sophy Wan的个人专页

是日同朋友食下午茶，在佐敦成日經過都未試過食呢間，今日終於試到了。環境精緻，舒適寬闊，在鬧市之中很有渡假FEEL，再加上平日下午沒有很多人，十分寧靜。跟朋友食BRUNCH, 我叫了士多啤士醬燒肋骨$98，鹹食再配上甜的果醬，配搭新穎，燒肋骨不錯，士多啤士醬新鮮不會太甜。朋友叫左All day breakfast，芝士炒蛋好正，當然這裡果醬是主打，朋友說果醬配厚多士是非常好吃。肉桂蘋果茶 & 木瓜雪耳鮮奶，木瓜雪耳鮮奶很好飲，好多雪耳+木瓜肉，女生必飲呀!p.s. 餐具好靚，食野都開心d門口有show哂d果醬，食完有興趣都可以買走，查麵包同飲黎飲都不錯，秋天來了，乾燥時飲返杯非常合適。剛剛好$300有找，雖然不算便宜，但偶爾來吃都不錯，食物環境都好。…查看更多

在元朗的泰國菜不少，除了開心味道如何之外，有時都想搵間環境裝修有特色的地方。今日來到薄荷葉，一睇門面就FEEL到泰國的感覺。伴隨著強勁的音樂，除了食飯，也是飲啤酒、吹水的好地方。天氣熱，同男朋友二人食不了太多，只點了3樣食物。有濃濃的椰汁味，海觧也很多，用木桶盛裝很可愛，味道不錯，很適合女仔食。揀了小辣的黃咖哩，真的不太辣，喜歡辣的人下次可試下青咖哩/紅咖哩，冰鮮雞比雪藏的更滑，而且份量超多，很大碗全都是雞，沒有薯仔，所以真的有驚喜。但男朋友是澱粉質控，所以反而想要著仔炒介蘭OK,沒有特別，不過食飯總要叫返d菜食下先得。埋單3百蚊唔使，應該是因為沒有加一吧，算幾抵食。…查看更多

觀塘放工時間勁多人，要搵好野食都可能要迫下，今日同男朋友由APM出發，行到去熟食市場果邊，搵到間LM CAFE，睇落環境唔錯，所以就入去食喇。雖然CAFE環境靚，但價錢唔貴之餘仲幾抵食喎，三十幾蚊，分分鐘抵過大X樂果D...原來每個星期四7:30仲有人黎唱歌，只會唱慢歌，所以都好有情調，如果餐廳唔係咁多人就更浪漫。咁岩見到隔離檯成班男士都嗌左鐵板餐，上菜時我都嚇左嚇，勁大碟，意粉另上都係好大碟，只係$50-68，好抵食，不過我同男朋友唔想食咁多肉，打消呢個念頭。我同男朋友都揀左DINNER SET, 相比起其他食品貴少少, 不過都仲係抵食。男朋友揀左傳統英式早餐$68，呢D早餐都係大大份，但呢度既食材真係好多，最令人驚喜的係有煙三文魚，男朋友唔食三文魚所以俾左我食，味道不錯呀! 而沙律都好新鮮，不過D醬汁流左係底，食果陣記住要撈下佢。而我鍾意食海鮮，就揀左香蒜牛油帶子炒意粉$72，帶子都幾多，而且仲幾大粒添，香蒜牛油令到個意粉好香、好惹味。食到最後其實都幾飽，但又心思思加多個小食--韓式炸雞。炸雞外面有蜜糖，加上少少燕麥，食落好特別，外甜內咸，外脆內軟，如果飲啤酒應該唔錯，呢間餐廳都有好多款手工啤酒，不過太飽所以冇飲。…查看更多

觀塘已經由工業區，變成繁忙商業區，又也成了美食天堂。今日同男朋友黎食DEER KITCHEN，本身自己好鍾意鹿，黎呢到就諗返起之前去奈良睇鹿的旅程經驗。餐廳環境舒適寬敞，座位闊落，燈光柔和，情調十足，十分適合情侶黎^_^，不過也見有很多係朋友聚會或一家大細黎食飯。7:30到達唔算多人，但之後都坐到7-8成。有SET DINNER, 也有有2人餐，也可以散叫，款式也算多。餐包很鬆軟，配上黑醋橄欖油非常好食，愛包的男朋友直情想食埋我果件XD，我免勉為其難俾左半件佢食，哈哈。飲品也是不錯，大大杯，不過LATTE忘記了給糖漿，問返侍應，佢都好快俾返糖漿我地(小問題)其實呢到服務真不錯，餐包好快上，會提醒小心熱(我地食焗田螺)，也會經常加水，值得加分。田螺很好吃，而且提供了工具夾實個田螺，再用叉仔吉黎食，我大鄉里，第一次咁樣食田螺=_="田螺很熱，很香很有味，而且D油滴了出來，漏落薯蓉上面，所以D薯蓉都勁好味!!前菜黎講，真係冇得頂，值得這個價錢!秘製虎蝦天使麵($138)虎蝦大大隻,蝦肉結實，蝦頭好多膏，男朋友知我愛蝦，成隻讓俾我食(不枉我俾左半件麵包佢XD)天使麵軟硬適中，配料例如番茄肉碎都好有味，辣度有點高, 尤其對於我地只能食譚仔10小辣的人來說(我地可以算係唔食得辣XDDD)重頭戲是火焰西班牙杜洛克黑毛豬肋骨($240)豬肋骨經過火焰燒一燒，很香，外脆內嫩!!雖然說豬肋骨本身已經係好嫩滑，但要控制好火喉，唔會過焦都好考功夫。除了豬肋骨，配菜都好好食, 有薯格，翠玉瓜，烤小茄子，烤南瓜。美味!!!總括來說，今次很滿意!!!!各方面都很好!!!可惜我唔係觀塘返工，如果唔係LUNCH黎食都幾好!!而且ID CARD有6字有優惠!!!…查看更多

香港人多數都會外出食飯，但好多餐廳為求味道吸引而添加了好多鹽,油,甚至味精，搞到好多人都愈來愈多脂肪，嚴重影響健康。今日就同朋友去食一間健康的餐廳，Percent Kitchen & Fitness位於觀塘，相信好多打工仔LUNCH或收工都可以黎呢到食，十分方便。入到餐廳, 環境整潔舒適，見到有黑板推介緊佢地的健康的鮮搾蔬果蛋白飲料，名字也很有趣，倒如「變形俠醫」，「波波球」。唔好一聽到"健康"就以為唔好味呀，其實味道同健康都可以平衡的。尤其當我地做完運動，最肚餓，也需要營養的時侯，我地就更加要小心飲食啦~LUNCH SET很好，除了餐湯及主食外，仲可以另選其他食材，咁就一定揀到岩哂自己心水。餐牌亦詳細寫明卡路理、脂肪及蛋白質。先來個南瓜湯，十分香濃我同朋友都揀左"雜菜番茄醬焗長通粉"，但添加了不同的食材:我的是"雜菜番茄醬焗長通粉" 配牛柳及大蝦，蝦肉新鮮彈牙，牛柳出奇地很軟滑，因為除了沒有味精之外，連鹽、油都冇落，但味道很好，牛柳也能如此淋，十分難得呀。朋友的是"雜菜番茄醬焗長通粉"配雞胸及龍利魚柳，朋友都說味道很好，而且份量十足，相信做完運動的人都可以感到非常滿足。最後，食飽了也要飲返杯茶，幫助消化，我地揀了洛神甜梅茶，及桂圓紅棗茶，原來是一整壺上，茶很清香、味道好，為這次午餐畫上完美句號。之後我地都去八卦一下做運動的地方，睇黎真的要開始做下運動了。…查看更多

元朗最新開了間德國餐廳，在水邊圍村附近，我同男朋友都住元朗，當然要黎試試啦。元朗的德國餐廳比較少，我也少食德國菜，所以今次專登黎食豬手。7點入到去，平日而且仲早所以唔算多人，環境光猛整潔，而且佈置有心思，樓底高有吊扇，座位都舒適。食豬手當然要飲啤酒啦，呢到有好多種啤酒揀，不過我對啤酒冇乜研究門口附近可以睇到咸豬手的爐，見到都流口水。我地點左德國咸豬手配酸菜及薯仔沙律$175, 豬手真係冇得頂，豬皮脆口得黎又帶點煙韌，豬手肉好嫩滑，而酸菜同薯仔沙律好開胃，減低食豬手的肥膩感覺，一食就停唔到口。男友點的啤酒$58，好大杯呀!墨西哥香蔥芝士薄餅$88，香口又鬆軟，芝士味剛好，配上特別的醬汁，食多幾件都不覺膩。一拎起好多芝士。法國燒春雞(全隻)$108, 雖然是燒春雞，但都唔細隻，仲配左薯角，好大份，而且好好味。睇下隻雞脾，皮脆肉嫩。總括黎講，呢到環境舒適，食物質素又好，如果想食德國菜就黎呢度啦!…查看更多

過幾日係復活節，唔想同人迫就要預早少少食黎好野啦，今晚約左男朋友7:00黎食BURGEROOM, 因為知道呢間多人食, 成日要排隊，所以盡早到，好彩黎到仲有位，食好野就要花D心機呢。呢到要自己去CASHIER落單，話時話，其實好多食BURGER既地方都係咁運作，而且冇收加一。食物飲品都有好多款式揀，價值合理。男朋友叫左杯1664, 我就要奇異果汁$38, 奇異果汁有片薄荷，飲落甜中帶酸，好開胃。芝士旋風薯條$50, 炸得香脆可口，芝士味濃，飲啤酒最好的配搭。我揀左辣味磨菇雞柳漢堡$85，一上菜果陣嚇一嚇，因為好大個，但後來見到隔離檯的鵝肝鱈魚漢堡(睇上去似係)成個頭咁大份，就覺得自己果個都唔算誇張。有點辣味，配上磨菇好惹味，雞柳嫩滑多汁。男朋友點的帶子漢堡$98，初初佢以為食帶子肉整成餅(好似蝦餅咁)，但原來係原隻上，而且好大隻，仲非常有鮮味，相比之下我的辣味磨菇雞柳漢堡好似唔夠勁，但我認為漢堡還是配肉比較夾。下次我會叫帶子沙律。埋單唔使加一，共三百幾蚊，不錯!食完走的時候見到，即使落緊雨仍然有人排隊，真係勁。下次經過銅鑼灣再黎食過!…查看更多

因為4月同男朋友去日本，大家都好期待今次日本之旅，好感激男朋友花左好多時間去PLAN行程。所以今日請佢食日本野，就好似為日本之行預演咁。之前行THE ONE都成日好想食佢既蛋糕，今次終於食到啦，原來成個套餐連埋蛋糕都係$99，十分抵食，早知就唔會到今日先黎食啦><我地6:30PM就到，唔算多人，但之後愈來愈多，都有8,9成滿。有多款套餐，最平的套餐都係$99(全日供應)，有烏冬+蛋糕+飲品，套餐也有飯有烏冬，款式好多，搞到我心大心細。除左蛋糕，這裡的烏冬也出名，彈牙又健康，因為係100%純日本國內出產的小麥粉製造，含豐富的食物纖維，所以個樣似喬麥麵，我地都揀左烏冬套餐，唔食飯都仲有另一個原因，就係留返個胃去食甜品。L2-味噌海澡味烏冬，男朋友點的，佢話烏冬彈牙，湯底都比較清，不會肥膩，份量適中，仲有沙律同加州卷呢!!!LS-5日本野菜天婦羅烏，是我點的，冷烏冬比湯的更加食到佢的彈牙，醬汁味濃，但配合野菜天婦羅就剛好，睇返D相都流口水。甜品是重點，我地分別點了綠茶同黑芝麻。鬆軟香甜而不膩，感覺綠茶好食一點，可能我地本身就已經是偏愛綠茶吧!!愛綠茶當然也要飲返綠茶啦，各自加$20飲初茶 同 宇治抹奶茶。初茶甘香，口感很滑、順喉。宇治抹奶茶 ，侍廳話可能會甜一點，但我飲落剛好，比starbxxxx更有綠茶味而且不過甜。最後當然加返個抹茶芭菲$78，超好味的，不會過甜，又濃綠茶味，入面d丸子又好煙韌，仲有抹茶啫喱、慕絲同粟米片，非常正!!!總括而言，今餐很合口味，甜品更是令人回味，下次經過門口唔使淨係望啦!!…查看更多

同朋友食飯，最好食放題，因為大家都食到自己鍾意既野。所以今日同朋友食大滿喜，可能5點半時間尚早，只有幾檯客，但好彩我地早黎，如果唔係就要等位了。環境光猛整潔，位置也寬敞，坐得舒服。點餐紙有埋圖片，咁就容易揀食咩啦~一開始我叫左個沙律令自己開胃一點，沙律菜新鮮，蝦也很彈牙。放題不少得既係刺身，因為我本身鍾意食蝦，所以點左好多款蝦，赤蝦、甜蝦、泰式生蝦，仲有三文魚、貝柱，飽魚片。三款蝦之中，泰式生蝦是驚喜，酸酸辣辣的好好味，三文魚也好厚身。來點熟食，點了羊架, 有好香的羊味同孜然粉的味，我食左2件，哈哈串燒烤物也不錯，我又點了蝦，刺身同串燒各有各好。天婦羅很鬆脆，除了天婦羅蝦，我還試了天婦羅玉子，好好食呀。芝士焗鮮貝，呢個真係必食，帶子又夠，大隻好好味。長腳蟹粥，食左咁多野，可以食淡粥清一清個口，長腳蟹好有海水咸味。炸雞翼，炸蠔，炸芝士，炸榴槤。炸蠔同炸榴槤我好鍾意，香脆又唔油，下次再黎一定encore!!!食咁多野每人都係180蚊，抵食呀!!!總結而言，大滿喜食物質素不錯，環境舒適，侍應友善而且好快手，價錢適中。…查看更多

今日同男朋友食飯，揀了瓊華的八幡屋，因為又想食得好一點，又想坐得舒服點。結果是沒有讓我們失望，食物、服務、環境，都很滿意，很讚的一餐晚飯!!!店內環境很光猛，位置也寬敞而且有間隔，唔使食野望到其他人或俾人望。男朋友5點半放工，6點我地已經來到，因為太早只有1,2檯客人，但之後愈來愈多。位置舒適，整潔。我地揀左$298嚴選黑毛和牛套餐，好快就上左黑毛和牛&美國豚肩肉。自己可以出去拎火鍋配料，仲有啲串燒，壽司，天婦羅可以即叫即整，而且仲有比得上酒店的西式甜品。自助區域很整齊，清潔，因為我們就坐在旁聽，看到客人走來走去。坐這裡好處是拿食物方便，壞處是有人在旁邊走來走去有點煩(如果睇女仔的話應該是好處)。升級叫海鮮同刺身都只係各位加$50，真係好抵!刺身份量十足，而且好新鮮，赤蝦有6隻，仲有生蠔，正呀!!!湯底揀左豬骨湯同壽喜燒，壽喜燒甜甜的。之後加湯都係根據我地本身的湯而加，唔會乜都加清湯。總共有3碟黑毛和牛同一碟美國豚肩肉，件件都肥瘦均勻，入口即溶。海鮮配料有: 海蝦,帶子,蜆,廣島蠔,鯛魚片 , 我本身好鍾意食蝦，有咁多蝦真係好開心。自助區:有菇類、菜、丸類，麵等等，材料都是上等，不過食得唔多，因為食完刺身、海鮮、牛肉豬肉都已經好飽，仲要留肚食甜品呢!!!天婦羅即叫即炸，粉漿不厚，好食!!爐端燒也是即燒，香口而不會太乾。甜品區很豐富，有雪糕，有布丁、有CAKE等等，每件細細的，讓人可以每款都可以試到。八幡屋涮涮鍋除了火鍋材料靚外，其他刺身，天婦羅，爐端燒等都係質素很好，絕對比得上酒店!!!一定要再返黎食!!…查看更多

中午約了朋友來這裡食飯，因為我很喜歡食甜品，這裡既是西餐廳，同時又是甜品店，食完飯不用轉埸了。這裡環境真是一流，不只因為新餐廳新裝修，而是整個風格都好靚，光線夠而且寬敞，空間感十足。我地坐在收銀處附近，仲見有幸運輪抽獎呢! 可能因為新開，又是午市，暫時客人不多。可以望出窗外:LUNCH餐牌:甜品有很多選擇:因為我點了H.松子仁香酥烤嫩羊鞍, 所以有得飲是日餐湯-蕃茄忌廉湯。湯好香濃及滑，雖然呢個H餐貴過其他餐少少，但都值得的。朋友點的F.黑松露焐豬肩乾蔥雜菜配紅米飯, 他說豬肩嫩滑，醬汁香濃，整體不錯。而我點的H.松子仁香酥烤嫩羊鞍, 侍應還說可以配白飯，所以我配了白飯，但最後發現2隻羊鞍好大件，飯只能吃一點，浪費了食物真不好意思。烤嫩羊鞍真的好嫩滑，切開肉是粉紅色的，沒有羊羶味。而配菜有黃色的茄子，紅、黃椒及脆肉瓜，很豐富，連碟邊也有洋蔥黑醋，可見得餐廳的用心。飲品也有很多選擇，朋友選了藍梅柚子沙冰(另加$20),  我就唔飲得太凍的，所以揀飲芒果汁($38)，芒果汁香甜，而且很大一杯呢。最後是重點: 甜品!!<<什果窩夫配雪糕>>這甜品非常好食,即使我食完羊鞍已經好飽，但仍然可以食得落2件窩夫!!(男朋友:說好的減肥呢?)雪糕是用Mövenpick的，用料上乘，非一般甜品店可媲美。 就算只入來食甜品都不錯呀!!總之日後入荃灣一定要再來!!!…查看更多

住元朗其實都幾幸福，周圍都好多野食，今日同男朋友又黎食焰拉麵，發現佢愈來愈旺，今晚差D冇位要等位，幸好被安排坐最入面，地方也很寬敞，慢慢食都唔怕，最怕食野又迫又趕頭趕命XD。多左新餐牌，有多款不同的小食，岩哂多心樣樣都想試，但又怕食唔哂既香港人。男朋友揀左最原始的"焰"拉麵，配叉燒，湯底濃郁。而我自己就揀左有櫻花蝦的"鮮焰"拉麵，配豬軟骨，豬軟骨數量不少。酸酸地,應該係有魚的醋，配上拉麵，濃而不膩，好味。另外我地仲叫多幾個小食:帆立貝, 燒茄子, 漢堡扒, 雖然份量少，但每樣都係12蚊咋!!1,2個人黎食麵都可以試多幾款啦~總結:環境&服務好，食物質素不錯，價錢又適中，最緊要係就腳!哈哈!…查看更多

韓國燒烤的鋪頭愈來愈多，間間各有特色。今日與2位朋友一齊試試元朗新開的熨烤達人，其中一個朋友對韓燒十分熟悉，我比較少食韓燒，所以靠佢介紹點樣食先好味。3人在門外等了一陣，最近元朗都好旺，好多人食飯呀。店舖提供了胡椒湯，蛋及幾種前菜，烹調工作由朋友負責，我坐定定等食(十分欠打XD)胡椒湯幾好飲, 冬天飲完暖粒粒。最特別，差唔多每檯都有的就係呢個五花腩啦，肉質爽甜不肥膩，很好食。用熨斗壓住來燒，就更快熟。說來羞愧，第一次食韓燒豬皮，原來係咁煙un，咁好食，配豆粉就滑口，唔配就好好o趙，兩種食法都好正。壽司大大件，適合大胃王。部隊鍋正正常常啦，我估每個地方的部隊鍋都差唔多掛。雞扒肉質結實不肥膩，加上熨斗一壓，脂肪都化成油了。最期待的就是這個八爪魚，店家說明是韓國直送的，放上爐很壯觀上，將牠燒到少少乾身，加上店家提供的醬汁，甜甜的，很好吃呀。配韓燒最好就配一杯凍飲，呢個Cider Rita超超超好飲，我同女性朋友揀荔枝味，男性朋友揀了藍莓味，甜甜地加上微微的乳酸味，加上有蘆薈粒，真係要飲到最後一滴!!!!文章打到依一刻已經不斷流口水啦!…查看更多

想好好慰勞一下自己工作努力，這天約了朋友吃餐好的， 揀了深宵食堂, 雖然不是地鋪, 但有個廣告牌，好眼力的話不算難找到，我們只花了一點兒時間去搵，哈哈。餐廳內播著MV，燈光稍暗，是一般西日風格，聚會的好地方。可能我們來的時間尚早，客人不多，但過了不久就滿了，還看到有人要等位，可見得這裡是頗受歡迎的，之後人多了有點嘈吵，如果想靜D可以出去露台坐(如果天氣暖一點的話)。首先吃番茄蚧肉沙津($58), 食串燒/炸物，無論如何也有點熱氣，所有要吃點新鮮蔬菜，一來減少熱氣, 二來可以減少食太多肉，這個沙津不錯，可惜我地食左少少先影相，影得不好。芝士焗虎蝦配黑松露帶子($128), 一上菜就香氣四溢，黑松露的香加上芝士香，碟一放下我就立即夾帶子來吃，整隻帶子在口中，感到好滿足，好好味但價錢也不便宜><。芝麻雞翼($48)，看上去以為炸得好乾，但吃上去又幾多汁，不錯。煙肉蠔卷($38),這個十分好吃，煙肉的咸味包住蠔肉的鮮味，很好吃，一串3件，我食得太慢所以只吃了一件，另外兩件就被人吃了，執輸左。 豚肉露筍卷($28), 我好鍾意食露筍, 外面甜甜的汁令這卷加分，不過朋友就唔鍾意食甜，那我就不客氣幫手吃多點了(^V^)。 汁燒白鱔($68), 一串要$68也不是便宜的(好肉赤呀...鳴鳴)，但吃完之後就明白，這香郁嫩滑的鱔肉，是值得一吃的。 這碟差不多是每一檯都點的芝士蚧肉玉子($68) ，十分大份，玉子包住蚧肉及芝士，一切開就流出來了，好滑好味而不會太膩，可惜食到尾聲，已經太飽，吃不完整個了。流出來的情況，入面好多芝士呀 總共吃了接近$500, 即每人$250左右，不算便宜但水準幾好，所以這裡值得來試試的。…查看更多

原本就常出沒於佐敦的我，最近才留意到這間新餐廳。雖然說是新開，但仍然保留上一手的裝修，有點懷舊氣氛，但又十分整潔舒適。可能因為附近很多出名食肆，所以這間餐廳客人相對不多，本來我和朋友揀這間是想靜靜地傾計，但出乎意料這間餐廳幾好食。同朋友分別點了一個set dinner,一碟串燒及甜品。 價錢都只是一百鬆點，我們回了1號羊膝 & 3號烤雞，侍應說很多人點1號羊膝呀，我心想，因為其他地方食羊是比較貴，這裡才$129，算是好抵食呢。免費的餐前小吃，未食前同朋友猜想邊一隻色是辣的，原來2隻都辣，但橙色的比綠色辣。烤雞串燒$79(6串), 雞肉很滑，醬汁充足，味道也可以，如果多幾個朋友share食會更好，因為份量很多呢。印度奶油番茄燴烤雞肉配飯/印度烤餅($109), 甜甜地，微辣，又幾惹味的，如果唔食得辣的人點呢個就啱了，十分迎合香港人口味。燈籠椒薰羊膝燉配蘑菇及印度特色香料炒飯($129), 好大隻羊膝，啖啖肉，d肉好嫩滑，有羊"so"味但也不過多，稍辣，冬天食呢個餐十分暖粒粒，十分推薦。玫瑰奶球($49)這倘甜品幾特別，雪榚食唔出係咩味，而果2個球就好有椰香，食落感覺似椰絲的質感，不過已經食得太飽，到了甜品已經唔係太食得落，可能主菜太好味, 甜品相對就失色了。總結來說，價格合理，食物質素又好，地方舒適，會與朋友再來光顧的。…查看更多