HansonHang的个人专页

朋友話想食素, 咁就食印度素啦, 未食過就試試, 唔係太肚餓, 就叫咗2個菜, waiter哥哥話已經好夠<活蘭特色黃油瑪沙拉煎餅>勁大塊, 真係勁大塊, 呢張相係揭開睇睇入面的餡料, 餡料之係好少好少, 煎餅皮好脆好香好食, 可以配其他醬一齊食, 不過本人覺得只係食煎餅皮係最好食, 或者加埋佢本身餡料, 其他醬可以不用配<活蘭特色套餐>2大塊燒餅配埋各種唔同咖喱一齊食, 中間重有印度炒飯, 每種咖喱都唔同味, 有辣有唔辣, 唔逐個講喇, 食完好飽, 唔錯唔錯…查看更多

上次下午茶試咗個雲吞麵, 不過不失, 今次就來試試個飯, <京蔥牛肉飯 $66>, 一來到真係已經好正, 超香 賣相OK, 下面張相係我太心急整亂咗個樣, 熱辣辣, 本人十分喜愛京蔥, 呢個飯嘅京蔥超夠味夠脆, 牛肉夠多夠軟夠滑, 第一口食落去真係有一種驚為天人嘅感覺, 咁大個人第一次食到咁好食嘅京蔥牛肉飯, 食完第一啖就只係想不停食, 放低個電話去享受每一啖, 個汁撈埋飯真係極品, 呢個價呢個質素絕對冇嘢可以挑剔, 打呢篇食評時都已經不斷分泌緊口水, 好想即係再食…查看更多

成日行由灣仔行去銅鑼灣都經過, 但係就未食過, 今日咁啱下午茶時間經過, 就入去試試啦, 唔想食飯, 就叫咗個<鮮蝦雲吞麵>, 5分鐘就到菜, 賣相就一般, 不過蝦子味就OK濃, 但係個湯就唔得喇, 太淡, 完全唔夠鮮味, 麵都只係一般, 唔夠彈牙, 鹼水味都多咗, 但份量就夠多, 雲吞就OK, 有鮮味, 蝦同豬肉份量啱啱好, 真係唔錯, $40蚊喺灣仔算係咁啦, 一碗雲吞麵來講算啱啱合格, 當然唔可以同任何麥X記比啦, 下午茶夠收貨…查看更多

一個人出完街返到青衣長發商場唔知食咩好行來行去就決定去美心食個炒小茶就算, 因為平嘛, 而且之前食過幾次呢間都算保持到水準, 咁就食佢啦. 18:30左右到場, 都幾多人排隊, 排都排咗10分鐘, 就係叫咗<芥蘭炒牛肉>, 好彩一個人都易搵到位, 再等多10分鐘就可以拎餐喇, 睇到賣相就真係唔多吸引喇, 個芡太穊, 有啲啲開始變啫喱, 牛肉有啲老, 係個芡令到牛內肉滑...不過味道係OK嘅, 牛肉都算多,  芥蘭都係老, 飯就夠哂大碗, 咁嘅價錢係過到關, 一個人食唔多要求啦…查看更多

今日同朋友喺附近食完飯, 之後又想食吓甜品, 就見到呢間, 個名幾得意就試試啦叫咗杯<<香芒椰奶冰>>, 來到個杯嘢顏色都幾好, 芒果食得出係新鮮嘢, 都幾甜, 但就唔會話好死甜, 椰奶同冰夾得啱啱好, 飲落去好綿, 唔會出面咁飲到一粒粒冰碎係口度咁樣, 成杯入口都好舒服, 飯完飯做甜品一流, 加上天時暑熱飲一杯真係幾爽, 店內環境寬敞, 幾個朋友坐低飲杯嘢飲真係唔錯, 見到仲有好多甜品同幾款小食, 如果唔係食飽飯叫幾款小食加甜品就真係一流…查看更多

佐敦逸東酒店Food Hall有時都會去食吓野, 今日去到見到有間新開的多士店, 見到好似幾好就試下, 因為係以韓式為賣點, 有D興趣, 兩個人叫了三種野食, 真係有驚喜, 好食過ISSAC好多【韓式漢堡扒拉絲多士】唔講得笑, 真係好好味, 漢堡扒竟然好Juicy, 麵包烘到微脆, 芝士可以拉到長一長, 配埋入面嘅2種汁真係一流, 而且有少少椰菜增加口感, 入口就有驚喜, 超正【招牌熱狗】熱狗包夠挺身, 唔會好似出面個D軟淋淋咁, 2種汁應該係同多士個款一樣, 但係配腸仔食又係另一種味道, 雖然唔夠多士出色, 但係都好好食【韓式炸雞燒烤味-大】韓式炸雞唔會外脆, 但係一定要內軟, 呢度炸雞唔止內軟, 而且仲係嫩, 一啖一件, 正到冇人有, 而且仲有幾件炸年榚, 不過就稍為硬咗啲啲, 都係驚喜之作整體來講係上乘之作, 而且價格唔貴, 有時唔想食飯改食呢個都好OK, 一個多士或者一個熱狗絕對夠飽, 今次冇試野飲, 下次可以試試, 呢間野開喺呢度有啲浪費, 如果可以開朗豪坊 Food Court一定多人食到爆 …查看更多

好耐冇食印度野就揾咗呢間來試試, 上到去唔多人, 環境都好大, 我哋2個人安排坐6人枱, 正\<PENNE ARRABIATA>辣味意大利通心粉配埋自製茄汁, 酸酸辣辣好開胃<GARLIC  NAAN>大蒜勞印度薄餅, 唔需要點任何野都已經好有味, 而且唔會太多油, 冇得頂<BUTTER CHICKEN>牛油雞配蕃茄醬, 雞肉多而且入味, 牛油味同茄醬比例岩岩好, 用來點薄餅更上一層樓我哋唔係好肚餓, 只係叫了3樣野食, 不過都好唔錯, 同一班friend來就最正…查看更多

位置在PMQ元創坊一直往上走, 裝修格局是小型酒吧餐廳, 合適幾位朋友聚會, 非常不錯, 當天我們2人不太肚餓,只點了2個 菜<HULA HULA>我們點了一份小的, 材料包括煙火腿, 菠蘿, 洋蔥, 配上茄汁及白芝士, 入口味道不會太濃郁, 而且吃了不會太飽及滯, 算是一款比較清新的Pizza<Linguine in Squid INK W/ Seared Scallop>紅椒洋蔥帶子墨魚汁意粉, 非常好吃的一道菜, 入口充滿洋蔥香味, 意粉的軟硬剛剛好, 帶子新鮮, 極度推薦地點是有點不太方便, 但是如果是要到餐廳附近的地方, 極力推薦去試一下, 安安靜靜的談天過一晚就很不錯…查看更多

算新開商場,  同朋友行行下見到, 見到都幾多人, 就入去試試, 我地唔係太肚餓就叫左2樣野<什錦廣島燒>包含豚肉, 魷魚, 蝦同炒麵, 中昌間仲夾有椰菜, 味道濃厚, 份量足夠2個人食, 個人覺得加D七味粉就仲好食, 好飽肚<豚平燒>用滑蛋包住豬肉再加上大板醬汁一齊燒, 口感軟滑, 冇得彈整體來講好好, 味道有質素, 而且仲可以玩下鐵板燒, 價錢亦都合理, 不過通風耍改善下, 食完都幾大陣油煙味....…查看更多

因為朋友想食素, 又想睇睇景, 就去呢間試下, 點知係惡夢.....\<雞絲粉皮>好明顯俾唔夠麻醬啦, 而且仲要係極度淡, 接近冇味, 都唔知自己食緊咩....呢碟野成$78....我去求其一間酒樓都好食過佢<脆皮素鴨>油份過多, 一D都唔脆,  乾憎憎, 食完好滯<擔擔麵>呢個算正常, 起碼入口係正常, 份量都夠, 不過就一D都唔辣<砂鍋咸肉菜飯>睇過賣相都知一D誠意都冇啦, 咁嘅樣都夠膽攞出來? 成鍋飯只有丁屎咸味, 咸肉就完全冇味, 吊你成$98, 我開罐午餐肉加飯都好過你多多聲<功德林羅漢齋>呢個用埋自己個名, 但係真係唔知點形容呢碟野, 因為真係冇味嫁, 只係食返原材料D味, 咁你不如拾熟佢之後拿出來, 俾個汁佢做咩姐?大佬, 食齋食素係會淡口D, 但係就唔等於冇味囉, 你叫個廚師自己試下先啦, 過到自己先拿出來啦, 呢間野真係呃遊客, 我仲聽到旁邊老外係咁講delicious, 唉, 我真係想問問佢係唔係真係未食過好野, 去之前都冇期望, 去完失望都已經係讚賞, 因為真係失望都不如…查看更多

放工去到海港城, 一個人食飯, 行下行下就見到呢間野, 就試下啦<鰻魚丼>鰻魚厚切. 燒得好香, 鰻魚汁夠濃, 珍珠米吸埋D汁, 好好味, 一個食岩岩好<松葉蟹腳壽司, 灸燒深海池魚壽司, 蟹子壽司, 大鮪魚腩壽司, 中鮪魚腩壽司, 金目鯛壽司>松葉蟹腳:  夠蟹味, 但係稍為乾咗少少灸燒深海池魚: 燒得好香, 入口魚味濃, 油脂適中蟹子: 好新鮮, 夠爽脆, 唔會一pat pat大中鮪魚腩:  大鮪魚腩賣相明顯比中鮪魚更肥美, 味道方面, 大鮪魚腩油脂豐富亦非常新鮮 有少少入口融化嘅感覺, 而中鮪魚腩相對清淡dD但一樣都係相當新鮮金目鯛: 色澤鮮紅 , 肉質嫩滑 , 唔算好多油脂 , 所以唔覺得膩一個人一個飯好足夠, 口痕食多幾件壽司好滿足…查看更多

係大角咀搵野食, 見到好多新建築物, 岩岩又見到呢間門面幾靚, 又有人現場唱歌, 就入去試下啦, 內部裝修唔錯, 都幾又氣氛, 約會同聚會都好合適<蟹肉蝦肉墨西哥式薄餅 配 燒墨西哥蛋黃醬>薄餅好脆好香口, 蟹肉蝦肉同牛油果份量充足,  芝士味唔太濃,  而且可以配埋辣椒蛋黃醬, 辣辣地更加好味<湯霜火炙精選鮮魚 配 鰹魚汁佐 茴香青瓜沙律>唔鐘意食生野嘅人唔好點, 因為會覺得有D鯹, 入口有好濃魚味, 配埋青瓜一齊食, 一流<美國USDA prime牛腹肉 佐 暖墨西哥餅 配 士拉差蛋黃醬及阿根廷青醬>牛肉夠軟而且牛味濃, 加埋墨西哥餅一齊食真係冇得彈, 仲有2種醬可以點, 增加味道層次, 一份夠2-3人食, 非常推介 食物質素好, 又有live聽, 8點開始, 每次唱15分鐘就休息一陣, 安排非常好…查看更多

見到新開商場入去行下就見到呢間野好似幾吸引就入去試下, 環境都幾<蝦蝦霸霸>海鮮米粉叻沙, 好足料, , 魚蛋, 蝦, 軟殼蟹, 魷魚, 蜆等等,  湯頭太咸, 但份量就好足夠,  成個賣相都唔錯, 不過有一個好大嘅死位, 就係蜆係死蜆 , 食落口係臭嘅,  成碗野都好普通, 除左多料之外就冇咩特別, 因為俾D圖片同名吸引而入咗去試, 雖然唔係話太差, 但係就真係冇咩特別原因可以支持再食, 如果想食叻沙可以有其他更多更好嘅選擇, 未試過可以試試, 但係唔好有太大期望就好D.呢碗野88蚊喺旺角係正常價格, 但係可以再做好D.…查看更多

環境幾舒服, 有抽獎, 同個FD2個人叫左3樣野食.<西班牙炒辣肉腸>唔辣, 但係味道幾濃, 硬硬地, 口感似食臘腸, 都幾好味<白酒忌廉煮青口>呢個有驚喜, 青口大小適中, 忌廉味唔會太重而蓋過左青口嘅鮮味, 加埋淡淡白酒味, 冇得彈<寶雲酥烤美國小牛排>烤牛排冇得輸, 叫左5成熟, 牛味濃, 但係稍為UN左小小, 但係都係好好味<凱撒沙律配溫泉蛋>抽獎送嘅, 正常凱撒沙律, 都幾新鮮2杯Lime Soda同凍檸茶,  加埋一埋單650, 算係咁啦, 都食得杯好滿足…查看更多

本來係睇Facebook知道有呢間野，又以為係好似以前咁吹棒出來所以多人識，行過荃灣就決定試下，原來真係好食到唔講得笑。<紅色暴雨拉麵>湯底濃厚唔油膩，飲得出係真材實料，拉麵軟硬適中，叉燒肉味香濃，加埋半隻流心蛋，真係一D缺點都搵唔到，而且仲可以揀辣度，麵既軟硬，份量岩岩。雖然要等成30分鐘，而且環境比較細，坐得比較迫，但係食到咁好食既野真係咩都抵返哂，唔係吹水，呢間真係我係香港食過最好食既拉麵，希望佢地可以繼續努力，可以換到更好既環境俾食客。…查看更多