kathwong1012的个人专页

平時去茶樓食流心包就食得多，但除左去酒樓同果間貴貴點心舖之外，又真係唔係好多地方食到流心嘅奶皇包。今日行過屋企樓下，見到巧手有新野岀左喎 流心奶黃包😍😍😍😍其實佢之前岀過阿華田系列都有試過，幾有驚喜幾好味，心諗今次應該都唔會差，價錢又唔太貴就俾左$8買左個試試佢。拎到番屋企趁重暖就即刻食左佢先，一meet開啲餡直情係噴岀泥咁濟(真心話，完全冇誇張)，同埋聞到好香嘅咸蛋黃味，又唔會好膩，真係好似酒樓食到果款奶皇包咁。老實講$8就買到，唔洗我等位飲茶又唔洗我搭車岀城，千祈唔好咁快冇得賣呀😭😭…查看更多

難得星期六日放假，梗係要訓到晏一晏先起身喇。午市鐘數落街，又未到下午茶，都預左要食貴貴午餐嫁喇，一於落街行個圈先決定食乜野俾我行到落樓下，見到有間麵店門口有大大個牌寫住魚蛋河全日特價$16，持家節儉嘅我梗係點都試一試喇。本身見佢咁平都冇咩期望嫁喇，點知拎到埋位見到又真心唔差喎，一碗魚蛋河除左有魚蛋魚片之外，重要魚片頭，魚皮同生菜食下，平時加碟魚皮油菜都要十蚊喇。食落魚蛋都幾彈牙又唔腥，一碗有晒咁多樣野，啱晒選擇困難症嘅我。重點係，價錢平又冇將貨就價，可encore!!!!!!…查看更多

之前食過其他分店質素都幾好，所以今次過泥探朋友之前見佢新開左分店都過泥食番個常餐先，我要左個蕃茄湯米，朋友就要左個沙嗲牛肉麵。落左單等左5分鐘左右就有野食到，碗米粉相比起平時食開既常餐份量多，D湯又濃，仲真係有鮮茄係入面咖。個湯夠熱浸住D米粉，索晒蕃茄味，食落米粉既質地幾有咬口，但又唔係未熟透果D“鐵線”米粉喎，叉燒都有5-6塊都算多，重要幾厚下果種。 個多士有驚喜呀，因為新鮮烘，尼到仲熱辣辣又脆，用左厚方包所以中間Keep到軟熟，外面又夠脆，入面牛油都唔少，加上個包夠熱D，係牛油溶晒既狀態下好好食。個炒蛋都幾好味，唔乾身仲有蛋汁添，餐肉就厚度適中。凍檸茶飲到啖啖茶味又唔會過甜。 食埋個多士其實我都已經好飽，差D食唔晒，因為份常餐睇落好簡單，其實都幾多下。整體尼講幾好食又抵食，最難得係D食物夠熱!依家D餐廳既“常餐”已經好少做到。 …查看更多

班朋友成日話食唐記甜餡包好開心，因為貪佢地顏色多為粉色系，有啲似大粒中式萬樂珠，真係想像力豐富。 前兩日經過唐記，心思思想買個粉紫色芋頭包食，但店員姐姐話未有要等幾份鐘先出籠，佢推介我食紅豆包，咁唯有退而求其次，轉款揀紅豆包啦。一打開個袋，原來紅豆包唔係純粉紅色的，佢亦有紅豆碎加在麵團中，令佢同芋頭包有明顯分別，不過佢的確仍好有少女感覺，相信應該幾有女性市場。 唐記包點的紅豆包貫切佢地品牌大大件又餡多的風格，一口咬入去已經食到紅豆餡，之後亦啖啖都有，雖然紅豆餡較芋頭餡甜少少，但加入左少女感覺的幻想後，即刻好明點解，有返老還童的感覺，甜入心💞…查看更多

難得可以放假，我都想悠悠閒閒嘆番個下午茶，我好掛住新鮮出籠嘅蒸包點心呀!!!!但得自己一個人又唔好意思去拎位飲茶，所以就走左去隔離買巧手點心番屋企慢慢嘆。 去到落單嘅時候收銀姐姐話係手工腸粉，所以要等一等，但講真又唔係真係等好耐咋，一陣就有得拎。以為咁快做好都冇咩料到喇，但出乎意料，個腸粉皮好薄，好滑，入面包住好多叉燒粒，叉燒肥瘦均勻，再加埋甜豉油(甜豉油好好味，我特登落多啲嫁)，Yummy!!! 但係識我嘅人都知，一碟腸粉又點會夠我食，所以我加埋飲茶必叫嘅菜肉包泥頂下肚。菜肉包熱辣辣，食完一啖腸粉再咬一啖包，完全同係茶樓飲茶冇分別呀。…查看更多

我屋企都係屬於無飯家庭，基本上日日都會出街食飯，餐餐都食肉獸上身，所以間唔時就算係街食飯都要食番多D菜平衡下。所以今日幫襯就叫左碗唐三藏，鮮茄湯底有6個菜：蘿蔔，銀芽，豆卜，菜心，腐竹，雲耳。平時嗌一個菜都要$7喇，加埋蕃茄湯底真係有蕃茄係入面等於多左一個餸，所以佢套餐有埋麵底$35都幾抵食下。 佢個鮮茄湯底都幾好味，因為D餸都係好索味嘅野食，所以碗麵一泥到我就即刻將佢地浸入個湯到，等佢地吸收晒D蕃茄湯之後再食就更加好味喇。浸完湯之後食一啖雲耳同銀芽，非常爽口；蘿蔔大大舊，無渣、 夠淋、 入味；腐竹同豆卜吸晒湯汁，一咬落去就爆晒出泥，正! 間唔中食番餐清D嘅都幾唔錯。 …查看更多

行入民華, 二話不說, 就點了最喜歡的「常餐」​常餐的常，唔係解做平平常常，而係經常​ ​ 這幾乎是我每次與朋友聚腳的好地方呢。 一來地方舒適 乾淨企理，服務又好，當然最緊要就係食得開心​我今次常餐嘅4個隊員包括:1.牛油多士 = 很香! 很脆! 好味! 好厚度!2.火腿炒蛋 = 蛋夠滑3.鮮茄火腿通粉 = 蕃茄湯底濃稠美味，甜甜酸酸，好醒胃。火腿份量足，又有蕃茄粒食，夠健康。 4.凍檸茶 = 大愛這裡的凍檸茶，完全沒有苦澀的味道，檸檬「篤」得越多越好喝，卻又怎樣都不會過 酸。非常清甜!…查看更多

臨記 我諗好多人都冇聽過 亦冇食過不過次次行過 咁啱都見到 覺得十分乾淨企理 就決定去試試 🤷‍♂見佢個餐牌做得咁靚 咁多相 好少車仔麵 舖頭 會咁俾心機 所以我就 睇咗佢個menu 先至入去落單🙆‍♂我哋一行三人 嗌咗 三個 三餸套餐 一黎到好香❤碗麵既份量都唔小 食落去好入味 因為啲餸菜索哂個湯既味再食 豬大腸 真係好回味 冇改錯名自製鮮竹卷 既皮好薄 係裡面既料都好多 完全索哂個湯既味 好正👍🏻同埋個 招牌腩肉 爽口彈牙 唔錯唔錯😋再食埋米線 好滑 用靚野 再加埋條菜 好滿足 我好推介個 回味豬大腸 係必食👍🏻…查看更多