Mimi Hui的个人专页

曾經在另一間越式餐廳買過撈檬外賣，拎到返公司食，檬粉變成一餅檬餅，自此到好擔心撈檬外賣，但有一日好想食就決定再試一次，用openrice order左呢間餐廳既牛肉撈檬外賣～餐廳好大方地隨餐俾左兩大包甜酸魚露，檬粉無變檬餅，暖暖地，牛肉好食，成碗食晒，呢個午餐食得好安樂，哈哈，希望大家都試下呢間～食物既水準幾好。…查看更多

食外賣，最怕一打開個飯盒見到d食物好似求求其其俾人亂咁裝落個盒裡面。今次打開個飯盒，見到裝得好整齊，覺得出菜既人係有心機做嘢的，值得一讚啊～❤️飯仲係微熱的，雞肉同肉燥味道都不過不失，有菜脯點綴一下，滷蛋既甜味適中，如果有椰菜就好啦～通常台式便當都有d炒雜菜中和一下肉類既油膩㗎嘛🥗對於外賣飯盒，一向都無咩熱切既期望😂，但求仲係熱既，味道正常就好啦～所以今次食呢個飯盒覺得都ok~~應該會再去買多次，試下其他飯…查看更多

午飯時間經過呢間鋪，感覺乾淨明亮，主打健康飲食，拌飯系列每個$59蚊。有壽喜燒牛、雞絲吞拿魚，仲有一個唔記得左係咩。要左個雞絲吞拿魚，店員裝好落袋，返到公司拎出黎先見到原來得好少雞絲同一啖咁多既吞拿魚，另外有一d紫洋蔥，番茄仔、醃青瓜、菇菇，呢d伴菜份量都係偏少，飯係凍凍地的，唔係廣告所講既室溫飯。唯一可取之處就係藜麥飯真係有唔少藜麥⋯⋯同埋送左一支野飲，唔會再幫襯了⋯⋯呢個價錢既健康餐盒可以有其他更好的選擇。…查看更多