mmmmmchok的個人專頁

位於溜冰場上一層的越南餐廳安南，我經過都會去支持。服務又好，食物味道當然好。精選二人小食拼盤 $258有蒸粉卷、春卷、蝦餅、軟殼蟹米紙卷、鮮蝦蝦片樣樣我都好鍾意食😍越式鮮茄炆牛腩 $158炆牛腩可以法包，好嘢味，牛腩炆得好林，食到唔停得口😋蟹膏浸菜苗 $98清清地又有啖湯飲👍🏻甜品就一定要有先至圓滿椰青果凍伴椰子雪糕 $68 椰子雪糕入面有椰絲，椰青果凍入邊仲有椰青肉特別有咬口，食完好似身處於椰林中😂仲可以望住個溜冰場，睇吓別人在練習，都係一件娛樂😛…查看更多

因為我朋友好鍾意食酸菜魚，見到有報道介紹，立即去幫襯下。餐廳環境非常細，枱櫈位置都好逼夾。見到大廚同客人交談下，應該係大廚自立門戶開嘅餐廳。兩個人，其實叫唔到好多嘢，張枱亦都冇位。先叫酸菜魚再追加萵筍 $198+$12熱辣辣酸菜魚，夠酸少少辣，可以連湯都飲埋，香港好多地方都係少少酸味無咩辣，魚嘅份量都唔少，好滑。其實酸菜魚一到張枱已經冇位放其他食物，食完之後個肚仲有少少空位，叫咗個糖醋麵。糖醋麵$68價錢都非常合理，但可惜只係一邊脆，令一面完全冇煎炸過食到最尾，餐廳已經坐滿人，冷氣唔夠好熱由於地方都算偏僻，要經過再去都幾難😅總括嚟講價錢非常合理…查看更多

係大家都少出門嘅時候，好開心可以約到朋友一齊食飯，咁難得嘅聚會，梗係要食好嘢。經朋友介紹吓，原來喺銅鑼灣開咗一間新潮州菜。呢個經濟困難的時候都夠膽開新餐廳，一定有返咁上下實力。他們的餐牌由價錢、食物非常廣闊，走高檔路線，但係都可以平有平食貴有貴食。在閑談間，餐廳職員告訴我，他們還在試業中。金不換炒薄殼 $168這款菜式是廚師推介，薄殼如果要喺屋企煮都幾嘥時間，梗係出街食啦，鑊氣夠，色香味俱全。酥炸普寧豆腐 $128熱騰騰的酥炸豆腐，浸落去特別調教的醬汁，食到停唔到口。潮州粉果 $32 兩件因為有朋友話唔想食，所以只係叫兩件個皮好煙韌，餡料清新韭黃煎鮮筍粿 $60 三隻好鍾意個點心，個皮好煙韌仲有少少脆，筍絲鮮甜，正普寧灌章 $45 三件其實係腐皮芋頭卷但係芋頭入口即溶，好滑，腐皮少少脆，唔會界到個口😂蝦皮爆炒蘿蔔絲 $128蝦皮、蘿蔔絲，收$128，好似有啲貴用筷子一夾，蝦皮香氣撲鼻係一放落口，不得了，蘿蔔絲炒至乾身爽脆非一般廚師可以做到糖醋兩面黃 $168火候啱啱好，咬落去外脆內軟，加少少砂糖加少少醋，好好食。唔似得外面，有啲會好多油成隻碟都係，或者得一邊脆。返沙芋頭 $120 六件師傅炒工非常了得，砂糖滿滿包着芋頭，絕對唔會甩頭甩骨，砂糖內加咗少少蔥調味，芋頭入口即溶好滿足的一餐，仲有好多嘢未試😋😋😋我一定會返嚟，等我😂…查看更多

已聽聞這一間餐廳很久近期因為要去上環工作，當然抽時間去食下。香港要食一碗好食嘅拉麵，真係唔容易。一打開Menu，絕對覺得好似去咗日本咁，因為餐牌只係得幾款的選擇👍🏻期間限定係蟹湯拉麵不過兩個人第一次去，梗係食他們最出名的雞白湯拉麵、雞沾麵。雞白湯拉麵食拉麵梗係要試咗個湯底先，不得了，好好飲好特別上面有啲炸牛蒡，雞肉豬肉都好嫩滑，拉麵有咬口。雞沾麵講到明係沾麵，個湯就一定會濃味好多，個面有啲似烏冬，好有咬口，個沾麵湯有少少似蘑菇湯嘅味道，份量都唔少，我忍唔住成個食晒，好飽😂仲有，一間拉麵店的洗手間，好似我去食omakase 的日本餐廳咁靚😜食完要去散吓步我一定會再返嚟👍🏻…查看更多

行街街去奧海城，最鍾意就係幫襯我最愛嘅上海菜。餐廳之前成日都要排隊，見今日唔使排隊梗係去食啦。前菜叫咗蜜汁脆鱔脆卜卜，酸酸甜甜好開胃份量都唔少，相片的份量我已經食咗一半😬見到廚師推介餐牌，我估唔係成日有，梗係叫嚟試吓乾燒蝦球配鍋巴一碟有六件份量都唔少，味道酸酸甜甜，鍋巴鬆脆，味道有啲似糖醋魚，不過蝦球如果煎下會香啲雙筍鹹肉炆冬瓜簡直就係夏天嘅菜式鹹肉好好食、有啲鹹香味，冬瓜好入味，我忍唔住立即叫碗飯一齊食😋爭少少仲未飽，食啲點心先牛肉餅一共有三件牛肉餅熱辣辣上枱，要好小心食，因為入邊有少少湯，如果太大口吃會辣親個咀😂好滿足最後叫咗個豆沙鍋餅作完結外脆內軟，豆沙又唔算好甜。yummy 晚餐仲有折扣，好抵。下次再嚟再嚟…查看更多

今期人氣泰國餐廳，當然要試吓。要排隊嘅嘢我就唔做😬所以我選擇咗平日食食午餐，我大約二點到，餐廳內有都九成客人，果然係人氣餐廳。午餐餐牌選擇不算多，我們叫咗一個小食兩款主食。招牌泰式和牛濃湯河 $138湯底濃郁，米粉非常咬口，牛肉嫩滑，仲有我嘅最愛炸豬皮😋招牌泰式蟹肉炒飯$158 店員話加咗價炒飯好多蟹肉，配上魚露青檸，十分醒神，但欠缺鑊氣炸豬頸肉配烤番茄辣醬 $68番茄辣醬👍🏻Yummy，但豬頸肉太重黑胡椒味泰奶茶，店員話無得小甜😂香港人。奶味比較重，甜度ok。女仕最愛，甜品芒果糯米飯，芒果糯米飯囉，但芒果好味，甜斑斕椰子湯圓，非常甜嘅一粒湯圓，但配上椰好，味道會中和，好香好味。等遲啲情況穩定，會再幫襯👍🏻…查看更多

凌晨在荃灣唔知食咩好，除咗麥當勞好多餐廳都關門，我自己都幾鍾意食餃子，兩個人就行咗入去試吓啦。叫咗一個口水雞，一個炸醬麵，一個餃子。好彩只叫了三樣菜。好犀利，口水雞食咗一口試味，之後原封不動，沒有再想食第二口的機會，有嚴重的，強烈的雪櫃味。有個姐姐，路過問我地點解唔食，我們說有雪櫃味，她跟我們說冷盤是放雪櫃的😑，又唔見其他餐廳冷盤有雪櫃味😞炸醬麵，淡淡的，都係食咗一啖試味，真的不想多說，完。唯獨是餃子，我們唯一可以食的食物，還可以，但一定要加調味醬。我發誓我唔會再搭一次餐廳一步…查看更多

之前見到有報道，英國過江龍米芝蓮餐廳想試好耐，親生日飯就去一去餐廳有啲隱蔽，裝修不錯，main dining area 不算大，但是房就有好多。基本上他們只有tasting menu，只不過價錢不一兩位女士食唔到咁多，我哋揀咗Short Tasting menu $680。第一道Pea, cod roe, caviar感覺清新，一口就放晒入口第二道Truffle pudding 同個名一樣，松露味的布甸，好香牛油味第三道 和第四道一齊上，但兩個味道是不同的Soda bread and cultured butter Mackerel, apple, horseradish麵包有小小蛋糕feel，好鬆軟，配上來自英國的牛油鯖魚魚生，有D日本feel，配上清新的醬汁第五道Dill brined cabbage, teriyaki, wasabi 味道有D濃，可能習慣素菜會食比較清淡第六道Codfish, amaranth, smoked sauce 鱈魚好滑，好味道第七道Chicken, leek, turnip & wagyu, truffle, shallot (additional $300)我兩各叫一款share雞 好嫩滑但味道一般，它的配菜比較精彩和牛 好肥好香，上面還鋪上好多黑松露第八道Earl grey, beetroot & stout, molasses, burnt milk伯爵茶雪糕，好濃好香，太正好濃的蕉糖味，唔係好識欣賞第九道Apple tart, vanilla ice cream一定要食，一圈薄薄的蘋果肉，配雲呢拿雪糕，味道非常之好，不會太甜$680 有九道菜，值得一試…查看更多

一家五口一齊食飯，當然要食得豐富啲。朋友推介下試吓食位於太子的蒸海鮮。其實我本身都係半信半疑$298 / $398 一位可以有幾好🤔因為我屋企人本身比較細食，我們安排了$298一位，他們的海鮮每日有機會唔同，因為餐廳要睇吓入到啲咩好貨。未人齊之前我們叫咗天婦羅番薯仔 $38，不錯不錯，番薯仔香甜。跟住第一道菜是魚生四款，有象拔蚌、帶子、北寄貝、魚生，象拔蚌有啲腥，其他都還可以。第二道菜是龍蝦，服務員會幫你蒸，校準時間，每次聽到鬧鐘響都好期待，打開蓋，新鮮的海鮮，龍蝦肉質鮮甜彈牙第三道菜是扇貝和中蝦，痴線啲蝦勁彈牙，扇貝也不錯第四道菜是馬友-魚五件和鮑魚，掛住食唔記得影相😅，馬友又肥又滑，鮑魚十分彈牙第五道菜有三樣海鮮，花甲、蟶子、螺，冇沙一隻都冇沙，正，鮮甜，基本上所有海鮮都唔使落調味料。跟住我哋自己加錢叫咗一條馬友，好鮮甜好肥美好滑，連骨都爭啲想食埋😂第六道海鮮係蟹，仲要一人一隻，正，有小小蟹膏，蟹肉好實淨，係一疏疏的，又新鮮又甜第七道菜，芋頭冬蟲草雞配烏冬，味道就一般般，雞老左啲，烏冬咸咗啲，芋頭鮮甜，我諗下次都係試吓食粥。第八道菜，蔬菜，有粟米、番薯仔、蝦米蒜蓉絲瓜、南瓜片，不錯飽到嘔，還有送甜品，水晶糕，超飽無食到我哋仲叫咗少少啤酒汽水埋單$2000有找，平到嘔，絕對推介…查看更多

經過好多次都冇行到入去。咁啱落大雨，想搵個地方飲杯咖啡，我跟朋友三個人唔打唔撞行咗入去。我們其實已食完午餐，因為最低消費每人叫一樣嘢，我們叫了兩個Pancake + 一杯咖啡，總共三樣。本身想是他們的空氣pancake，但是限時供應，等不到跟它們無緣。Order 咗兩個款式，分別是Tiramisu pancake 同埋香蕉焦糖pancake。好犀利兩個都好難食我食過「男女食」的pancake都一定好食過佢，起碼我未投訴過，我朋友仲衰，她說麥當勞都好食過佢，真係唔知道他們是用什麼pancake粉。好彩杯咖啡凍還算可以我一定一定唔會再嚟埋單每人都九十幾元…查看更多

放假去圓方睇戲前，想食個下午茶，舒舒服服，渡過我的假期。附近酒店的High Tea最平都要大約$300一位，如果要飲酒就差不多$400至$500一位。我的生活未去到那麼奢華。想起附近的Mango Tree，之前食過晚餐，環境都非常舒適，就看看他們的下午茶。$328 兩位用，有咸點有甜點，仲要包一人一杯野飲，差啲以為我睇錯價錢，好抵鹹點柚子蟹肉沙律 - 好開胃鮮蝦扎肉米紙卷 - 要大大粒蝦在裏面脆炸蝦多士 - 成隻蝦菜多士上面，好少見糯米釀雞翼 - 好嘢味，隻雞翼脹卜卜炭燒大頭蝦 - 都幾大隻迷你黃咖喱 農夫包 - 十分推介，差啲想叫多碗白飯甜點香芒糯米飯 - 個芒果好新鮮好好食泰式斑蘭千層糕 - 煙煙韌韌，好有咬口翡翠西米丸子 - 味道不算太甜幾特別椰汁 西米糕 - 我的最愛如果覺得份量太多，也可以只選擇鹹點或甜點真係好抵食…查看更多

兩姊妹好耐無見要找個地方靜靜地，坐下來傾吓計。朋友介紹下，找到了上樓日本餐廳。一看menu，價錢在銅鑼灣區真的不錯，好多食材都來至佐賀，一於來個佐賀晚餐😉先來佐賀之代表鄉工料理-原條呼子魷魚刺身，2人前$198👍🏻，加$50頭尾可叫廚師安排天婦羅或燒物，我們選擇了天婦羅，魷魚刺身非常新鮮，食入口有少少Lim Lim的感覺，好好食。天婦羅一啲都唔油，送酒一流。再嚟佐賀之選，黑毛和牛，我們叫了三款炭火燒佐賀牛極上牛肩肉$248，因為牛嘅質地好好，入口咬兩下就溶晒，還有少少蔬菜伴碟👍🏻跟住係，吉列佐賀牛薯餅 $58，上碟時候係有三粒小波波，薯仔包住少少牛同蔬菜，味道不錯，一啲都唔油膩。第三樣，佐賀牛肩肉串燒$78 一串，一串有三粒，入口即溶，好滿足😜想搵個靜靜地地方傾計，真係不錯選擇。…查看更多

跟朋友在希雲街食完飯，想找個地方繼續傾計，當然選擇是甜品店。之前好一陣子都要排長龍的Pancake店，可能因為是平日的關係，完全不需要排隊，梗係走入去試吓啦。他們主要甜品有炮冰和Pancake，因為第一次光顧的關係，我們選擇了最傳統最普通的味道。一個京都宇治抹茶刨冰，另一個是傳統mandarin honey pancake。宇治抹茶刨冰，份量真的不少，頂部有很多紅豆，跟抹茶刨冰一起吃super match，我食甜品唔喜歡吃太甜，所以他們的甜品十分適合我，食到中間部份，發現原來中間有加了煉奶的刨冰，好似有少少surprise的感覺。當我們差不多吃完刨冰後，mandarin honey pancake就上枱，時間恰到好處，他們的Pancake 不會像現時流行的Pancake咁好似食空氣，我很喜歡他們的質感，非常實實在在，濃厚的蛋味，再配襯上蜜糖和牛油，真係好好食，其實食到一半我已經好飽，但因為真係好好味，忍唔住食晒，好幸福好滿足等我下次試吓其他味道的Pancake …查看更多

我跟朋友二人行完荃新天地，打算去醫肚，就尋找一下有冇新餐廳。見網上評價不錯，就去試試。我跟朋友都點了肉醬漢堡為晚餐，選擇了是日餐湯，加錢要咖喱炸番薯條。是日餐湯望上去似南瓜湯，但入口時有少少酸，問服務員下，他們有禮貌地回答湯內加了少少橙汁所以個湯帶點酸味。主菜肉醬漢堡，望落去賣相非常好，漢堡size很大，還有薯格，非常豐富。可惜一放入口，他們的漢堡只是夾着肉醬來調味，如果你單單試漢堡肉，完全冇落調味料，漢堡肉質還可以，但偏乾，如果係加番啲調味料應該都幾好食。其實離不開都係鹽同胡椒，究竟廚師係唔記得還是特登？真係好大嘅疑問🤔️最好食嘅都係炸番薯條，我哋差唔多食晒。不得不提他們的餐具，我見隔離枱食牛扒，他們用一隻木碟承載，客人一邊切牛扒隻碟就不停地擺，他們供應的刀叉，十分細小完全唔適合食牛扒。單每人$200有找，價錢可以接受，但如無意外我都應該唔會再返嚟食，因為荃灣實在太多選擇…查看更多

其實我對Fast Food不太感興趣，因為通常烹調技巧都是機械式的，因為朋友每一次食完都話好好食，推介下就不妨一試。我去的時候是晚上6:00，人龍不算太多，可能啲人未收工。好幸運可以找到坐的位置。他們的花生是任食的，可以隨便取。我叫咗個細的芝士漢堡，加朱古力奶昔$65+$55 =$120 價錢還可以接受我朋友叫咗細的Bacon 漢堡，Regular 薯條，還有free refills 汽水$65+$50+$35 =$150 他們的細漢堡，size比例就像M字貴價漢堡差不多，感覺上Five Guys材料比較豐富新鮮，但味道真是一般，薯條份量也不少，但全部都是軟林林的，最開心就是飲品，我的奶昔非常足料，非常邪惡，因為是free refill我朋友飲咗兩杯汽水整體來講一般但如果想飲杯嘢有免費花生也不妨一去…查看更多