khkaiami的个人专页

今日又去呢間係譽發廣場既吞POT 雞煲火鍋.住家菜食雞煲，呢到係我同男朋友既飯堂，因為呢到既雞煲食開有信心保證🐣起碼佢地既雞煲唔會呃人，嗌幾多就真係可以揾翻隻雞出嚟👍🏼🌶️重慶麻辣雞煲(中辣)(半隻/全隻)$198/288🦐海中蝦$115我地雖然得2個人但都照嗌左一隻雞，因為男朋友係愛雞之人🧑‍🤝‍🧑而辣道方面都有5個level🌶️而我地去譚仔食小辣黎講，呢到既中辣就夠哂濃味啦🤪而我地仲要嗌埋海蝦去打邊爐🍲所以中辣就會keep到個湯底入味for蝦蝦啦😍另外佢地既雞煲入面都好多配料，好似芫荽蔥咁🌿完全唔會吝嗇呢啲配料😋今次去到店員話我地知因為我地食雞煲，所以如果like左社交平台就可以有85折，所以感覺好似自己賺左咁🤣如果大家黎都可以like下攞著數…查看更多

前排食完烤魚之後就一直物色緊啲川菜館🌶️一直回味緊條麻辣魚，今日夜晚去食先知原來有午市烤魚一人套餐，有6種口味揀，有辣有唔辣，都只係$78仲唔洗加一🍚連白飯同熱飲真係好抵仲好飽🤣因為佢話條魚around 350g真係好多，不過可惜我係晚飯時段去就試唔到佢個套餐🥣🐟重慶豆花烤魚(清江魚)$308🥔酸辣士豆絲$78🐖干鍋肥腸$128今次一行4人嗌左一個烤魚，兩個小菜食，全部都係我平時川菜必嗌菜品😍而呢到價錢都同出面差唔多，普遍都係呢啲價重慶豆花烤魚除左可以揀辣道之外，仲有得揀魚🐟而今次就揀左清江魚，下次都會想試埋江團魚，因為諗到佢配個烤魚湯都好match。…查看更多

朋友升職，當然要賀一下。搵下銅鑼灣有咩性價比餐廳結果搵到位於金朝陽中心2期midtown嘅日本料理「一瀧」，一出𨋢已經感覺到置第日本嘅錯覺，裝潢設計風格好日式。就算冇得去日本旅行住呢度都能夠帶比你日本風情。今日飢餓指數高所以叫左好多款試🥑牛油果赤身他他$78🔖好好食🤤牛油果吞拿魚比例恰到好處🍳明太子玉子燒$78🔖內燒滿滿明太子又不會過咸🧀芝士吉烈黑豚卷$108🔖吉烈黑豚還是很脆🍢赤身大蔥卷$108🐟佐賀金星豚西京味噌燒$168🐥雞軟骨$38🐓月見免治雞肉棒$48🍲鯛魚濃湯日本野菜豆腐鍋$188🍖塩燒A4和牛串$138🦀蟹味噌甲羅燒（磯燒）$88👉🏻Welcome to follow @foodparadisexhk 📍 一瀧 (銅鑼灣)銅鑼灣登龍街1號金朝陽中心2期Midtown 8樓#hkig #foodparadisexhk #hkfoodie #hkfoodblogger #causewaybay#causewaybayfood #tasty#japanesefood…查看更多

今日夜收工所以唸住去間可以坐得舒服同傾到偈嘅西餐廳食晚飯於是乎就搵左間就腳喺行一條街左右嘅西餐廳食。旺角嚟講旺中帶靜而且都好近地鐵站。由於放左工同血拼完都已經心力交瘁，所以就決定哪佢啲招牌食物。首先係個兩杯招牌飲品，‘Jasmine/ Sencha都好好飲 隻杯又好精美接住既係”Buffalo Wings’佐酒一流好味。嚟到主菜，我地選擇左”US Prime Rib 伴沙律菜“對兩個女仔嚟講份量剛剛好，平時肉眼有好大舊肥膏但呢塊扒真係唔錯。平時去餐廳要求5成熟通常都係比7成你，但呢次係跟足5成。另外，我同友人叫左個Wild Lobster (Garlic Pasta)，味道不錯。呢間餐廳值得再光顧。想搵間靚靚餐廳食飯，又想環境又要性價比高真係唔易。不過朋友咁岩去開旺角飲茶時發現左呢間餐廳加酒館外觀裝修帶點奢華。…查看更多

想搵間靚靚餐廳食飯，又想環境又要性價比高真係唔易。不過朋友咁岩去時代廣場飲茶時發現左呢間高級餐廳“饗11”餐廳外觀裝修帶點奢華。如果平時我會認為收費略貴既餐廳未必光顧，但友人話而家餐廳正在做主餐牌75折優惠。於是又激起左我光顧既信心。今晚全程由我朋友來發板。前菜首先點左兩味：一款“饗11招牌蟹餅3件”$148*蟹餅足料而且炸得甘香鬆脆另一款係橄欖油蒜椒鮮蝦配法包（辣）$118*蒜椒蝦方面岩晒嗜辣既我。之後到主食，分別有2款1.海膽帶子意大利飯$238呢個飯好味🤤帶子煮到外脆內軟2.美國優質天然西冷牛扒$488牛肉味濃，絕對可靠嘅美國prime sirloin而且伴菜都非常高級，絕對係高級超市才買到既外國進口蔬菜🥬最後已經九成飽但係都要試呢個甜品🍨檸檬🍋雪芭$88當你食左咁多野之後有個帶酸且清甜既甜品作結係非常高興😌最重要係而家主餐牌有75折非常抵食，值得一試😉…查看更多

今日同朋友去銅鑼灣Sogo血拼順便唸住買完去間可以坐得舒服同傾到偈嘅西餐廳食晚飯於是乎就搵左間就腳喺行一條街左右嘅西餐廳食由於放左工同血拼完都已經心力交瘁，所以就決定食佢個dinner set 。 $738二人餐銅鑼灣來說算是性價比高。首先係個“老海灣粟米同打湯’好好飲 旁邊塊麵包係有芝士蓋面燒得脆香可口接住既係”香蒜牛油煮蜆“旁邊亦提供了跟餐湯一樣嘅芝士脆麵包，將麵包浸上蜆肉湯非常之好味。嚟到主菜，我地選擇左”草飼澳洲肉眼牛扒“足10安士，平時肉眼有好大舊肥膏但呢塊扒真係唔錯。平時去餐廳要求5成熟通常都係比7成你，但呢次係跟足5成。最後甜品有2款蛋糕選擇，我同友人一人一款，味道不錯。呢間餐廳值得再光顧。…查看更多

今日同朋友放工想搵間精緻坐得舒受嘅餐廳食飯傾下偈。果搵到太古城呢間西餐廳。呢間餐廳有個套餐係+$38就有半自助餐。非常之吸引而且質量不錯。選擇之多令我覺得老闆是半賣半送形式吸引食客前菜選擇之多堪比酒店下午茶自助餐，絕對有質素 $38最值不過。前菜我都吃了兩碟湯又好渴。。。最驚喜還是有質素的軟芝士是日同朋友叫左一個安格斯西冷，火喉控制得很好。帶子鮮蝦忌廉闊條麵非常好。最後點了特飲-白桃梳打跟鳳梨梳打都很好此餐飲廳值得一試…查看更多

我同幾位舊同事一向有每月一聚之約，今次就黎其中一個舊同事住既地方附近搵食。見到Megabox呢間花川湘薈門面咁有氣派又古雅， 就即刻揀左呢間開餐啦! 雖然呢間餐廳開左無幾耐，暫時未算好多客，但係服務態度令人驚艷。坐低左無耐，侍應已經好熱心咁介紹食物，又幫手斟茶，值得一提既係茶壺底部配有小蠟燭，咁就唔怕茶之後會凍，呢個咁貼心的舉動，令我地係未食野之前已經對呢間餐廳好加分! 朋友無蒜不歡，一黎就欽點左呢碟蒜泥白肉($98)，我地唯有照落單啦。本身都無咩期待，但係上菜個陣除左見到每片白肉都鋪滿曬蒜香四溢的蒜泥之外，每塊白肉更夾住一塊青瓜，食起上黎油而不膩，既有蒜泥同白肉的味蕾衝擊，但又不乏青瓜帶來的滿口清香，絕對值得一試。 張飛牛肉($128)呢個名咁霸氣，無理由唔叫黎試試佢，一開始見到個賣相，感覺牛肉好似好乾咁，但係試落去原來另有乾坤。咬落去質感爽口，將牛肉裏面既肉汁同味道完全釋放出黎，再加埋鋪係上面既麻辣香料，同埋其他配菜，例如青瓜、蒜片等，口感豐富飽滿，真係同呢碟菜既名一樣咁霸氣! 跟住呢碟乾鍋BB八爪魚($158)裏面既八爪魚份量都唔少，完全唔hea，火候十足，口感鮮嫩爽口，再加埋其他配菜一齊食，例如芫茜、蓮藕片，完全係一絕。 重頭戲終於出場，我自己就最期待呢個老壇酸菜桂花魚($468)，雖然價錢少少貴，但係見到佢個份量同質素，就知真係一分錢一分貨。酸菜味聞起上黎已經濃郁誘人，令人食慾大開，食起上黎魚肉鮮嫩，下面的粉絲味道滑而不膩，但又充滿左湯既鹹鮮酸辣，真係令人一試難忘。 再黎呢個重慶麻辣烤鴨($168/半隻)，食落去鴨肉口感細嫩，鴨皮酥脆，配埋少少麻辣增加口感層次，更加滋味無窮，而烤鴨盤底都配有小蠟燭，令鴨肉唔會因為擺得耐唔熱而變韌，真係要讚賞餐廳既用心。 雖然叫左咁多野食都已經好飽，但係有朋友就米氣王，一定要有粉麵飯先肯收貨，咁唯有叫兩款試下啦。麻辣小麵($38)同擔擔麵($48)既份量比想像中既多，兩款麵麵質同樣Q彈有嚼勁，而麻辣小麵既辣味同湯經調和後令麵既味道更加濃厚突出。至於擔擔麵係配埋肉碎同蔥花之後都令整體口感豐富左，十分惹味。 港女gathering最後梗係要叫埋甜品野飲先夠完滿，呢個紅糖糍粑($58)入口時些微酥脆，然後就試到糍粑最根本既軟糯口感，配埋濃郁既紅糖汁，真係欲罷不能，再加埋杯青檸柚子冰($29)，感覺柔…查看更多

今日約左朋友黎試下呢間馬拉菜先,因為銅鑼灣好似都幾欠缺馬拉餐廳,而家有機會就梗係要入去試下.到步入去後裝潢非常雅致亦帶有懷立舊風味.彷彿時光倒流.座位都尚算寬敞舒適未點菜前,哥哥仔已經比我地一人一碗肉骨茶湯.好濃郁既骨茶味.飲完個人好暖和.而且呢個湯可以無限添飲.當然都唔可以係咁飲,因為仲有其他食物,但我都飲左2碗.椰香咖央多士$35呢個都係招牌小食.非常厚醬.厚醬愛好人士一定喜歡~魚仔醬蘿蔔糕$52非常惹味既小食,我個人本身好鐘意食蘿蔔糕所以我特意點呢味小食.百吉爹肉骨茶$138主食係佢,好多件,2個人黎講都真係要大食既先可以KO晒所以好抵叫.又好食.雖然我地2個女仔食,但係都真係好大堆頭.辣死你嗎配烤雞脾$72由於見到隔離檯叫左呢個飯,我呢個飯王又忍唔住叫一個試下.個雞脾好食,個飯好得意.第一次食綠色既飯啲銀魚仔都好好下飯,值得一叫.椰汁班蘭冰$38冬瓜龍眼茶$28整體不錯,一定會再幫襯.…查看更多

由於朋友即將出TRIP,所以特意係佢飛之前約佢食餐好既晚飯.之後睇食評見到呢間餐廳新開業幾個月但換黎不少好評所以特意訂左呢間餐廳試.呢間餐廳前身係間泰國餐廳,我都有幫襯過.可惜因為疫情既關係已結業.現在已變成SABROSA坐底之後由服務員簡單介紹左幾道有名的菜.我亦都非常樂意試精選凍湯$68老實講句,呢個凍湯真係非常醒胃!!!強烈推介! 因為好少餐廳有凍湯飲而且仲要好好飲,酸酸甜甜.而且仲有淡淡杏仁片香.黎到食飯都要叫返杯野飲.正常價位$68辣味番茄醬伴馬玲薯 $68呢個前菜,睇落好似好簡單,好多地方都有,但係我覺得佢真係好好食.唔係平時出面食到既味道.個薯仔有少少脆口,但裡面係軟.個番茄醬又係好醒胃.我個人覺得值得一試.煙燻三文魚$148呢道菜強烈推介大家一試.真心好食.佢既配菜其實都好罕見.唔係一般的黃椒紅椒.係BB版,好得意.香煎西班牙走地黃油春雞$168春雞細細隻岩晒2個女仔食.黑毛豬肋條肉燴西班牙飯$228呢個飯其實望落好似好簡單,當食落去既時候就會食到廚師既用心由醬汁跟主角黑毛肋肉至米飯都係非常之入味.每一口都充滿左精華.值得推介!巴斯克焦香芝士蛋糕$68呢個甜品見好多人叫,而且係佢地餐廳王牌.我食過之後都真係忍唔到立即叫一個外賣同屋企人分享,真係唔錯.…查看更多

今日星期二,難得早收工就約朋友去天后食飯. 友人提議試食一家較新既居酒屋.我個人最歡喜試新野,到埗後就覺得門口的日式裝潢充滿左日本感覺. 就算冇得去旅行,在用餐時間感受一下日本也好.餐廳設有包廂, (共有2間) 非常日式.內裡裝潢簡潔,完全附合日本風今晚點餐的責任交比朋友.叫左幾個小食.第一款為<和風汁豆腐> $22豆腐嫩滑加上有少少微辣的醬汁,不錯不錯第二款為<吉列串揚拼盤6串>$88以蔬菜為主,亦有一甜蝦. 第三款為<原隻蒜味蕃茄>$36此乃醒胃小食,在主菜前享用有開胃之用.第四款為<日本清酒煮蜆>$68蜆肉非常之嫩滑.湯底清甜.喝一口非常暖胃 第五款為<豚肉豆腐雜菜鍋>$116此鍋非常足料,其實食到呢度都開始有7成飽,2人前但加埋前段的小食都非常之滿足.第六款 <冷日式蕎麥麵(1人前)$46第七款<冷日式烏冬(1人前)$52兩者之中我個人較喜歡烏冬,不過其實2款都很好吃.絕非一般行貨.軟硬度適中配以烏冬汁蕎麥麵汁都非常好吃.第八款為<焗芝士忌廉三文魚大啡菇>$68這款菜式曾經在其他申燒店吃過.但配上忌廉三文魚則是首次由於三文魚跟忌廉是很配再加上大啡菇的味道,絕對令此昇華如果唔係仲有其他食物,我定必再叫一個…查看更多

今日打算上朋友屋企談天說地，想買啲小食上去當下午茶邊吃邊談。電話搜尋一下附近有咩出色嘅小食店，好快就搵到位於天后電器道「亨寰天后」有餐廳有小食店嘅地方。往內行就聞到陣陣串燒香，結果就鎖定有人正在排隊購買嘅「Satay pOp」由於時間鬆動後再還未有客人時就詢問店員那些是招牌美食。及後我點了「沙嗲串燒8串」、「雞扒撈麵」再加一罐100plus (因為見到呢罐野飲似乎市面上沒有） 點了餐後就到前幾步嘅食桌等待。當收到外時真心驚喜，包裝實在美觀時尚絕對絕對開心及務必保留那個保溫袋由於以前有拎錯外賣嘅經驗所以會開位望一眼有冇拎錯。打開後雞扒香氣撲鼻令我食欲大增。據老闆陳述此雞扒是經過慢煮3小時再以300度烤焗而成而撈麵並非大家熟悉嘅營多撈麵而是另一品牌「meggi」而另一份串燒拼盤沙嗲醬是特製並非行貨而是人手焗花生再磨成醬。非行貨醬料。所以比較幼細嫩滑。總括然而，值得一試…查看更多

以前細個尖沙咀美麗華商場有一間翠亨邨,以前記我翠亨邨係個個年代都算得上係一間比較中價既酒樓到左今日佢已經與時並進,裝修比較簡潔現代,不同過往較為老氣既格調.點心黎講,蝦餃同燒賣我覺得一般,唔係太有驚喜.可能比較晏去,點心唔係太新鮮,似係翻蒸.鮮竹卷反而相比之下較為有水準 . 食得出係冇咩調味料醃製.比起傳統大集團既酒樓少鹽少油較為健康~最後點左個炒米粉作結. 唔油亦夠乾身.足料. 所以唔錯. 呢度既不足係點心既選擇唔係太多. 而且質量一般但收費比較貴.…查看更多

今日難得放一天假給自己,當然要去搵間自己想試既餐廳. 點解我會揀呢間餐廳,第一佢個VIEW唔差.居高臨下 而且地點好易搵就係蘭桂芳加州大廈一出地鐵站過條馬路直上轉下彎就到....好方便.第二樣係,雖然佢係一間意大利餐廳但係佢有個GIMMICK 就係引用左日本OMAKASE既概念由當日的食材去做廚師發辦 呢個非常有趣(因為西餐少見)入餐廳前,佢都做足晒防疫既措施, 探熱係每間餐廳基本.但佢仲有一樣係其他餐廳未必有既就係要掃QR CODE留低個電話,萬一大吉利是當日有確診人士光顧都可以通知返當日既食客. 呢間餐廳有OUTDOOR 及INDOOR 區域. OUTDOOR十分開揚,但由於大風我都係坐室內比較好啲.實內的陽光非常充沛, 令到你用餐時一邊欣賞美景,而且又可以感受到陽光既溫暖佢餐牌上,廚師發辦有3個選擇, 一個係5道菜,一個係7道菜, 跟住就係10道菜.由於我地都比較為食,所以揀左10道菜試.當落單後廚師會埋黎問你有咩唔食, 同埋佢簡單講下佢今日會主打比啲咩你食.咁今日佢話主題係會以海鮮為主! 其實食廚師發辦,無論係廚師定係食客都好開心.點解? 因為廚師可以利用當日佢既食材去變10款菜式比你. 而作為食客,我唔駛唸食乜野. 坐係度等佢比驚喜你.第一道菜已經令我有驚喜. 首先,你見到呢個海膽可能覺我無乜特別(因為我相機影出黎有少少色差,其實現場所見個海膽肉係粉紅色) 我覺得個顏色好特別,據說呢個海膽係黎自....意大利...呢個真係第一次食.平時食日本/ 加拿大海膽既機會比較多,但係意大利既海膽真係第一次,而且配上魚子醬.濃濃既海鮮味, 好CREAMY既海膽, 加埋魚子醬真係好深印象其實鐘意食海膽既朋友都應該有試過係出面食到啲味道帶腥...唔CREAMY, 唔太新鮮帶苦既海膽...因為唔係間間餐廳都入靚貨,又或者返到貨黎都未必真係隻隻好食. 不過今日好好彩,呢個海膽真係冇令我失望,而且我真心覺得佢個味道係比起日本既更勝一疇.大概係魚子醬幫佢錦上添花.所以呢味前菜真係留下好深刻好好既印象.好,接住落黎又到第2道前菜. 其實都唔記得係咩菜名.只係記得呢味蝦有啲似日本的甜蝦刺身, 佢再現上少少青檸汁同魚子醬又真係好夾.之後中間個個係水牛芝士....綠色個個汁...我唔係太記得好似係欖油....之後隔離個薄餅充滿色彩好多小花係上面. 啲花 唔好以為係裝飾 其實都係可以食埋佢.我食完之後又有另一番感受,每個小花都有啲唔同既花香同埋帶甜. 佢係提昇緊個薄餅既味道接住落黎就係呢個(我假設佢係蝦湯)因為其實湯的份量唔算好多,個主角都係蝦.呢個蝦幾特別. 絕對唔係龍蝦,但係佢肉質既彈性都幾好唔錯.好鮮甜.之後呢個我覺得都幾特別既一味菜.下一篇繼續.....…查看更多

之前透過YOUTUBE一些介紹香港傳統點心既短片. 其中有提及到這家享有逾80年歷史既粵菜酒家位於灣仔六國酒店其實地點都算近地鐵站A1出口過一條馬路再直行轉彎行大約4-5分鐘路程就到.六國酒店其實外觀比較懷舊.沒有現代酒店的裝潢,保留著80年代的感覺.扶手電梯上一樓就到粵軒. 餐廳內部應該有做翻新,所以感覺比較接近現在坐落的位置都很寬敞而且因為2人限聚令的關係,所以很舒服其實我個人覺得點心價錢都比其實較新較有名氣的酒店平.先上一碟前菜,我覺得幾醒胃.蟲草花什菌餃->很飽滿,可以一試我來這裡的目的就是要試呢度出名的13摺手工蝦餃,果然冇令我失望,真係好好食.而且食得出係新鮮蒸製,絕非翻蒸.而且每粒蝦餃都很足料.燒賣既話我個人認為都係比較普通,不過不失.沒有很驚艷. 正常原先這裡的暗然消魂飯係好出名.但因為想試其他野冇叫,就改叫叉燒包,因為估計都係用同樣的叉燒.但可能因為係包點,未必如飯既叉燒一致. 所以感覺上有點普通. 跟出面酒樓吃到的差不多這個春卷不錯, 足料之餘 外皮十分鬆脆, 我覺得大家可以一試.我個人覺得春卷雖然很多地方都有,但做到呢個口感唔係太多地方棉花雞基本上間間酒樓都有, 但係通常都會好油膩個魚肚會吸滿雞油, 但係呢間既棉花雞我會推介,因為唔係好多油, 可能首先佢已經將啲雞去皮, 將較肥既部分切去先蒸斤, 所以出黎既效果係唔肥唔油而且食個魚肚時唔會一口咬落去就係全部雞油. 反而仲有幾分清淡既花菇及魚肚既味道最後點左呢個生炒糯米飯,因為最近天氣凍,想試下食呢個飯2個人食呢個飯其實一定食唔晒,所以最後都要打包一半.但係我想講佢真係好香好好食,我就算夜晚翻熱佢都係好香,好好食.…查看更多