rachelchanhm的个人专页

最近喺觀塘試咗一間中式自助餐，真心覺得幾抵食。每位只係 $398，但主菜誠意十足，完全唔似一般自助餐。每人都有 半隻蒜茸開邊蒸澳洲龍蝦，龍蝦夠新鮮，肉質彈牙，蒜茸香而唔油，蒸得啱啱好，食落好滿足。另外仲有一份 蠔皇五頭鮑魚扣鵝掌，鮑魚夠厚身又入味，鵝掌炆得夠腍，膠質感重，蠔皇汁夠濃但唔會膩，整體水準幾高。除咗呢兩款主菜，場內仲有唔同嘅中式熱葷、小食、湯同甜品可以自己拎，款式唔算誇張多，但勝在味道穩定，補菜都算快。以呢個價錢可以食到龍蝦同鮑魚鵝掌，仲要係中式自助餐，真心覺得抵食。餐廳有露台，可以望到煙花，聖誕仲有大抽獎，適合朋友聚餐或者一家大細食餐好啲。…查看更多

到過張公子幾次，之前都係午飯叫點心，覺得有水準，今日同朋友食晚飯點小菜，亦都冇令我哋失望！餐廳主打新派中菜，每道都見心思。🔶 秋霧鹵醉蝦上枱時有仙氣煙霧，蝦肉爽口彈牙，花雕酒香突出，不搶蝦肉鮮甜，值得一試。🔶 火焰菠蘿咕喱西班牙黑毛豬上枱亦夠晒搶鏡，用火焰提升香氣，豬肉嫩滑，水準以上。🔶 主菜公子牛肋骨，燉得極腍滑，啖啖肉又多汁，牛味香濃，唔駛咬已化開，我同朋友都一致推介！🔶 XO醬紅蔥滷肉木桶拌飯夠鍋氣，XO醬咸香惹味，滷肉半肥瘦一啖接一啖，飯香夠突出。整體而言，菜式有誠意兼有質素，適合同朋友聚餐或宴客。…查看更多

米芝蓮三星，廚師發辦日本lunch Omakase… 八爪魚勁腍，勁入味，好好味！茶碗蒸，面啲三文魚子大粒又新鮮一啲都唔腥、第二層舞蓉很香、加埋第三層的茶碗蒸，口感豐富又香，很享受！各款魚生都新鮮好味！北海道嘅馬糞海膽勁鮮味！鮑魚配上鮑魚肝醬，又香又好味，每啖都好滋味！就算普通嘅壽司都配埋很爽的瓜菜、又淋又香又好味，每啖都係大享受！最後已香印提子啫喱汁結尾，圓滿！服務細心、廚師也有認真整食物，每道菜也向我們介紹，有時還同我們講幾句廣東話，令人有賓至如歸的。…查看更多

呢間韓國餐廳開咗好多年（之前喺另一位位置），算係尖沙咀既老字號。佢哋最出名就係炸雞，今次我哋叫咗個「半半炸雞」，原味加辣味各一半，一上枱就嚇親，份量超大！炸得外脆內嫩，辣味嗰邊又唔會太嗆，帶少少甜辣醬香，好開胃。原味就保持到雞肉嘅多汁感，啖啖肉好爽。另外嗌咗個「牛肉炒粉絲」，炒得唔油膩，粉絲吸晒牛肉同蔬菜嘅汁，味道夠香又有嚼勁，幾有韓風味。仲有個「魚餅湯」，熱辣辣上枱，湯底清甜帶少少胡椒味，魚餅彈牙又入味，飲完暖笠笠。以價錢嚟講真係幾抵食，份量夠晒大，兩三個人share都冇問題。整體味道穩定，氣氛又親切，怪不得差不多滿座。如果鍾意食韓式炸雞或者想搵間輕鬆抵食啲嘅韓餐聚腳，呢度絕對係唔錯嘅選擇。…查看更多

呢間喺銅鑼灣嘅星加坡餐廳 ATAS，環境乾淨舒適，有啲高級茶室 feel。嗰晚兩個人去食，點咗虎蝦叻沙、魔鬼魚（Sambal Stingray）、雞肉沙爹、Rose Limau 同 Milo Explosion。叻沙用咗米粉加油麵，湯底香濃又帶椰香，虎蝦幾大隻又彈牙，加多咗少少 Sambal Tumis 味道更突出。魔鬼魚燒得啱啱好，辣醬惹味但唔嗆喉。沙爹四串，花生醬香滑，雞肉唔柴。飲品方面，Rose Limau 酸酸甜甜好解膩，Milo Explosion 就係濃厚朱古力控必試款，甜而不膩。埋單連服務費 大約$500，以銅鑼灣嚟講算幾實惠。整體食物質素幾好、味道道地，下次會想試埋其他星加坡小炒！…查看更多

Had dinner here in Sai Wan last Saturday and really enjoyed it! The oysters (Spain Pearl, Elizabeth, Casifello) were super fresh and tasty.Both soups — lobster bisque and mushroom — were rich and comforting. The Parm Ham Caesar Salad was a nice starter, but the star of the night was definitely the Wagyu Filet Mignon, cooked perfectly and so tender. We finished with a warm chocolate fondant that was absolutely delicious.What made the night even better was the live music — a singer with e-guitar, giving the whole place such a cozy and relaxed vibe. Great food, good atmosphere, and very reasonable prices. A hidden gem in the area — I’ll be back for sure!…查看更多

去咗尖沙咀美麗華呢間泰國菜餐廳，地點方便，環境舒適。頭盤叫咗個小食拼盤，有香茅雞翼、泰式蝦多士、紅磚豆腐同炭燒豬頸肉，每樣都熱辣辣上枱，香口惹味，特別係雞翼同豬頸肉，香氣十足。之後試咗炭燒沙嗲牛，牛肉嫩滑，加埋沙嗲醬濃郁唔膩，有驚喜。泰式椰子鮮雞湯酸酸辣辣，椰香味同香料融合得好，暖胃又開胃。主菜方面叫了酒香火焰骨，上枱時火焰效果好搶眼，骨肉入味，食落仲帶少少酒香。我最喜歡係泰胡椒和牛炒糯米河，糯米河煙韌帶咬口，和牛同胡椒味配合到位，食到停唔到口。甜品黑糖椰子雪糕收尾，清甜解膩。飲品方面試咗招牌雞尾酒 Mue Thai，用咗白冧酒加青檸同香茅，仲有特別嘅 Dunkel Foam，清新又有層次。價錢合理，服務態度又好，整體嚟講係一次好滿意嘅泰國菜體驗，下次會再嚟！…查看更多

今日走入長沙灣一間環境幾chill嘅 café 食午餐。食物方面，最推薦係 開心果奶蓋梳乎厘班戟，班戟厚身鬆軟，入口即溶，加上香濃唔膩嘅開心果奶蓋，甜而不膩，好味道。主食點咗 Boholic 原隻龍蝦尾全日早餐，龍蝦尾幾彈牙，煎到有少少焦香，再配炒蛋、沙律同麵包，份量足到可以頂肚一餐。飲品方面揀咗 黑糖伯爵茶鮮奶咖啡，入口先有黑糖甜香，再滲出茶香同咖啡味，幾有層次感。整體嚟講，呢間 café 氣氛舒服，價錢合理，啱晒同朋友聚會或者自己慢慢嘆返個lunch 。…查看更多

呢間法國餐廳認真不錯！首先環境一流，坐喺窗邊就望到成個維港海景，夜晚仲可看到幻彩詠香江，氣氛很好，服務也貼心周到。我哋揀咗 6 course dinner，由 Amuse-Bouche 開始，Burrata Cheese 配無花果同榛子，清新又有層次。法式洋蔥湯賣相一流，香濃得嚟又唔會太膩。之後嘗到Brittany 藍龍蝦，湯底鮮甜，配埋芹菜同檸檬，非常清爽。主菜部分海鮮意大利飯有蜆肉、八爪魚同豌豆，米粒煮得剛剛好，鮮味滿分。美國頂級牛柳切開後粉嫩多汁，伴碟嘅牛尾同根莖菜令味道更豐富。甜品方面，士多啤梨 Soufflé 輕盈鬆軟，帶少少香草草本香，配雪糕食一流。最後仲有 Petits Fours，為整個晚餐劃上完美句號。總括嚟講，環境靚絕、服務貼心，以這價絕對係物有所值，下次一定會再嚟！…查看更多

尖沙咀海旁嘅 Harlan’s 向來出名靚景，夜晚坐室外飲杯嘢氣氛一流。不過今次同朋友就揀咗坐室內，慢慢嘆個三道菜晚餐。頭盤一開始已經幾有驚喜。藍龍蝦他他加上鵝肝同脆雞皮，口感層次好豐富；帝王蟹配海膽同芝士脆片，鮮甜又有少少奢華感；荔枝車厘茄凍湯就清清地，配埋紅蝦同酸甜西瓜皮，幾醒胃。主菜方面，我揀咗雞胸肉卷，肉質嫩滑，配上龍蝦汁同脆炸鵝肝，味道不錯；朋友就要咗龍蝦，面層香脆，帶魚子醬同清酒忌廉汁，香濃但唔會膩。甜品係腐皮法式千層，入口帶少少豆香，幾好味。整體食物質素同環境都對得住價錢，如果想同朋友慶祝或者情侶約會，Harlan’s 算係尖沙咀睇夜景嘆西餐嘅好選擇。…查看更多

呢間印度餐廳坐得幾舒服，環境不錯，燈光柔和，啱晒朋友聚會慢慢傾計。前菜叫咗個 Masala Garden Salad，清爽又有少少香料味，唔會太重手，食落幾開胃。跟住試咗 Prawn Pakora Basket，外層炸得香脆，熱辣辣上枱，配埋啲醬不錯。主菜揀咗 Chicken Tikka Masala，雞肉嫩滑，醬汁濃郁帶少少酸甜，很惹味，用嚟點 Garlic Coriander Naan 一流，蒜香加埋芫茜味，食到停唔到口。最後嘅甜品 Sticky Toffee Pudding 都不錯，暖暖嘅蛋糕配上焦糖醬，香甜但唔會過膩。體驗舒服、食物水準幾高，價錢都合理。…查看更多

呢晚喺鋼鑼灣大宅食咗個 tasting menu，成個體驗很滿意。開頭嘅迎賓小食有蔥油海蜇、豆板麻辣海蜇同椒鹽糖心鮑魚，蔥油海蜇幾有特色，爽口清香；椒鹽糖心鮑魚香口美味，外脆內嫩，食落好滿足。金腿蟹肉燴冬蓉羹，冬瓜蓉清新細滑，蟹肉份量足，配上金華火腿嘅鹹香，味道層次分明，清香又夠味。廿年陳皮拔絲虎蝦球真係驚喜，蝦球熱辣香脆，加上陳皮嘅幽香，味道濃郁有深度，再食返啖荔枝中和一下，清新香甜，正到停唔到口。文火慢煮和牛，入口即溶，肥瘦適中，配埋個醬汁雖然味濃但唔會膩，底下仲有炸腸粉，口感層次豐富，襯得好好。乾燒椰菜花龍躉，魚肉新鮮彈牙，香香辣辣，幾惹味又開胃。整體嚟講，每道菜都見到用心，食材新鮮、火候到位，味道有層次。服務細心，環境舒適，無論同朋友定家人嚟，都可以慢慢享受一頓高質晚餐。…查看更多

啱啱喺一間高層靚景中餐廳食咗餐晚飯，環境吾錯，睇住夜景嘆中菜，感覺寫意。「鮑汁脆皮百花海參」好有驚喜，外層脆卜卜，內裏係蝦膠包住海參，加埋蝦子柚皮同時蔬，味道層次好豐富。「迷你冬瓜盅」入面有海參、帶子、瑤柱、火腿等配料，用了豐富，湯底清甜唔膩。「香芒大蝦」就酸酸甜甜，好開胃，大蝦爽口彈牙，芒果醬唔會太霸道，啱啱好。「碧綠雲腿白玉環」係用冬瓜圈包住金華火腿粒，火腿鹹香突出，配菜清新平衡。甜品方面，「海帶綠豆沙」好特別，有啲似養生糖水，唔太甜，幾清新。「紅棗糕」煙韌帶香，口感唔錯。成餐菜式精緻又有水準，雖然價錢高啲，但景靚環境不錯，偶爾獎勵下自己都值。…查看更多

喺啟德SOGO 行完街，便到這泰國餐廳食晚飯，因之前在此食過lunch ，幾好味抵食。這裡整體感覺唔錯，環境闊落舒服，服務都幾有禮貌。叫咗飛天通菜、泰式黃咖哩雞、泰式明爐魚，味道都吾錯。通菜夠鑊氣，辣勁啱啱好，唔會搶味；黃咖哩雞好香椰奶味，咖哩濃郁但唔膩，好送飯；明爐鳥頭魚，大大條，醬汁酸酸辣辣，非常開胃。兩個人食咗 $508，連服務費，平均 $254 一位，以呢個質素同環境嚟講，算係合理，當然Lunch 更抵食。室外也有枱，個景也幾靚，有機會秋冬無甘熱要嚟試試。…查看更多

同朋友去咗食日本菜，叫咗兩個set——「海言廚師發辦魚生飯（特上）」同「江戶前散壽司」，兩款都非常出色。魚生種類超多，有中拖羅、赤身、甜蝦、白蝦、帶子、海膽、三文魚籽、炙燒魚同各款白身魚，擺盤靚得嚟又好豐富，絕對感受到師傅嘅心思同誠意。魚生夠晒新鮮，入口滑溜冇雪味，海膽特別甜，完全冇腥，魚子亦爆汁，口感一流。配菜有紫蘇葉、醃黃蘿蔔、青瓜、薑片等，平衡咗味道又開胃。散壽司嗰份仲加咗自家玉子燒、稻荷壽司，飯仲加了芝麻薑蓉及傳統漬物，整體味道層次更豐富。兩個餐都包茶碗蒸、沙律及湯。茶碗蒸蛋滑熱辣辣，沙律菜新鮮，混有不同的蔬菜，顏色及口感豐富，醒神開胃。店員服務態度好，會細心介紹魚生種類，仲主動加茶，感覺親切。以質素嚟講，價錢合理，性價比高。成個用餐體驗好滿意，推介俾鍾意食高質魚生嘅朋友！…查看更多