係尼個黃加藍不能變綠的年代，翠園貴為美心集團旗下的一個老品牌，未被重新裝修都可以算是香港人對品質的一種肯定，或者是因為佢無大大隻字標明自己是屬於美心。 午飯時間，這間位於機場的翠園都被職員包場，皆因這裡的員工套餐性價比算高。粉麵一款加兩個點心未加一都係138。今次因為同枱人要食齋，所以就點了雜菌乾燒伊麵，點心就選擇了香滑奶皇包和瑤柱鮮蝦韭菜餃各一客。餸菜來至，時間剛好討論完上午工作的忙碌，可以開始補充能量，安慰一下身體。伊麵少油，有數個品種的雜菌，一齊食咬口爽脆柔軟，不會食到成口油。奶皇包鬆軟但沒有流心，不能有太多要求。韭菜餃厚水晶皮包住韭菜加一隻蝦，瑤柱就唔係好食得出，容易夾又唔會鬆散，分開兩啖食都唔會散修修，都係一種細心。作為午餐，份量適中。若果四人進餐，可以再點一至兩客點心，有餘的可以打包，下午茶時間用微波爐翻熱又係一條好漢。…Read More
