏日炎炎透心涼！唯一就係…龍眼冰好快就會賣晒😣所以要食就要早啲去啦。佢上面有椰果同一粒粒既透明珠，啲冰唔好以為白濛濛就冇味，其實佢係將啲龍眼肉打碎左，混埋入去！所以每食一啖，都會有好清甜既龍眼肉同冰一齊！一萬個真心推介🙈朋友既蜜瓜西米露：聰嫂既蜜瓜西米露同士多啤梨乳酪西米，都係西米同果蓉整成既冰分開上，等客人可以自己調配岩既份量。可以得閒就淨係食下啲果蓉冰，得閒又加啲西米落去咁！總結：如果冇記錯既話，上面推介既呢兩款都係20$幾蚊，比起出面既糖水鋪，價錢相宜👍🏼以前就好似得將軍澳一帶有，依家聽講開左分店係銅鑼灣，唔知質素係咪一樣呢😝真係要搵日去試試先。呀，順帶一提，佢既班戟都好出名，家母最愛佢既榴連班戟，話出面食唔到咁真材實料既味道，不過亦都係好快賣晒既熱門，下次幫襯不妨又食又拎（外賣），做個孝子🙆🏼…查看更多

太陽蕃茄蜆肉拉麵：作為蕃茄愛好者，點可以唔試下呢個太陽蕃茄拉麵！餐牌到好似寫住話每碗湯麵都用左3隻意大利蕃茄淆製而成🍅🍅🍅而且仲推介食完拉麵可以加飯，撈埋啲汁同飯話會有另一種風味。講返個拉麵先，個湯底的確好濃郁，而唔會淨係得個顏色，當中仲夾住左蕃茄蓉，讚👍🏼令我就算食完啲麵都仲想繼續飲湯😋而個麵方面，就係普通拉麵，冇咩太大特別之處，不過以咁既價位黎講，就唔太抵食啦。麵既份量可以再多啲。蜆肉吸收晒濃濃既蕃茄湯👍🏼唔會出現打唔開殻/有殻冇肉既情況👍🏼😌係唔錯既。總結：太蕃茄拉麵不愧係主打鎮店之寶，好食好食😁 不過唔知係咪因為係新都城入面既關係，承受住貴貴既鋪租，所以令價錢同份量有啲…😌 整體黎講都係幾好既，但係男士們一碗再加小食都未必會夠飽啦🙈…查看更多

初伏天忌凍食，食辣為下個寒冬做好準備🙆🏼呢間餐廳都幾多人排隊😂而且幾多遊客黎食添，有啲意想不到😝打開餐牌發現原來價錢都唔平，心大心細樣樣都想試啲，見到隔離個面細細碗都$50，於是就叫左套餐 - 278$免加一：口水雞：套餐黎講，呢個size就真係excellent啦，同例牌好似一樣咁濟（例牌$66）味道香香的，雞肉又唔會鞋鞋的，唯一係😂碎骨有啲多。唔知係砍雞既問題定咩，啲碎骨出加地多，食既時候要小心啲先得啦👍🏼呢個係好食既，推介。小食：可以揀兩樣，我地揀左茄子同皮蛋；另外豬手同鳳爪二揀一，我地揀左鳳爪。其實小食都冇咩特別，唯一係個鳳爪有驚喜😂雖然佢係泡椒鳳爪，但係又唔會一味死辣，而係真係有個種香既椒味出黎👍🏼而個皮蛋🌚臭臭的！茄子就中規中矩。四川泡椒軟殻蟹：當我地仲疑慮緊係咪太貴做左水魚之際，軟殻蟹令我地心服口服😈 滿滿既辣椒好似好嚇人，其實軟殻蟹辣得一啲都唔過份，而且仲好香，唔會炸得粉厚過肉，而最興奮既係，咬開之後，係會見到白色既蟹肉，大滿足🙈👏🏼 味道真係好有風味，香脆可口好似好out, 但係真係形容得好貼切架！同埋…終於唔係食空心蟹啦！當你覺得個套餐$278太貴既時候，諗返你某連鎖餐廳必點既「避風塘軟殻蟹」份量少質素下降都要百幾蚊；即刻覺得呢個$278既套餐有雞有蟹係超值😂桂花凍：套餐除左一人一碗白飯，仲有一人一客甜品，就係呢到著名既桂花凍，單點好似係$28？桂花味道唔係人人鐘意同受到，加上佢個桂花汁，第一啖食落好似雞精種質地😂好奇怪！但係食下食下，就會慢慢接受，而且一食完即刻所有辣意都消失晒😱好神奇呀，「點解既，點解既」，真係好神奇呀😂😂😂👍🏼總結：整體黎講，呢個套餐真係幾出色，軟殻蟹係必點項目👏🏼😂唯一不足既，係店員既態度。因為食緊既時候，有位太太行入鋪頭問一位男職員（店長/老闆？）有冇執到一件小朋友既衫仔，其實鋪頭空間又唔係話好大，個陣既客人又唔多，幫位太太搵下，或者俾佢入去頭先個位再睇只係舉手之勞，點知個男職員即刻板起埋面話冇😱明明佢睇都冇睇過，人地好聲好氣，何不以禮相待呢？…查看更多

一星期食三次泰國菜🙈今次試下觀塘區既「興興」，見佢係openrice排得幾高，點知被伏了😂生菜包-58$份量都算多，兩個人食岩岩好。不過上菜之後，唔知啲豬肉係未解好凍就炒，定係唔靚，成碟都好大陣臭豬味😂雖然已經落左好多乾蔥香料炒，但係陣豬味已經好濃🙈辣味方面係🙅🏼不合格，只可以界定為「港式生菜包」，因為一啲泰式既味道都冇🙈泰式海南雞撈檬-$45從圖片就知，雞肉係有幾多舊啦💁🏻有雞皮睇到唔代表有雞肉係到😂真係有之前既食評講咁「抵食」嗎？味道方面，都係唔辣既，只有魚露酸甜既味道🙈冬蔭功金邊粉 - 40$入面既材料有：蝦、秀珍菇 同金邊粉😂好似係屋企自己煮面咁，味道竟然係偏甜，微微微辣，冇椰香😂好似某某泰國著名杯面既湯底一樣，同出面人地用材料煲出黎既完全唔同🙈是用味精煲的嗎？鋪頭除左泰菜，其實仲有雞煲，下午茶餐，烏冬餐等等，簡單啲講，就係咩都有齊🙆🏼好唔好食方面，真係冇之前啲食評講咁好食🙈係水準下降左嘛？…查看更多

之前食過一次，覺得係商場入面呢個價錢質素都合理，於是放工就同朋友黎再試下其他菜式。點知😩退步了。柚子沙律：嗌野食既時候，掙扎左好耐，到底試青木瓜沙律好；定係柚子沙律好呢👉🏼👈🏼最後，開胃酸甜既柚子沙律獲勝👏🏼 用一個玻璃罐入住，感覺上滿滿咁裝晒柚子，視覺加分😎 味道方面，就連我依家一路打食評，一路都忘記唔到個種酸😂 外面既柚子沙律，多數會又辣又酸；而呢到既可能因為用罐裝住既關係，撈極啲味道都係太集中係一忽，變到有啲好酸好酸，有啲就帶少少咸同少少辣🙈 所以「人不可貌相」係岩架。芒果軟殻蟹卷我對芒果同軟殻蟹既熱愛程度簡直係爆晒燈🙈既然有咁既好機會，梗係要一碟啦。入口既時候，覺得成件事都好健康😂菜包菜包芒果包軟殻蟹。雖然有汁可以沾，但係本身個卷太乾，想試下佢原有既味道，發現原來係冇味既😐 芒果少少既一舊，包係入面都冇芒果既香味出黎🙈而軟殻蟹就係炸左好耐咁，食落口感覺好油呀。冬蔭功炒飯黎到最後略為完滿既冬蔭功炒飯👏🏼 充滿住香噴噴既冬蔭功香味，連唔識辣既朋友都不停食不停食！呢個推介👍🏼總結：咁岩openrice想打食評既時候，發現原來觀塘都仲有幾多泰國菜食，既然有咁多選擇，希望快啲提升下食物既質素啦，咁先會長青架嘛👍🏼👍🏼…查看更多

鍾意食泰國野既我，有日lunch 同同事黎左公司對面呢間泰菜，一睇牌就諗「嘩，咁貴既，一個餐加凍飲要成$80」「可能物有所值，好好食呢」最後我就點左青咖哩雞飯，可以揀湯/青木瓜沙律，我揀左青木瓜沙律🙈作為小食，呢個份量係好合理既。味道方面，既然呢間係泰式既餐廳，味道方面就完全唔合格啦😂明明係青木瓜沙律，點會紅蘿蔔絲多過青木瓜，而且冇青檸汁既味道，食落去一啲都唔fresh, 有啲失望呀😓再黎係主菜：青咖哩雞飯上菜既時候，見到個樣咁靚，於是就充滿期望，忘記左青木瓜沙律既怨屈。青咖哩汁方面，一啲辣味都冇，只有濃濃既椰味，個汁係比想像中稀既，冇青咖哩個種應有既口感。而平時青咖哩會配上既蔬果由青椒變為矮瓜，但係矮瓜食落口，竟然一啲青咖哩味都吸唔到😂😂😂 而雞件方面，一食落口已經發現雪味好重。總之成件事就好伏咁，成個set連加一就$80 啦！而同事食既海南雞飯，冬蔭功沙河都係$80，聽佢地講都係麻麻😂作為一間工廠區既餐廳，每日都係同一班客仔，空有裝潢同擺設係唔夠架，野食質素一定要提高先可以留住客人，希望會改善一下啦。…查看更多

第一次朋友話試下小時光既時候，心入面其實抱住「又係得個名既cafe,肯定又係好睇唔好食,貴價又唔飽啦」既心態去試。去到既時候，發現小時光入面既佈置的確係幾有趣，好似一間小學咁，店員係年輕人，全部著晒校服添。另外，店入面仲存有好多漫畫，可惜我淨係識蠟筆小新同多啦a夢，係入面都搵唔到 😂坐低之後，店員細心解釋點餐同取餐都係要出去，幾有禮貌👍🏼。可惜係全店只有一條窄窄既通道行來往，有人點餐有人取餐仲有人不斷影相，其實都有啲唔方便，其實自助既概念係好，但係啲硬件好似support唔黎喎😂野食方面，其實我已經黎左4次，所以就一次過介紹下啦。綠茶紅豆 - 綠茶本身單飲係一啲甜味都冇，口感係厚厚個種，將佢倒入去有紅豆既杯到，拌勻之後甜味就開始出黎啦🙆🏼唔會太過甜，都值呢個價錢既，唯一係，份量有啲少。累糖奶茶 - 朋友試完話奶味太重喇，但係配搭黑糖既感覺好得意，不過略甜。荔枝蘇打 - 我既最愛，杯入面仲有荔枝肉，飲落口好清新好fresh，爽爽👍🏼牛肉定食 - 配有沙律既牛肉定食，朋友話睇落份量好少，但係食極都好似食唔晒咁，$48黎講都幾滿足。台式滷肉定食 - 每次去到都會必點既🙆🏼岩晒心大心細既我。一碟有齊豆腐、牛肉、雞翼雞腿、蘿蔔、蛋，配埋滷肉飯，再加碟配菜，☺️☺️☺️☺️正正。睇相就知道，佢地既顏色好深，每樣都好入味，唔係出面打住「台式料理」味道一般既水準。而且份量都幾多，推介👍🏼總結：小時光既野食唔錯，環境唔錯，店員亦都幾有禮貌。即刻有唔少人為左影相而黎，店員亦都唔會黑口黑面，仲主動幫手揸機👏🏼😂 要改善既，就係餐牌上面食物既選擇唔多，而且每次去到都只係得同樣既野食，其實可以得閒轉下餐牌既😁 同埋應該要研究下自助既方式點餐取餐既可行性，當人多既時候，真係會幾唔方便架🙆🏼🙆🏼🙆🏼…查看更多

夜麻麻10點鐘，原先仲怕係九龍灣會搵唔到野食，朋友話一直都好想試呢間，好彩未收😝食物既價錢就okay la , 反而野飲真係好平！簡直可以同北京價比😂岩晒一大班人，夜晚黎飲野食串燒👍🏼向日葵🌻$29味道似 fruit punch ，入面係 vodka, 西柚，菠蘿汁仲有其他野😂甜甜的，唔會有葯水味👏🏼👏🏼👏🏼重點係, 只係29$！朋友既秋月之選（？） 都係$29一睇佢個look就知道係菠蘿味為主！不過我好怕個種似消炎藥既味道, 反而朋友就覺得唔錯😝 總之我就唔愛佢喇！蒜香牛肉鐵板飯$42對比 pepper lunch , 呢個價錢算係咁喇👍🏼而且飯既上面仲放左一舊牛油，一上到枱，香噴噴咁，係十萬個肚餓之下，仲識得俾部相機食先😂真係唔容易喇！牛肉既份量唔算多，但係味道整體真係唔錯既👏🏼多多支持呢種小店，比起大財團更好喇。而且，42$黎講真係唔錯。鐵板餐除左牛肉，仲有三文魚、帆立貝、漢堡扒呢啲；串燒選擇都幾多，不過太肚餓既關係，所以食飯更飽肚喇😝…查看更多

香港人每逢聽到「芝士」兩個字就會好雀躍，就好似之前大熱既芝士熱狗，芝士豬肋骨咁。今次聽到「流心豬扒」就心諗，嘩！咁犀利，有芝士係豬扒中間流出黎，實要試下啦！大吃一番係長沙灣地鐵站行過去都唔太遠，加埋有goggle神既幫忙，所以都幾易搵到。鋪頭既餐牌好得意，用自己畫既卡通公仔去表達點樣菜，同埋有咩款揀。Step 1:揀好自己想食既湯底，我就揀左蕃茄湯；朋友就揀左芝士龍蝦湯。除左呢兩款之外，其實仲有其他湯底，實行任君選擇咁話😂Step 2 :揀材料！我就揀左流心豬扒；朋友就揀左大吃一番，另外有豬手，牛柳粒，海鮮，蔬菜呢啲（其實我係牛柳粒同流心豬扒中間諗左陣先下決定😝Step 3 :最後就係揀要飯，拉麵，定係烏冬🙆🏼佢地呢到既烏冬拉麵或者飯麵係用石鍋上，熱辣辣，冇咁易食幾啖就凍晒唔好食。 再或者可以俾多15$變餐，有得配小食同飲品咁。朋友嗌既芝士龍蝦湯大吃一番拉麵我試過佢個湯，都幾香，加埋熱辣辣咁上，就唔會覺得好漏🙈不過，所謂既大吃一番，材料就比較冇咁吸引嗌！好似係豚肉，溏心多咁樣。最弊既係，「一啲都唔漏」呢個形容詞，只係適用於熱食既時候，當個拉麵開始唔再熱既時候，佢個味道就開始愈黎愈濃，愈來愈咸，重口味到呢🙈🙈另外，我叫既蕃茄流心豬扒拉麵。拉麵同豬扒係分開上既，豬扒係唔錯，可惜佢係夾心，而唔係流心。本身拉麵入面亦有好多料，包括左有蟹柳，日式魚蛋，紫菜粟米呢啲。整體都唔錯，只係，真係太重口味，太咸啦！愈食就愈咸，咁樣唔係幾健康喇😂😂😂…查看更多