又來到10月之星的大學同學生日聚餐。由於是晚大家都沒有帶小朋友的關係，好友特意選來一間位於九龍城，專門食印度菜的餐廳。餐廳前身名為孟買廚房，現在名字已經變成TheCurry Republic 「皇國咖喱」。由於佢哋每款菜的份量不是很大，而且我哋亦都有四個人。所以我哋當晚可以叫得更多唔同的菜式品嚐。芒果優格奶昔 Mango Lassi ($30) - 奶昔軟滑，芒果香甜。奶昔和芒果的比例剛剛好，誰也沒有取代誰。作為餐前的一杯飲品，不但可以增加食慾，對於其後的咖喱還有解辣的作用。蔬菜咖喱角 Vegetable Samosa ($28/2pc) - 咖喱角的皮不算厚，且餡料非常充足。餡料主要係薯仔同埋豆蓉混合咖喱及其印度香料，再配上羅望子的甜酸醬。一道經典的印度前菜。印度烤芝士 Paneer Tikka ($88) - 熱辣辣嘅烤芝士放在鐵板上呈上，十分先聲奪人。這個燒烤芝士的口感有點像硬豆腐。因為其經過醃製和燒烤的關係，佢有十分香濃的乳酪口味。配以餐廳提供的甜酸醬，令到這個燒烤芝士沒有累贅的味道之餘還令芝士的香味提升。相當好的配搭。燒免治羊肉串卷 Lamb Seekh Kebab ($108) - 因為大家肚餓的關係，來不切影相已經被分掉了。免治羊肉配以其印度的香料令到這碟菜的香濃度十足。但個人認為燒得有點乾。雞肉鮮奶油咖喱 Chicken Korma ($88) - 這個咖喱最大的特色就是椰子椰奶的口味，而且還有其他的配料如腰果碎及豆蔲嘅香味。整體香甜不油膩的咖喱，雞肉亦都十分多汁嫩滑。牛油咖喱雞 Butter Chicken ($88) - 因為自己好鍾意番茄同咖喱嘅配搭，所以每次食印度菜都好鍾意叫這碟菜色。與剛才的鮮奶油咖喱雞一樣，雞肉相當嫩滑。蕃茄配合咖喱香料亦都相當融洽和諧。個人認為如果再多少少香料嘅辛辣感就會更想一層樓啦。極辣馬鈴薯咖喱（羊肉）Lamb Vindaloo ($98) - 開始的時候還驚怕這碟菜會否太過辛辣，但係當食過之後大家都可以接受之餘仲覺得相當惹味。相當之多嘅香料配以辣椒粉及蕃茄嘅混和，有一種共冶一爐嘅豐富咁。係香料，辛辣，羊肉之間嘅管弦樂，未算精彩，已經十分滿意。烤餅籃 Naan Bread Basket ($68) - 這個烤餅籃有三種不同的烤餅。烤餅經過燒烤後獨有嘅香氣同埋烤餅嘅筋性其實相當唔錯。洋蔥烤餅 Onion Kulcha ($28) - 加咗紅洋蔥烤餅又將烤餅嘅層次推上一個地步。洋蔥嘅甜味可增加烤餅嘅層次感。抓飯 Pulao ($48) - 純粹為配合㗎喱去叫。印度長米煮得軟硬度剛剛好。粒粒分明。配以黃姜粉和其他香料如小茴香的香味，其實就咁食都已經好好食。其實餐廳裝修絕大部份係用返之前餐廳嘅燈光和設備。風格十分現代印度風。枱與枱之間的空間足夠，但廁所衛生有少少改善空間。員工嘅服務亦都相當友善，亦都會詢問客人對於食物嘅意見。對我來說這間餐廳出品是相當不錯的了，價性比亦相當高。但是究竟有幾多人會特意去九龍城食印度咖喱呢。當晚是星期五的晚上，但是目測大概只有一半多啲嘅顧客。真的希望餐廳可以繼續經營，使到九龍城嘅餐廳更加優質化多樣化。…查看更多
