mandynz2011的个人专页

失望！完全唔明點解評價咁高！兩大一細(7歲), 晚餐人均都要$150, 但選擇少, 最離譜係碗飯的飯心根本未煮熟, 係硬嘅, 好難食！配菜極少 (一隻糖心蛋, 半粒車厘茄, 同少少生菜絲), 碗湯只得兩三啖, 肉類質素亦只係一般般 (我哋叫咗兩份牛小排同一份豚肉), 醬汁味道亦唔好, 而且無特別提供食具幫你分開夾生熟肉, 太冇衛生意識, 侍應又成日企埋一邊玩手機, 感覺中伏, 以後唔會再幫襯！一家三口尼個價, 如果幫襯其他餐廳, 仲有大把選擇。…查看更多

良心小店, 由一對老夫婦經營, 老闆十分親切。食物質素很不錯, 特別喜歡他們的三文治和燒賣, 專營早餐小食。由黎明時份營業至中午, 一般紅日休息, 價錢亦十分親民。好多時都會見人龍, 係區內良心抵食食肆。…查看更多

星期六, 帶住一個六歲小朋友到這餐廳午膳, 一共點了四樣東西, 其中的一份炸魚皮遲遲未到, 大約15分鐘之後, 催了一次單。 約5分鐘之後, 開始有職員將一大箱的貨物放在我們卡位座對面, 然後第二大箱是直接把它放到我們用膳的桌面, 啪一下重力放下, 湯汁幾乎彈到我同個仔一身都係, 該職員無知無覺, 毫無歉意, 算！再過多10分鐘, 炸魚皮依然未到, 我再催單, 依然要多等7、8分鐘才把炸魚皮送到, 現成食物都要等近40分鐘。幾分鐘之後, 一個短髮阿姐再將兩箱大貨物啪放到我們桌面, 然後竟然對我同個仔講："食咁耐！食咗好耐囉喎！仲未食完！"只要佢當時再講多一句, 我必定反罵回去！過多10分鐘左右, 又有另外一個吖姐走過來巡視, 就是那個落漏單的長髮女人, 然後佢話："仲未食完呀！要食完我哋先執到貨！”這一餐我同小朋友一共才吃了50分鐘左右, 屬正常用餐時間, 餐廳亦唔係滿座。此食肆員工非常無禮貌, 又落漏單, 以後絕對唔會再幫襯, 亦值得我專程註冊Openrice去唱衰佢！…查看更多