EricNgTY的个人专页

疫情下香港人每逢放假而家都好少去shopping mall 行街買嘢， 個個都想去啲戶外地方吸收下新鮮空氣放鬆一下，所以今日就去咗大嶼山行山感受下啲靈氣。 行山之前我仲專登去咗寶蓮禪寺齋堂 食番個靚齋 等有足夠嘅體力去行山 ! 餐廳提供兩款套餐一個係經濟啲，另一個就貴啲嘅。我哋今次就食個 豐富啲嘅，咁就唔怕行行下山冇力暈低 😂 八寶齋翅羹脆皮春卷 碧綠如意炒 花菇扒時蔬 西檸鮮竹片 絲苗白飯 每樣齋菜都炒得好有鑊氣，份量亦好足夠，最推薦嘅係春捲同埋鮮竹片，炸得非常通透爽脆而唔太油膩, 男仔如果唔夠飽嘅白飯仲可以再添。套餐盛惠150蚊一個人， 價錢略為有點貴，不過諗到又唔係成日入嚟大嶼山同埋啲齋菜都幾好食，所以如果有興趣嘅朋友都可以一試! …查看更多

近排睇得多韓劇，見到啲主角喺餐廳食嘢 睇到我流曬口水，又咁啱行開尖沙咀嗰條韓國街 金巴利道，所以就揀咗呢一間鋪面好韓風嘅餐廳試試佢 餐廳座位好寬闊企理，一坐低店員已經好殷勤咁攞咗啲前菜包括泡菜同煎餅畀我哋 我哋先嗌咗個辣泡菜豬肉湯， 一上菜就已經俾佢吸引住，因為個湯煮到熱辣辣，上枱嘅時候啲湯仲非常之滾 散發出濃烈嘅辣泡菜味， 味道偏濃烈同略鹹，適合啲重口味嘅人士，豆腐亦都吸收曬濃湯嘅精華，配埋白飯食一流 仲叫咗四隻甜辣炸雞翼，炸粉控制得好好，唔會話太厚，啲醬汁亦都調教得好適中，微甜亦有香口嘅辣味。雞翼啱啱炸起 配埋啲辣汁 非常之惹味 最後仲點咗個漢城紫菜飯卷， 39蚊但係份量非常之足夠， 飯卷裏面嘅配菜好充足，加埋少少芝麻一齊食， 好夾！ 成餐飯加埋支Apple soda都係200蚊鬆啲到 性價比唔錯 : )…查看更多

聽聞呢間係一間貼近日本質素既炸豬扒店，咁之前有得直接去日本食所以一直都未試過呢間PORKER為左一次可以試埋唔同部位既肉質，今就分別叫左吉列熟成豚肉眼定食同full house set (熟成豚西冷，豬柳同芝士豚肉餅) 一上台就比佢金黃色既酥脆炸衣吸引左，炸粉唔會過厚，做到香酥薄脆 當中以吉列熟成豚西冷肉汁最豐富，一啖咬落去油花均勻分佈，肉質細緻而豬柳相對比較厚實，肉味突出，吃起來完全唔會太油膩 可能係熟成原因，分解左豚肉既肌纖維同改善左豚肉吸水量，所以porker熟成豚肉起咀嚼時會感覺較多汁同柔嫩 芝士豚肉餅內藏着流心芝士，味道不過不失 一份好既炸豬扒唔洗沾醬、只沾少許鹽就已經非常好吃，而呢度我覺得都做到呢點 椰菜、味噌湯以及薯仔沙律都表現不錯 提一提店內坐位唔多，平日通常都要等一等位 …查看更多

天寒地凍最啱就係食碗熱辣辣嘅麵 : )我自己就最鍾意車仔麵貪佢選擇夠多，餸菜五花百門，湯底又有得揀，每次食都可以有唔同配搭。呢間林記我由中學開始食左差唔多廿年，一直都係我favourite，價錢都唔算加左好多。今次就叫左 韮菜餃 蝦條 雞翼 腩肉 再加腩汁配河粉，咁多餸只不過係$39，加埋支茶就$47，餸同粉嘅比例係各一半，整體份量對於男士都好夠，勝價比一流，絕對會再食推薦: 自家制韮菜餃 蝦條 加埋辣醬食 perfect!…查看更多

次次買襯都好多人買嘅呢間中式唐餅店，最鍾意食佢果個光酥餅，今次仲買左一大一小添，兩個都非常鬆軟，唔會太乾身"確"喉，每一次都要食幾個先停到口; 另外再買左幾個燒餅，10蚊3個 好抵食，有蓮蓉 豆沙同原味，個人最推薦豆沙，燒餅外面燒到香口加埋入面微甜嘅紅豆，用黎做下午茶或者飯後甜品無得彈!…查看更多

大快活其中一個最出色嘅產品就係佢哋嘅茶餐， 一個唔係太貴嘅價錢就可以食到相對上 好味 下午茶餐! 我個人嚟講最鍾意佢嘅燒雞翼! 自己屋企燒 比較難 整到燒雞翼 通常要去燒嘢食或者去啲燒烤嘅餐廳先食得到，如果唔係又整到屋企好大油煙! 而家上網去預訂仲有九折添 ，同埋 對於食物嘅處理多咗好多選擇，譬如熱狗可以麵包多烘小烘， 沙律醬可以多醬少醬甚至走醬等等 ，多咗好個人性化嘅決定可以選擇! 適合唔同口味 嘅人士需要 ，呢個措施非常之體貼…查看更多

前晚唔想叫外賣速遞 所以就落咗樓下嘅大快活睇下有咩揀 。可能係就嚟關舖嘅關係，唔係有太多選擇所以叫咗個豉汁雞 試試佢 豆豉同雞本應該好夾，不過可能煮完擺咗喺度太耐嘅關係，雞肉有啲"鞋" 同埋賣相麻麻地， 不過一餐半餐，食落味道唔算話太差嘅 …查看更多

係東涌映灣園附近可以揀嘅食肆唔係太多，大快活係差唔多係唯一嘅選擇我個人都幾鍾意食咖哩牛腩飯，其他兩間出名嘅連鎖快餐店都有食過， 但係都係覺得大快活嘅咖哩牛腩飯較為出色， 個咖哩汁調味調到恰到好處唔會太辣太濃， 撈飯絕對一流 ，牛腩牛筋 薯仔 同汁嘅比例亦都配合到剛剛好， 仲可以叫佢畀多啲飯同配菜 ，所以呢個飯絕對 叫得上大快活嘅皇牌! 好味 又抵食 !…查看更多

前幾日又同咗個friend去深水埗覓食 ，見網上面嘅評論呢間中式粉麵食店都好多人推薦，所以今次就試一試佢我同個friend 對於韭菜餃都好著迷所以煎嘅同湯嘅 嘅韭菜餃都嗌咗一份 。煎餃非常之香口 煎到卜卜脆唔會好油膩， 而湯餃就食得到九菜餃嘅香味。 佢嘅炒麵都唔錯 ，抄得唔太油加埋啲牙菜食落好爽口。 最緊要食咗咁多樣嘢都係90蚊有找，絕對性價比一流! 值得一試再試…查看更多

今日就食咗深水埗嘅人氣馬來西亞菜 ，我哋差唔多晏晝兩點先去所以都係排咗一陣就有位， 畀著係平時夜晚肯定要等半個鐘或以上。 今次就叫咗個百吉爹肉骨茶嘅豬手仔， 而家仲可以加多十二蚊轉套餐 ，有埋白飯配嘢飲仲平啲添 ! 豬手仔炆得好淋好入味配埋個肉骨茶湯簡直冇得輸 ，仲要個肉骨茶係無限添飲! 正!…查看更多

今次就試咗個日式照燒雞subway, 仲喺屋企沖埋杯 Latte macchiato, 呢個sandwich 適合啲較為鍾意食濃味啲嘅朋友, 照燒汁調教得恰到好處，唔會太甜or太鹹 , 配合埋啲雞肉夾得啱啱好 : ) 見到除咗麵包之外仲有其他款包括wrap可以選擇, 下次可以連埋佢啲曲奇試一試 !…查看更多

今日晏晝去咗開咗冇幾耐嘅subway, 呢間快餐店位置 唔太近地鐵站及東薈城, 不過同幾個屋苑 (包括映灣園 藍天海岸 昇薈 東環 迎東邨等等) 就相當接近, 大概5至8分鐘徒步路程 呢間subway喺新開果間Sheraton 酒店裏面, 只要喺酒店大門嘅右手邊, 經過一個走廊就見得到. 我lunch去嘅時候, 可能係啱啱開嘅關係唔算太多人, 大概有四五個到等緊新舖頭嘅員工十分足夠， 有成六七個人，不過可能係啱啱開舖嘅關係 ，有少少手忙腳亂 等咗一陣， 做多幾日應該會smooth好多今次我就叫咗個Subway Club Footlong, 同其他Subway分店一樣用料包括生菜 蕃茄 紫洋蔥 青椒 等等 非常新鮮, 加埋我叫嗰個 honey mustard醬 ,相當refreshing !舖頭開朝早八點到夜晚十點仲做埋早餐， 住東涌附近嘅居民又多一個 健康嘅選擇! 😁…查看更多

今日放假唔想煮所以就特登出左去食lunch，每逢星期六日， 東薈城啲餐廳一定好多人， 食Foodcourt絕對係一個明智之選, 叫左個清湯腩麵同牛三寶撈麵，等左五分鐘到就有得食肉炆得好淋， 不過啲餸(牛筋牛腩同牛肚)實左醃得太鹹， 可能係浸住左係啲汁好耐嘅開係，浸左落啲湯都係好咸我自問都算係一個重口味嘅人，不過食完之後，真係要去飲番支水先至得， 希望下次再食嘅時候可以有啲改善。…查看更多

今日晏晝又唔想煮飯所以就去咗附近嘅客家好棧叫外賣而家疫情嚴峻，好多餐廳都鼓勵 大家買外賣返去食， 所以有好多特價外賣可以選擇， 今次我哋嗌咗個 梅菜排骨飯 臘腸滑雞飯梅菜排骨醃得好入味 梅菜甜度適中， 同啲排骨好夾; 滑雞比起 預期嫩滑。 兩份外賣飯同埋餸菜嘅份量都好多，唔會話飯多餸少， 最緊要係個價錢夠抵食 ! ($29 & $38.8) 另外佢嗰個蟲草花圓肉燉雞湯都非常足料, 個湯飲落去唔太覺有味精,係呢個清涼嘅天氣下飲 好舒服 ! 😁…查看更多

前幾日去咗深水埗搵食，臨走返屋企嘅時候就經過呢一間係北河街體育館, 街市附近嘅生隆餅家 而家呢啲舊式唐餅店 因為製餅過程繁複 越嚟越少:( 淨返落嚟 又賣得好食嘅 ,真係所淨無幾 ,生隆餅家絕對係其中一間出名嘅老字號 ! 舖頭有賣好多傳統嘅中式餅,例如摩囉酥 白糖黃糖糕 芝麻卷 砵仔糕 南乳酥 ,款式五花八門 ,每日新鮮製造今次就試咗光酥餅 入口非常 細緻鬆軟,唔會好乾 即使擺到第二日朝早食 ，依然保持到個口感 ， 細細哋一兩舊 用嚟做早餐 或者做個下午茶點 配埋杯中式茶 …查看更多