xyling的个人专页

見到社交媒體有人po新刨冰舖🍧又有桃味刨冰 所以特登搭咗1粒鐘車嚟北角食!期間限定桃味刨冰🍑成個冰最好食覺得係啲桃😹桃下面係cream cheese，食頭幾啖覺得唔錯，但食到後尾真係膩到食唔落，啲冰好似又冇乜味，整體覺得一般，食一次就夠🙌🏿反正覺得銅鑼燒有驚喜，個皮濕潤，餡都又夾，成件事好match🌟個人覺得食刨冰都會揀返sharishari或者labzero更出色，下次都可以試下氷燒其他口味，但見其他comment都話唔係特別好食，有緣再嚟…查看更多

--La Paloma--之前喺ig見到人哋食過，影住個paella好大個，覺得幾得意又想食下西班牙菜就嚟試下。(但呢餐係幾個月前食，所以描述食物描述得唔係幾好)食物嚟講，比較驚喜嘅係starter類似係沙律嘅嘢，酸酸甜甜，有啲荀同ham喺入面，整體係幾開胃同幾特別。🥗🧆嗌咗個和牛及鵝肝配長法包，同埋salmon tnt，2樣嘢都覺得冇乜特別，記憶點唔多。不過但好多tapas同starter揀，選擇好多，點都有一兩樣你想試。🥘Paella嚟講，唔算特別出色，只可以話佢嘅賣點真係夠大(個煲，個人覺得picapica更好食。食物整體就係中規中矩，好普通。🙂服務0分👎🏿最嬲嘅係佢哋服務態度真係好差，本身一路食都覺得佢哋態度冇話好好，上餐就係求其擺低就算，有時問嘢又唔會應，面色又唔係幾好，態度冷漠。😓😓我自己book嗰陣有講到話自己帶蛋糕去慶生，去到餐廳嗰陣亦都將蛋糕交低俾staff。臨食蛋糕嗰陣，佢有幫我哋插咗支仙女棒蠟燭。不過佢攞蛋糕埋嚟嗰陣完全唔通知一聲，個蠟燭話咁怏燒晒，想叫佢幫我哋影張相都叫唔到，因為個staft好快手劈低個蛋糕即刻走開咗，個蛋糕就擺喺張枱角落位🙂作為顧客去餐廳慶生，仲要俾咗你$250切餅費，你送蛋糕嚟都唔通知一聲，劈低又走開，一句聲都冇出過，真係同茶餐廳上餐將嘢食劈低嘅畫面一模一樣 特登嚟慶生，心情真係幾受影響。🥲最後離開餐廳之後突然醒起交低俾staff嘅蛋糕袋佢冇還返俾我，由頭到尾存人問過我哋個蛋糕袋要點處理，店家亦好似從來冇打算問聲。最後埋單，好彩有睇下張單，佢計咗我哋2次切餅費，即係$500😅😅講真佢哋啲態度咁，你話佢係特登我都信😅😅店入面見都有唔少唔係本地人嘅staff，都算有啲外國氣氛，真係第一次食西餐遇到態度咁差嘅店員。同埋餐廳你收得人＄250切餅費，唔該有啲細節位都做下，講句happybirthday都好呀。…查看更多

--La Paloma--之前喺ig見到人哋食過，影住個paella好大個，覺得幾得意又想食下西班牙菜就嚟試下。(但呢餐係幾個月前食，所以描述食物描述得唔係幾好🥲)🥗🧆食物嚟講，比較驚喜嘅係starter類似係沙律嘅嘢，酸酸甜甜，有啲荀同ham喺入面，整體係幾開胃同幾特別。嗌咗個和牛及鵝肝配長法包，同埋salmon tnt，2樣嘢都覺得冇乜特別，記憶點唔多。不過佢好多tapas同starter揀，選擇好多，點都有一兩樣你想試。🥘Paella嚟講，唔算特別出色，只可以話佢嘅賣點真係夠大(個煲)，個人覺得picapica更好食。食物整體就係中規中矩，有85折嘅話係可以試下。🙂服務0分👎🏿最嬲嘅係佢哋服務態度真係好差，本身一路食都覺得佢哋態度冇話好好，上餐就係求其擺低就算，有時問嘢又唔會應，面色又唔係幾好，態度冷漠。😓😓😓我自己book嗰陣有講到話自己帶蛋糕去慶生，去到餐廳嗰陣亦都將蛋糕交低俾staff。臨食蛋糕嗰陣，佢有幫我哋插咗支仙女棒蠟燭。不過佢攞蛋糕埋嚟嗰陣完全唔通知一聲，個蠟燭話咁快燒晒，想叫佢幫我哋影張相都叫唔到，因為個staff好快手劈低個蛋糕即刻走開咗，個蛋糕就擺喺張枱角落位🙂作為顧客去餐廳慶生，仲要俾咗你$250切餅費，你送蛋糕嚟都唔通知一聲，劈低又走開，一句聲都冇出過，真係同茶餐廳上餐將嘢食劈低嘅畫面一模一樣😇😇特登嚟慶生，心情真係幾受影響。最後離開餐廳之後突然醒起交低俾staff嘅蛋糕袋佢冇還返俾我，由頭到尾冇人問過我哋個蛋糕袋要點處理，店家亦好似從來冇打算問聲🥲店入面見都有唔少唔係本地人嘅staff，都算有啲外國氣氛，真係第一次食西餐遇到態度咁差嘅店員。同埋餐廳你收得人$250切餅費，唔該有啲細節位都做下，講句happy birthday都好呀。…查看更多

--旺中慧食貓--呢間喺旺中都開咗好耐舖，好多學生買嚟醫肚，價錢最平都係$23，幾抵食。🌯塊餅好薄，煎得幾脆，但成舊食嗰陣塊餅嘅存在感其實好少，都係當食下料。入面加咗啲醬甜甜地幾襯個蛋，火腿得一塊，但呢個價錢冇得投訴啦。肉鬆喺入面存在感幾強，同埋食咗好多啖都淨係食緊肉鬆，係ok嘅，就係平時會買到嘅即食肉鬆。💩有少少撈搞嘅係個手抓餅嘅頂全部都係料，好似朵花咁整到塊餅好開，其實一啖咬唔晒所有嘢，而且一開始食好難食到塊餅，變相就要食晒啲料，再食餅咁。同埋出面張紙包住個手抓餅，張紙又好難搞，有時會唔小心食到啲紙入肚。😵‍💫整體係ok，旺中平民小食，係幾抵食嘅，同埋一個女仔嚟講幾飽肚。…查看更多

之前有食過薯條同薯圈，第一次覺得幾驚喜，薯條好脆又熱辣辣，加埋啲粉的確不錯。🍟今次食sour cream×bbq味薯條，覺得食完bbq再食sour cream嘅話越食越冇味，俾bbq遮咗啲味後，食返sour cream都覺得冇乜味，所以可能嗌一隻味比較好。今次食又覺得薯條冇咁好食咗，冇咁脆但都係熱辣辣嘅。覺得質素有少少下降咗，不過得閒經過都仲係會買嚟食下。比起薯條個人覺得薯圈更出色，下次都係食返薯圈算~~…查看更多

每次經過旺中都一定會食嘅舖頭！！🥚🥚個人認為必食嘅一定係佢哋嘅厚燒玉子，玉子燒入面包咗啲飯，冇咁單調，玉子燒上面啲醬真係同啲蛋好夾，忍唔住食完一啖又一啖。而且玉子燒每次食都係熱辣辣🥰蛋身又好淋，真係我食過最好食嘅玉子燒，十令蚊就買到快樂。🍣另外覺得佢啲三文魚腩都不錯，舊魚俾得幾厚，都算大舊，重點價錢真係唔貴，好值得一試。之前都食過佢其他壽司，覺得玉子燒一定係必食，但好似唔多人特別讚佢玉子燒出色。…查看更多

香港人對sharishari一定唔陌生，自己都食過佢好多款冰。🍓士多啤梨冰嘅味好似haagen dazs嘅士多啤梨雪糕嘅味，加上刨冰嘅top有啲cream加埋成個感覺都唔會好甜好漏。食到中間有啲奶凍(?)喺入面，食到最尾都唔會得單一口感好悶，呢個冰一定係sharishari必嗌嘅其中一款冰。🍫vanilla chocolate ice我係第一次食，因為自己鍾意食朱古力，佢冰裏面仲有oreo碎，加上朱古力味幾濃，成份事加埋好協調，比我想像中好食。😋😋不過唔知係咪錯覺，尖沙咀呢間sharishari好似特別嘈，同frd傾計都要大聲啲先聽到，但都唔影響食冰嘅心情😋…查看更多

呢間好似不嬲出名由韓國人經營，所以去食嗰陣都幾期待~~一開始嗌咗炸醬麵，半半炸雞(蜂蜜蒜蓉&甜辣)，燒五花腩定豬頸肉。炸雞嚟到係原味同甜辣，但嚟到嗰陣唔係好知，冇為意，食落根本冇蜂蜜蒜蓉味，同返店員講(係個大叔嚟)，佢話「但你哋食咗啦喎」。大佬唔食我點知你俾錯我呀😅雖然佢哋之前有另外補返蜂蜜蒜蓉炸雞，但店員嘅態度真係有啲令人不爽😓👍🏿炸雞都叫中規中矩，炸雞本人冇話好juicy，不過炸雞嘅醬係幾出色，如果想食好食嘅炸雞，真係好多舖好多過佢。👍🏿另外炸醬麵，中規中矩，麵本人係幾滑幾好食，但調味總係覺得差咁啲，個人會覺得outdark炸醬麵更勝一籌。不過碟麵真係好大碟，係幾抵食下。👎🏿燒五花腩真係中伏，肉質好鞋，冇乜調味淨係食落口覺得食緊好難食嘅叉燒，俾咗2舊水嗌呢個肉真係有啲唔知講咩好，差到連單獨幫佢影相都冇影，唔建議嗌。…查看更多