xanniex的个人专页

今天過中環，在openirce專誠找好吃的店，看到此店竟然 "零負評"，就一定要來看看究竟。大概 $70 以上, 有4件或8件手卷飯團, 三點到, 我最想試的三文魚和牛油果已沽清. 點了 "Sea monster"，可以看著師父做手卷，看到他放很多材料，視覺已經很享受。Topping放的汁也很吸引。先說 "色" 及 "美"，手卷做得很漂亮，有層次，顏色豐富，但碟子可以選得好看些。"味道"，咬落去剛巧是大量蟹柳沙律的地方，加上日本米，是我本身就喜歡的東西，材料份量足，有一隻炸蝦在中間。另外加了大量青瓜絲，很清爽。整體上是不錯，但由於是舌尖要求，如果要說，有以下改善地方。1. 珍珠米煲得過軟，有可能是本身級數不高。（因為將貨就價吧） 感覺跟吃著通泰國米差不多.....飯團重點是"米"，這個不講究便有點...2. 紫菜是軟，不脆。咬不開，所以弄到吃時飯團都散開了，這點不用說也明。3. 青瓜絲好像跟整體不配搭，蟹柳沙律那邊很好吃，但青瓜絲就還青瓜絲，整體來說做不到互相搭配的口感。整體上還可以，但不至於超級好食，要再試其他。另外因為要自己清潔，感覺上桌面不太乾淨呢~ …查看更多

青衣城酒樓不多，第二次到聯邦飲茶。點心質素比半年前差了極多。蕾沙湯丸的粉團太多，一口咬下去是質感很差的粉，麻蓉沒味道。水晶桂花糕味道很奇怪，不單沒有桂花味更有少少酸的味道。鳳爪很難會不好吃，但這裡的鳳爪沒有味道。蝦餃也是沒味道不油潤。我對吃的要求不算高，但跟友人一致認為這裡的點心很有問題，收費也貴。好吃的有羅漢齋腸粉 及 馬拉糕。普洱是低質茶葉。飲茶幾十年第一次因為東西難吃而有吃淨食物。服務也不見得好，不會再來。…查看更多

住大埔食店唔多，其中老地方係我地一直以來長期捧場既食店。兩個人，經常叫豬頸肉獲仔炒飯，馬拉棧炒通菜(推介)，當日推介既小食，樣樣都好味道，最緊要價錢合理，泰式鳳爪沙律大概每次都會叫，“老”水雞翼都係我最愛。另外蕃茄豬頸肉飯，或者轉辣肉碎都一流。小店有呢種食物水準真係算不錯，店內有電視睇，食下野傾下計可以慢慢食~~蕃茄辣肉碎飯…查看更多

我自己一向鐘意食日本菜, 不過係響日本食, 慣左以日本既日本菜為standard比分, 所以, 香港基本上無乜邊間日本野好食, 貴既平既食過好多, 得幾間好食, 正宗.住響大埔, 好多年前食過呢度, 不過感覺都係港式日本菜, 今次因為響日本返黎, 仲好掛住日本d食物, 所以求其搵間日本野頂住先....兩人叫左兩個定食share.燒羊定食 -- 強烈推介, 燒得好香, 肉質香嫩, 有四件份量不錯, 定食跟飯, 沙律/湯, 飲品.一個唔知咩什錦定食 -- 有3件自選sushi, 天婦羅炸得不油(好香脆), 有6件魚生(雖然唔大塊, 不過新鮮有口感), 小拉麵(呢個只ok, 湯麻麻地, 無蔥>_<), 最讚反而係個味噌, 落左昆布煮, 唔似開粉, 好味呀!! 都係跟飲品. 唯一要彈係個飯, 個樣應該係珍珠米, 不過可能係cheap既珍珠米, 所以我覺得麻麻地好食. 飲品配汽水 or 豆漿有d怪....不過都ok好飲既...食晒所有野, 好飽, 唔可以話係好正宗, 不過已經偏離港式日本野果種行貨感覺, 入到去裝修舒適都幾似日本d小店, 不過老版娘招呼客人時無感表情, 一問一答, 我自己會鐘意親切d既招呼, 當然, 香港唔同日本呢....最緊要一樣, 就係五十幾蚊一個定食真係好抵, 計番等於六百幾yen, 響日本只可以食到一個麵咋!!!…查看更多

間中入聯和墟揾食, 總會發現好野.今日我無乜胃口, 行行下見到呢間寫住有江南輕食, 糕點餃子, 就入去食少少, 不過見佢鋪就大, 不過無裝修, 又無乜客, 心諗唔方好味, 不過店員已經沖出黎招呼, 就試一次啦.原來呢係食京滬菜, 即係上海, 北京菜, 我地兩條友, 朋友仲要麻麻地鐘意上海野, 都唔知叫咩, 最後叫左十個小籠包, 一個奶油雲腰娃娃菜, 見到人地食緊個鐵版, 我地學佢叫, 原來係鐵板京蔥牛肉.先上個菜, 哇, 個奶油上湯, 加上雲腿咸咸地好食呀, 其他菜未到就差唔多食晒....跟住上小籠包, 見等左好耐, 應該係即蒸啦, 果然無失望, 個籠一打開, 超大煙超熱, 一睇就合格, 因為真係皮薄淊靚, 個皮包到見到d大大舊既肉架, 跟住試下, 果然正呀, 包到湯入去, 味道好好, 我試過好多港島貴既上海菜, 呢度既係有過之而無不及, 最重要係平好多呀麻.最後係個京蔥牛肉, 哇, 簡直又係正, 佢地用肥牛京蔥抄, d牛o岩o岩好唔會太熟, 加上香港人比較少食但我地最愛既京蔥, 真係超正, 加上佢個特製牛肉汁, 轉個頭食晒啦.所以話, 好多時唔可以睇表面, 估唔到一間咁既食店原來係咁好食. 不過我覺得佢地細間d加番少少裝修會吸引到多d客. 唔洗而家咁, 佢地都張貼話因為唔夠客, 所以星期一二都唔僧開門.…查看更多

呢度出名豬扒麵, 係朋友帶我黎.一坐低店員叔叔問我地飲咩野茶, 我覺得好似響茶樓, 我一時諗唔到所以無答佢, 叫左豬扒麵, 等候時間有少少耐, 不過係值得既, 個豬扒整得真係好正, 好軟好入味. 之後我飲朋友既奶茶, 冶員叔叔話比杯茶我啦, 見我頭先又話諗下叫咩飲, 以為我會叫, 佢話如果唔唔飲唔緊要架, 佢地做茶檔係慣左見人客一坐低就問人飲咩茶, 之後我就問佢好多野啦.呢d大排檔響香港已經式微, 一化一化咁消失, 不過我覺得響呢度除左好食, 仲有果份人情味, 會有小貓圍住你對腳, 有店員叔叔同你傾計, 唔想佢地消失呀~~~…查看更多

第一次去時dinner buffet只是$80, 食物就真係好麻麻，無咩食。不過坐得舒服，又無人同你爭野食. 當食個普通dinner. 無驚喜。尋日第二次食，約左成班15個舊同學聚會，加左價 $120, 食物明顯好左好多，多左BBQ，即燒，無人爭，任你囉，幾好味，熱盆都多左dd野食，salad bar 同 dessert都多左野，dessert竟然有驚喜，有個blueberry cake係好味tim wor。呢度我最buy係坐得舒服，人多人少都可以，靜靜地傾幾個鐘，坐室外對仲正，暗暗地，慢慢食。不過吾好預左去食好野囉，一定會失望，根本我一早食過，都知呀蘇係吹水啦，有咩理由講到咁勁食呢，可以係介乎普通 -- 好食之間啦。$120算係咁，仲有免費泊車 (注意，佢地 9:30會埋數，一定要問佢囉單泊車)。…查看更多

一向不太喜歡吃魚旦，因為未吃過好的，無論香港仔或是什麼什麼。除了，長洲的即做魚旦。還有，蔡潤記...住了大埔很多年除左兒時到過一次外，近數年才光顧得比較多，因為本身不好魚旦，不過試了這間之後便很快又渴望再去食，可惜他們很早便關門，只有星期六日才有機會吃。這裡的魚旦細細粒，不過是用新鮮魚做的，咬入口還是細細魚骨我很喜歡這個感覺，不得不讚是河粉，從來未可以一個人吃完一碗河粉因為通常不足十秒便脹起，這裡的河粉不會脹起，吃到尾也有質感，湯也很好，絕不是味精湯 (我對味精是超強敏感的)，應該是用骨或魚做成的清湯，最好當然是他們秘製的辣椒油呢，加上醬油混在一起點魚旦及河，很好吃!!!通常會另加一碗淨魚片也很好吃。…查看更多

近來研究咖啡，到處試有心做的咖啡店，color brown令我印象頗深刻，我叫老闆介紹這裡最好的coffee，他介紹我這裡的house coffee, 是用一種巴西單豆沖成，很濃郁，是我喜歡的苦味，初時我懷疑一是他用了超多粉，一是浸得耐了，那個咖啡因作用發揮得很強，我整晚也睡不了，平時我自己用poka pot or filter 做的咖啡，也未會令我感到這樣強的咖啡因。然後我買了100g 粉回去自己沖，也一樣是超香的粉，那他選擇這個豆選得很好。另外友人要了house的凍咖啡，這個便失色不了，很苦又很淡，就像是把粉都放在我杯內而這杯又沒有味道。要注意一下每一杯都平均便很好。食物我也不太要求，始終也是給人relax的小店，不是招牌做好食物的店，不過cake也是不過不失的。店子裝修得很好，很有個性的咖啡店風格，有小狗兩只陪客人。總括來說是一間令人想一去再去"hea"的好地方。…查看更多

一向在香港的日本菜也是很"港式"的，要去到正宗日本菜可能每道菜要數百元那種級數。今次第一次試大戶屋，令我感覺回到日本，無論它的食物，裝修也很好，唯一服務員有點對店子的貨物認識不深，不過態度也是很好的。原先想叫招牌菜"黑醋雞肉野菜定食"，不過當晚的雞賣完了，問過轉了的豬也是來自日本的，便轉了豬肉野菜定食。定食的主菜是"豬肉，菇，蛋，青瓜，泡菜，蕃茄，蔥絲 + 日本醬油" 的混合，這個配搭很好，用醬油來送飯我們不停讚好。另叫了大麥野菜蒸飯定食，這有一個雜菜煲，裡面有豆腐，不同種類的菜，湯，加上麥米飯，都是用湯來送飯，又是很美味很美味。最後要了綠茶小丸子雪糕，這個綠茶做成的糕點很有綠茶味，吃過很回味。濃濃的綠茶味在口中也不退。這是很地道的日本菜，在香港來說這個價錢算不錯了。…查看更多

之前睇左呢度好多食評都話呢度sevice差，可能真係每個人要求都吾同啦，我今次係第一次去，都有d心理準備受到不快對待。今晚23/12, 係假前夕，成個赤柱都好少人，可以話係無人，而餐廳更加真係一個人都無，我地兩個包廳呀，入到去就有一個伯伯招呼, 幫我地選個位，佢個樣都吾串呀，仲幾熱情，我都鐘意同人傾計，由其是經驗豐富既伯伯，我地入到去就同佢吹水啦，又問點解咁少人，又問佢有咩好食，佢仲同我地有講有笑，我問可吾可以周圍影相，佢都笑笑口好歡迎，好開心呀。我地叫左羊扒，意粉，沙律+煙三文魚，巴拿馬火腿蜜瓜，apple pie, 最出色係個羊扒 and 沙律，響香港地，要食好味野吾難，不過要食到又好味又有誠意就好難啦，有誠意就係d dish既細節都做得好好，例如沙律個汁呀，d小配菜，每樣食材都新鮮，從呢d小小細節就可以睇得出係咪一間有心既餐廳。今晚仲有個男仔安排左一個table setting 比女友一個驚喜，可想而知佢地都好鐘意呢個地方。仲請我地飲香檳。今晚真係一個好難忘既x'mas dinner, 可以慢慢食，慢慢坐，我一定會再去架!!!! :)…查看更多

24/12食x'mas dinner。係朋友介紹我黎呢度。餐廳位於西貢市旁橫街，好靜，好舒服，cafe真係好有家既感覺，好多玩具，裝飾品，真係好似我屋企呀，又有田園feel, 我好鐘意露天部份，所以都選擇坐外面，老細個女女好可愛，周圍走去招呼客人，睇黎佢地都有好多熟客呀，我食完呢餐都留低左email。不過好可惜，佢地會於1月4日暫時結業啦，因為業主加租，暫時結束8年生意，真係好可惜。今晚食x'mas大餐，$238 有3 courses, 海鮮湯好有質感，雖然我吾知佢落左咩材料，不過肯定入面有好多種不同海鮮溶同碎，好味。田螺好軟味道剛好，鴨胸d肉質好，吾肥，又吾會硬，加上桃汁，真係好正，我男友要了牛仔骨，配上蒜汁，又係好好味，最後一個自製甜品加咖啡，簡直係完美既一餐。我已經book左 4/1 食佢地 farewell buffet啦。希望快d可以再開番啦!!!!…查看更多