Jimmymty的个人专页

店員態度惡劣，點餐果時行埋去叫肉骨茶，佢就跳哂制，瞪大隻眼，極惡咁話：「所有肉骨茶無哂！」我即刻O哂嘴，好似講到我明知無哂都叫咁，態度差到離譜。其實講句無哂咪得，洗咩好似殺左佢全家咁兇神惡殺咁鬧人？而家黎食野定受佢氣？唔想做就辭職，客人無義務要受你氣。我已經唔係要求你要笑笑口咁講野，我只係期望你用正常既語氣同我簡單講句賣哂，咁基本既野都做唔到，真係唔適合做服務業。呢度仲要係遊客區，咁樣既態度真係嚇死遊客，希望餐廳管理層可以檢視下員工既質素，唔好影衰香港。…查看更多

當晚我光顧該店的2小時點心放題，放題分為非任食一次性的小菜，以及任食的點心。我晚上7時正入座，當時已立即向職員示意可以上菜（非任食部分），但到了7:34才有其中2份食物（總共應該有6份食物），之後再等到8:04才有另外4份食物，明顯是故意拖延時間，正常的任食放題根本不可能入座後超過一小時才上菜。而任食的點心方面就更加離譜，於8:15才有4項點心送上，但我總共點了7項點心，再追問後，職員叫我們重新落單，我於8:30重新落單，總共點了5項點心，要等到8:56才再送上2項點心，然後9:00才再送上1項點心，結果仍然有1項點心沒有送上。亦即是說，由我7:00入座，足足等了1小時15分鐘才有點心送上，而且遺漏了一半之多，明顯不符合「任食」的原則，因為在入座後的超過1小時15分鐘（整個放題限時2小時），我完全沒有享用到任何任食的點心。…查看更多

叫左個合桃露，一bug就心知不妙，一pat pat完全唔起沙，唔滑，食落好似嘔吐物咁，極似平時果d一盒開粉既即食糖水🤮🤮我懷疑呢間糖水舖所有糖水都唔係自己整！佢個廚房細過劏房，而且另外叫左個雪糕多士，問佢咩個餡係咩雪糕，佢竟然話「唔知」！真係大開眼界，自己賣既野自己竟然唔知！？就算你係買出面d貨，你自己都應該試食過先下麻？咁樣做生意，有冇良心架？離哂大譜，black list!大家黎西環記住呢間，千其唔好中伏😕😕😕…查看更多

叫左個新出既芝士奶蓋焦糖脆脆pancake，芝士奶蓋帶微微酸香味，夾埋pancake一齊食好refreshing，可惜奶蓋份量唔太夠，如果可另上額外奶蓋會更好，可讓客人隨自己喜好加多加少。pancake本身屬高水準，表皮有微脆香口感覺，內裏充滿空氣感，極為綿滑，同flippers水準相若。用餐環境舒服，行簡約路線，不過當晚即將收鋪，其實已經無客人，仍然安排我地坐鋪頭一角既細枱，比較迫夾。本來黎係想食dinner，順便食pancake，但原來mains得好少選擇，而且只係極普通自己都整到既款式，所以淨係食pancake就算了。另外杯banana mocha都好香濃，唔苦好易入口，唔錯。…查看更多

夜晚9點先食飯，見到呢間收得夜，openrice like數又多就黎試下餐廳復古佈置幾特別，亦有較私隱既位置，適合一班人慢慢傾計。食物方面，雖然無任何一樣野係好特別，但每樣野既水準都幾高，先黎飲品，兩杯都好味，好鐘意左邊果杯（椰子 菠蘿 檸檬 櫻桃）味道好特別，earl grey同果香好夾。之後試千島醬蜜桃鴨胸pizza，蜜桃同千島醬好夾，但因為鴨胸較硬同厚，所以無法一啖食哂蜜桃、千島醬同餅底，結果都係分開拎出黎食，其實做得pizza，配料最忌厚身，一厚就唔能夠一啖同其他配料一齊食，咁就無左pizza既意義。而且配料應該平均分佈喺成個pizza既各部份，而家只係得一部分係蜜桃鴨胸pizza，其餘就好似純粹係齋千島醬pizza咁。再黎係洋蔥焗薯皮，整體好香口，芝士味道適中，香得黎唔會膩。不過洋蔥有陣番梘味，呢個係焗洋蔥經常出現既問題，要落下工夫去辟味。之後食鵝肝，要先讚下塊多士，非常脆口，放埋鵝肝一齊食，都唔會因為麵包太硬而兩者分離，呢樣係好多餐廳都做唔到或者無留意既一點。不過因為多士太香，加埋鵝肝一齊食反而搶左鵝肝陣味，所以最後我都係分開食。最後食紫薯士多啤梨窩夫。喺openrice見係紫薯夾心所以專登叫，但失望既係，成個窩夫竟然無紫薯夾心！？唔知係咪因爲夜，無哂紫薯？但紫薯係重點，竟然無左，而又完全無同我地講，呢下真心好失望。窩夫係非常脆口，但無特別，比起我去對面格仔餅鋪買廿幾蚊一份既無分別，人地仲真係有紫薯夾心，呢個$88就唔值了。而且士多啤梨質素都麻麻，唔特別甜，相信係百佳既貨色，因為有螞蟻，其實上到呢個價位，真心要比d好d既貨色，個雪糕同忌廉都係極普通平價貨。全程最失望係呢個甜品，作為成餐既收結，咁既質素係絕對會浪費哂之前果幾樣野高質既工夫。整體而言，呢間餐廳食物質素雖無驚喜，但每樣食物（除左甜品）都高質，可以一試。但由於無一樣特別突出，回頭率就唔高了。P.S. 本來想舒服d坐入面卡位，但隔離果枱有人食煙，最後出番外面近街邊位坐。其實客人如果想食煙，唔係應該坐出面咩？空氣流通d陣味易散d坐到入一入食煙，成間餐廳都係煙味，對於討厭煙味既人黎講真係好趕客，呢個亦係我應該唔會再黎既一大原因。個客有良心都應該唔好害個老闆，自己應該識做啦。…查看更多

經過見到鋪面幾靚，諗住食物質素應該唔錯，點知唔試唔知伏，金玉其外，敗絮其中！未試過一間餐廳會咁伏！今次主要食甜品，叫左三樣野，全部質素極差，雪糕$12至$18一球，原來係雀巢，甜品menu比雀巢貨，無病嗎？然後個$48 pancake 食落極硬，極乾身，好似喺超市買番黎解凍既質素，m記個熱香餅好食過佢多多聲。最後個$48 心太軟，個皮又係極硬，其實我去得餐廳食甜品，真心唔會想食d超市/便利店既質素既貨色另外服務都極有問題，我同frd兩個人食，你比一對餐具我😊然後甜品食哂雪糕都未上，原來唔記得左，但成間鋪連埋得地得3台客，咁都可以唔記得，其實有冇心做架？未試過去一間咁離譜既餐廳！…查看更多

買左個洛神花乳酪包，返屋企叮熱食更芳香，麵粉加入左洛神花汁，食落啖啖洛神花香味，中間一層有乳酪夾心，同洛神花個味道好夾。美中不足既係洛神花粒太少，由於個包好大，如果加多d洛神花粒就可以中和番乳酪既滯感，亦可以令麵包口感豐富d，而家食到後尾會覺得好滯好dry，建議加多d花粒，或者縮細麵包大小。另外服務方面，店員其實可以熱情番少少，基本上我去收銀比錢，佢一句野都無講過，連多謝都無聲，氣氛都幾odd下，好似去左千與千尋同無面人買野咁。衛生方面，麵包盤有上一手既麵包碎同埋餡料碎，比人感覺唔衛生，搞到我要好似玩越野障礙賽咁，將麵包放上個盤時，完美避開碎屑，仲要確保運送到收銀機途中，唔可以滑落碎屑上，同玩曾曾獎門人難度相若。…查看更多

佈置頗有心思，有台灣感覺但冷氣太大，食物好快凍，破壞鮮香味先黎菜脯蛋餅，非常香口，唔會太油，配莞茜好夾，但味道淡左少少，而且$50性價比唔太高，始終食材餡料唔貴，又略細份，算係小食，唔應該定價咁高然後試滷豆腐，跟餐小食，份量適中，豆腐入味，但又係略淡，可加重少少味道三杯雞就非常入味，醬汁濃度岩岩好，連伴碟既杏鮑菇都非常入味，離遠已經極香，但冷氣太大，好快凍哂，後尾略為失色肉燥米粉都係好入味，配香蔥高麗菜好夾，全部配菜都有肉燥汁既香味，配料令到口感好豐富，而且米粉濕度岩岩好，唔會比d汁整到淋哂，依然條條分明，但又唔會好硬，做到乾爽而唔係乾身最後餐廳唯一失色既係飲品，身為台式餐廳但完全無吸引既台式飲品，叫左個胚牙珍珠奶茶，但珍珠好硬，茶底好普通，胚牙完全冇融入奶茶內，加左等於冇加，整體感覺差…查看更多

無論主食定甜品都係高質主食叫左咸蛋黃菇菇大麥risotto醬汁香濃 大麥米口感特別不過配料較少（幾乎無）食頭幾啖係係會mesmerising但食耐左就開始感覺dry dry的因為食黎食去都係得d大麥米而且麥米較有彈性要咬咬咬咬咬先爛食落會好攰另外叫左紅菜頭大麥飯（其實唔應該叫兩個大麥飯，叫左先如夢初醒發現重覆左）呢個比咸蛋汁更有驚喜紅菜頭好入味好夾大麥飯唔會有草青味反而係好香濃新鮮既感覺飲品/甜品方面叫左個蜜瓜雪山（冰沙）蜜瓜非常甜（似乎受浸左 不過係新鮮既）冰沙係有香濃蜜瓜味既幼沙 唔係水味粗冰整體非常refreshing另外一杯飲品叫左伯爵牛乳豆乳聞落伯爵茶味極香飲落都有香味但無聞落咁伯爵 同牛乳豆乳加埋偏向似奶茶味不過整體都係好味（賣相無特別就無影鳥）亦叫左小食 脆炸素雞不過本人喉嚨痛無食 不予置評 只落入朋友口中只好奉上佢既遺照一張整體而言 非常推介呢間餐廳主食甜品都好出色有驚喜 又好味絕對唔係一般人以為素食就一定淡而無味既食物相信平時唔鐘意素食既人都會覺得好食不過有樣野唔make sense既入面其實有位但我地等左10分鐘佢先叫我地入去坐白白對住個空位罰企其實就算未出得切食物都可以比我地入左去坐低先而且有張枱reserve左 但時間係一個鐘頭後其實我地一個鐘內都已經食完可以問下我地先 我地得既話咪唔洗空住張枱成個鐘咁傻豬豬囉…查看更多

開放式格局 餐廳兼便利店既感覺望落以為係快餐頹食但見食物飲品款式較特別 決定一試 結果有驚喜食物方面 叫左個黑松露意粉味道香濃 雖然同平時食開既分別不大唔會話非常特別但意粉微微硬 唔會過淋發水 質感特別醬汁可以多少少 但味道已經十足 唔會淡另外野菌湯非常香 有微細菌粒 口感一流另一主食係仿海南雞飯素雞係豆乾製成 偏清淡驚喜係醬汁 就咁食都好好味相比於食物 比較驚喜既係飲品牛油果杏仁奶昔味道新奇香濃既豆味 微微既牛油果味 非常特別 必試另外接骨木花茶精緻芳香 清新解膩總括而言 食物美味 飲品有驚喜座位設計比較開放式 喺路邊既感覺 唔太舒適價錢偏高 因為湯同飲品都要另外加$15至$40而主食本身已經$80左右但整體正面 反而對面果間裝修好靚 但食物感覺一般無特別Warning: 所謂既 「好心雜菜湯」只係一般羅宋湯 極為普通 唔值得叫…查看更多

食物賣相別注未食齋睇都已經稱心滿意食落就知美貌與美味並重同香港小姐有過之而無不及配得上香港大學既地靈人傑率先品嚐墨汁芝士蝦餃通常芝士放左入點心都會好淡味但呢個芝士味係極為濃郁同隻蝦好夾唯一美中不足係食唔出任何墨汁味不過本人本身已經滿身墨水所以唔緊要既之後再試蜂巢糕層次既分明又複雜同真既蜂巢既複雜程度相約食落好有咬口味道微甜 清淡之選金沙熊貓好值得學生學習因為真係好留心一撕開包皮奶黃即刻如泉水湧出唯一可改進既係可以整得更沙加入咸蛋黃微粒會更滋味而家比較流質呢間鋪頭最令人滿意既係服務態度全鋪好有人情味有利家閣既家的感覺食食下野同我地分享小老闆紫菜然後本來已經收工 都肯幫我地加單整埋最後一籠點心最後仲主動問我地係咪港大學生 比折我地食野最緊要係個氣氛呢度令人非常窩心必定會再黎😀😀…查看更多

早排日本有無顏色既奶茶估唔到香港既cha tra mue青出於藍成功推出有顏色既水如果想消下暑又唔想飲watsons既水可以考慮買呢個同樣地加左$5班蘭珍珠同樣綠野仙蹤既顏色 Let it go elsa既味道同泰國飲既差天共地服務方面叫完野飲可以入去坐仲好貼心咁有個顯示牌寫住叫到幾多號諗住萬無一失點知等左半個鐘都仲未有原來個顯示牌skip左我個number原本仲以為因為咁popular所以要等咁耐因為見其他comments話等左好耐…查看更多

叫左個八府巡按餐食物鮮味十足（雖然未去到有驚喜既程度）份量充足，食完海鮮&肉之後9成飽，粥底都食唔哂。飲品性價比低（只係普通汽水已經15蚊），完全無自家製既飲品，雪糕只有一款。而食野最緊要係個氣氛，職員成功徹底破壞👍🏻☺️第一，加粥底時話我個袋阻住佢（態度串串貢）第二，埋單時朋友睇完張單之後放喺枱面，就比個職員話：「做咩將張單放黎呢邊，呢邊濕架麻，所以我頭先先放另一邊」第三，11點果時個職員訓導主任上身，同我地講：「唔好意思，夠鐘要走，講第二次架啦。」佢講完第二次果刻，我都好肯定我唔會黎第二次🙂其實以上三點只要d職員態度好地地咁講，係make sense既，但而家串串貢咁真係貼錢買難受…查看更多

整體十分滿意🤤🤤🤤生蠔鮮甜，但未夠creamy，另一款海水味重既就非常甜美食物製作認真，烤雞沙律既雞肉香脆，散發著燒烤味，且尚有餘溫黑松露湯香濃牛扒5成熟剛好，唔會過生，唔會過硬，肉汁味濃，連薯仔都好有心思，帶微辣肉汁味帶子鮮甜，魚肉嫩口，魚皮香脆甜品擺計精緻有心思服務態度甚佳餐廳飛機主題甚有創意有餐車，離境大堂佈置可惜原來四人座位先先有飛機座位二人就只有一般位雖然都有特色既鐵枱但如果所有椅子都係飛機座位會更好…查看更多