eevee999的个人专页

訂座5:00，原來5:30先比入座，要係樓下戇半個鐘先上得去。呢樣OpenRice 要處理下。坐底黎左個海鮮拼盤，一睇就知，龍蝦冇膏，好瘦，蝦仲郁下，鮑魚開左花，魷魚都好味，魚件好多魚油，食到成口都係油（大舊個隻）魚片都可以，蠔大隻好味，丸冇特別，魚肚正常。諗住問下要煮幾奈時間，男侍應哥哥話：變左白色就得啦。你地就知道服務有幾好啦！其他免費任食，因為唔食牛，所以叫左豚肉，硬，冇味，牛一既豚肉都好食過佢。韓蠔第一次叫幾好，之後就黑忟忟，黑蠔見到都唔開胃🤮。蜆大大粒，好食，叫左好多之都係大粒，仲有任食菜，汽水任飲，糖水有芝麻糊，牛奶公司雪糕。想食蝦，要加錢，想食拼盤咁大隻既蠔，要加錢。當然仲有其他食物要加錢，已經唔想睇。最後埋單，$589.5，我大約7:15埋單，7:30前話埋單有88折，冇check 單，唔知有冇打折。…查看更多

之前幫襯過，次次走一半肉都食唔晒。今次再幫襯，只要一層肉，都食剩，雞肉有黑椒，唔記得左。每次走豉油既要求都做到。我食唔到大多肉，佢既菜飯加太陽蛋我好鍾意食，今次都係食晒菜飯都隻蛋；對鍾意食肉既人黎講，真係會好開心，因為重量級。但係我每次都浪費，每次食4-5舊都已經夠晒。…查看更多

*見open rice 有網上訂飯，好似新開，就試下食佢。我係蘭桂坊個邊，行過去有少少遠，為左試下佢，冇所謂啦！*個名好似係：焦糖叉燒飯，有隻有蛋汁既大陽蛋！叉燒多到，食到口軟，好林，菜飯好正，軟硬適中，好多時菜飯好硬！食極都仲見到有叉燒，叉燒比我想像中唔甜，結果，我地2個0的叉燒多到都食唔晒！*豉油另上好0的，因為有啲飯有，有0的飯冇，我反而唔太鍾意食豉油！*下次好想試柚子味或雞扒。*繼續努力！希望再有新味道叉燒！…查看更多