Tarlo的个人专页

我都幾鍾意食河粉，因為佢濕濕地配湯底，就算有時胃口唔好，清清淡淡就一餐去咗灣仔文洪記，今次係第二次食，覺得佢裝修得好簡潔，嘅清雅又好乾淨本來叫咗一個牛筋丸河粉同一個淨牛丸，但係見隔離食緊淨墨丸，好似食得好好味喎，就改咗墨丸，呢個墨丸係用新鮮墨魚打成，咬落口有一粒粒碎嘅墨魚粒，仲加有少少肥肉，所以食落又有趙口，又爽口個牛筋丸重好食，好重嘅牛肉味，有少少牛荕，要用少少牙力趙落去，比普通牛丸更有趙口，唔錯唔錯湯底係魚湯底，一啲都唔腥，好值得再去食…查看更多

星期六去藍田商場行街，去咗墾丁茶房食下午茶，食客唔多，佢裝修唔錯，雅潔清新叫咗個公司三文治配炸地瓜送凍蜂蜜紅茶公司三文治都幾多配料，有應有嘅生菜，番茄，火腿，煎蛋，仲有煎香嘅雞件，味道都唔錯，醫飽肚仔佢配菜係炸地瓜，即係番薯，地瓜都好新鮮，好香甜，如果可以炸得再脆D就更加好但係杯凍飲就失色咗啲，因為佢個茶比較淡，而且蜂蜜味唔夠多，不過反正係送嘅飲品，就冇乜所謂，清甜解渴都ok嘅咁多樣都係$41，抵啦掛…查看更多

西多士...我鍾意食，大家樂推出咗新口味流心西多士，我梗係飛去試試西多士冇得單點，一定要配下午茶餐，我揀咗西多士十榨菜肉絲米十凍奶茶，另一份沙嗲牛肉麵十咖喱角十凍檸茶西多士炸得唔油膩，裏面嘅咸蛋黃流心，幾得意，好似食緊美心流心月餅咁，係面層再鋪滿花生醬，唔錯，好味咖哩角就麻麻，裏面嘅餡料只係覺得糊口，沙嗲牛肉麵，冇乜牛肉或者沙嗲味，填飽肚都OK嘅榨菜肉絲米就好少少，榨菜唔太咸，都幾好味，奶茶都OK，不過檸檬茶就...算啦，好彩飲品送嘅…查看更多

平時食蕯莉亞，多數買外賣，因為堂食要等好耐，今日見等6、7張枱，就等下，點知都要等左30分鐘先至開餐飲咗忌廉周打魚湯，忌廉味好濃，重有好多配料，有蜆肉同雜菜粒，口感好豐富，不過個湯唔夠熱，扣少少分平時喺其他Pizza店，多數只提供蒜蓉包，呢度我揀咗芝士蒜蓉包，係蒜蓉包上加多一層芝士，溶化咗嘅芝士同啲蒜蓉醬配合得天衣無縫，又夠熱又好味Pizza係巴馬火腿，辣肉腸，芝士，菠蘿，都係果句，好多餡料，又惹味，皮底鬆脆俾錢嗰陣時，仲驚喜，又平又抵食…查看更多

咳咗成個星期，口淡淡，最好去銅鑼灣食江仔記魚蛋，叫咗一個魚蛋粉，同一個淨四寶魚蛋粉有四粒魚蛋，三片魚片，河粉切得好幼條，好滑，配合個魚味濃厚嘅魚湯，加少少魚露，魚蛋嘅鮮味出晒嚟，無胃口都變有胃口淨四寶有兩粒魚蛋丶兩片魚片丶兩粒墨魚丸丶一粒魚扎丶一粒魚皮餃，魚蛋好彈牙，我最怕食太淋身嘅魚蛋，好有魚味，魚餃同魚扎就一般，唔係話好好食，但亦都唔係難食，不過墨丸就差啲，嘅唔彈牙，又冇一粒粒碎墨魚，冇乜味，扣分下次都係專一D，食魚蛋粉👍…查看更多

晚餐去食魚米丶湯加，$105有找，點咗一個豬軟骨菜飯，另一個墨魚卷米線，我改咗做公仔麵，配咗2杯餐飲，熱咖啡同凍檸茶豬軟骨嗰汁，我覺得好好味，酸酸嘅果醋味，好啱呢個悶熱天時食，零舍開胃，淨係用汁撈菜飯，已經食咗大半，豬軟骨反而係配角，肉質同肉味ok，豬軟骨有咬口墨魚卷同街市買嘅冇乜分別，公仔麵同個湯都算合格，冇驚喜但係又冇失望最麻麻係2杯飲品，咖啡冇乜味道，檸檬茶又酸又苦澀，不過送嘅就冇乜所謂，甜品地瓜批，好甜.....以價錢嚟講，呢2個套餐都算係超值…查看更多

已經幫襯左棋哥幾次，我多數都係食燒鵝撈粗麵，我好鍾意食燒鵝，佢啲燒鵝食落覺得有少少荔枝柴嘅煙燻香味，食落好特別，我淨係喺大陸旅行試過有呢個味道，係香港就未試過今次啲燒鵝好啱我食，一份係鵝胸啖啖肉，另一份係鵝脾，好嫩滑又香鵝肉味，佢個粗麵係用豉油加鵝油撈起一齊食，食落就覺得好美味，唔太咸，但當食到一半就有啲覺得漏，或者下次叫佢比少啲鵝油呢個餐仲送一碗蘿蔔清湯，雖然冇乜餸，但係清清地，飲落有少少蘿蔔味，都算唔錯…查看更多

今次係第二次幫襯Pepper Lunch，小去嘅原因係因為要等好耐，再去幫襯嘅原因係因為都幾好食上次等左30分鐘，今次等左45分鐘，我叫咗香蒜黑椒牛肉飯，加大左牛嘅份量，牛肉切得好薄，所以唔會嚡，牛肉味唔係好重，最主要係靠嗰調得幾好味嘅醤汁，要倒多啲汁先好味，但係食完後會覺得幾鹹，一定要加配汽水，配菜仲有好多粟米，同啲飯撈埋一齊食，幾好食，但係啲飯要快啲食晒，如果唔係煎得耐，啲飯就有啲變飯焦咁乾身，都好抵食…查看更多

去廣成冰室幫襯，一定要好有耐性，因為逢星期六日，淨係等位，可能都要30分鐘，入坐落單，等食都差唔多再20-30分鐘佢嘅裝修係古舊嘅裝修，應該係話冇裝修，佢啲裝修係以前帶落嚟，燈制丶電制丶風扇都係好殘舊，不過為咗佢嘅美食，冇所謂，就當係特色啦佢嘅茶餐，你可以選擇蛋治或者菠蘿油，我多數要蛋治，因為佢嘅抄蛋好滑，啲雞蛋都有成吋厚，鮮牛肉通粉，新鮮煮出嚟個牛肉湯汁好香濃，加啲胡椒粉就更加美味，奶茶水準唔穩定，有時香滑，但有時有D淡，一般都OK，所以咪咁多人幫襯嘅原因…查看更多

我次次去香港仔漁米鎮，多數都係食炸魚片頭湯河，因為我好鍾意食魚蛋，雖然魚蛋係平價食物，但係我覺得又抵食，營養價值又高最鍾意佢個河粉，切得好幼身，配合個魚湯，精心烹調，用少少胡椒劈去鮮魚本身的腥味，所以佢個魚湯底，只有鮮甜味，一啲腥味都冇，淨係飲過魚湯同啲河粉，都已經超值，炸魚片頭足足有五件，魚片頭咬落去又彈牙又有魚味，加上㚈皮炸得脆脆，好有咬口，落少少魚露，所有嘅鮮甜味出晒嚟套餐附送飲品，超值係我經常幫趁嘅原因…查看更多

銅鑼灣有多食肆同特色小食，我好鍾意食辣魚蛋，但係大熱天時，真係辣上加辣，條脷噴火，即刻幫襯咗台灣嚟嘅春陽茶事間舖裝修得幾特色，有一個木製嘅小亭，都幾文清feel，白色嘅磚牆掛咗一個‘春’字嘅燈飾，好搶眼，叫咗杯甘蔗鮮奶，蔗汁就飲得多，但係加鮮奶都係第一次，唸唔到呢2個味道可以咁合拍，蔗汁甘甜清潤，鮮奶香滑，店員重好細心，話甘蔗偏甜，可以半糖或者微糖，我揀咗半糖同小冰，不但只味道好，仲好解渴同解辣，值得飲完再番飲…查看更多

我鍾意食太興嘅下午茶餐，份量足夠，等於午餐，我多數食雪菜肉絲米粉配滑蛋多士，或者餐肉滑蛋公仔麵，今日我就食餐肉滑蛋公仔麵，餐肉算優質餐肉，唔會太淋身，煎得香噴噴，又脆口，滑蛋名副其實好滑，好有蛋香味，公仔麵煮得軟硬度適中，另外一個欖菜肉鬆炒飯，個飯就硬咗啲，欖菜少，不過係即炒，加D美極，都幾好味，奶茶係一貫招牌菜，香同滑都係最適當嘅形容詞，凍檸檬茶茶底唔錯，好啱夏天飲，總括嚟講，百零蚊，兩個茶餐，真係超值抵食…查看更多

媽媽知我鍾意食雞翼，悉心煮多款口味我食，招牌菜一可樂雞翼，媽媽走咗...😢自己又懶煮...😥母親節喺銅鑼灣，見人楂住好靚嘅雞翼花🌹，試咗文清風味，甜甜地嘅蜜糖味，好期待嘅感覺返嚟啦，佢哋有單先至炸，再慢慢煎，將醬汁嘅味道融入雞翼，雞翼皮脆，嫩滑，多汁，味道多重化鹹檸七，熱情果，菠蘿油，避風塘，都係我鍾意嘅味道，有創意，設計靚有心思，味道又特別，雖然要等10分鐘，但係用心煮，熱烘烘嘅雞翼😋😋😋，係值得嘅好期待會唔會推出懷舊味道...可樂雞翼呢…查看更多

食咗澳洲牛奶公司好多年，食極都唔厭😋，由30幾蚊一個茶餐，到而家46蚊，佢個炒蛋真係由始至終都咁滑😍，多士脆牛油香，鮮牛肉通粉，湯底好濃味，牛肉新鮮有牛肉味，最精彩係個胡椒粉，又香又辣，每次我都會撒好多好多胡椒粉，奶茶都控制得好好，又香滑，茶味香濃但唔苦澀，唯一缺點，係地方比較細，坐得迫迫夾夾，啲碟放喺枱度，都要排得整整齊齊，先至放得晒，以前比較多人排隊，今日少咗好多排隊嘅人，不過都要排左5至10分鐘…查看更多

麥當勞國際品牌，相信大家都不會陌生，一個月總會食幾次，價錢大眾化，食材質素高，今天我又去幫襯我鍾意嘅pancake早餐，有3件pancake，大師傅級水準，pancake又鬆軟又香蛋味，配上獨立包裝糖漿，鍾意食幾多就點幾多，熱奶茶又香濃又滑，真係又平又抵食…查看更多