siiiiikiiioi的个人专页

朋友響上環返工，見到蘇杭街新開左間cafe店平日lunchtime 人流都頗多，今日難得放假，佢就約左我地幾個姐妹👭，一齊去試下佢既晚餐幸好我地早左黎，人流唔算多，唔洗等位就入得去一入去待應哥哥很友善安排座位坐下，服務好好亦好有禮貌！睇一睇餐牌👀晚市套餐主要有三個選擇，有牛、雞同羊架因為唔食羊既關係，所以嗌左個牛同雞試下加$48仲可以升級任食薯條，啱曬薯條控既我首先黎既係即炸既黑松露薯條，熱辣辣好好食，唔洗五分鐘我地就ko左照燒雞扒配前菜日式蕎麥冷麵雞扒上菜既時候已經切好左一舊舊，好細心雞肉很嫩滑，配上雞扒上既醬汁好惹味！旁邊伴碟既蕎麥冷麵都好令人有驚喜😍等左一陣，我地既牛扒到啦鹿兒島半吋牛扒配有機蘋果藜麥待應哥哥話今日跟餐既紅菜頭西柚橙賣曬，所以轉左蘋果藜麥。小妹平日少食健康素食，藜麥配上香甜蘋果好有驚喜，伴牛扒食令口感多元化🥩牛扒點左七成熟，肉質咬落尚算細嫩，如果肉汁juicy啲就更好！由於夜晚既關係，我地怕訓唔著所以無嗌到呢度出名既咖啡待應哥哥就推薦左呢度出名既lemonade同吉茶我地仲見到店員好細心咁為吉茶Hojicha Latte拉花另一杯係可愛既貓貓🐱雖然大家已經好飽，但正所謂甜品係另一個胃跟餐包埋一款蛋糕🍰我地分別揀左曲奇cheesecake、red velvet cake、蘋果撻，同埋brownie甜品都好好食呀，小妹特別喜歡曲奇cheesecake埋單每人唔洗$200，性價比高之餘，環境舒服好適合同三五知己聚會談心，而且待應服務好好我地幾個都好滿足咁捧住個肚走！下次會再同朋友黎試下佢啲咖啡…查看更多

這一晚來到Pom’s Kitchen & Deli與朋友撐台腳，這間西餐廳主打新派西餐，講究傳統與創新的碰撞，而裝飾就充滿英倫風格，非常有格調，無論情侶又好一班好朋友都好，都非常適合黎呢度一邊談心一邊享受美食。我同朋友分別叫左個卡邦尼煙肉意大利粉同炭燒美國安格斯肉眼牛扒，個人認為個肉眼牛扒不論選材以至烹調方法都值得一讚，牢牢鎖住肉汁，一咬下去肉質嫩滑，炭燒的味道恰到好處反而卡邦尼意大利粉的醬汁稍嫌濃稠，容易有膩的感覺。不過呢度性價比最高的是環境，實在太好坐太適合談心了，特別適合特別日子前來！…查看更多

今日同朋友收工之後忽然好想食日本野，行過金巴利道見到間好有日本風格既餐廳，即刻俾佢吸引左我眼光，望下餐牌都幾吸引就即刻入去坐底。入面環境非常適合傾計，坐得又舒服之後即刻點左好多野食首先前菜叫左個和風蕃茄沙律，配以日式燒汁同黑椒非常開胃惹味呀！！！平時唔係點食蕃茄既我都忍唔住係咁食之後小食叫左蒜香燒牛舌心、燒鮮雞腎、雞皮露荀串，啲香料比例恰到好處，又唔會感覺油膩終於輪到我最愛既魚生刺身，叫左個Omakase刺身拼盤，廚師會揀當季最靚最新鮮既魚生，侍應仲會親切地介紹每種魚生，仲有唔同既食法添。魚生控既我地食到lam lam 利🤤最後再叫左四件壽司作為今晚圓滿既結束，包括三文魚腩、油甘魚腩、蟹膏帆立貝、鱈場蟹腳。鍾意食日本野既朋友仔一定要黎呢度試試！…查看更多

今日收工黎到佐敦食西餐，呢間Plato Cafe & Bistro好適合傾計聚會同享受高性價比既西餐，呢度裝修簡約帶有些許古典味道，頗具情調。餐牌上有好多選擇，西餐上應有既都有對於有選擇困難症既我地就揀左個精選二人套餐($428)有餐湯、麵包、頭盤、意粉、主菜、甜品以至飲品，非常豐富頭盤我地叫左個芝士焗薯條，一黎已經令我眼睛一亮，滿滿半溶既芝士，再加上獨特惹味既紅色粉末，配上外脆內軟既薯條真係非常抵贊之後意粉就叫左個牛肝菌帆立貝忌廉意大利粉，睇落非常精巧，而濃稠嘅忌廉汁底都好出色主菜再叫咗個紅酒燒汁安格斯西冷牛扒肉質都算中上，稍嫌肉汁唔夠，整體黎講都合格以上最後甜品叫咗個提拉米蘇同加左$28升級至心太軟可惜提拉米蘇雪得比較硬身一啲🤭而心太軟唔錯都有出面甜品鋪嘅水準。特濃朱古力都好好飲我覺得以依個價錢性價比實在唔錯，想食西餐嘅時候值得再黎。…查看更多

今日黎到長沙灣隱世小店Choo Choo，呢度最出名既係佢特別既設計感，以旅行為主題，成間餐廳設計到好似置身於車廂裏，兩邊牆身既螢幕都播住移動中既北海道車景，相當有特色。再望下餐牌，店主好有心思咁將餐牌設計成一本旅遊日誌咁，仲有紀錄當中既旅遊點滴，每本餐牌既旅遊內容仲會唔同的。可惜無影到相我地點左個黑松露醬蘆筍同炸薯格作為前菜個蘆筍配黑松露醬非常出色好開胃呀～而薯格炸得啱啱好，熱辣辣食不停之後再點左個阿根廷紅蝦義大利麵同慢煮三文魚作為主菜紅蝦鮮甜而整個義大利麵都蝦味濃郁，份量亦都好多，大大碟好抵食三文魚整得非常鮮嫩，好有驚喜，友人特別喜歡呢個魚，全部食曬呀另外，飲品就叫左杯Mango Banana Energizer同Winter Melon Ale～個mango banana 人手即打，個味道夾得好好之餘仲用個燈泡💡裝住，打卡一流整體黎講，不論環境氣氛同食物質素都相當不俗，值得一試再試！…查看更多

早排上網已經聽過呢間check-in Taipei，今日收工決定同朋友試下呢間台灣野估唔到平日都咁多人排隊，大約等左20分鐘就可以入座喇坐底睇下個餐牌先，款色都好多呀，我同朋友都好難揀首先黎既就係手繪雙色鹽酥雞（$75）啲雞熱辣辣好香口，雙色既醬有柚子同黑松露，柚子既甜甜地好特別，黑松露醬好正食上癮跟住就黎左個牽絲芝士酥皮蛋捲（$85）呢個好值得食！！個皮好脆之餘，入面都好足料，芝士好豐富另外，我地嗌左一個招牌牛肉麵（$88）同埋滷肉飯配溏心蛋（$38）我地估唔到個麵既份量會咁多，兩個人都食唔曬😂個飯既份量就一般，味道無乜特別～我同朋友每人嗌左杯野飲，我嗌左燈泡💡珍珠奶茶，朋友嗌左杯Drunken bubble tea。燈泡珍珠奶茶係幾得意既，而朋友果杯入口一般，但回甘既味道幾正最後，我地嗌左但伯爵茶凍QQ芋圓身為煙銀控既我覺得呢個好好食呀，簡直想即刻去台灣瘋狂食好西呢間野雖然細細地，但野食好有特式整得好好食，下次會同朋友再黎…查看更多

和氣食堂一直都係好多人推介既平民日式餐廳，呢度唔係sell啲食物點精美，係講究性價比，係呢度食到好飽好滿足價錢都係相當合理。呢日咁啱經過黃大仙就決定同朋友食和氣食堂，仲好好彩唔洗點排隊仲有得坐卡位，一坐底我地先叫左個火焰左右魚邊牛油果沙律，牛油果非常香滑，沙律菜尚算新鮮，非常開胃。之後再叫三文魚五味、芝士厚燒玉子同鐵板燒牛舌作為小食，作為三文魚迷可以一次過試到五種口味既三文魚壽司真係好滿足，而個芝士厚燒玉子啲蛋唔會煮得太老，加埋芝士好有口感，但個牛舌就中規中矩無特別驚喜。我地再各分別叫左個三色刺身丼同白咖哩烏冬，呢度既刺身性價比認真高，魚脂香味濃郁新鮮，個飯既份量十足，而白咖哩烏冬非常特別，外表俾一層雪白蓋住，下面就有好濃郁既咖哩烏冬。最後再叫左個糯米糍紅豆宇治抹茶雪糕，成晚都好滿足。…查看更多

OT完特別想食返餐好，今次就同朋友食返個火鍋放題，之前聽過APM有間一人一鍋既shabushabu，係時候好好慰勞下自己。坐底左首先分別叫左個甘露鍋同美肌鍋，再叫左個澳洲產長期穀飼牛套餐，任食任叫；周圍環境又好乾淨企理，唔似一般火鍋店，感覺特別舒服。係等個火鍋滾既時候可以先出去攞配料醬汁飲品，飲品有竹蔗水、果汁、汽水，配料都有雞肉、丸類、各式蔬菜、麵類，應有盡有，仲有雪糕任食。之後就上牛肉，性價比非常高，牛肉油脂分佈均勻，食落牛肉味十足，我地完全食到停唔到口，總算舒緩左我今日返左一日工鬱悶既心情，非常滿足。…查看更多

早排知道原來京林屋唔止得甜品，今次特登黎呢個食晚餐。入到黎被安排左入個半封閉既坐位，啱晒同我朋友食飯傾計，呢排以木為主既簡約裝修舒服得黎又顯高級。我地首先點左個熱讚歧烏冬同凍抹茶蕎麥麵，烏冬麵質彈牙，清淡既湯底令我𣊬間就停唔到口食完；而冷抹茶蕎麥麵帶住淡淡的抹茶味，配合wasabi同日本豉油醬汁，真係無得輸！食完麵食係時候涉取大量甜食，叫左個香港限定芭菲秘製抹茶蕨餅抹茶沙冰雪糕作為一個抹茶控相當滿足，抹茶味道濃郁甘甜，每一樣甜品都具有相當特色，好想快啲再黎食。…查看更多

今日收工之後同朋友去左食出名自家製果jam既Let’s Jam雖然係平日既夜晚，但仍然好多人。我地首先嗌左個玫瑰蘋果醬單骨雞翼雞翼黎到好夠熱，好香口好脆配埋玫瑰果醬好特別然後我地嗌左兩個主菜，先黎一個慢煮厚切安格斯西冷扒配玫瑰蘋果汁慢煮黎講肉質好好食，剛剛好唔會好老跟住我地嗌左個温泉蛋卡邦尼意粉意粉好夠汁同好夠料，好快就俾我同朋友清左碟野飲品方面，我嗌左士多啤梨果醬milkshake，士多啤梨味好fresh，好想再飲多幾杯呀甜品就緊係試下果醬九宮格多士有九種不同口味自製果醬，包括桂花雪梨、玫瑰蘋果、肉桂蘋果、士多啤梨、冰糖木瓜雪耳、紅酒啤梨、雜莓、熱帶風情及黑糖四物。同朋友逐格逐格試，每格都有驚喜，好得意呢度環境好適合傾計，下次會再同朋友一齊黎一起果醬…查看更多

由於大家都好中意食韓國野，今日收工之後就帶左我soulmate黎食seoulmate估唔到平日既晚上，呢度都坐無虛席，如果無訂枱，應該有排等了。望下個餐牌，見到好多野都想食呀我地主菜嗌左個卡邦尼炒韓式年榚（$92）啖啖既芝士好足料，而且好夠熱，食到尾都仲可以保持熱度之後就當然要嗌個招牌菜式 一舊seoulmate雲下的泡菜炒飯（$128）呢道菜賣相已經好吸精，忍唔住係咁同朋友影相食落味道雖然一般，但個飯好夠熱，不錯食野點少得飲品，我嗌左杯綠茶拿鐵烤自家製棉花糖（$54）朋友嗌左杯奧利奧芝士奶蓋（$48）因為太足料，棉花糖控既我覺得太甜，而且個拿鐵不夠熱，不過都值得一試朋友話呢杯幾好飲，下次會再試。甜品係另一個胃，所以我地嗌左兩款甜品靚韓妹年榚多士和雪榚大戰烤棉花糖和奧利奧（$68）呢個真係超級好食！佢融合得好好呀，我食到無停口韓國荷蘭寶寶班戟配焦糖同雪榚（$62）呢個反而朋友好中意食，冷熱交融既配搭，一流一流呢間餐廳食物果然出色，令人有驚喜，會再同朋友黎…查看更多

之前同朋友講起好耐無食過pizza，佢就帶左我黎灣仔呢間意大利餐廳，呢間餐廳同普通意大利餐廳唔同，佢地主廚係意大利人，連其他食客都係外國人，配合埋個裝潢，個感覺好似去左外國咁。一開始點完菜就送個免費爆谷俾我地，見到佢地有個小小既爆谷機好得意之後叫左啲小食，有蒜蓉包同香烤黑椒雞翼，兩個都非常出色，蒜蓉味完全滲透晒整個麵包，但又非常香脆可口而雞翼就外脆內嫩，黑椒味又唔會太重喧賓奪主而我地既期待既煙三文魚pizza果然無令我地失望，唔似一般餐廳落過量芝士，芝士份量同煙三文魚既比例配合得剛剛好，而餅底亦非常酥脆。下次想食pizza既時候一定再黎呢度！…查看更多

今日同朋友放左工想relax下傾下計，行過太子就係Lava燒坐低左，見有好多串燒食，啱晒我地坐底一邊傾計飲酒一邊食串燒，而呢度環境都幾有格調，幽靜得黎又乾淨。我地一坐底就先叫左一杯1664同Mojito，飲開酒既我地一飲就知道呢間酒吧並無溝稀到啲酒。跟住串燒就叫左椒串牛柳、烤牛肉串、孜然羊串、明太子雞翼、大蔥雞串、金銀絲扇貝、燒尤魚串、腐皮串、燒玉子。質素相當不錯，雖然味道略嫌單調，但係酒吧黎講算相當不俗，送酒佳餚。呢度仲有一啲大枱，不論少人還是多人，都好適合黎呢度傾計。…查看更多

銅鑼灣不嬲都有好多高質素既食店，係強烈既競爭下，好多食店都環境氣氛同食物質素兼備，而呢間正正係上上之選。呢度環景幽暗，好適合同朋友伴侶忙碌完一日之後黎偷閒傾計，不過呢度最吸引都係啲食物。首先，前菜叫左個黑松露酢海萄萄帶子沙律，一入口黑松露味道強烈，配以帶子沙律好有層次感，稍嫌生菜偏苦澀，但亦無礙整體分數。之後點左個「鎮店之寶」葱吞拿魚腩薄脆，果然不負其名，呑拿魚既鮮味十足，配以米通係嶄新既滋味體驗。跟住就黎左個飛機壽司拼盤，有八款壽司包括拖羅、海膽、帶子等等日本時令食材，物超所值。之後再叫左個茶壼海鮮湯完全令我喜出望外，清淡得黎海鮮既鮮甜充斥住成壺湯。去到七成飽既時候，之後再黎左個小食燒雞翼，愈簡單既菜式更能睇得出廚師既誠意，外脆內嫩。最後仲嗌左綠茶雪榚作結呢餐食完真係覺得物有所值，如果大家想食高質素又有少少特別既日本菜，呢度會係一個好選擇。…查看更多

之前上網睇到大丼屋新開張係3月期間有買一送一既優惠，當然即刻唔執輸同朋友一齊去試下呢間餐廳。朋友係牛魔王，一睇到個餐牌就話要叫個燒牛肉爆丼我就叫左個北海道海鮮丼兩個丼一黎到我地兩個嘩左一聲，爆丼果然不負其名，啲牛肉同海鮮都好似滿到瀉咁，原本諗住啲材料咁足斷估會無咁好食，點知啲牛肉雖然未去到入口即溶既地步，但絕對令你心滿意足；而啲海鮮刺身更加正，鮮味十足，連我咁細食都想再食落去。我地仲叫左個芝士厚燒玉子個小食雖然唔知點解最後先黎，但個芝士厚燒玉子又係另一驚喜，蛋煮得啱啱好，非常嫩滑，再加一層芝士係上面口感十足。而家有呢個買一送一既優惠真係抵食到自己都唔信…查看更多