siuivyy的个人专页

生蠔好好食😋來來回回同屋企人拎佐好多碟，每人食佐8隻10隻，咩都抵返哂🤣佐賀牛好香，牛味好濃，不過有啲膩，蔥燒同厚切最多一個人各食到3塊冷盤熟食，沙律、刺身&白樺豚壽喜燒都幾好食，燉湯真係好飲天婦羅個炸麵衣厚佐啲，鵝肝第一次食覺得煎得好香好滑，第二轉再食就煎得過佐少少，龍蝦肉質唔算彈牙心太軟味道稍甜，其他甜品味道都ok ga，牛乳布丁good 整體來講幾好👍我哋仲要係平日夜晚食第一輪，性價比真係唔錯，大家都食到勁飽，食到個肚腩出哂嚟…查看更多

綠茶餐廳再次造訪綠茶餐廳，見到menu又唔同咗，所以叫佐啲新菜式試下珍珠土豆燴三鮮 $88 - 細細粒薯仔好可愛，口感有啲啲軟糯，用佐咸肉同少量海鮮一齊炆，咸香鮮味夠，幾好食綠茶蔥香烤豬頸肉 $108 - 淡淡嘅茶香，豬頸肉烤得香口，微辣幾惹味香菇醬香焗目魚仔 $128 - 目魚仔其實就係小魷魚🦑，依道菜有啲啲失望，上碟時見到啲小魷魚煮完後縮到好細隻，而且下面全部都係蒜頭乾蔥頭鋪底，肉醬唔多，除非真係喜歡用蒜頭乾蔥頭肉醬汁撈飯食，否則依碟餸勁貴又唔抵食😩但客觀啲講，肉醬味係幾香濃，但我地都係唔喜歡用蒜頭乾蔥頭肉醬汁撈飯，所以除佐小目魚其他都無點食過翠舟蝦劃 $88 - 因為個名好有詩意所以特別叫嘅，其實有啲貴，就係秋葵蒸鮮蝦滑淋上豉油，味道方面唔算特別，就係家常菜嘅感覺西湖盛蓮 $38 - 上面一粒粒嘅係柚子爆珠，有少少微甘，我自己唔太喜歡，紅色嘅花朵凍糕帶點酸味，最下層係好香濃嘅杏仁豆腐，整體嘅味道配搭一齊食有啲怪，分開一層層食哂就好啲埋單個時見到隔離枱叫佐碟毛筆酥，每枝酥都好大個，造型幾可愛🤣有機會下次試下…查看更多

以前成日去Moko，都唔知原來Amaroni有兒童餐提供，坐得舒服，又有玩具俾BB玩，等爸媽可以慢慢食餐飯野菌帶子意大利飯 - 忌廉汁嘅野菌味好香，意大利飯嘅軟硬度適中，帶子煎得剛好，幾好食😋烤燉豬肋骨 - 跟餐加錢叫嘅，味道唔錯，肋骨肉都算多Tiramisu - 聽聞係餐廳招牌甜品，都ok ga🙂‍↕️餐前麵包、沙律同餐飲熱咖啡還可以😌兒童餐 - 有意粉、雞槌仔、粟米、薯條&小蕃茄，仲有雪糕同果汁，而且有氣球同顏色筆畫紙俾BB等餐時同食飽後玩，套餐價錢唔貴，最後仲送一次扭蛋扭佐個迷你扭計骰不過我地去嘅時候係中午繁忙時間，等餐飲咖啡同兒童餐份雪糕等佐半個鐘先有，中途都催佐兩次…查看更多

琴日BB俾屋企人照顧半日，同Hubby趁機出去行下街食個飯，因為早餐食到好飽，所以叫嘅嘢食唔多，主要試下啲甜品養生花雕雞鍋 $ 166 - 雞肉係幾嫩滑，但花雕酒同藥膳湯嘅味道有啲淡，個人認為可以再濃味多少少燈籠遇見你 $ 28 - 跟餐加嘅甜品，又幾好食喎😬芋泥好香，除咗芋圓地瓜圓之外，仲有紅豆同紫米燕麥依啲配料，搭埋仙草一齊食好有咬口麻辣滷香豬耳朵 $ 22 - 夠惹味，豬耳爽口黑糖珍珠鮮奶 $18 - 正常味道嘅珍奶芋香紅豆鮮奶起司奶蓋 $42 - 雖然價錢有啲貴，但其實好足料，奶蓋香濃好厚身，依到嘅芋泥真係好食😋配鮮奶飲好match，飲完一杯已經有啲半飽#yummy#foodiehk#hkfood#午餐#lunch#dinner#晚餐#香港美食#朗豪坊#燈籠滷味#台灣菜…查看更多

假日同屋企人出去食飯，見到新開佐一間國內幾出名嘅中菜店，咁就入去試下啦，時間尚早，唔洗點排隊，去到就有位坐$98 招牌湖蝶魚 - 魚皮爽，但魚肉去骨未算太乾淨，偶爾食到一兩塊有碎骨，第一次食湖南菜，就叫佐走辣少鹽少油，味道仍然覺得有少少濃，胡椒粉味頗重，但食落味道唔錯嘅，夠鑊氣$68 家常炒絲瓜 - 叫佐少油，但我略嫌油未夠少，調味剛剛好，絲瓜好甜，我仔食佐好多$98 酸蘿蔔炒牛肚 - 蘿蔔絲係脆嘅，牛肚幾爽，但切到好幼份量又少，好快就食哂，依個叫佐少鹽少辣少油 ，但仍然覺得有啲辣，特登叫佐杯凍飲解辣$78 半隻脆皮烤雞 - 咸香味偏重少少，但雞皮好脆，髀位好嫩，胸位唔嚡，可以自己點辣粉食，但唔太辣架$118 蒜蓉粉絲蝦仁 - 蝦肉好彈牙，即煮即食，粉絲味道偏濃，又未到話太咸，撈飯食就剛剛好$36 香水檸檬茶 - 望落去好大杯，但其實冰太多，一半都係冰😒$58 肉沫蒸蛋 - 肉沫汁偏咸，需要撈白飯食，水蛋蒸得嫩滑$68 農家小酥肉 - 即炸起就食，好酥脆，酥肉嫩滑，可以自己蘸辣粉食$138 鮮炒黃牛肉 - 叫佐免油走辣，特登試下唔叫少鹽嘅味道係點，點知個汁底真係好咸😰價錢有啲貴，牛肉份量太少，唔知點解要切到咁碎，但勝在夠鑊氣$38 松茸土雞湯 - 燉湯嘅紅棗味好濃$58 清炒毛白菜 - 依個無揀到少油，真係太油了，成碟菜油到反哂光店內環境係幾好，坐得算舒服，又送佐架車仔俾我仔玩，但試過後發現湖南菜都係唔太岩我哋食，未必下次會再去…查看更多

海鮮忌廉海膽湯意粉 - 海膽味不足，忌廉味太濃，但意粉口感係好食嘅All day breakfast - 即烘窩夫幾好食，外脆內軟，沙律菜份量都幾多，淋上柚子醋配埋泡菜一齊食，幾開胃大C cup - 將橙汁奇異果士多啤梨一齊blend嘅果汁，微酸微甜，果香味足，幾好飲唯一美中不足係竟然咁大間餐廳係無兒童櫈提供😩…查看更多

作為一個開心果甜品控，難得經過豆乳狂人，見到有新推出嘅開心果系列甜品，咁就買佐一個開心果豆花試下開心果奶蓋豆腐花 配丸子好食好食好食😋 開心果醬好香濃呀😝又真係幾好食…查看更多

未試過係迪士尼食飯，今次為佐睇煙花，特登去迷離莊園附近嘅餐廳食半自助餐，主菜揀佐椰奶咖哩煎魚，海南雞飯同埋意式雲吞魚肉煎得幾好喎，嫩滑多汁，用少少辣味香草醃過，惹味唔腥，椰奶咖哩汁配薯蓉幾好食，意外地夾到🤩海南雞飯味道唔錯👍雲呑我地覺得好一般，個雲吞皮好硬，應該叫漢堡包先岩餐前小食同甜品有啲都幾ok，parma ham配哈蜜瓜同南瓜蓉配蝦味道幾好，不斷拎黎食，另外凍盤嘅蝦&青口幾鮮甜，肉質實淨但有啲甜品就味道一般般，送佐飲品同雪糕，其實套餐有啲貴，不過可以去vip近區睇煙花，未睇過就試下整體用餐愉快，服務幾好，侍應執碟快，自助餐refill都好快，大家都食到飽飽…查看更多

今次係apm發現到一間新開嘅中菜餐廳，俾佢門口嘅竹林佈置吸引，咁就入佐去坐低食嘢，因為時間尚早，客人唔多，職員見到我地有BB，特登安排佐窗邊位俾我地，阿仔全程好乖咁望住地鐵🚇同車食飯，有景睇即時變得好乖，大人可以慢慢食🤣蛤蜊絲瓜 $78 - 湯底鮮甜香濃，絲瓜超甜，阿仔好喜歡食，雖然蛤蜊細細粒，但味道夠鮮，蛤蜊同蝦米份量都幾多楊枝甘露冰糭 $38 - 期間限定，見琴日最後一日，所以特登叫黎試下，原來係慕絲蛋糕，做飯後甜品剛好，唔甜膩，內層楊枝甘露芒果味微酸，外層食到似係淡淡嘅班蘭香味宋嫂魚羹 $48 - 諗住叫俾阿仔食，貪佢有魚肉絲，點知阿仔鐘情蛤蜊絲瓜🤣可能湯底味道相似都係魚味蜆味濃嘅白湯，只係魚羹比較濃厚啲，所以下次可以唔洗叫黎食菌菇醬肉包 $38 - 之前返深圳係其他地方食過一次，因為包底出哂油太油膩諗住唔試啦，點知見到隔離枱有人叫黎食，好似普通一個包仔咁，所以又叫黎試下，又真係無咁油膩，肉餡味道偏濃，一口半個連包咬入口食，味道剛好，包身亦鬆軟龍井烤雞 $138 - 雞肉烤得嫩滑，雞皮薄但未夠脆，不過食到有淡淡茶香，而且調味方面幾好，唔鹹唔膩杭式片兒川 $28 - 雖然唔知個名點解，細細碗一人份，係一碗加佐筍片同雪菜嘅上海麵條，但有啲特別，主要湯底味道來源都係鹹肉絲嘅鹹香味九曲紅梅 - 茶位每位$12 ，杭州出名嘅紅茶之一，茶湯香醇濃郁…查看更多

夜晚天氣熱屋企人唔想煮飯，所以去佐樓下商場搵嘢食，佢哋話想食台式肉燥飯，咁就揀佐茶木啦，叫佐兩個2人餐，食到好飽，有飲品有甜品忌廉汁三文魚手作麵 - 三文魚煎得好香嫩，手作麵有啲似烏冬，但口感更軟，忌廉汁個味道都唔錯，幾好食😋蠔仔泡飯 - 加佐鰹魚同櫻花蝦乾，即時令個泡飯湯底更香，蠔仔都幾多，味道幾好👍鹽酥雞扒配肉燥飯 - 雞扒炸得好酥脆，肉燥飯味道正正常常冬菇肉絲羹 - 叫套餐送嘅羹湯味道真係麻麻地芥末蝦球配台式米粉 - 蝦球有啲炸過火，不過芥末汁味道唔錯，米粉配牛肉湯，好食😋黑糖珍珠奶茶 - 普通嘅珍珠奶茶味道，但配嘅餅仔幾好食，另外加錢叫嘅，其他人飲檸檬茶青提pancake - 味道一般般，但食完飯叫起，等佐半個鐘，催佐3次先有得食，cream太多，太邪惡怕肥大家都唔敢食哂黑糖珍珠雪糕 - 味道正正常常，好普通嘅雪糕配黑糖珍珠仙草芋圓 - 食到太飽，轉佐外賣拎返屋企，第二日煮返熱食，味道唔太甜，意外地芋圓口感唔韌，仍然軟糯埋單時店長送佐4隻小青蛙俾阿仔玩，我未見過依種玩具，但幾得意，掂一下彈一下，阿仔玩佐好耐🤣…查看更多