Debbiepopo的个人专页

去開葵廣做野，行吓去到新都會廣場，見到有間新開嘅荳品飲品店， 賣有機豆漿。原來仲有其他飲品，餐牌太多嘢揀，作為抹茶控，眼中只有綠色。試咗個有機抹茶豆乳，見佢抹茶粉倒完一勺又一勺，1D都唔孤寒。飲落好香豆味，叫埋少甜飲落毫無罪惡感，飲完唔會封後唔會好甜膩。如果有得加紅豆應該仲正比起嗰啲人造糖嘅手搖飲品，感覺健康得多，可以留返啲quota食下其他小食下次經過會試埋其他甜品，見佢啲樽裝黑芝麻豆漿都好靚仔。…查看更多

由灣仔到尖沙咀再到中環依然保持到水準。平時中環返工，而家開咗喺中環更加方便。個garlic parmesan雞翼超好食！入面d肉好嫩又多汁。$78 咁大隻喺中環嚟講唔算貴。叫咗兩個burger, 一個奇脆雞堡。一個係經典牛漢堡。keep到啲肉好多汁，唔會乾爭爭。一人一個加埋小食都好夠飽。值得一讚外籍員工服務好好，見我哋飲完水唔使講都自動自覺添水。可惜嘅係我哋夜晚先去，飲唔到佢哋個特飲Apple Pie，同埋食唔到個燒帶子漢堡！下次lunch time再去食過。…查看更多

天氣好同埋契女入去新商場go park玩,小朋友扭食雪糕，入咗依間兔仔試吓。 仲有西班牙油炸鬼。 雪糕有幾款味揀，試食咗士多啤梨正正常常，最後揀咗榛子咖啡！好好食唔會好甜。仲要有埋塊餅仔好有口感個油炸鬼超鬆脆，唔會油腍腍，加埋個雜莓醬，酸酸甜甜好好食。店家仲好貼心有埋張牛油紙俾你唔會整污糟對手。間舖頭裝修都好靚，好啱打卡。如果下次再去會試埋個開心果味雪糕。題外話，呢個商場真係好啱帶小朋友同埋放狗。唔係好多間食肆，估唔到味千拉麵仲有未執笠。…查看更多

朋友搵的泰式私房菜，環境地方同食物都好靚，不過好難搵，好少去嗰頭，喺海防博物館樓下。最好食係個海鮮冬陰功，好多材料。個芒果糯米飯正常 ，豬頸肉都好食，串燒就普通。係收得有d早.10:30左右就收工。但係有得book房，好啱一班朋友想私隱度高。朋友呀低消係每位$400就得，見佢哋一個職員招呼一間房，服務都可以。另外有個花園可以睇晒成個維港，夜晚好靚。個經理話如果撞正放煙花喺西九都睇得好清楚。如果有機會下次會book睇煙花…查看更多

日日熱到嘔，去坐完摩天輪搵廁所，見到有間新開coffee shop，有得坐下.有十幾款雪糕，3球先50幾蚊，仲要個開心果又開心果碎喺面，成件事好開心另外仲嗌咗個椰子榛子椰子勁香囉, 不過feel到好肥。仲叫左杯伯爵茶latte，好香伯爵茶味。不過太熱見到就飲咗，冇影相。如果大杯少少就仲好個環境都幾大，唔係得兩三張枱俾你坐下係個廁所爭啲，就係碼頭嘅廁所 。總結下次可以去試吓佢啲三文治同Pizza，可惜太熱，熱飲先試到間舖功架…查看更多

以前係大館分店，食過佢個芝麻味雪糕對佢有印象，今次同朋友食左佢個豆腐味雪糕同埋薑味，同朱古力味雪糕，🍦$75好似可以大球dd咁豆腐味超豆腐，好似真係食緊豆腐咁好味又香，唔係好甜，下次會再食佢。👍🏻👍🏻同行朋友都話勁正，仲話下次溝埋芝麻味應用好夾喎🤣薑味好特別，外面好少有，夠辣食到有有條條薑絲，有驚喜，可以試一次。朋友就覺得佢辣得濟了。。朱古力味正正常常啦，，相比下無驚喜，但雪糕質地可以既。…查看更多

係佐敦個頭做完野，諗住食返個tea.先返公司環境乾乾淨淨，似係新開無耐，唔會係枱面笠痴痴個d冰室。嗌左個樽仔絲襪奶茶，同雪糕西多士，又好夾喎！個雪糕係薑味，唔太甜，真係有一條條薑絲食到，真材實料。可以有下次！！試埋個棉花糖西多士，真係鐘意食甜野既人可以一試。。。個奶茶都好夠濃，隻熊仔先有誠意！！！！溶左都唔會影響杯茶個味，唔會變淡左，打下卡都ok ge價錢就一般尖沙咀冰室價錢，好合理。伙記都有禮貌，…查看更多