SarahLeeWaiSze's Profile

兩個人食，都係上網求其搵個餐廳，都幾正，偏僻啲，但沙灘有得泊車，行過去幾分鐘，平日無咩人。店內有一隻肥貓貓，好得意，周不時做得意嘅動作，會想偷食枱上嘅嘢，不過店員會及時叫返佢哋落地。食物就正常發揮，量適中，叫咗三文魚沙律，羊，黑松露意粉，菊花茶，特飲。薯條配羊好炸，熱氣記得唔好叫成個。羊如果有汁就好味啲，沙律同嘢飲都好味，不過特飲支筒太細，啜唔到啲荔枝。後尾幫我哋啲茶加水，好窩心。環境靚，乾淨，如果唔想食嘢同人迫，或者俾人聽到你講咩，可以揀啲呢倒…Read More

我比較喜歡環境，訂了7:30，兩人坐卡位，私隱夠，落單選擇不算多，點了一個醬油拉麪，一碟菜，一份餃子。麪比較幼細，不知是否錯覺，麪量看上去很少，吃完也不感到飽。味道不算好特別，餃子也是，沒有令我很有欲望吃完的感覺。我喜歡吃那些菜，材料新鮮，吃上去很爽口，唯有點太大，難放進口。服務尚可，整體感覺是，即使甚麼都是尚可一般，環境也會讓我再光臨，希望餐廳有熱茶提供。（餐廳層沒有洗手間，要去的話要借鎖匙去二層）…Read More

平時喺沙田，想食雲吞麵，又想坐得舒服啲都係去正斗，之前裝修，今日第一次去。今日星期日，睇落好多人，以為要等耐啲，但可能裝修多咗位，唔洗等好耐就入得。內部裝修比之前靚咗，隱蔽啲，仲有卡位望住玻璃。我叫咗雲吞河同陳皮牛肉球。雲吞好似細過以前，但味道保持水準，蝦米味重；河粉少淋，可以接受；牛肉球喺我食完雲吞麫上枱，時間啱啱好，有陳皮味，但無諗過會無牛肉味，少少失望。裝修後整體服務好咗，人手快咗，茶夠熱，如果無牛肉球，呢餐滿意。…Read More

5點半入場平啲，人少啲，唔洗等位。台食幾特別嘅，但如果想食好味牛或海鮮，就⋯⋯我鍾意個黑松露油炸鬼，外脆內淋，雖然無咩黑松露味；甜不辣就唔太好味，唔知係味放太耐；響鈴夾嘅時候已經知佢放咗好耐。值得讚係調味料，有特色，平時我唔太點醬，今次都點咗兩碟。自助區唔算多嘢食，全部夾放埋一齊，個人覺得可以一個餸一個夾。凍飲都幾特別，但熱飲少，而且熱茶係凍嘅，無甜品，雪糕無得任食，買單前一杯，對鍾意食甜品嘅我嚟講，係有少少失望，不過都食到好飽～偉華唔知有無泊車優惠，我就無揸車，要揸車唔驚貴可泊商場，亦可泊大圍附近錶位，食飽行去車位幫助消化～…Read More