khli的个人专页

經過朗豪坊，見到passion有gelato賣，去睇下有咩口味先。店員比我試左香蕉，咖啡，開心果，紅莓，榛子，曲琪。最尾我就揀左個 hazelnut味，因為哩個好重果仁味而且入面有粒粒榛子碎勁正，味道係偏甜嘅，但因為佢係gelato，入面比較少奶嘅成份，奶味冇咁重，食落口感比較冰啲唔係 creamy，所以佢甜左少少但又唔會好流。我朋友就揀左個 raspberry佢話酸酸地好開胃，食仲有得揀一係配佢地自制的窩夫或或海綿蛋糕做底，我地都揀左窩夫底，望落大大舊吸引啲嘛！個窩夫底係即制，微暖，雪糕放上去之後好快就開始溶...所以要食快啲…查看更多

是晚黎到餐廳係冇人嘅好似包左場咁，餐廳都幾大幾靚又有氣氛。晚餐只有幾款set dinner可揀，但都夠選擇，好齊全。套餐有頭盤，麵包，沙律，餐湯，主菜，甜品同餐飲，好齊全嘅西餐。首先餐湯黎左，有南瓜濃湯同蘑菇湯揀，同朋友share左，兩個都好好飲好濃郁嘅味，蘑菇湯入面有蘑菇粒好有咬口，南瓜湯就好鮮甜好 creamy，配上嘅蒜蓉法包都好正又香又脆。沙律係個煙熏三文魚沙律，用左 Olive oil好簡單就已經好好味，因為佢嘅菜勁新鮮！而且份量都唔會少。頭盤係帶子咩咩橙，唔記得左個名，哩個就麻麻地因為上到枱係凍左，而且帶子同橙個人覺得唔太夾。主菜叫左黑毛豬，豬本來個味唔太重，但佢個煮法唔錯帶返啲肉味出黎，醬汁同黑毛豬好夾。伴碟嘅配菜都有花心思，味道可口。甜品有流心朱古力蛋糕或芝士蛋糕，揀左芝士蛋糕。意想唔到咁好食啊！芝士味夠重入口即溶。餐廳叫左朱古力，做得好有心思，上面有層泡沫同撒左朱古力粉，賣相好加分！配芝士蛋糕好完美嘅一餐！…查看更多

夜晚11點幾，好多地方都收左，好在桂林米粉收一點半。想食佢個雙豬好耐啦，有飯有麵揀，今次叫左個雙豬飯跟肉燥汁，雙豬啫係有豬頸肉同燒肉，跟飯仲有甜品，例湯，飲品，三揀二。雙豬飯一望落份量十足！燒肉個皮望落脆卜卜，肥膏同豬肉一層層好有層次。另一邊嘅豬頸肉係厚切，好大塊！下面嘅肉燥汁都好多，佢個飯嘅份量都唔少，用黎撈飯食超正！套餐跟左個例湯同甜品，分別係東瓜湯同水晶涼粉。冬瓜湯見佢入面都湯渣，飲落味道唔重，應該真係煲出黎嘅。水晶涼粉都幾大碗下，加左花奶，簡簡單單冇乜特別花巧，雖然係餐跟嘅，但都唔錯，食落感覺幾新鮮，似平時黑色涼粉但又冇果陣草味。…查看更多

之前係銅鑼灣 sogo買過hello kitty cake覺得都幾好食又得意，宜家知道佢係大坑開左咖啡店，梗係去試下啦等左40分鐘，終於有位。叫左杯泡沫咖啡同凱撒沙律仲有杯凍果茶加意粉。泡沫咖啡好多泡好厚好鬆綿，啲泡打得幾好！上面個hello kitty icon好得意啊！成杯野飲未飲先加分！飲左第一淡，咖啡味幾濃，同奶嘅比例啱啱好。雖然40幾元一杯但咁大杯都抵啦。個果茶朋友叫嘅，佢話唔太甜，果味茶味都有，唔錯喎。而個凱撒沙灣價錢比較貴但都幾大碟。羅馬生菜個色好新鮮，冇變黃，沙律同麵包粒粒都幾多，同撈得均勻，啖啖都食到。最後個意粉，有少少失望，因為啲意粉有少少偏硬可能係煮個時間唔夠耐。…查看更多

好耐冇食過韓燒啦尤其是係蛋邊果隻，炑八有好多分店但今次都係第一次食。可能係平日夜晚，唔洗點等位有得入嚕尤魚同大蝦都好好食，一上枱望落都幾新鮮，size都唔細添，食左尤魚覺得幾有尤味唔似冰鮮果啲得雪藏味，個蝦都ok ，唔係梅嘅肉。不過燒得耐左搞到有點um,但個味道係好食嘅。今餐另一個亮點就係生蟹。我唔識食蟹，見佢蟹膏咁多，就已經覺得正，雖然話係生蟹，但食落係唔會腥嘅，有少少剌身嘅感覺，加上佢嘅醬油葉過，都幾野味，唔係得生蟹味仲有啲醬酒香味但全餐我最愛嘅還是個蛋邊，仲要落埋韓國年糕，年糕溶溶地同蛋溶合埋一齊，我地特登燒耐啲等個蛋燶啲香啲，加埋年糕正到飛起啊！…查看更多

今次特發黎食Mr steak嘅晚夜套餐，叫左個 surf and tuff，主菜有塊牛扒同半邊龍蝦仔，朋友叫左三文魚配龍蝦，包前菜甜品，紅白酒一杯，餐飲同餐湯開餐前黎個scoop先，好好食好鬆軟又香，佢個牛油好好食啊唔知出面有冇得買呢，我同朋友每人食左兩個紅酒就普普通通嘅 house wine前菜有個三文魚沙律，好新鮮，三文魚同菜都好食加埋佢個沙律汁，好開胃！仲有個係焗芝士海鮮，都唔錯，個啲汁太多食到會有點濟個餐湯叫做干邑龍蝦湯，入面真係有一粒蝦嘅，好濃好有味到個主菜上，都唔錯賣相，側面伴碟沙律都好好食，個龍蝦鮮嫩，牛扒8成熟啱啱好。到個甜品，係冇得揀嘅是日精選，芝士蛋糕，不嬲都知佢地甜品一般般，所以都冇乜期待，好彩當時已經食到好飽，食左兩啖就埋單走左嚕。…查看更多

有張優惠券有6拆，比平時平咁多就去食啦！8點幾到左都幾多人係餐廳入面3個人叫左一份ribs and chicken wings，一個雞肉芝士西蘭花長通粉，一個任不沙津， 同一杯 mega size berry sangria但冇酒精嘅唔知點解個沙律不過幾次都係冇進步，今次都係不得好少，見人地成座山咁高真係想比個讚佢沙律吧都係果啲變化不大，有沙律長通粉，薯仔，生菜，生果果上下，都新鮮嘅！個ribs and chicken wings跟左個經典 bbq醬汁，3個人食啱啱好，個骨啲肉好鬆軟好綿，骨肉一切就分離，雞亦都幾好食，仲有碟薯菜跟伴碟，用左牛油煮嘅伴菜好香個雞胸芝士西蘭花長通粉一上到黎比啲芝士蓋過晒，勁大碟！芝士啖啖都係同西蘭花好夾，雞胸肉好嫩，一啲都唔鞋口，太大碟最尾係食唔晒嘅仲有杯 berry sangria叫左 mega size 開心share，頭幾啖都幾好食，點知飲飲下越飲越甜嘅....？入面有啲生果，有橙，萍果，士多啤梨咁，有得飲有得食。最後埋單折左540幾蚊都算抵嘅。…查看更多

一早訂左位，去到都係要等，見到其他等位嘅人都好似唔少一上到餐廳佢嘅裝修幾有氣氛同特別，坐左係近出入口果邊嘅area兩個人叫左個蟹肉炸飯球，海鮮拼盤松靈油芝士薯條同 browin第一上個芝士薯條，食左先勁肚餓，都幾好食嘅份量就少左啲同底下嘅薯冇乜味之前到蟹飯波，食左成粒都唔覺有蟹味，飯係壓到溶左唔會點食到一粒粒分明嘅口感，似炸薯波多啲之後到個拼盤，一落枱見到個樣我地都以為比錯左點解係成碟炸野，同想像中好大出入原來佢嘅拼盤係炸海鮮拼盤，入面有魚柳，尤魚，蜆同青口連殼炸，咁懶嘅食譜都比佢地諗到真係....仲要賣百幾蚊，如果係第到唔知會不會有人食呢最尾就係個甜品，等左成二十分鐘先等到，本來雪糕同 browin都好甜再加上焦糖味爆谷變成更甜，有點畫蛇添足總括而言，哩到對我黎講係可一不可再…查看更多

星期六晚來到旺角諗左好耐唔知食乜先好，行過泰妃雞見佢門口話自己嘅海南雞好出名好好食而且價錢又唔貴就試下啦，一行4人等左成20分鐘先有位。坐底之前，都幾逼下...好似快餐店咁叫左個泰式豬脾飯，海南雞飯，炒金邊河同串燒拼盤原本以為係平時食開嘅泰式豬手飯，所以叫左，上到先發現唔係果種口味，似係淡滷水豬脾，冇咁香炒金邊粉都還可以嘅係蝦比較重雪藏味朋友話哩個最好食海南雞飯個飯係雞油飯都幾香但雞就差啲，冇乜雞味可能香港嘅雞始終都係雪藏冇新鮮好難食到星馬泰嘅雞飯味串燒...有豬牛雞司華力腸雞軟骨同雞腎....雞腎得果3粒仔唔知以為係比人食完嘅好奇怪佢地嘅醬汁都係偏開香港口味，唔知係咪要就返香港人口味，整體上黎講唔算好差但唔係特別好食，似係港式泰國茶記價錢都中中等等，旺角黎講都係咁上下…查看更多

午餐時間好多附近嘅返工人士係到食晏，等左10幾分鐘先有位但唔緊要因為佢嘅拉茶好好飲，等多陣都抵嘅今次見佢有個新 menu有海南雞喇沙，同蟹肉炒粉絲，就試下新野啦，叫左海南雞喇沙試下，都成70幾蚊唔平，加多6蚊轉特飲，要個拉茶等左一陣，海南雞喇沙到啦！雞肉冇乜味一般般，但個喇沙幾好味喎有米粉加油面，好濃味，湯底出色！拉茶都係一如以住咁滑同有茶香，每次見到佢個開方式水吧入面個外藉人士拉茶拉，就好想同佢打招乎因為佢拉到好好味啊！食完就有佢地送嘅甜品，今次係個香茅蛋糕仔，入面底係有啲唔知叫乜嘅豆類，又幾好味，從來未試過哩款糕點，香茅味濃，想黎多個啊！…查看更多

朋友話新麻蒲嘅前菜可能任 refill所以是晚就食新麻蒲啦8點半到等左成半個鐘先位入座都幾多人入到去見到其他枱分別有內地人泰國人同洋人，真係估唔到原來佢咁國際化叫左個ss5牛豬套餐兩個人食都抵嘅比起散叫，有排骨護心肉蝦，蘑菇，芝士腸等等，仲會有埋個牛奶雪花冰同兩杯野飲佢嘅前花真係唔話得，有黑芝麻醬沙律啦，蘿蔔，泡菜，海帶，芽菜，真係食菜都夠飽！而且仲要任食原來佢個蛋邊平時食完再加係要加錢，但9點後就係任加嘅講下甜品雪花冰，真係好正啊！牛奶味重，內外都有層豆粉唔怕食到中間冇味，份量又大，兩三個人食都夠啊！跟餐就幾抵，但單叫一個就八十幾蚊好貴啊！…查看更多

Paul Lafayet嘅cake我一向都麻麻地，所以咁耐以黎行過無數次都唔會特別留意同買佢嘅cake今日咁啱同事拎左兩粒比我試，唔洗錢的話咁又一試無妨，哈哈一個係 passion fruit另一個係 chocolate唔知係咪因為佢有個膠殼蓋住，保護佢唔好壓爛，但我覺得望落感覺好似超市嘅零食，冇乜新鮮可言點知食左一粒 passion fruit之後發現都唔差喎，甜就一定架啦馬卡龍，但佢甜得黎 passion fruit味仲係明顯食到！之後食埋朱古力味都覺得唔錯，對Paul Lafayet有新睇法！…查看更多

第一次黎到荃灣嘅明記打冷，平日人唔算多，唔會好嘈。平時都少去打冷今次係朋友介紹所以一試人唔多，叫左個烏頭魚同煎蠔餅先到嘅烏頭魚好重烏頭味，而且啖啖肉，朋友平時少食開魚嘅都話覺得ok煎蠔餅大份，煎得好香脆，蠔都算幾多，夾開見到唔少蠔，食落個味都幾鮮，真材實料！…查看更多