YuetYeeWong's Profile

餐廳係荃灣站同大窩口中間係附近打完保齡球就黎補充體力🎳座位比較少 3-4枱左右 做街坊生意多水就自己係水機斟嘅懶得諗嘅我地直接叫左個二人餐($300)👫🏻首先上伴菜 可以refill的😋泡菜偏酸 唔算好辣 係可以空口食唔停個隻😝醃蘿蔔口感偏硬實 酸酸地又係幾開胃👍🏻🔺鐵板烤豬扒豬肉調味調得好好 醬汁甜甜地肉唔會韌仲有肉汁👍🏻附送生菜可以包肉食👅🔺大醬湯 上枱個陣仲沸騰的😋入面有好多肥牛豆腐之類 好足料🤤都幾有驚喜👍🏻👍🏻🔺拌冷麵 賣相唔錯 入面已附辣醬自己撈冷麵幾煙韌 個醬唔辣 偏甜酸 夾埋梨片一齊食都好清新可能水比較多所以整體略嫌淡🔺泡菜餅 有四塊 同款泡菜調味所以唔會辣餅嘅厚薄度適中 幾香入面有八爪魚粒 增加口感之餘都幾surprise🤩———————————————————————整體味道不錯 有種韓國小店嘅感覺😛原來真係由韓國夫婦開嘅！適合啲怕辣但又想試地道韓國菜嘅人👍🏻要留意下晝5點後黎食晚市就會收加一啦～…Read More

呢間餐廳真係隱世(蔽)隱到差啲搵唔到入口😂係大館下面 入咗小巷中間仲要搵度暗門場內環境都好暗 音樂好大聲只可以walkin 而且齊人入座 所以最好早啲去啦～簡單黎講就係非常足料嘅牛骨湯鍋👍🏻份量都幾多 好香 牛𦟌好腍👅配菜有豆腐粉絲等等 會一直用gas爐熱住泡菜煎餅比平時嘅厚少少 粉感較重煎得香亦有泡菜味 唔會話好辣味道黎講係好食嘅 只係比較滯😂店員有事先問辣炒年糕嘅辣度我地叫左小辣 都偏辣的年糕好煙韌 亦有我最中意嘅魚板😋———————————————————————整體味道不錯 偏fusion嘅韓國菜環境雖然暗但幾有格調🍸畢竟係中環 價位都偏高放工黎食個飯飲杯野都唔錯～…Read More

呢間拉麵店位於K11 Art Mall附近店面紅燈籠裝飾好搶眼咁岩星期三有會員優惠 拉麵第二碗半價！一於試試佢～湯底好濃郁 魚介味好出 但又唔會好咸👍🏻跟咗兩塊雞叉燒 有雞味 肉質好嫩滑湯底一樣好濃 旁邊跟咗啲辣肉醬 成碗湯好辣但都好香 不過豚骨魚介味就被搶晒了叉燒有焦香味 都夠腍 可惜得一塊整體黎講好足料亦好入味 好滿足好飽😛麵可以揀軟硬 硬麵不錯幾有口感如果係沾麵仲可以揀大盛！啱晒大胃王裝修 味道都會有種去咗日本旅行嘅感覺除咗店員有啲惡之外🫢 …Read More

平日放工訂左6:45pm 餐廳當時都無咩人後尾都陸續有人walkin 雖然餐廳唔細 但建議都係book定穩陣啲～炒粉唔會太濕 味道中上👍🏻份量都幾多 蝦都有四隻🤭配菜圍晒係旁邊 中意就自己撈店員都好貼心提醒小心辣粉🫰🏻有兩款生菜包 一款炒同一款講明唔係炒😂唔太知有咩分別下 我地叫左炒個款 下次再試下另一款～肉碎好香 因為同店員講左要最少辣所以唔太辣不過菜嘅份量就差少少先包得晒啲肉碎可以加$8加一份生菜好少係泰國餐廳見到用煲仔上嘅炒菜好香醬汁都幾濃 通菜都幾爽口一樣可以叫少辣————————————————————————總結整體都唔錯 晚市最好都book定位想叫芒果園但當日無 下次再試！…Read More

夜晚放工經過見到walkin唔洗排隊即興入去試下😛大推介！內餡好creamy 蟹味幾突出炸粉好薄 炸得好好👍🏻 一人一粒好滿足😋嚟杉玉必試嘅魚子醬壽司😛頂層係魚子醬 中層有薄薄嘅吞拿魚蓉最底就係壽司飯 口感幾豐富👍🏻整體偏咸 吞拿魚味被魚子醬蓋過 不過成個體驗都唔錯自選壽司我地揀左王道3貫 （$30）分別係生八爪魚&蔥花吞拿魚軍艦x2蔥吞拿魚就無咩蔥味 但吞拿魚份量好足八爪魚就正常發揮另外叫咗個超滿足海鹽檸檬拼盤（$33）三款分別係油甘魚 鯛魚 魷魚🐟海鹽檸檬就唔係好食得出但佢個壽司飯係特別啲嘅 比一般嘅香👍🏻最後當然要叫返個甜品名物啦！比壽司郎貴$6 換來即場喺面前燒焦糖嘅體驗😂————————————————————————總結價錢比想像中相宜 食物質素都幾好可能事先睇左啲comment避左啲伏位🤣絕對會再encore~…Read More

之前經過見到lunch hour大排長龍今次就決定晚市黎試一試平日6:30左右到完全唔洗排隊😛鋪頭只做兩款拉麵 貴精不貴多👍🏻可以散叫同套餐 套餐就包半熟蛋同前菜包括餃子 芥辣蝦沙律 小龍蝦蟹籽沙律豚骨湯好濃好creamy 蝦味噌湯蝦味好突出食得出好足料熬製👍🏻 岩晒中意濃味嘅我地拉麵係細麵 都幾彈牙 有驚喜😋芥辣蝦沙律裡面係生蝦 幾特別小龍蝦蟹籽沙律綿滑得黎都食到粒粒蝦肉整體都好不錯！————————————————————————總結食物水準好高 特別係湯底嘅部分灣仔區晚市黎講價錢都算實惠👌🏻中意食拉麵嘅一定要試下😋…Read More

平日係灣仔食Lunch真係好多人今次嚟咗一間樓上台灣餐廳～竟然唔洗等位！一行入餐廳就見到裝飾有濃濃古早味深色木系設計再加一幅相機特色牆係打卡嘅好地方😛前菜係熱情果沙律 酸酸甜甜幾開胃炸雞腿都幾嫩滑 外皮整得岩岩好👍🏻豬排亦都唔會粗糙 雞腿配滷肉飯 米粉入面都有滷肉！滷肉有肥有瘦 都幾入味整體味道都唔會過咸————————————————————————整體而言 成個氛圍都好舒服 食物質素都中上 中午黎個getaway都不錯😋…Read More

之前聽朋友介紹御和亭好食 一於試試佢～我地係平日夜晚6:45pm左右去到嗰陣只有1-2枱 但7:30pm開始就full啦所以最好都打去book定枱先💡蔥吞拿魚入口即溶 果然係餐廳嘅招牌👍🏻蔥嘅比例較平時嘅多 中意食蔥嘅人會中意😛三文魚子同海膽都幾鮮甜帶子同三文魚水準都幾高 又厚又大塊 好足料好滿足🤤呢個炸雞軟骨山都好有驚喜！香脆得黎又唔會覺得好油膩/熱氣不停食都無罪惡感🤭下次一定encore!————————————————————————總結整體質素都幾好 係一間值得黎試嘅居酒屋👍🏻魚生飯好足料好鮮甜 而熟食都非常吸引 下次黎再試多啲😋…Read More

之前上網見到呢間台灣餐廳性價比唔錯有日放工心血來潮就嚟試下😋堂食區都唔細 不過夜晚黎到多數人都係買外賣 豬肉切好一條條方便入口 同時有粉絲 蛋 瓜菜等配料 都幾均衡👍🏻份量黎講一個正常食量嘅女仔會夠飽～跟餐揀左芙香蘋果茶 好飲👍🏻叫一個便當可以優惠價加小食豬耳好爽口 調味都幾惹味份量係前菜嘅份量 但會食到停唔到口😋我地再追加左一個炸魷魚魷魚每條都好肥美 炸得岩岩好好香口 亦唔會覺得熱氣會想encore👅————————————————————————整體而言 好有台灣風味小食好有驚喜 有種去左台灣夜市嘅感覺去開沙田行街食到攰不妨都試下👍🏻…Read More

大鄉里出城第一次食港女下午茶🤭當日打緊八號風球 餐廳都仍然full house😯訂位個陣預留左窗邊枱 諗住享受下高層靚景結果望住出面嘅狂風 都算係特別嘅體驗😂今次試嘅係同Matchali聯乘嘅抹茶主題英式下午茶去到8月31號就完啦～擺盤方面佢無用到常見嘅三層架 反而係分鹹、甜點兩盤咁上 中間上碟都會有啲時間差相對就無咁打卡able 不過賣相都唔錯～一共有五款鹹點 六款甜點😋𝐌𝐀𝐓𝐂𝐇𝐀𝐋𝐈 𝐀𝐅𝐓𝐄𝐑𝐍𝐎𝐎𝐍 𝐓𝐄𝐀 ☕️ $𝟓𝟗𝟖/𝟐𝐩𝐚𝐱🔺Beaufort and Truffle Gougères 松露芝士泡芙🔺Duck Confit Pyramid 鴨肉甘脆🔺Pithivier 蘑菇批🔺Smoked Salmon Rillettes 煙三文魚沙律🔺Oxtail Croquette 脆炸牛尾丸子 🔺Golden Raisin Scones 香提英式鬆餅🔺Matcha Basque Burnt Cheesecake 抹茶焦香芝士蛋糕🔺Hojicha Tart 焙茶檸檬香梨撻🔺Black Sesame Matcha Chouquette 黑芝麻抹茶紅豆泡芙🔺Mini Bombolini 迷你抹茶橘子冬甩🔺Matcha Canelé 抹茶法式焦糖蛋糕鹹點黎講我最欣賞松露泡芙 松露味好香😍鴨肉同蘑菇批呢兩道都幾特別 鹹點用嘅食材都係比較高級同有心機亦同一般以甜點為主嘅下午茶唔同😋甜點就同抹茶有多啲關聯了Scone入面嘅cream都換上抹茶味抹茶口味唔會太甜 有茶香嘅甘👍🏻亦有加入檸檬橘子 令感覺清新啲不過食到最後都係會有啲膩(飽)😛另外佢都包一杯野飲嘅抹茶主題所以我都叫左杯Matcha Latte味道偏淡 相對無咁有抹茶香 拉花都略嫌失望 lol仲有提返水係要收錢的！💡————————————————————————整體而言 鹹點比較有驚喜 用料同製作都幾精緻 對得住價錢👌🏻份量亦到比想像中多 overall都好飽好滿足😋如果對鹹點有要求 或者想試下抹茶口味都可以一試～…Read More

臨近聖誕 當然要返餐好嘅慰勞自己😋今次同朋友約咗黎旺角嘅樂天大喜屋～我哋book平日6:30pm 都差唔多滿座但上菜速度幾快 抵讚👍🏻落單係scan qr code自助點嘅 環保好多👍🏻-揀大喜屋其中一個原因係佢選擇夠多！各式魚生壽司到一品料理都好多款 而且質素不錯！三文魚好厚好肥美 特別推介大赤蝦 好鮮甜😍黃金燒蠔配左沙律醬汁 岩晒我呢啲沙律醬控 不過就唔係好夠熱😶最中意就係紫心香芋丸！甜度同外層炸粉厚度剛好 encore左幾次😋甜品黎講haagen dazs雪糕只限每人一杯但係我地最後先發現我地miss左個自助區！入面有沙律 蛋糕雪條 凍海鮮 仲有梅酒清酒！唯有一次再試🥲————————————————————————總結食物質素同種類都不錯 我地食正價時段都唔算好貴整體cp值都幾高！…Read More

嚟咗荃灣donki幾次 今次終於試到foodcourt!店員話餐牌$68係細size 問我地要唔要加大份量於是加左$10轉左中size感覺無咩分別 就算加都只係加左肉碎辣嘅程度幾好 惹味得嚟唔會好辣烏冬係溫嘅扁烏冬 偏腍整體都okay 但唔會好有驚喜🤣而且呢個價錢期望佢會再好食啲咁有機會再試埋其他餐廳～…Read More

宋皇臺站開左之後去九龍城變得好方便於是收工就黎試下泰國菜😋原來店名BTS唔關韓團事 而係泰國地鐵嘅名🤣店入面都有一大面泰國地鐵路綫圖 長知識了💡而睇到散叫餐牌 就發現其實係同隔離小曼谷一樣嘅不過如果想食輕便啲 呢間就多啲船河選擇～見到有個海鮮孖寶$219都幾抵 於是就叫黎試下～可以係A同B兩邊四揀一 最後我地揀左蟶子同鮑魚😋蟶子有三隻 每隻都幾大而且肉質厚實 牛油蒜蓉好香😋仲有魚乾係面一齊燒 幾有層次感😂而鮑魚有兩隻 一樣都有魚乾係面亦有蒜香 咬落鮑魚好爽口 推薦🤩呢度啲海鮮都幾鮮 真係可以一試👍🏻咖喱幾香但椰奶味同香料味都唔重而且係唔辣嘅 怕辣嘅朋友可以試下～😛而軟殼蟹有6-7件 而且每件份量都唔少岩岩炸起上好脆 蟹味都好香🤤而法包內餡鬆軟 外層又唔會太硬好適合夾埋咖喱一齊食！包同咖喱比例亦啱啱好👍🏻食泰國菜我一定會嗌Pad Thai😋金邊粉炒得不錯 唔會太濕蝦有三隻 都幾大隻同幾鮮味👍🏻————————————————————————總結整體味道都不錯 價錢都幾合理👍🏻個人覺得係融合左香港煮法嘅泰菜 所以香料味唔會好重 值得一提係啲海鮮真係幾鮮味！要試下😋…Read More

東薈城愈來愈多好嘢食！午飯時間嚟咗試ufufu😛 吉列豚肉份量好多 肉質都幾嫩外層炸粉好薄好酥脆 唔會介口👍🏻日式咖喱甜甜地唔會太重口味滑蛋包住炒飯😋 整體都好高質🤤本身想試梳乎厘班戟 但原來要2:30pm先有🥺於是都叫咗兩款吐司五個人分～吐司平均分左三件 吐司幾鬆軟上面分別係朱古力/抹茶雪糕同忌廉抹茶同紅豆一向都係最佳配搭紅豆蓉好creamy同好甜😋 香蕉片加朱古力醬都係mvp😝加上半溶嘅雪糕 好好味👍🏻————————————————————————總結午飯嚟講價錢真係唔平但咖喱蛋包飯真係好好食！而且份量都好足甜品都不錯 希望下次可以試到班戟🥺加埋環境好有日本旅行嘅感覺～…Read More

又嚟到逸東Food Hall覓食！發現比上次開多咗幾間餐廳 其中一間竟然係觀塘成日排長龍嘅鰹烏冬！今次叫兩款都係凍嘅撈烏冬 麵口感係偏硬 岩哂我胃口😋而呢個夏一烏冬雖然只有配料 但唔會好話dry加埋檸檬汁都幾清新三文魚籽同蟹籽鋪滿咗個烏冬😋好鮮甜唔會腥 醬油都好好食魚籽 醬油 烏冬分別都好出色但唯一係無融合一齊嘅感覺🧐——————————————————總結烏冬口感好好 好彈牙又夠結實唔好以為無咩餸會唔飽 佢麵底相當多！而且都突出返烏冬係主角😋合理價錢食到呢個質素嘅烏冬都幾抵🤩…Read More