hahagigi919的个人专页

朋友介紹下，已經喺第二次食老鍋啦～ 睇下同一年前有無分別先😎首覺係自助醬料區，全部都有蓋遮好，同埋好乾淨，令人好安心👍🏻上次試左佢嘅麻辣湯底，係工嘅 但因為同行朋友唔食辣，就試下佢個美人鍋啦～ 好足料，大大隻烏雞放入去，D雞肉都入晒味，可以食埋。記得落料打邊爐前，先試下個湯，好清，好好味☺️每樣配料分量都唔少，同埋好新鮮，特別呢個鮮做鮮蝦雲吞，推介👍🏻想一次過試晒D丸可以叫呢個綜合併盤，但個人都係偏愛個雲吞多D🤣個蔬菜籃都好靚！好新鮮。呢個唔係啤酒，係酸梅湯🤣🤣呃到下人。黎個大合照先😎😎結果兩個人係差D食唔晒，滿足嘅一餐👏🏻👏🏻…查看更多

上星期去旺角睇戲，諗住快食個晚餐，竟然發現呢間甘有驚喜嘅小菜館😎👍🏻當日係閒日，未夠7:00，坐咗一陣已經慢慢滿人，想試嘅朋友如果過8:00最好打去book 位。我地兩個人，叫咗左2人餐，有一個煲，一個小菜，兩碗飯同飲品。跟餐嘅濃湯花膠雞煲，唔係講笑，個湯真係好濃好足料！雞同花膠都勁多，完全係無諗過會甘足料，個湯好好飲！雞都好入味，最後成個煲係連湯清晒😅呢個麻醬四季豆係跟餐以外，自己加嘅，如果你平時食開重口味果款四季豆就未必岩，佢係比較清淡，健康嘅口味☺️跟餐揀嘅東巴牛肉，好淋好味👍🏻個味道岩岩好，唔會係出面果D勁多醬料嘅感覺，直得一試。我地跟咗兩個飯，但因為其實都好夠飽，所以轉左個麵，湯底都不錯👍🏻臨味仲有糖水送，老闆話會定時轉糖水，今次係楊枝甘露😍出街食野，好少食到甘真材實料，又無味精嘅食物，仲要價錢合理👍🏻…查看更多

已經去過大角咀搵食好多次，竟然無一次發現呢度有間上海菜🫣位置有D 入，係中匯街，比較尾嘅位置，附近有幾間車房，再比一間水果度遮住左😅原來有間食肆🥰店內環境都好闊落，當日係閒日，同埋都夜，甘岩比較少人。要讚一讚呢個雞絲粉皮，個麻醬係出色嘅，同埋個粉皮比其他店闊身，好食👍🏻回鍋肉炒粗麵，夠入味，可以問店員拎個辣醬一齊食再野味D😆酸辣湯$68～ 好大碗，夠足料👍🏻佢個炸饅頭係出色嘅，我地都放左一段時間先食，但都仲係好脆口，同埋個花奶勁多，岩晒我😍整體黎講，無論食物定環境都喺滿意嘅，下次再試埋個水煮牛先😆…查看更多

適逢佛誕連放3日假，就周圍搵地方去下，今次黎到科學園，竟然發現咗間大件夾抵食嘅韓式炸雞店🍗環境好舒適，坐位夠闊落，同枱離檯都格得好開，講野大聲都唔驚嘈到人🤣🤣餐廳設備都好齊全，濕紙巾，手套🧤全部齊晒👍🏻我地兩個人食，叫呢個「經典甜辣炸雞+莎莎波羅醬炸雞」，勁大份，超過10件雞，仲要大大件，望到都開心😋雞夠入味，仲保留到肉汁，雞胸位都唔會鞋👍🏻芝士排骨鍋，一個極邪惡嘅鍋，有炸雞粒，雞皮餃，紫菜卷，粟米芝士，飯同，芝士排骨卷，其無認過甘大份，真係超抵👍🏻店員會幫手將排骨卷好，唔洗自己搞，方便🥰今次嘅分量，兩個人係完全食唔晒🤣🤣🤣可以打包拎走，食埋第二日，都係$485！抵食👍🏻…查看更多

身為大圍人，點可以未試過呢間係大圍站附近嘅小火焰🤣🤣！呢間韓國餐廳，其實已經之前食過兩次，今次就介紹埋比大家啦👍🏻今次叫左呢個弘大二人餐（好掛住弘大），真係好多野，前菜除咗三小碟之外，仲要有醬油蝦！因為太心急，無影到相就食左😅😅我哋揀咗個炸雞，同埋沙律，個炸雞都係因為太好食，又係食咗一半先記得影相😅😅年糕好林，好入味，基本上每次黎都會食呢個炸雞😍雪香牛骨湯鍋，個湯勁好飲，好濃牛味，初初以為個牛骨會好硬，但入口都ok，但個湯真係無得輸。牛肉石鍋飯，最黎係因為食唔晒，外賣第二日當lunch，但隔咗一日，整返熱依然好好食，好足料。最後仲有個甜品，今餐真係好豐富😆👍🏻…查看更多

放工去sogo 感謝節，係附近發現咗呢間上樓，新開，感覺幾chill 嘅新加坡餐廳。餐廳形式比較自助，自己落order 再等機通知，場內裝修以白色為主。講下食物先，我地兩個人，一人一碗麵，一個飲品，再加個沙律，其實都好夠，因為佢份量都幾多。新出嘅喇沙釀豆腐，個湯底好濃，但一D都唔油，係健康嘅感覺😅辣醬板麵，麵質ok ge~ 但個人覺得淡左少少，如果再夠味多少少就好啦😝Rojak 呢個沙律叫囉喏，好特別嘅味道，甜甜地，係幾好食嘅，兩個人就食唔晒，3-4人岩岩好👍🏻好靚嘅飲品，美綠爆炸，勁好飲，推介，好濃美綠味👍🏻👍🏻👍🏻大合照一張，哈哈呢個份量真係夠3個人😅…查看更多

今次介紹下荃灣呢間好野先！西鐵站出Aeon 果邊，行幾分鐘就到。環境都唔錯，好有舊或台灣老店嘅感覺，坐位都夠寬落，坐得好舒服👍🏻比個餐牌大家睇下先，其實都好抵。放第一，緊係重點推介，呢個蛋餅真係好好食，我地揀咗牛肉，加埋個燒肉汁，真係無得頂，仲要拉絲ga!😱😱!經典鹽酥雞，炸粉好薄，夠入味👍🏻麻辣牛肚麵，其實個湯唔錯嘅，不過因為小食出食D,呢個有D比下去嘅感覺😅😅皮蛋豆腐，個汁好好味！出色嘅👍🏻婆婆麻醬冷麵，呢個好食過湯麵，個人黎講，比較推介呢個☺️飲品係呢款包裝好嘅台式飲品，飲唔晒可以拎走☺️👍🏻整體黎講，真係唔錯，都好抵食，兩個人加埋都係200幾蚊，仲要好食👍🏻…查看更多

收工同朋友去葵芳行街，諗住是旦食啲野就算，點知發現呢間又平，又好食嘅川辣野👍🏻鋪面唔喺好大，但都算整齊同乾淨，兩個人加埋叫多一個麵同大量小食，分享下先🤣🤣🤣麻辣手撕雞，推薦👍🏻好香，但比想像中辣，唔食得辣嘅朋友，記得叫佢小啲辣。川辣無骨鳳爪+手拍青瓜，呢兩款個辣味是一樣的，同出面食開嘅辣味有啲唔同，不過都唔差，青瓜可以fresh 下tim 🤗炸白菜雲吞，推介👍🏻朋友叫果時仲驚好油膩，點知勁好食。麻辣魚米線，推介👍🏻魚肉好食，應該有走過油，唔係就甘焯熟，湯底好味，一D都唔油，味道岩岩好😊😊大合照，每人$100都唔洗，真心抵👍🏻…查看更多

身為沙田人，耐唔耐都會過石門食野，呢頭都有幾間餐廳覺得唔錯，但飲品店就好似少D，今次終於有一間可以推薦比大家～ November 門面喺好靚嘅Tiffany Blue 😍😍我都喺因為佢咁靚嘅門面顏色比佢吸引咗😆睇下有咩飲先啦！飲品好多都係以水果為主，個人黎講幾鍾意，因為比較鍾意飲D fresh D嘅野。同朋友一人叫左一杯，呢杯係白桃鮮茶。消失的熱情果～仲有大大片菠蘿tim~ 其實兩杯都唔錯，唔會太甜，飲得出個甜味都喺黎自鮮果，飲完都無咩罪惡感🤣🤣 岩晒健康嘅朋友👍🏻…查看更多

今日黎上環探朋友，誤打誤撞下發現咗呢間川菜👍🏻係西營盤條長命電梯中間，比呢幅圖👇🏻吸引咗，就入去試下啦～好可愛嘅粉筆畫。川菜一定要試辣子雞啦！味道唔錯，如果D雞粒再大D就好啦🤣🤣川粉，呢個真係推薦，係全晚之最，好鐘意個味道，又滑口👍🏻清清地可以就甘似食呢個土豆絲，重口味嘅，可以加埋岩岩個川粉辣汁一齊食，又係另一個風味👍🏻炸饅頭係我每次食川菜必食，呢間都幾脆口😊臨尾仲有個桂花冰粉送😍😍😍可以清一清味蕾👍🏻港島區朋友可以一試😎…查看更多

今個星期，去咗呢間朋友極力推薦嘅醉辣鮮，睇地圖嘅時候覺得有D遠，去完發覺其實都好方便，係錦田站A出口出，行10幾分鐘就到，當日天氣好，沿路行都幾舒服。我地揀咗outdoor 位坐，氣氛同環境完全喺偽旅行feel 。揀好個set 後，店員就叫我地出去夾海鮮，我地完全咪呆咗，無諗過可以自己捉咁好玩！龍蝦勁大隻，又生猛成堆蟹任揀，全部都好新鮮！揀好就，就可以交比店員幫你處理啦～ 呢個時候就緊係調過個醬料先啦，左下角果個麻辣油，好香👍🏻另外仲有D蔬菜，可以任拎任食😍之前就會擺到靚一靚甘成盛海鮮比返你，檯上仲有個教學，話晒比你知，每樣野蒸幾耐，好方便👍🏻個龍蝦真係好好食！同埋每樣野都好新鮮，洗得好乾淨，完全無沙，呢個係重點😎終於明白，點解朋友極力推薦呢間餐廳，成個環境同氣氛都令人好放鬆好開心，好值得假日嚟玩下！…查看更多

住係大圍嘅人都知道，呢頭嘅川菜真係唔多，難得有間十二味，仲要喺正港鐵站口一出就到，真係好吸引😍😍都知道十二味有好多分店，但今次就第一次試😊每張檯都一早準備好口罩套比大家，好細心呀～夫妻肺片，賣相同味道都好好，好入味，呢個叫左小辣，辣道岩岩好👍🏻口水雞，呢個叫咗中辣，個辣醬好正呀！！重點喺個辣醬🤣🤣乾煸四季豆，好脆口，夠乾身，食得辣嘅朋友可以試中辣🌶甘大杯野飲都只係$28，抵飲👍🏻每次食川菜，都當然唔少得糍粑啦！呢個真係要一讚，真係做到外脆內軟！係成餐最大嘅驚喜，都只係$48，必叫！唔刻🤣🤣…查看更多

今日放假諗住去PMQ 元創方行下，上完條斜路，身水身汗嘅時候，比我發現咗呢間好野！仲要係我最愛嘅珍珠奶茶，緊係要試下啦😍飲品店黎講，舖位都算大，唔想takeaway 飲甘熱，仲可以係店內張小檯子飲杯野，休息下添👍🏻另外有D茶包揀。Cashier 前仲甘多杯製成品比你慢慢揀🥰第一次試，就試下最簡單嘅珍珠奶茶先～ 茶味夠濃，珍珠甜味岩岩好，不錯不錯👍🏻係呢頭返工，或者行過PMQ 嘅朋友可以一試😎😎…查看更多

星期三晚上嚟到灣仔，想食個快食再行街，見到呢度都有牛極，試下同上次有無分別先😊店入環境比想像中大，空間感好充足，坐得好舒服☺️而且通風系統都做得好好，唔會好大烤肉味，食完D衫都無味，呢個係幾讚嘅👍🏻牛肩扒☝🏻亂切牛扒👆🏻同朋友叫咗兩款唔同，再share 食，亂切果個D牛再軟身D,不錯☺️當然唔少得呢3寶啦，BBQ粉真係無得輸，同埋個生蒜，大家一定要落👍🏻灣仔呢邊嘅自助bar 好大，拎野食再方便咗，設施都好充足。快食都食到甘滿足嘅一餐，開心❤️…查看更多

收工去奧海城買完野，就過咗去在大角咀搵食😋😋話說早幾日係supermarket 見到D扒已經好想食牛扒，就火速決定要試牛極😆😆點餐係自助式嘅～ 好有日本拉麵店嘅感覺，好掛住日本，呢一刻可以止一止渴😅店內嘅裝修都好日系ga!每一檯都3款調味可以按返自己口味加，個人推介BBQ果支粉👍🏻另外有自助bar~ 有沙律同飯任食，都唔錯~叫左兩個set, 一個牛柳，一個牛肩排，用石燒真係香好多，再按個人口味自己加調味。一定要加蒜，這是重點🤣🤣整體黎講，真係幾抵食，呢個價錢同自己去supermarket 買一塊差唔多，但呢度仲有埋湯，飯，沙律，一定會再黎👍🏻…查看更多