babesi的个人专页

-用心製作的一間小店♥️以貓作為主題 上下兩層位置方便 環境闊落舒適食品質量佳 份量好足料門口位置仲可以打下卡-食物方面甘蔗蝦大大啖肉咬唔停酸辣鳳爪夠酸好醒神好開胃生菜包醃料方便比出面更好食咖喱雞d雞肉多到食唔晒 點埋薄餅一流冬陰功湯簡直冇得彈 足料都用三隻蝦 味道濃郁香辣串燒三兄弟唔會燒到過火 底下配埋燒菠蘿減低油膩感芒果沙冰味道香甜而唔會甜到死實飲糖水咁 食物質素係一流 食物抵食夾大件 最後我同先生飽到仲要打包返去食😂😂😂-最後仲會附上雪糕 好窩心…查看更多

今次既用餐經歷真係非常之差一入座即刻落單叫野食 ，等左成30分鐘問佢係咪溜單，點知後尾幾個員工閃閃縮縮最後有個高高大大既4眼經理同我講話冇落過單簡直激死人 有冇搞錯點解我坐左咁耐完全意識唔到個客冇野食呢 上次去又係咁既情況 夠竟點做生意等左成半個鐘結果走左落去食魚蛋粉 E間餐廳真係永世black list佢地咁既服務真係令人非常之失望我好希望貴公司見到e段文字會好好反省一下因為同樣經歷我已經係到試過兩次 所以我唔會再去光顧…查看更多

有次放假就同屋企人黎左葵芳行街食下tea咁開頭仲諗緊食咩好 突然間見到e間餐廳有得坐露天幾舒服 所以就決定食牛扒先生涼涼地都幾舒服:)我同屋企人叫左個肉丸蕃茄意粉，蟹肉飯同埋一個炸多士咁既野肉丸都幾爽口 意粉口感都ok 不過個味道就好淡:(冇乜味咁食落口多士就勁油 食左幾舊已經超級濟 甜甜地味道個飯就係最好食既一個餐 d飯好細粒好有口感 味道似白汁果d 好食:)…查看更多

早排見電視有播緊關於mc cafe既廣告見到榛子鮮奶咖啡做緊$16起好似係見咁平就令到我即刻走去試啦本身自己就飲開齋啡 今次就試佢e款榛子鮮奶咖啡我買既就係凍飲 入口後 我覺得甜左小小 本身都冇諗住會好甜 結果好似係到飲糖水咁 可能平時都小食甜野 所以就唔岩口味 不過杯咖啡都好香 咁既價錢有咁既質素已經唔錯:)…查看更多

都有一段時間冇寫食評啦 今日心血來潮好想寫就寫最近食過既野 平時行「宜家傢私」就行得多食就真係好小食 最多都係食hotdog今日同男朋友book左8點9食放題 距離食晚餐既時間仲有兩個鐘 見有d肚餓 就一於提議去「宜家傢私」到買野食一去到已經好多野食都想買好多都好似好正咁 男朋友就要左個熱狗同魚餅配甜酸醬講下個魚餅先 個醬有d辣 食左一件已經頂唔順比左男朋友食 味道果方面都ok 幾鮮味:)熱狗就普普通通 正係食左一啖跟住我叫左個肉丸同蔬菜薯餅 個蔬菜薯餅我鍾意食 感覺幾fresh 唔會覺得好油肉丸就mama:(有小小雪味 有d散 唔好食:(…查看更多

以前讀中學果陣已經成日約埋d同學仔一齊去食都係一個好好既回憶以前到而家黎親都係食佢既焗野多 今次就同埋一個朋友食我食既係牛扒西蘭花黑椒汁炒飯飯既份量好多 我諗都有兩碗飯 好似仲多過以前牛扒入口都ok 易咬開唔un 成個配搭都好好 大家可以試下…查看更多

係到食過幾次 我覺得海南雞飯係最好食嘅飯係油飯 好香好濃味 好正D雞整得岩岩好 幾嫩滑菜就有d難咬斷例湯唔飲 因為係味精湯 冇興趣仲配埋三個醬汁黎送雞飯不過都唔知係咩味haha大家可以去試下 幾好食…查看更多

有次經過見到好似幾吸引 所以診放lunch間時就入左去買外賣我叫既係番茄湯鴨胸肉通粉 配火腿炒蛋多士番茄湯底一飲落去就已經好明顯係味精湯通粉好d淋 鴨胸肉都幾好味 d肉幾軟果個火腿炒蛋多士就普普通通啦 同茶餐廳果d都係差唔多…查看更多

晏晝冇乜嘢做 跟住就同爸爸黎左美心香港地到嘆返杯野我點左杯熱咖啡飲 一黎到已經有好香好濃既coffee味 杯咖啡幾滑 加上果陣冇乜客人 幾舒服幾寧靜爸爸叫左奶茶 佢都話好好飲…查看更多

平時返工唔知食乜好都會考慮下去mc cafe食e個蕃茄沙津蛋芝士三文治:)鍾意食佢既原因係因為佢會煎一煎 令到個面脆脆地 好正不過cut開兩件 食完都已經好飽好濟 價錢$25樓下啦 同埋好時想食果陣都賣哂 so sad…查看更多

同朋友食完晚飯 佢地講話不如食埋糖水先 咁就陪佢地食啦 佢地帶左我黎甜一刻到食睇左好耐唔知食乜好 就叫左窩夫黎食 個窩夫唔算好食 價錢幾多唔記得 我覺得有小小乾同硬 同埋加左士多啤梨醬有d甜所以覺得唔算太好食 不過見賣相都幾好就冇所謂啦…查看更多

平時已經勁鍾意食佢e個波菜煙三文魚白汁意粉 而次次都係堂食 今次就外賣 因為趕時間我覺得外賣既白汁波菜三文魚意粉比平時堂食既意粉有d咸 同埋冇咁多汁 份量就差唔多啦 不過真係食極都唔厭…查看更多

返工放飯要諗食乜真係好煩 見咁多人都好似食e間就是但買左碗熱既豆腐花返公司食價錢我都唔記得係幾多 個豆腐花唔算話有好重豆味 不過不失啦 同街市果d差唔多個姐姐仲比左一大包黃糖我tim 不過平平地醫肚都係一個唔錯既選擇…查看更多

同男朋友十個月 佢就好神秘咁唔話我知帶我去邊結果就帶左我黎e到食tea:)難怪會話我一定唔會失望hehe我地叫左兩個餐 埋單都只係二百幾 幾抵食呀 又有景睇 下面又有羊餵同玩水上活動<br style="line-height: 1.6;">$78 牛肉漢堡拼薯角個牛肉好大嚿 同男朋友食完一般都已經飽飽地個牛肉好多汁好正 juice到而且又煎得啱啱好 薯角都係炸得幾好唔會好硬好乾咁:)$108 小食拼盤三文治普普通通啦 沙津我本身唔多鍾意食 所以叫男朋友食 串燒幾正 唔記得係咪豬肉同雞肉黎 都幾好味 同埋d汁薯角同上面果個一樣 唔會好硬好乾炸春卷同個蟹肉好食:)春卷卜卜脆 個蟹肉就好大啖肉諗起又想食呀真係跟住果個唔知係咪魚餅定點 我同男朋友都覺得一般 好似有小小薑味咁環境幾好呀 地方都好大 同埋又夠高 果日去食又冇乜人 幾安靜 好舒服服務都好好 一見你冇水就會幫你加水:)如果有機會既話都會再黎…查看更多

由於屋企人係附近返工 所以成日都要黎銀座度食飯今次叫咗個番茄豬扒焗飯 同大家樂嗰啲都係差唔多幾好食 啲飯有啲好似飯焦咁脆脆地 好似食薯片咁好正 豬扒都好大件 仲要有兩塊 又幾好喎同埋環境都唔算差  而且侍應嘅服務質素都幾好 係除咗果次食果個芝士海鮮焗意粉唔好食之外 其他都可以嘅…查看更多