Fung_Henry的個人專頁

突然想食燒肉, 見到做緊48蚊燒肉llunch, 又試試佢佢做最平係48, 但其實仲可以自己top up食d靚牛既, lunch黎講cp值都ok la,  唔洗下下幾百蚊食餐燒肉肉質都可以，本來一心食牛。意外發現豚肉又幾出色   慳家的我會再食😈😈4個人叫左唔同set一齊share,  ok既,  呢個價佐敦絕對係抵…查看更多

Lunch hour又同同事煩緊食咩好,見到間新野門口好似幾靚,原來係”酒樓”中菜餐廳@@有點心食 正~唔洗煩, 叫多幾樣大家share>V<餐廳就真係幾靚,d 佈置同餐具都好特別好grand, 仲有我好鐘意既馬嬲仔陪住我食野食物都水準以上既  最大推既係麻辣脆皮燒賣  真係幾驚喜 脆口又唔會太辣 外形又特別 十個讚另外仲點左古法馬拉糕, 蔥花鮮蝦脆炸兩, 紅甜椒蝦餃, 蝦餃皮用左金黃色 出到黎好靚炸兩同馬拉糕就正常啦 都好食既 ,仲有好多野想點都無叫到><  下次要再黎試多次…查看更多

雖然加咗價，不過依個價錢依個級數嘅海南雞飯，性價比其實真係ok！白加士街附近都多唔同小店，雖然無連鎖店咁闊落咁多人，不過勝在有人情味兼且一眾侍應姐姐夠哂nice & friendly！熟客仔仲分分鐘會得到滑滑雞脾加埋青瓜伴碟，都可以refresh一下！餐廳個辣汁唔算特別，不過酸酸辣辣都可以開一開胃。個飯一啲都唔細，怕食唔哂真係要叫佢少飯先搞得掂。飲品方面除咗汽水仲可以揀龍眼冰、青檸梳打，今次我就叫咗青榆梳打，酸味唔突出，不過都仲keep到青檸嘅清新！佢地lunch仲有得揀湯河、炒飯、檬粉等等，全部劃一$55，下次想搵個靜靜地嘅地方歇歇，可以考慮下！…查看更多

佐敦咁多好嘢食，真係唔知揀咩好！今次就去咗依間細細地但keep住排長龍嘅排檔肉碎炒粉絲肉碎粒好惹味，加埋蛋碎、蔥去炒香，粉絲唔會炒到一舊舊，夠哂乾身！味道恰到好處，唔會太鹹或者太淡！佢地仲有咖哩、海南雞之類選擇，價錢唔貴，性價比相當高。LUNCH TIME時間真係超級爆場，平日就算夜晚都建議大家BOOK定位先好去，如果唔係等到頸都長都未必入到去！…查看更多

要搵間高質酒吧唔容易，但係中環就有一間，仲係曾經成為 Best 50 酒吧，可知質素絕對有一定保證。環境絕對係經典酒吧feel，但裝飾設計十分豪華，而且基本上都算乾淨衛生，除左臺上有少少水滴。作為cocktail酒吧就一定有調酒師坐鎮，睇佢地如何製作每一杯酒都是一大樂趣。我地點左Little Miss Anko同Earl Grey Caviar Martini。Little Miss Anko特別，杜松子酒同燒酒混合，配上紅豆沫，少少苦但又幾甜，上面再加上一塊抹茶味朱古力，其實似甜品多D。Earl Grey Caviar Martini好似最多人嗌，茶味泡沫加上浸過的魚子，別有一番風味。…查看更多

平時都幾鍾意食日本菜而且都食得唔少，今日就黎試下呢間鋪既壽司如何。環境衛生好麻麻，一眼望去好似好乾淨但坐落去就會feel到有D地方好油膩，但暫時未睇到有蟲。嗌左幾樣食物，個三文魚茶漬飯OK既，三文魚唔係好大塊不過都預左，飯配茶有種獨特味道同口感，幾新鮮。刺身盛合有好多野，蝦、帶子同三文魚等各種魚類。特別係帶子十分鮮甜妹妹美味，蝦正正常常冇乜味，各種魚類雖然類似，但口感能、嫩滑，而且有些魚類的肉比較多油脂，口感較佳。總括講個盛合係唔錯既。而生蠔份量同size好大，幾乎大過成個手掌，食落去好大好滿足。有種海味同鮮味。總體唔錯，只係好搞好環境衛生。…查看更多

同班friend一起食呢間中餐館，首先講下菜式，一般既中菜茶樓都有，例如烤鴨，炒飯，粥粉面飯基本都會有。環境算一般，但如果係靠窗邊既位置有風景食得都會開心D，臺與臺之間距離比較近，睇落去冇乜問題，衛生唔係幾好，好油。海鮮會按人頭數比相應數量（每人一隻），份量睇落唔算少，每個人每樣海鮮都可以食到，推薦帶子龍蝦同青口，味道OK。湯底冇乜特別，得鹹味，落左味精同鹽既味道，好普通。鮑魚好大隻，味道中規中矩，但係可以試下。而雞煲份量都算多，但唔夠入味，得表面有味道，不過有落香菜調味係咁上下。總體黎講其實就普通茶樓feel。…查看更多

食越南嘢估唔到會睇到kpop mv少時、asepa都睇到鍾意韓星嘅朋友可以去坐下嘅！地方真係相當逼2人當3人枱坐，真係多個袋都搞唔掂食撈檬最緊要個汁依到個酸辣汁唔錯唔會味道太搶但又做到提升效果鳳爪本身帶少少辣加埋青瓜絲、紅蘿蔔絲成件事都相當清新不過佢個凍檸茶同香港茶記傳統檸茶好似有少少分別？可能係越式檸茶？…查看更多

陪女友shopping完咁啱想搵地方坐坐但又未到食飯時間咁啱見到依到有位，就埋去坐坐先！waffle -yellow $88waffle造型夠cute，十足十咖啡豆咁好切合佢地style！ 份量兩個人tea time食剛剛好，唔怕食完飽到第二朝。citrus n granola唔多… 醬料分兩邊放，可以放心試。窩夫偏軟身，如果鍾意食脆身少少嘅朋友可能會失望不過真係幾適合打卡！Latte -Fruity $45唔係正宗啡友，穩陣啲點一杯latte選擇fruity，更易入口，咖啡味都好香Kenya Maguta CM Amber Lot146 -88朋友杯咖啡一上枱真係好suprise加埋店員超詳盡嘅解說同最佳飲法真係好pro如果係啡友嚟到一定勁開心！…查看更多

去滿天星食，人人都話食蛋包飯不過除咗蛋包飯，都可有其他選擇個扒煎耐咗，咬落口有啲韌不過個汁夠惹味，而且用小帶子去煮，提升味道！漢堡夠JUICY，有埋生菜、番茄，唔會太膩加埋香脆薯條兩至三個人都夠哂飽！…查看更多

工商區最多茶記間間都差唔多咁，好似無乜好食不過新蒲崗又零舍不同畢竟新蒲崗出名多隱世小店依間又一間咪以為普普通通荃灣嘅分店以前我都去過最記得佢地任拎嘅羅宋湯真係出哂名咁好飲而家係新蒲崗嘅分店都唔輸蝕最鍾意佢地嘅早餐，大份夠抵食好似今次咁~一碗米粉加三款餸加熱飲都係$40樓下而家佢地仲有個懷舊福麵餐一於下次去試試先…查看更多

有咩健康得過淡而無味？口淡淡唔多諗到食咩，入到去叫個簡單拌麵，見有麻醬，諗住點都會香啲，可以幫手醒醒胃點知佢仲淡過我個口，真係淡而無味。餐牌仲要痴笠笠…有點兒核突囉…清潔方面真係要搞搞佢話雖睇舖面都知茶記級數…不過可以做得好啲…六十幾蚊，係佐敦可以有更好選擇啦！…查看更多