為食癡孖B的个人专页

今日午餐想食米線，但成日食三X都好悶，諗起公司附近呢間小店就試下啦。舖仔細細，座位唔多，好彩我來到都有位，不過轉頭就座滿，原來剛好2點下午茶時間送飲品。我一向都唔喜歡食酸嘢，所以揀咗麻辣湯+豬紅+墨丸，上菜速度好快，轉頭來到，等我滿心期待食麻辣米線嘅時候，點解個湯麻辣但又有酸辣味好奇怪⋯講返啲餸，豬紅味道可以，不過不失；墨丸都有墨魚味，唔會一舊麵粉咁。總括來講湯底我就覺得麻麻，因為味道偏酸，但餸就可以啦。…查看更多

突然間想食冰，老公就搵左呢間，去到黃昏六點幾，不過冇乜人排隊我就衝入去食咗先。睇Menu都有好多味道選擇，但我都係鍾意綠茶，可以睇到製作過程，佢寫係係用日本入口嘅純水制冰（真定假就唔知），刨完冰再淋上綠茶醬，見佢係咁唧係咁唧，用咗成半醬落個冰底，由雪白嘅冰淋到成個綠色。終於有得食，第一啖食落去唔會好凍，綠茶味好正好濃郁又唔太甜！食到中間有啲香甜又脆嘅嘢中間，好似係焦糖碎+維他餅碎，配合埋個冰真係好好食呀，兩個人三扒兩撥就食晒，雖然價錢有啲貴，但會再食…查看更多