JoyfullFoodstagram的个人专页

福岡嘅美食分享暫告一段落，又再同大家分享返香港嘅美食😛呢間位於旺角嘅Grind Size，我哋大概1年半前都有介紹過，上個月我哋再去食，試咗其他未食過嘅菜式😋 甜品依然出色😍•🥢 香煎帶子三文魚籽明太子手捲粉 $148帶子表面微微煎香，入面保留刺身嘅彈牙口感👍🏼 手捲粉有啲似𠝹咗一刀嘅長通粉咁，中間包住唔少明太子醬，口感相對上實少少，比一般食嘅長通粉無咁彈牙～ 明太子醬入面仲有唔少櫻花蝦，再加埋三文魚籽嘅鹹香，好惹味😋 但食到最尾會有少少膩🤭•🥢 香草煎封門柳 煎雙蛋 Sourdough $128封門柳份量幾多，每層有4-5件，口感幾嫩，而且幾有牛味，配埋流心蛋黃就更加滑溜🤤 呢個sourdough幾有驚喜🤩因為除咗封門柳同埋流心煎雙蛋之外，封門柳同麵包中間原來有薯蓉！薯蓉口感非常軟滑，應該落咗唔少牛油🧈 加埋麵包一齊食都幾夾，但係有個缺點就係會搞到塊麵包浸腍晒，無乜咬口😣P.S. 發現新餐牌無咗呢款了🥲•🥢 火炙松露荷蘭汁脆炸薯條 $88薯條份量好多，而且的確幾脆，但係個醬就比預期中有啲落差，食落似普通嘅松露沙律醬😬 •🥢 海鹽焦糖玉桂蘋果牛角包窩夫 $72之前食過檸檬茶味心太軟已經好鍾意，今次就食吓牛角包窩夫！ 雖然依加好多cafe都有得食，但呢份依然有佢出色之處，連唔太好甜品嘅朋友都讚佢個海鹽焦糖醬😛 牛角包窩夫夠酥脆，唔會因為落咗配料而腍晒；玉桂蘋果粒切到好細粒，每啖都食到之餘又好入味；重點係海鹽焦糖醬啱啱好，估唔到同玉桂蘋果同埋雪糕係咁夾🤤…查看更多

雖然油尖旺已經有唔少cafe，食嘅嘢都係差唔多，但有時收工想同朋友揀間坐得舒服嘅餐廳傾吓偈，好似都係會揀返cafe~ 有次碌到呢間位於太子嘅「賞島咖啡店」，見佢嘅餐牌有個海膽意粉好似幾吸引，就揀咗呢間試吓😍•🥢 Dinner Set $488 for 2我同朋友加埋3個人就叫咗一個二人餐，有齊餐湯、沙律、意粉、主食、甜品同埋飲品～ 我哋另外加咗一個小食～ 當日唔算好餓嘅我哋，咁樣已經好夠飽🤣📸 是日精選餐湯 - 番茄濃湯📸 海鮮龍蝦湯 +$28侍應見我哋有三個人就送多咗一碗番茄湯俾我哋🤍 呢兩款湯都係偏濃郁嘅西式餐湯～番茄湯一𢳂落去都見到好多番茄蓉，味道偏酸，但都幾開胃；龍蝦湯又係好足料，有幾隻蜆同唔少蟹肉碎，味道都夠鮮🤤🌟推薦度：8/10•📸 慢煮雞胸柚子汁沙律雞胸外層略煎到金黃，口感嫩滑juicy👍🏼柚子汁夠清新，沙律菜又新鮮🥗🌟推薦度：8/10•📸 海膽味噌蟹肉意大利麵 +$38套餐有5款意粉可以揀，其中有2款需要加$38。因為我就係睇完其他人影嘅海膽意粉再慕名而嚟，所以梗係要試吓呢款！雖然佢個擺盤好似只係得半碟，但其實份量都好多😆 有滿滿嘅蟹肉、蟹籽、紫菜同埋一嚿海膽🤩 海膽味噌汁幾濃郁，仲有明顯嘅鮮味，撈埋紫菜就更有日式風味，濃郁得嚟又唔會膩🤤🌟推薦度：9/10•📸 咖啡燒汁烤豬仔髀咖啡燒汁呢個配搭真係第一次見，但原來咖啡粉係分開嘅😯 豬仔髀燒得幾香口，表面乾身，但入面有保留到少少肉汁，唔會好乾柴，幾易咬👍🏼試咗點少少咖啡粉+粗鹽一齊食，味道有啲苦，唔算好夾，但香味又有啲提升，鍾意咖啡嘅朋友可以試吓😂 另外伴碟嘅薯蓉幾軟滑，大啡菇好juicy~🌟推薦度：7.5/10•📸 Tiramisu二人餐嘅甜品只一有件蛋糕，當晚好似仲有Carrot Cake，但我哋就揀咗Tiramisu~ 呢款唔係好傳統嘅做法，偏向蛋糕多啲，質地較挺身，中間亦都用咗海棉蛋糕取代手指餅，Mascarpone cheese同cream嘅部份都幾滑，整體唔會好甜，但就無乜咖啡味同埋酒味～🌟推薦度：6/10•📸 蜜糖芥末炸雞粒 $58呢個係另外加嘅小食，有8-10件雞粒，每粒唔都有返咁上下大，幾抵食。件件都炸到金黃色，外脆內嫩，而且本身調味都足夠，就算唔點醬都好食～🌟推薦度：7.5/10•📸 Dirty📸 Yuzu Soda…查看更多

夏茶一直都係元朗名物，最近元朗已經開埋第三間分店，今年年頭仲喺旺角都開咗唯一一間唔喺元朗區嘅分店！講咗咁耐終於試到啦！•🥢 芝士開心果雪沙 $50夏茶嘅主打之一係開心果系列💚 呢杯芝士開心果雪沙就係將開心果奶整成沙冰，上面加一層順滑嘅原味芝士奶蓋同埋粒粒開心果碎，杯身仲用開心果醬整咗掛杯效果😍 唔止賣相吸引，飲落仲有濃郁開心果，夏天飲仲非常透心涼❄️ 缺點應該就係價錢比一般飲品貴唔少🤑 不過其實淨飲呢杯都飽咗一半，因為真係幾足料，仲要有埋芝士奶蓋就更有飽足感😆 後來先發現原來可以+$4轉埋做開心果奶蓋，下次再試！🤭🌟推薦度：9/10•🥢 芝士香印雪沙 $45除咗開心果，仲有同樣係綠色嘅香印提子雪沙，不過呢款就比較遜色啲，香印提子味比較淡，如果再溶少少就更加淡，而且提子味只係清香少少嘅甜味，就算有芝士奶蓋，但飲落都唔太滿足🌟推薦度： 5.5/10•📸 芝士椰子雪沙 $42…查看更多

熱潮減退的拉麵關注組人氣店?!   •如果有加入拉麵關注組的話，應該知道呢間位於大角咀嘅大丸拉麵~ 我同朋友都想試好耐，之前見過關注組D人話要開門前一個鐘去排隊先食到～加上我哋每次去大角咀食飯都見到大排長龍，所以一路都未有機會試~ 
6月尾有日平日夜晚6點半左右經過竟然見到無人排隊🫨我同朋友即刻轉軚入去試一試~到底仲值唔值得排一個鐘呢?🧐•🥢 貝丸 (海鮮豚骨) / 特製鮮蛤海鮮豚骨拉麵 $118貝丸係特別限定嘅拉麵，湯底嘅係海鮮豬骨湯，但係又要另外再揀醬油味、鹽味或者蝦味~ 我就揀左醬油味貝丸~ 拉麵嘅賣相非常吸引，有5-6隻蜆、3片薄叉燒、半隻溏心蛋、木耳絲、紫菜同蔥花。每隻蜆都好肥美又無沙，叉燒都算嫩，唔會太肥～ 拉麵揀咗粗曲麵，口感軟硬適中，而且都幾掛湯👍🏼湯底幾竭身，但飲落就有少少失望喇，可能期望太高，或者係我揀嘅湯底配搭錯咗🥲因為湯底的海鮮味非常淡, 而醬油同豚骨味就比較濃郁同突出，整體味道都偏鹹。•🥢 蝦丸 / 蝦豚骨拉麵 $98蝦丸嘅配料都差唔多，大量櫻花蝦取代貝丸入面嘅蜆，同埋無紫菜～ 湯底係用北海道產嘅蝦特製海鮮味噌汁，再加埋豚骨湯底～蝦丸嘅湯底就比較balance，蝦味同豚骨味都幾濃郁，但真係要襯熱食，食到尾會有啲鹹，所以朋友就問店員攞啲昆布醋，加完之後清爽好多👍🏼•🥢 青蔥沙律醬日式餃子 $40日式餃子煎得幾脆，入面嘅餡調味唔會好重，但非常juicy🤤 加埋上面嘅微辣嘅青蔥同沙律醬一齊食都幾夾😋•💬 整體嚟講無想像中咁出色/驚豔，如果唔使排隊都可以一試，但要排隊真係未必會考慮🙈…查看更多

發現元朗真係好多好好食嘅餐廳😌 不過想食特別啲嘅可以揀今次介紹呢間！Taco Friday主打墨西哥玉米卷餅，總共有8個唔同口味，今次試咗其中3個口味同另一款餡餅～餐牌入面都仲有漢堡、意粉同小食，選擇都幾多！•🥢 牛油果醬軟殼蟹Taco’s配Nacho’s及飲品 $98🥢 煙三文魚海蝦芝士Taco’s配Nacho’s及飲品 $102🥢 烤嫩雞芝士Taco’s配Nacho’s及飲品 $90全部Taco都會有兩件，再配Nacho同飲品，玉米餅皮烘完再鋪上唔同配料，最鍾意餅皮入面嘅一層熱溶芝士。軟殼蟹Taco一件有半隻軟殼蟹，除咗芝士，仲有牛油果醬同番茄洋蔥辣椒碎，個醬就同點Nacho嘅好相近，如果唔食辣記得再撥走啲辣椒🥵；煙三文魚款就有埋海蝦同牛油果粒，食落就會比較單調；烤雞款仲有啲菠蘿粒，朋友話食落好fresh👍🏼Nacho份量好多，好香粟米味，醬都好多，唔好睇少兩件Taco同一堆Nacho，原來食落都幾飽架😯*有提供手套，所以食起上嚟都好方便。•🥢 大啡菇雜菌芝士餡餅配Nacho’s及飲品 $98呢個餡餅入面有大啡菇粒同雜菌粒，幾juicy，應該仲有啲黑松露醬🤩 係唔錯嘅素食選擇！•🥢 蒜香牛油單骨雞翼 $56呢個炸單骨雞翼超級推薦！一碟有12件單骨雞翼，每件都幾有肉，炸到熱焫焫又夠脆，牛油味超級香濃！加埋蒜都唔會太重口味。…查看更多

香蕉仔終於搵到新地方重開啦！選址都係元朗~ 前排去開元朗探朋友，點可以唔食埋香蕉仔呢😚 香蕉仔3點開門，當日2點9去到已經有幾個人排緊隊🙈 3點準時開始落單，落完單會派一個時間籌，按住籌號上面個時間返嚟就可以，我哋個時間係3:20，所以中間就去咗買另一樣元朗名物🤭 •📸 招牌香蕉煎餅 $35📸 開心果香蕉煎餅 $48📸 阿華田香蕉煎餅 $38香蕉煎餅嘅水準依然保持到，外層煎到好酥脆，入面夾住唔少香蕉肉，香蕉味好濃郁🍌！香蕉煎餅總共有9個口味 (7個甜、2個鹹)，舊鋪嘅時候鹹甜都食過，但都係覺得甜嘅出色啲，所以今次叫咗3款都係甜嘅口味~其實煎餅個底係一樣，只係唔同口味面頭嘅醬會唔同，最重要嘅係啲醬落得一啲都唔孤寒，鋪滿成塊煎餅🤩開心果味係搽咗好厚嘅開心果醬，仲灑咗唔少開心果碎，但香蕉味都係比開心果味出啲，所以食邊邊位（無咁多香蕉）先會食得出開心果味🤣 阿華田味就比較甜啲，因為有阿華田醬、阿華田粉同煉奶～ 阿華田味算突出～…查看更多

Chefs’ Kitchen係一間位於通菜街西式小店，入面只有2個員工（大廚同侍應），而且舖頭偏好細，只放得落3-4張枱～ 但廚師同侍應都好用心對待所有客人，會主動推介同介紹菜式～ 而且食物同餐牌都有花心思設計👍🏼 整體都又好食又抵食！•🥢 昆布活蜆扁意粉 $108呢款寫到係「廚師絕活 一定要試」😆 淨係賣相已經幾有心思，有10隻漲卜卜嘅蜆，食落鮮甜無沙👍🏼 意粉軟硬適中，仲食到蜆同昆布嘅鮮味😍 配埋少少炸蒜同簡單調味，味道更有層次😋•🥢 美國頂級安格斯牛肩胛．黑松露薯蓉 $148牛肩胛可選生熟度，我哋揀咗5成熟。牛肩胛嘅表面煎香，中間非常粉嫩😍 大廚介紹嘅時候話牛肩胛嘅油脂較少但筋多，口感會相對結實啲，但佢已經盡量去咗大部分嘅筋，所以食落口感都會軟嫩啲👍🏼 有好香濃牛味加埋表面嘅微微焦香好夾😋 配菜都有花啲心思，有煎番茄、蒜蓉炒椰菜同埋黑松露薯蓉～ 黑松露薯蓉唔係非常軟滑嗰種，反而仲有啲薯仔粒，有多啲口感，但重點係黑松露味真係好香🤤 •🥢 照燒泡菜汁厚切牛脷 $68牛脷係先慢煮再煎香，所以咬落口感好腍好嫩。照燒泡菜汁都幾特別，泡菜有輕微辣味同酸味，加埋照燒汁嘅甜，同牛舌都幾夾😛 不過相對上份量就少啲。•🥢 黑松露薯條 +$28呢個薯條係啤酒漿嗰種幼薯條，食落好鬆脆👍🏼上面灑咗啲芝士粉，旁邊就有黑松露沙律醬，而且薯條分量都唔少，$28嚟講好抵食！…查看更多

表妹生日嘅時候帶咗佢出去放電+食生日大餐，佢話想食Pizza，但一般嘅西餐/外賣pizza太普通了，所以我哋就帶咗佢去Pizza Maru畀佢試吓新嘢😌•🥢 太陽番茄芝加哥 $217呢到有兩大類嘅pizza，其中一款就係厚批，批邊包住厚厚嘅芝士，所以一切開拎起就會見到「芝士瀑布」🧀🤤 批邊睇落好似好厚，但食落鬆軟又有麥香👍🏼 再加埋中間酸甜嘅番茄醬同辣肉腸，非常惹味😋🌟推薦度：9/10•🥢 群蟹派對Pizza $163(10”)呢個pizza就屬於另一類，係薄脆嗰種，批底薄脆到好似餅乾咁，單食批邊會比較乾，但好彩呢個批嘅配料同醬汁超級豐富，上面灑滿木魚花，仲有蟹肉絲、蝦肉、粟米、蘑菇同燈籠椒，番茄醬底再配少少bbq醬同埋酸忌廉，都幾清新惹味～不過個人嚟講都係比較鍾意芝加哥pizza嘅鬆軟批邊多啲～🌟推薦度：7.5/10•🥢 蟹肉飛魚子意粉 $185意粉非常掛汁同埋creamy，蟹肉同飛魚子份量都唔少，小朋友們好鍾意😆 🌟推薦度： 7/10•🥢 芝士秘製炸雞 $118炸雞上面灑滿金黃嘅芝士粉，但食落就唔算好重芝士味，鹹香味重啲，比較似較鹹嘅炸雞，但係炸雞幾出色，炸皮夠薄脆，雞肉算嫩～🌟推薦度：7/10•🥢 蜜糖忌廉炸薯條 $96薯條跟咗蜜糖忌廉，可能係食慣咗有鹽/點茄汁嘅薯條，今次配甜嘅蜜糖同埋忌廉感覺有啲怪，唔太夾😢 本身以為忌廉係酸忌廉，點知係忌廉蛋糕嗰啲忌廉😶‍🌫️ 但薯條本身係幾好食嘅。🌟推薦度：5/10•📸Lychee Makgeolli📸Honey Yuza Ade…查看更多

bookmark咗呢間餐廳好耐，就係因為非常吸睛嘅貓貓肉球圖案忌廉咖喱烏冬！嚟到見到餐牌原來仲有湯烏冬、沾烏冬同冷烏冬~ 我哋就揀咗一個忌廉烏冬、一個沾烏冬。•🥢 薯仔忌廉咖喱烏冬 $78烏冬上面有一個貓貓肉球圖案，絕對要相機食先🤭 影完相就要盡快襯熱撈勻個烏冬，咖喱味超級香，帶日式甜咖喱嘅味道，但咖喱香料味偏濃啲，即使加咗忌廉都有少少微辣，而薯仔就應該打咗做薯蓉，撈落忌廉咖喱汁到，所以個汁係竭身啲，食到後段會有少少膩，不過我哋兩個人叫忌廉烏冬同沾烏冬share食就還好~•🥢火灸壽喜燒牛肉沾烏冬 $98壽喜燒汁沾烏冬都好少見～碗邊掛住幾片牛肉，牛肉表面有火灸過，迫到油脂出嚟，所以好香😍 底層仲係生嘅，想熟啲可以快啲浸返落壽喜燒汁到，壽喜燒汁本身幾濃味，但烏冬一啲都唔掛湯，如果就咁沾兩下落壽喜燒汁到係等於無味😅而且個壽喜燒汁都幾油，做沾烏冬唔太夾，但烏冬本身有咬口，個質地係唔錯嘅，可能揀湯烏冬會好啲。•🥢天婦羅盛合 +$40主食加錢可以轉套餐，但之後諗返加天婦羅盛合要+$40好似有啲貴🤔 天婦羅盛合有兩件蝦、一件南瓜、一件番薯同半件菇。炸粉唔厚，好脆而唔油膩，但調味就比較淡。•📸 日本木村富士柚子汽水 +$8…查看更多

其實我哋都唔多食自助餐，不過6月係父親節，見kkday又有海洋公園萬豪酒店嘅自助餐買一送一優惠，而且同事食過都話唔錯就決定試下啦！自助晚餐得一個時段，由18:30開始，可以食到22:00，足足有3個半鐘，絕對夠時間食到捧住個肚走🤗•大概介紹下特別嘅款式:•📸 龍蝦 （可配紅咖喱汁/辣椒豉油/芝士汁）最多人排隊嘅就係任食龍蝦🦞 雖然每人每次只可以攞半隻，所以有啲長龍，但係勝在不停refill，食到後半段其實都唔使排隊😆 啲龍蝦係原隻烚/蒸好擺到成座山咁，師傅會將龍蝦斬半擺上你隻碟～仲會扑開啲龍蝦鉗，食起上嚟好方便！啲龍蝦食落微暖，而且食到鮮甜味，龍蝦肉嘅肉質仲好彈牙！好彩嘅話仲有好多龍蝦膏😍🌟推薦度：9/10•📸 陳皮蒸鮑魚 🥇📸 磯燒凍鮑魚🥈📸 蠔皇鮑魚花膠鵝掌🥉鮑魚嘅煮法已經有3款，我哋試勻晒之後覺得3款都好食嘅，但最好食就係蒸鮑魚，一籠一隻，熟度啱啱好唔會韌👍🏼 其次嘅凍鮑魚係擺咗喺沙律冷盤櫃嘅，一碟有三件（半隻）左右，味道似零食帆立貝嗰種甜味，再加少少酸味，食落好開胃！而蠔皇鮑魚個口感都係好腍嘅，不過就略嫌唔夠入味～🌟推薦度：8.5/10•📸姬松茸蓮子燉瘦肉燉湯都係幾受歡迎嘅一樣，裝好一個小盅，每個入面都有啲湯料（姬松茸、蓮子、瘦肉、杞子等），湯燉到幾濃味，但飲落唔會好鹹，清清地都幾唔錯！🌟推薦度：8/10•📸 刺身：八爪魚、帆立貝、赤蝦、油甘魚、池魚、希靈魚刺身有6個選擇，最推薦係帆立貝同赤蝦，帆立貝切得幾厚，幾鮮甜；赤蝦好大隻，同樣鮮甜彈牙；不過另外幾款魚刺身就普通啲～🌟推薦度： 7.5/10•📸 凍蟹腳凍蟹腳唔細隻，都好易拆好一隻隻蟹腳肉出嚟，但有啲蟹腳海水鹹味太重🥲🌟推薦度： 6.5/10•📸 焦糖燉蛋喺眾多嘅甜品入面，我哋同屋企人都認同呢款係最好食～ 燉蛋夠蛋香又唔會好甜，上面嘅焦糖夠香，脆脆哋而且厚薄適中，唔會因為擺耐咗而融晒/變韌👍🏼 🌟推薦度：8.5/10💭 蛋糕/甜品款式都幾多，但大部分都比較甜，唔算好出色🫢 其他可以encore嘅甜品：芝麻馬卡龍、Brownie🍫、雞蛋仔😋•📸 雪糕一入門口就見到旋轉雪櫃，入面放晒雪糕杯同雪糕批，雪糕杯都有幾個牌子，當日就有Häagen-Dazs嘅士多啤梨味&雲尼拿味&抹茶味、Dreyer's嘅D’collection Belgium Chocolate 、Mövenpick嘅薄荷朱古力味同椰子味等。…查看更多

終於食咗好出名、經常大排長龍嘅Hashtag B花花型千層撻！之前試過喺銅鑼灣心血來潮想去買個嚟食，點知去到一早賣晒😖 但有次竟然喺尖沙咀店行過見到無乜人排隊，仲要極多貨，可能因為嗰日落過大雨就少好多人，所以即刻買咗嚟試吓🤩•🥢拿破崙焦糖千層撻 $18花花型撻皮好靚，有別於普通嘅千層撻～ 呢個千層撻有焦糖面，中間有蛋漿，最底仲有一層焦糖醬，所以食落好甜，個人嚟講覺得有啲太甜，而且蛋味會被焦糖味蓋過咗🙊 千層撻好酥脆，厚薄適中，但都要當日盡快食/買返屋企焗返熱食，如果唔係撻皮會比較韌。🌟推薦度：7/10•🥢柚子千層撻 $24開頭都以為佢係蛋撻配咗柚子醬，但係原來係柚子芝士撻。柚子同芝士都幾夾，濃厚嘅芝士味都會有少少膩，但配埋柚子醬又可以balance返，整體都無焦糖蛋撻咁甜👍🏼🌟推薦度：7.5/10•🥢開心果酥 $28一撕開千層酥見到中間嘅開心果醬嘅份量都唔少，開心果味都幾濃又唔會太甜😋 而且千層酥都幾好食，不過略嫌太多砂糖，太甜，食落會有啲捩𠾍🥴🌟推薦度：7.5/10…查看更多

呢間榮哥煮場喺旺角都開咗一段時間，成日都有經過見到，原來晚市嘅二人餐都幾多款式，幾抵食喎👍🏼當日所見侍應都好熱心主動，而且上菜都好快~•🥢 二人套餐 $298 呢個二人套餐包咗一鍋湯、一款自選小菜、一碟前菜、兩碗白飯、兩碗甜品/飲品。當日前菜係醋香木耳，口感爽脆，酸酸哋好開胃👍🏼📸 濃湯花膠雞煲上菜嘅時候雞湯係微暖嘅，會附埋一個爐可以滾返起個湯先飲，夠熱之後就較細火啲暖住個湯，個湯好足料，除咗有好多花膠同埋雞件，仲有啲芹菜同雲耳～ 雞湯味道都幾濃郁，好重雞味，但唔會好鹹，仲標榜無味精！雞件係熟晒嘅，但肉質唔會嚡；花膠就偏向爽口，但完全唔會有腥味/怪味😛 呢個湯加白飯好好食😋•📸 柚子蝦球蝦球係新鮮炸起熱焫焫，而且每隻都幾大隻，口感爽彈👍🏼 柚子醬酸甜開胃，但略嫌啲醬撈得唔均勻，同埋炸皮厚咗啲啲~•📸 楊枝甘露📸 樽仔凍檸茶甜品同飲品每人只可揀其中一樣，我同朋友就叫咗一個甜品同一個飲品～當日甜品只有楊枝甘露，芒果味酸甜適中，椰汁味亦都好香，仲有唔少柚子肉同埋西米，但最特別嘅係仲有芒果味爆爆珠！🤩而呢到嘅凍檸茶係樽仔上，預設咗走冰少甜，非常貼心！茶味同檸檬味都大致恰到好處，只係飲到底有微微澀味…查看更多

又介紹開心果產品啦！不過今次係手搖飲品，仲要係Nuttea！終於出咗開心果奶蓋啦~無理由唔試/支持啦。 一杯揀咗開心果奶蓋，另一杯用揀返堅果奶蓋，就可以比較下啦。 • 🥢四季春開心果奶蓋 $40 因為係第一次飲，所以甜度都係揀咗半甜，費事去到太極端，影響咗杯飲品嘅本身預設味道~開心果奶蓋嘅顏色明顯係偏綠少少，上面同樣都係灑咗少少堅果，並唔係開心果碎。奶蓋嘅質地都係厚身但滑溜嘅，開心果味都幾出🤩 好想買成杯奶蓋𢳂嚟食😆不過最後我哋都係覺得可以揀微甜，甚至走甜，因為呢個甜度主要係茶底嘅甜度，而奶蓋本身都有一定甜度同味道，所以茶底少甜啲都唔怕🤓🌟推薦度：8.5/10 • 🥢青提堅果奶蓋茶 $45 之前飲過青提嘅飲品都比較甜，所以呢杯揀咗微甜，咁飲落就啱啱好，係比較清爽嘅茶底；堅果奶蓋一如以往嘅綿密厚身，有淡淡堅果香，就咁𢳂起食會多啲啲鹹味，食咗啲之後同青提茶溝埋一齊飲幾有驚喜！個鹹甜味中和返，建議呢款溝埋一齊飲😍🌟推薦度： 9/10 •💬P.S. 後尾睇返社交平台 其他人嘅評價都有啲兩極🙈 今次開心果奶蓋嘅質素有啲參差，唔同分店或者唔同時間買嘅味道都有啲分別，可能今次新產品嘅品質控制要再落啲功夫🤔…查看更多

屯門都有好高質同有格調嘅西餐廳&酒吧啦！開咗唔係好耐，當日去到都有當日仲有live band表演，好chill，好啱同朋友聚會/慶生，飲返兩杯！•🥢法式龍蝦湯(干邑白蘭地) 配香脆蟹肉醬雲吞 $55龍蝦湯都幾鮮同濃郁，雖然有加到干邑白蘭地，但都應該揮發咗，所以飲落都無咩酒味，仲有一粒蟹肉醬炸雲吞，不過浸咗龍蝦湯就唔太有蟹肉味，因為龍蝦湯濃味啲~🌟推薦度：8/10•🥢澳洲封門牛柳(250g) $228封門牛柳叫咗5成熟，嚟到真係啱啱好，外層煎到有啲炭烤味，入面仲係粉嫩嘅，封門柳嘅肉味幾濃，肉質好嫩，不過一開始無提供到刀，食得唔太方便😂 牛柳下面有啲好軟滑嘅薯蓉，旁邊仲有一球薯仔沙律~ 整體覺得呢個係必食！大推！🌟推薦度： 9/10•🥢蟹肉、南瓜及芫茜 配麻辣意大利飯 $158另一個主食諗咗一陣叫飯定意粉好，最後揀咗呢個麻辣意大利飯，有啲中西合壁嘅感覺😆麻辣味主要係由花椒嘅味道帶出；意大利飯煮到軟硬剛剛好，中間仲有啲南瓜粒，煮到好軟但無爛晒；蟹肉份量還可以～另外上面仲插咗一片魚干，本身以為係脆嘅，但原來係軟嘅，係增加咗啲啲鹹香味，但都係裝飾為主🙈🌟推薦度： 8.5/10•📸 Her-My-Own $86📸 Overlap $9…查看更多

臨近又濕又熱嘅夏天，最啱就係食返個刨冰! 想甜嚐甜最近就出咗大角咀店限定嘅刨冰~ 上星期帶完表妹去Super Park放電，我同阿妹攰到決定要搵個地方坐低抖抖，就諗起想甜嚐甜💛•🥢開心果氷 $108開心果牛奶冰、奶凍、巴斯克芝士蛋糕、煉乳、海鹽芝士奶蓋、開心果碎可能因為呢到有規定一人要叫1個甜品，所以呢個冰嘅size係相對細少少，口感都同之前食開嘅日式刨冰有D唔同，因為呢到嘅冰係偏向雪花冰嘅，口感細碎啲，無乜冰粒感，入口即融～ 應該係因為用開心果牛奶整成冰，而唔係牛奶冰再後加開心果醬，所以開心果味好均勻而且濃郁💚😍 整體唔算甜，又唔膩，但加少少芝士奶蓋或者滑捋捋奶凍一齊食，味道同口感都好豐富🤤旁邊嘅巴斯克芝士蛋糕好似同開心果冰唔太夾，但單食都好好食，口感軟滑，有芝士味又有焦香👍🏼🌟推薦度：9/10•🥢華田心配乳酪雪糕 $60之前都已經食過呢到嘅奶醬多同埋開心果味心太軟，今次就試吓阿華田味🤎 心太軟超級流心，輕輕一𢳂啲阿華田醬就流晒出嚟，阿華田味超級濃，比就咁飲仲濃🤤 心太軟上面灑咗好多阿華田粉，加埋一齊食會有啲脆脆哋嘅口感；如果配埋凍冰冰嘅乳酪雪糕，阿華田味會有少少被乳酪味蓋過咗，但因為心太軟嘅味道同口感都係濃啲同容易膩，配乳酪雪糕又可以refresh味蕾😝 🌟推薦度：8.5/10…查看更多