seeyoutomorrow的个人专页

收工同fd去銅鑼灣搵食，撞正呢間「牛惣居酒屋」專做牛內臟串燒，仲有埋清酒sake pairing，啱晒我哋班酒鬼！今次試咗堆「牛」嘢+海鮮，人均$300左右，抵唔抵？睇落去👇 **沙律** 打頭陣勁醒胃！粉葛切到幼絲絲，咬落「嗦嗦聲」好爽脆，個汁酸咪咪帶wasabi攻鼻，清晒成碟先記得影相，抵打！ **烤牛骨髓**最邪惡但最滿足🔥好似啫喱咁咬口，加埋炸蒜同蔥花，油香攻心口…… 減肥？聽日先算啦！ **自家製豆腐**豆味濃得嚟帶啲甜，咬落去好脆口爆汁**烤秋葵豚肉卷** 有驚喜！豚肉片包住秋葵燒到微焦，咬落去外層油香入面「潺潺哋」，個種反差口感堅上癮～ **烤雞心** 同 **蒜香橫隔肌** 必嗌！雞心爽脆無異味，橫隔肌醃到蒜香爆燈，啖啖肉得嚟又唔韌，送啤酒堅係「啜手指」級數🍻 **烤豬頸肉** 師傅手勢好，焦脆邊位帶蜜糖甜，咬落「咔咔聲」似食緊薯片！阿姐仲教路：「點少少wasabi豉油仲惹味！」果然堅係隱藏食法🤫 **明太子飯團** 即叫即燒，飯焦脆到似食米通！明太子鹹香撈埋紫菜碎，同枱個OL食到「眼仔碌碌」話：「好想打包多個做早餐！」**菠蘿燒酎**淡淡清新菠蘿味，個friend飲到「嘩嘩聲」話似童年嗰支菠蘿冰🤤 總括嚟講，呢度嘅牛內臟款式多又處理得乾淨，最啱鍾意獵奇嘅食肉獸！溫馨提示：晚市好full，最好book定枱，同埋記得帶多個胃——串燒細細件但好易食上癮，一唔覺意就會over budget架喇！ **必嗌清單：** ✅烤牛骨髓（膽固醇爆錶但值回票價） ✅蒜香橫隔肌（蒜控尖叫級數） ✅明太子飯團（脆到懷疑人生）…查看更多

餐廳位於都爹利街的一條階級上，為了美食走一段路是值得的🤸🏻‍♂️Wine &drinks🍷朋友揀左無酒精飲品，好香提子果味我就揀左Chardonnay,好creamy口感。另外點了一杯latte,十分nutty，重咖啡味😍______________________________Appetizer🥗三款麵包盆牛角包好酥脆，濃濃牛油香，香草麵包蘸上橄欖油一流，芝士脆片卜卜脆，義式蛋餅、魚子醬煙三文魚、車厘茄配水牛芝士、鴨肝醬多士 & parma ham哈蜜瓜車厘子和哈蜜瓜十分時令，中和ham鹹香，口感平衡平時不好鴨肝，但呢款鴨肝濃郁之餘沒有腥味，十分推介。______________________________Spaghetti 🍝可選擇4款意粉及兩至三種配料, 有海鮮、不同的蔬菜或調味可供選擇，可以欣賞廚師即時烹飪。另外服務員很細心，並熱情為我們推介每種口味。他推介的parmesan黑松露意粉真的一流，芝士很濃厚，松露的香氣絕配，一定要試！Spaghetti, 24 months parmesan cheese, black truffleFettuccine, lobster, Mussels, crab ,mushroom______________________________Main🥩USDA prime beef tenderloin, shallot sauce牛肉橫切面，可見鮮嫩粉紅，肉質嫩滑而且充滿肉汁，濃郁有層次。______________________________Dessert🍮A Lux Colada小小椰子外圍裹滿朱古力，一口咬破，再蘸上底下rum酒和水果，酒味與香甜碰撞。Smoked matcha lava tart vanilla ice cream抹茶撻中間像熔岩，有濃濃的抹茶的香氣，焦糖脆脆令口感更豐富，旁邊有藍莓士多啤梨點綴，再吃一口雲呢拿雪糕非常滿足！…查看更多

呢間位於灣仔順德私房菜，環境清幽，侍應服務態度很好杏汁豬肺花膠湯杏汁和薑的比例剛剛好，清甜可口，豬肺和花膠都很軟稔。炸茄子配喼汁外皮較為酥軟，食落會以為係炸肉，換成茄子更清甜健康。冰鎮鮑魚鮑魚鮮甜Q彈，有嚼勁,配wasabi鼓油更鮮美。京蔥爆關東遼參本身不太喜愛遼參味道，但用了京蔥炒完全去掉腥味，每條遼參都很肥美，足料！煎釀生煎豆腐用蠔油生抽爆炒，蔥香撲鼻，冬菇肥美，豆腐皮脆內嫩，送飯一流。蝦乾魚肚芥菜開始有點飽膩，芥菜湯可以醒醒胃，蝦乾魚肚很鮮美。XO醬名門炒飯雖然已經很飽，但這個炒飯真的很美味，我們把它全清了，xo 醬好香口，飯炒得粒粒乾身煙韌，叉燒蝦粒啖啖肉。蕃薯糖水好濃薑味，蕃薯都好香甜軟糯。…查看更多

住附近嘅街坊，開左一段時間，今次第一次食餐廳好好食，好足料滑蛋吉列豬丼 ＄58蛋炒得好香滑，豬扒炸得乾身Juicy滑蛋鰻魚飯＄88鰻魚新鮮大大件，好香燒汁甜可惜服務真係差左少少🥹🥹…查看更多

係附近放工，同朋友嚟食特色二人餐，場內燈光偏燈調，令人感到relax餐前有一杯暖笠笠伯爵花茶，好香玫瑰味，煙三文魚沙律有羅馬生菜，洋蔥作為前菜新鮮解膩，三文魚新鮮爽滑。蟹肉海膽松露糖心蛋海膽濃郁甘甜，舀至下方有啖啖蟹肉，融合半熟蛋，口感豐富。大海虎蝦經鐵板炙燒後有焦香味，肉質仍然彈牙鮮味，伴上蝦膏汁，令味道更昇華。活鮑魚配蟹肉海苔醬第一口先不沾醬嘗鮑魚口感，濃濃嘅煙燻味，後續鮑魚鮮美多汁，肉質爽口，再沾上海苔醬，味道偏鹹香，加上酸酸的食用花，爽甜蟹籽，令口感稍為清新。鵝肝配青蘋果鵝肝軟滑溶化，有微微內臟醇厚香氣，只可以講食用花的配搭實在太match,本身唔食鵝肝的我都食哂,再吃一片焦糖青檸去膩，可以繼續作戰。和牛厚燒到呢道菜我哋都好飽，但和牛香味實在太吸引，油脂豐富，用左岩鹽、黑椒 調味，拌上蒜片，充滿配上茄子，芽菇，大啡菇，中和返肉膩感。刺身帶子豆腐鯛魚湯清清腸胃的一碗湯，帶子大大粒鮮甜，豆腐豆味香濃，拌上黑椒，甜中帶辣的很解膩黑松露櫻花蝦炒飯有黑松露香氣，拌上櫻花蝦，炒飯粒粒分明，即使已經好飽，都忍唔住不停添飯。雪葩我選了桃味雪葩，雪葩造型可愛，好香濃桃味，朋友選了椰子味，香甜軟滑。…查看更多

水x會根據每一位客人口味調教，少食都唔會感到刺激喉嚨mint加蜜桃，好清新味道🥗Appetizer & Salad自家腌製紅酒，挪威三文魚，田園沙律意式黑醋配紅酒令沙律口感更昇華，三文魚脂肪均匀，不太油腻，很適合作為開胃菜。🍗Chef's Specials Main Course焰燒法國香草原隻BB野雞仔即場表演火焰燒雞,經火燒後仍然皮脆肉嫩多汁。🍗阿根廷紅蝦海膽意大利飯（My flavor)😋好濃烈海膽醬同黑蟹籽，飯粒creamy 得嚟煙韌有咬口，🍹Cocktails .ME.TIME初調為青瓜檸檬，中段蘋果，尾調為白酒+Vodka ，味道清新有驚喜…查看更多

想試好耐嘅一間泰國chill食店,耐何太受歡迎難book😂😂餐廳係曹公坊一處熟食中心旁邊,見到人流就知道係呢間店等入座嘅食客同朋友平日夜晚去食，唔駛等太耐就可以入座，朋友和我都係減澱粉飲食，所以我們都係點了沙律，肉類等等，青咖哩雞，配菜有西蘭花，蘿蔔，豆角和南瓜，雞塊軟彈肉嫩，都係雞髀肉位置，青咖哩有椰奶調和，唔會太辣。軟殼蟹青木瓜沙律，夾雜蘿蔔椰菜、蔥，味道酸辣鮮甜又醒胃，味道偏辣，嗜辣人士必試烤薄餅烤焗火候控制得很好，焦香同時亦煙韌，沙爹雞串和豬串，沙爹醬汁很入味，肉串口感细嫩極力推介芒果 百香果沙冰，杯面滿滿果肉，打卡一流，有半個百香果，充滿粒粒籽果香，雖然係沙冰但飲落去啖啖芒果果肉3號特飲 柑橘水果賓治Fruit Punch再加上cocktail,西柚再加上青檸、檸檬，口感清新，酒精濃度剛好。…查看更多

下午在附近等待小倆口刈包開鋪，等了一段時間感到口渴，於是便發掘一下附近的茶飲，朋友點了芝士巨峰雪沙，我點了芝士蜜桃大滿足，巨峰，芝士味道好清新，偏乳酪口感，裡面有黃桃果肉，綠茶茶底偏淡。…查看更多

12點半準時嚟到，已經見到長長人龍，今次係第一次食，係菠蘿炸雞刈包同蝦餅刈包之間糾結，最終揀左3份都係菠蘿炸雞，餡料有羽衣甘藍，菠蘿，炸雞，平時食嘅羽衣甘藍比較乾同難吞，呢個非常易入口，有水份，菠蘿甜多汁，炸雞香脆，甜酸醬好惹味，美中不足係個刈包被倒蒸水吸收，冇想像中鬆軟。…查看更多

夜晚諗唔到食咩，又想打邊爐就會來一鍋堂，因為他價錢合理，又維持到水準，晚餐性價比之選，入到門口已經見到長長人龍，好在我們一早訂左位，入座便開始選擇湯底和點餐，我們揀左沙參肉竹鯊魚骨湯底和c餐，湯底非常足料，輕輕一撈有大量沙參和藥材，飲落去像老火湯，另外有120分鐘時間食，對小鳥胃的我們綽綽有餘，介紹一下餐點：❤️真係花膠吸收湯底後口感更佳黏稠度更高，女仔食多啲更養生🧡封門柳肉質鬆軟，不易變韌，牛肉味極為濃郁💛澳洲m5口感細嫩，油花分布平均肉味濃郁，薄切分量剛剛好不會太膩💚美國安格斯牛肉肉質柔嫩多汁，吃起來更甜更順滑💙牛脷心托平時食的心托都比較｛口鞋｝，呢個非常爽口清甜✝️手串生猛海蝦海蝦大大隻肉質彈性好味道也更好吃，我哋食左好多串☪️沙白蜆絕對要點嘅一項，味道鮮甜口感嫩滑，吸收湯底後更有層次…查看更多

慢調撕理食肉獸裡面餡料好豐富，有豬肉芝士炸洋蔥圈蕃茄同生菜，麵包皮烘得好香，加埋醬料脆脆生菜口感一流，生菜同蕃茄好新鮮，無時間食飯食個三文治一樣咁好味～不過天氣熱醬料溶溶地有ｄ變左水狀，所以天氣咁熱最好堂食，如果外賣就要盡快食…查看更多

是日下班想與朋友小酌一番，吐吐苦水，朋友又想吃串燒，於是來了這家評價不俗的居酒屋，來到門口已是滿滿打卡位，裝修別緻，尤如到了日本旅遊，樓底很高，座位闊落舒適。先來的是Sake:君之井純米吟釀，店家送上不同款式的清酒杯供選擇這支清酒米香味濃，口感順滑，辛口度低，頗易入口，即使是不懂喝酒亦可淺嗜一下，飲酒能讓人感覺愉悅，開胃盡訴心中情。酢漬水母 $58水母非常爽彈，酸酸檸檬汁很開胃雞皮紫蘇蝦卷 $48雞皮香脆惹味自家制雞軟骨 $48 調味剛好，軟骨脆脆很滋味露筍豬肉卷 $32露荀脆口多汁，豬肉香口而不乾荔枝豬肉卷 $32荔枝＋豬肉，原本覺得怪怪的，意想不到的「夾」，荔枝多汁JUICY，中和豬肉的油膩感燒日本魷魚一夜乾 $98烹調魷魚頗需技巧，時間太短怕它不夠熟，太長時間會韌，時間控制得好，爽口不會韌芝士年糕 $48坊間的芝士年糕通常是用油炸，較為油膩，而此年糕應該是用烘烤方式，外面微焦內面軟糯包裹著芝士，美味！自家制清雞湯茶漬飯$ 68雞湯清甜，飯香配上紫菜點綴果真不俗青椒仔 $28白菌 $28日本產銀杏 $28少見的銀杏外面焦焦的，裡面軟糯香甜砂肝 $32吃串燒必叫雞腎，Ｇｏｏｄ！西京燒銀鱈魚銀鱈魚夠肥美，充滿油香所有食物都不錯，而且環境舒適，是與好友聚會的好地方！…查看更多

叫左個外賣自取鹽酥雞飯，才料好豐富，有涵蛋一隻，菜脯、青瓜洋蔥和津白，鹽酥雞炸得幾香又唔會油膩，菜脯辣辣地好開胃，青瓜都炒得幾香，不過個津白就太爛，好似一pat嘢，味道唔錯，加＄５有杯冬瓜茶，不過就偏淡口味啲水份較重，＄６０都幾唔錯，算抵食。…查看更多

好耐都無食過傷心酸辣粉, 酸酸辣辣夏天食最開胃, 不過今日有少少失望叫左中辣但都唔係好辣, 湯底無以前咁好味, 個雞好肥同埋無乜雞味加上有少少鞋卡位坐得算係舒服 不過其他台都幾迫下, 台與台之間好窄凍檸茶幾好飲~ 不過味精可能都幾重, 食完成個下晝喉嚨都好涸, 應該未必會再食…查看更多

雖然已經食過好多次, 不過實在太鐘意佢d肉骨茶, 今日又過黎食今日星期六晚所以門口都要等位, 唔使十分鐘已經入得, 坐正係玻璃櫃格黎,  放滿懷舊玩具擺設, 打卡一流首先叫左個豬腳灣肉骨茶, 豬皮彈牙, 肉質爽口, 肉骨茶味道好濃好入味之後朋友叫左個辣死你媽雞脾飯, 肉汁好juicy，檳城亞參叻沙米通粉, 唔知點解今日好似特別辣, 辣到出曬汗, 再飲埋熱辣辣肉骨茶, 簡直辣到痴線之前一直都食椰香咖央多士, 今日試埋海南鴛鴦燒麵包, 入面牛油仲凍冰冰, 一啖咬落去一冷一熱都幾正不過我個人黎講都係鐘意 椰香咖央多士 多d, 甜甜地又有椰香味…查看更多