carrie_yim的个人专页

由細到大對於日式拉麵店有一種特別既喜愛，總係好中意去試唔同既拉麵店，得知返工地方開左間鋪頭，放LUNCH即刻去試!味吉長龍原來係石亭同沃川呢兩間係尖沙咀居酒屋既新分店，呢兩間分店係香港都有26年同23年既歷史，絕對唔係小兒科，仲要係同一個老闆，點可以錯過！而家D拉麵店總係會講到好濃味好多花款，但呢到就以清湯為主，反客為主，市面上好少人做，唔洗搞咁多野，玩咁多花臣，單刀直入，簡單直接！同老闆以往既沃川同石亭個風格一脈相承！1. 特盛慢煮叉燒濃清湯拉麵總共有成六塊叉燒，每塊都大大塊，麵質又Q又彈，配埋牛蒡溏心蛋，拉麵麵質好爽，大滿足。2. 白松露慢煮叉燒濃清湯拉麵白松露湯底第一次試，絕對無後悔，香味撲鼻，叉燒肥瘦適中，食落唔會好韌夠晒軟腍，麵質揀左較硬，好掛身，另一種體會，一絕！3. 味吉炸雞係出面餐廳經常食到預先炸定既，呢到一咬落去就知岩岩炸起，香脆肉質鮮嫩，每件都大大舊，飽足感十足！4. 白家製韭菜豚肉餃子個底煎到金黃色，香氣滿溢，餃子皮夠薄，韭菜令豚肉更加香，令到成隻餃子口感更豐富！5. 烏龍茶夏天飲返枝茶，夠晒舒服！6. 富士柚子汽水從未飲過呢種日式既汽水，真係只有呢種日式店舖先搵到，柚子味好濃，唔算太甜，好岩口味！仲有印花送！！集齊可以再食啦！…查看更多

1)半身若雞套餐一黎成隻雞上枱皮脆肉質好鮮嫩多汁，唔會好難咬開，大推必食之選2)月見和牛背脂和牛丼和牛背脂第一次食，口感好特別，軟綿綿咁既，加埋葱既香味，牛既味道好多層次成個體驗好好食吖3)黑豚肉餃子餃子煎得香脆而不油膩，而豚肉睇得得經過特別調製過，特別惹味。4）茄子慢煮牛肉本身諗住牛肉包住茄子，點知原來係茄子包住牛肉， 成個口感好豐富，加埋牛肉同茄子整得好香，大讚值得推介！5）叫左杯stella同Asahi ，爽呀題外話，宜家有得玩6秒challenge ，成餐廳食得好開心，員工服務又好！…查看更多

1. 慢煮紐西蘭牛柳和風沙津 配活蜆茶碗蒸牛柳多汁軟身，肉質亦好鮮嫩，最怕太熟好難咬得開，呢個對於減緊磅既我係一大恩物。沙律本身份量亦都好夠，夠晒健康食得黎又無乜罪惡感。配埋茶碗蒸，蛋好滑，入面材料勁足夠，蜆肉都有幾大舊，拍得住出面D 日式餐廳。2. 日本壽喜燒配美國肥牛 湯底味道甜中帶少少鹹，牛肉柔嫩，脂肪分布均勻，煮熟後保持多汁。天氣凍個陣食盲岩岩好。3. 煉奶花生醬厚多士第一樣野塊多士真係幾厚得黎仲整得夠脆，配埋花生醬夠晒香，食落又唔會太油膩。…查看更多

🍟香草白酒煮青口配黑松露薯條青口配白酒既香味，鮮味突出，每一隻都好大粒，而且份量好足，肉質鮮嫩。黑松露薯條炸得好脆，同青口一脆一嫩好夾。🍝蟹肉巴馬臣芝士蕃茄忌廉汁意粉食落口有種驚為天人既感覺！芝士濃郁，蟹肉好鮮味，配埋忌廉汁撈落D意粉到食，呢個真係最推薦既一道菜！🍗避風塘雞翼雞翼炸得酥脆，香味撲鼻！雖然有D熱氣，但都忍唔住一隻一隻咁食落肚！🥤可樂ZERO最後叫左罐可樂，為成餐飯劃上句號！🏠Mano 📍觀塘海濱道77號海濱匯1樓4號舖📍銅鑼灣駱克道459-461號The L. Square 5樓…查看更多

PARKSIDE 呢間餐廳真係未食野先食環境咁岩侍應安排坐係樓底高既位置。樓底極高，圓拱型天花設計加埋巨型玻璃，佈置好有格調，牆上掛左唔同既畫，完全放鬆勁享受。龍蝦泡沫濃湯 $98湯底好濃郁，龍蝦肉鮮嫩彈牙。加埋泡沫個口感多一份層次，飲啖好醒胃。經典牛肉漢堡 $168睇相都知個包size 勁大勁足料，牛肉煎得岩岩好, 高質多汁，加埋番茄同洋蔥，一口都咬唔晒！另外配埋薯條，外脆內軟。仲有配埋酸菜解膩，色香味都有，食完已經飽左7成。特色木化石朱古力餅 $78最後叫左款甜品，整得好精緻，嚴格黎講唔只係餅，直程係糕點咁，好好食，朱古力味好濃但係唔會好甜好流，對於唔食得太甜既我岩岩好。…查看更多

🍅紅蕃茄火車頭煲 $193🥖大脆包 +$38 濃濃蕃茄湯🥘包括牛🐮既唔同部位，牛肉牛筋等等！十分足料👍🏻配搭埋大脆包，脆既包沾上蕃茄湯，一流！🐥海南雞黃飯 $79海南雞嫩滑到不得了，黃薑飯好香，唔怪得係招牌菜式，不能錯過🤣🍗串燒大拼盤 $139串燒有牛🐮有豬🐷雞🐥又有菠蘿🍍，大大件，肉質彈牙爽口🍹冰凍水果茶 $33水果好多🤣甜度岩岩好，最怕太甜，食完泰國野飲杯野好清新🤗🥃香茅青檸梳打 $35香茅令到成杯野唔同晒，配合埋青檸同梳打水有氣，飲杯真係好爽☺️…查看更多

Hokkaido Scallop Ceviche $148帶子好大粒好肥美，配料有蜜柑、黑蟹籽同三文魚子，再加埋柚子醋，成件事好夾，酸酸甜甜，作為頭盤最適合不過 Tortilla de Patatas $98外表睇落去好似冇咩特別，一刀切落去，入面流心咖！但記住要盡快食！ Pan Seared Foie Gras Toast $78香煎鵝肝多士好容易食到好膩，但佢加入左甜酸嘅青瓜柚子嘅配料，中和左油膩感，恰到好處 Seafood Paella $298主要海鮮有青口、大蝦同蜆肉，種類雖然唔多，但全部都好大件！D飯吸晒D汁，雖然係好肥，但會不自食多幾碗！ Basque Cheese Cake $98巴斯克芝士蛋糕做到流心效果，配埋雲尼拿雪糕，成件事好MATCH Golden Seacoast Mocktail $108Dance Tonight $108 …查看更多

蒜泥白肉肉份量好足夠，白肉有d肥膏皮，口感好正一流。巴蜀狂惹雞翼呢個好特別，第一次試，感覺係黑椒既辛辣同蜜糖甜味兩者都有，好獨特耳目一新呀。蒜香醬油雞翼蒜泥味好香，內質嫩滑，醬油新鮮，有肉地又入味豬骨鮮濃湯紅薯粉 加腩肉豬大腸貢丸豬骨味濃郁，腩肉炆得軟腍入味，豬大腸洗得乾淨，貢丸彈牙好食招牌酸辣湯紅薯粉 加豬紅 牛肉湯底又香又辣，食落非常開胃，肥牛鮮嫩多汁份量又多，豬紅入味爽口。另外每人叫左兩罐野飲，今餐十分滿意…查看更多

番工辛苦🥲放工要食好野去安慰下自己🥲見呢間餐廳環境靚靚，價錢又唔貴，就黎試下啦😊🍝燒大蝦三文魚籽龍蝦汁扁意粉隻🦐好大隻又厚肉，加埋三文魚籽，配上餐廳配製嘅龍蝦汁🦞，好食🤗🥘香草白酒煮青口配黑松露薯條一上枱就香噴噴，D汁融入左青口肉度，又鮮又香👍🏻薯條🍟炸到又香，外脆內軟，配上黑松露，黑松露迷一定岩🥗凱撒沙律沙律幾新鮮，完全係開胃之選…查看更多

楚撚記真係本人最中意嘅大排檔😍🍺桂圓手工啤 $48對女仔黎講都好易入口，配上鵝腸一流😋但對於中意飲啤酒嘅人黎講，味道可能會偏淡D🧐好飲指數︰8/10 🪿白灼鵝腸 $108打冷必嗌😂有口感，送酒一流🫶🏻下次會試下佢最出名嘅豉椒鵝腸😻好食指數︰8/10 🐷楚撚記原隻脆皮炸豬手 $159份量好大😨外皮炸到卜卜脆‼️肥膏薄薄一層，加埋佢配嘅甜酸醬或芥末醬，食幾多都唔會覺得太膩好食指數︰8/10 🦑香煎黑松露手打蓮藕墨魚餅 $118好重嘅黑松露味，黑松露愛好者一定好重要❤️咬落去彈牙之餘，仲會咬到一粒粒蓮藕，好爽口，口感好得意😚好食指數︰8/10 🍍菠蘿拔絲咕嚕肉 $113聽聞咕嚕肉係用梅頭肉，啖啖都係肉，配埋酸酸甜甜嘅醬汁，好開胃！送飯好正‼️好食指數︰8/10 🍚豬油撈飯 $25好邪惡，但好好食😋豬油溶落係D飯度，再加埋豉油，令到碗飯更加入味同香噴噴🥹好食指數︰9/10 🥗飛天通菜煲 $92整體都OK，但本人覺得唔夠鑊氣，稍為有D遜色🥲好食指數︰7/10    …查看更多

🐷白切五花腩($288)餐廳好細心，會提供個爐蒸住D五花腩上去，唔洗驚耐左會凍晒唔好食👍🏻五花腩睇落去好鬼肥🙈但加埋配菜一齊食，完全唔會膩🥰唔經唔覺會食左好多舊😂好食指數︰7/10 🍗半半炸雞(原味炸雞、蜜味乳酪粉炸雞) ($208)份量一D都唔細，仲有埋炸蕃薯🍠雞皮炸到好香好脆☺️好食指數︰7/10 🍚紫菜手抓飯($88)每次去韓國餐廳都必嗌，有得食又有得玩😂份量雖然多，但整體冇咩驚喜🥲好食指數︰6.5/10 🍶星光清河($58)燒酒就見仁見智，朋友仔話口感似SAKE😂好飲指數︰7/10…查看更多

南蠻炸雞本身諗住無乜特別, 諗住普通餐廳應該無乜驚喜啦,食落去外脆內軟之餘, 最中意佢個汁, 同朋友食完都二口同聲讚佢既汁令到舊雞更加昇華, 有衝動問店員到底個醬係點整, 實在太回味了餃子因為掛住食面,餃子我地放左一陣先至食, 但皮仍然都係脆架入面仲好足料, 係而家呢個時代好多時都係空心包同空心餃,呢到真係無呃人,而且入面D肉都好好味, 唔會太咸同太淡, 味道岩岩好半熟玉子拉面小盛雖然只係小盛，上到台見到個份量都嚇一嚇，性價比勁高。玉子食落流心，加埋芽菜令面更有唔多一層的口感，送兩份叉燒十分滑，唔會柴口，十分抵讚本身諗住咁多芽菜，加埋D麵個感覺會好怪，食落反而係多種享受呀！！溫泉蛋叉燒芝士拌麵我叫個碗仲得人驚，上台個下我同朋友都對望左一陣，咁大碗！ 好彩冇叫大盛，基本上都一定飽，份量十分充足。作為芝士控既話，簡單就係我既至愛。大量芝士加埋蒜香，拌埋D麵入面，一大享受！而溫泉蛋同叉燒一D都唔求其，睇得出師傅唔係敷衍了事！…查看更多

難得同好姊妹👩🏻都早到旺角，決定去Black Coffee排隊🤣之前聽人講諗住7點半去排隊都已經截龍😱本人排左半個鍾頭左右就有位，不過就係Bar枱位🙃 ☕️Flat White ($38 + $5轉Oat Milk)Café入面，Flat White轉Oat Milk完全係本人最佳之選，呢間Café都冇令本人失望👍🏻好飲指數︰8/10 🐥Deep Fries Saliva Chicken w/ Dipping ($75)口水雞夠辣！本人好中意佢用西瓜砌成Café嘅Logo❗️好食指數︰8/10 🍛Tonkatsu Pork Chop w/ Black Curry ($108)個名話係黑咖哩，但隻色同普通咖哩冇咩分別；咖哩甜而唔會太辣，撈飯🍚食一流😍吉列豬扒同咖哩分開上，時間耐左都唔會淋晒！不過味道就正常發揮，係個咖哩加分！好食指數︰8/10 🥗Caesar Salad w/ Smoked Salmon ($118)正常發揮，不過份量都夠大碟😂…查看更多

好耐冇去黃埔，見到黃埔開左好多新舖，今次就試下Borig?! 呢個西餐店！本人同友人分別嗌左唔同價錢嘅set dinner Set Dinner C $298 🥘松露野菌泡沫忌廉湯🥙香芒大蝦沙律🥩美國牛柳 (8oz)配虎蝦牛柳叫左五成熟，肉質厚又有口感，牛味重；配埋虎蝦，值得一試！沙律酸酸甜甜都好開胃，餐湯一上枱就濃濃嘅松露香味，本人十分歡喜 Set Dinner B $238🥘是日餐湯 (南瓜湯)🦀黑松露野茵蟹肉焗蟹蓋🐷德國脆皮咸豬手配酸椰菜及蜜糖芥末籽汁疫情前去完德國，好掛住餐餐咸豬手嘅日子；見到餐牌，即刻嗌個咸豬手試下！皮炸到脆卜卜，食果時MIX埋酸椰菜同芥末汁，德國嘅回憶番晒黎！ 最後，呢個服務態度好好，環境都好舒服。如果Relax同朋友傾下計，呢度係一個唔錯選擇…查看更多

十年都唔去一次荃灣，行行下街見到間拉麵店，突然好想食拉麵，就俾個機會試下呢間「友拉麵」！ 魚介拉麵 $78拉麵有直麵同曲麵選擇；麵嘅硬軟程度都可以自己TICK；完全可以滿足食客要求。拉麵夠彈牙，火灸豚肉燒到岩岩好，又香又多汁！再加埋個流心蛋，本人好滿足！ 樓花蝦拉麵 $88湯底較魚介拉麵濃，一入口完全有驚艷嘅感覺，但都容易食到好濟；中意重口味又大食嘅朋友不坊一試！加埋脆卜卜嘅櫻花蝦，口感都幾特別 免治雞肉棒 $28其實拉麵份量都好多，一個人食一碗都已經好飽；但見到個小食咁平又咁吸引，都會忍唔住叫左一碟！ 信州蘋果 $24係咁熱嘅天氣，真係要叫杯凍飲，涼一涼…查看更多