Eilyleekk的个人专页

等咗20分鐘，充滿期待去食呢碗粉絲，心諗蝦湯同粉絲應該好夾，點知十分失望，有一浸酸酸地嘅味道，以為係蕃茄，但又唔係蕃茄嘅鮮味，後尾睇返食評見到有人形容係千島醬，形容得好好，就係呢隻味搞到個蝦湯完全唔好食，最慘仲要熱辣辣企喺度食。朋友就買咗隔離劉乜也嗰間蝦湯去試，嗰間就真係好食，有鮮味…查看更多

五一黃金周仲排咗一陣間，一心想試個芝士撈丁，因為新記執了之後，尖沙咀真係冇乜地方有得食！其實都係自己唔啱，唔應該叫呢一個，我見隔離嘅滑蛋叉燒飯賣相都幾靚，我個滑蛋係炒得好滑，都唔錯，雞扒也OK，唯獨是個芝士撈丁真係10分10分失望，因為個芝士汁淡而無味份量又少，啲公仔麵又煮定晒，都明白茶餐廳要快係唔緊要，但上菜時一嚿嚿，大家真係千祈唔好試，其實冇時間冇心整，不如取消咗呢個菜單仲唔會影衰自己！…查看更多

性價比高的午餐,睇得出師傅好用心機製作,現在 仲係海膽季節有成個海膽食,超級正,生蠔也很新 鮮,最鍾意食紫菜包住大中吞拿魚,一咬落去已經 感受到魚香嘅油脂,同埋第一次食BB吞拿魚壽司, 仲有一個好似梅菜豬肉,唔知叫咩貝的壽司都好好 味,整體都非常滿意,讚…查看更多

平時都有去食Menu嘢，今次特登試吓佢個私房菜，要預早book，廚師用盡心思，今次係用鴨做主題，尤其是鴨肝mouse 超級好食，出邊食到呢啲味道!仲有個沙律最精心就係一粒粒嗰個芝士波，又是超讃。佢哋仲有一位甜品師傅，今次整咗個咖啡蛋糕，一啲都唔漏，又係好好食！之前見有人攞蛋糕先知原來有得訂蛋糕，所以我一早亦都訂一個用啫喱做嘅蛋糕，返屋企同家人慶祝生日，順便攞埋非常方便。…查看更多

又來幫襯OmAkase, 其實除咗嘢食，都坐得舒服，因為呢度冇散位唔會太嘈吵。講返食物依然保持水準，師傅有一－介紹，但係我講唔番出嚟，哈哈！等啲相自己同大家講。即蠔好新鮮好爽口，最後再加了拖羅，海膽壽司，正…查看更多

之前食阿媽家姐，今次試－試鐵板燒，上次見到有人訂海鮮，所以今次訂枱嘅時候都問定老闆，今次訂咗班馬賴尿蝦同埋蚌。對食鐵板燒其實冇乜要求，最緊要師傅工夫同埋食物要新鮮，呢間全部做到唔使講太多自己睇相就得。因為見到隔離食我又好想食下隔離啲嘢，所以加咗個時令魚同埋生蠔。…查看更多

試咗銅鑼灣新餐廳，最特別嘅地方係一邊鐵板燒一邊係omakase , 成個場冇散枱㗎啦！講返omAkase 因為係朋友識得個老闆帶我去，食咗一次覺得好食，跟住自己再去，所以啲相就唔係一餐係溝埋，但係兩餐都有唔同嘢食好有驚喜，個大廚有啲怕羞，但係你問佢嘢佢就好樂意答你好有heart , 其實佢哋標榜冇乜太多花巧嘢，反而想你食到非常新鮮的食材，睇得出，最記得有一道菜係用啲唔知咩木燒過，一打開個蓋就有浸好香嘅煙熏味，師傅真有用心製作，隔離食鐵板燒啲香味衝晒過嚟，忍唔住過隔離影張相，老闆話其實兩面都叫來食也可以，下次要試吓個鐵板燒先！…查看更多

本來一心諗住去試吓all day breakfast, 點知一早就賣晒，咁就轉戰佢嘅lunch set同埋特色意粉，試咗個芝士粟米火腿雞肉螺絲粉，呢個OK好味芝士都夠濃！最特別反而係蟹肉火龍果汁意粉，有新意又唔漏，因為好開胃，我老公不嬲唔鍾意食意粉都覺得好食，下次一定要再試佢個all day! …查看更多

滿意的一餐，環境舒適，服務好好，食物更加唔使講全部都好好食好有心思，尤其是拖羅加咗個脆片喺入邊再加埋塊紫菜第一次咁樣食，成個口感都唔同，減去膩的感覺,。我最鍾意食生蠔，今次隻蠔超級新鮮，仲有個拖羅蓉手卷見住師傅滴啲魚油落去，再加埋啲蘿蔔同埋一啲唔知咩，總之就係非常邪惡但係超級好食。另外睇得出間舖頭好有心思，杯杯碟碟都好靚，第一次見方形大杯。飲下食下就過咗三個鐘，其實都冇乜嘢係唔滿意。仲有不得不提柚子酒，唔似出邊嗰啲好假嘅味，非常清爽，呢個柚子酒對於唔係好鍾意飲清酒嘅人嚟講是非常之好的選擇。…查看更多

整體上食物都好新鮮，同埋好有特色，裝修得好靚，冇得去旅行就當自己去咗日本。仲有獨立房，私隱度甚高！雖然新開，服務也很好，不停有人斟茶！都食咗好多嘢，鵝肝鰻魚壽司非常邪惡，但係好好食，仲有好多特別野，一夜雞翼干真係第一次食非常香脆。有個蔬菜條，平平無奇，原來又好好食全部日本運到的蔬菜，醬汁三種，但芝士同明太子係最正。…查看更多

試食新推介，超級好食！尤其是係個拖羅，用野生，仲要師傅自己熟成咗20幾日，同平時食嘅魚生完全唔同感覺，最後嗰碗飯先不得了，香箱蟹加賴尿蝦肉再加帶子。有個海老壽司用半生熟蝦，冇咗牡丹蝦但係感覺又唔同幾特別！最緊要師傅好細心，唔用火槍燒，用竹炭，基本上非常滿意嘅一餐lunch ，啲酒都收得唔貴比起其他日本餐廳！$880 - 18 道菜…查看更多

lunch 都冇乜人, 唔知係咪因為上樓冇乜人知，但係食物質素ok, 坐得好舒服!尤其係個蟹肉濃湯好正。裏面粒帶子好新鮮仲煎一煎過，feel 到小事都係用心做👍🏻唔知係咪冇乜人知， lunch都唔係太多人…查看更多

卡幫尼黑松露腸粉，諗住咁有新意試吓啦，冇諗過啲汁係稀同一pat pat, 除咗有少少黑松露未完全冇西式汁嗰種感覺，都莫講話係卡幫尼味，非常失望，同埋個腸粉其實同呢個汁一啲都唔夾！炒河粉其實係乾炒牛河走牛，因為我哋唔食牛肉，又唔可以轉豬肉，咁咪當一個豉油王炒河，個炒河粉就OK好食！但整體來講嗰個腸粉真係十分之差，希望老闆睇到自己會試吓。…查看更多

平時好少寫食評，因為懶，今次真係忍唔住！見到好難book，waiting list到，我非常開心，我好鍾意食Omakase ，仲揀咗最貴嗰個lunch $780. 朋友就食9 貫$380，我就係逐樣上，朋友就9 件壽司一齊上，就算坐吧枱都係。但最令我失望嘅係，四款魚生竟然係切好晒擺喺雪櫃一碟攞出嚟，真係非常離譜，魚生亦都冇乜味，呢個動作已經令成餐飯都非常失望，廚師都係好似好趕時間，我坐低完全冇交流，平時去食其他，佢會問你有冇對咩敏感或者有咩係唔食，唯一係環境好好，服務OK！…查看更多