Fi0n0n的個人專頁

早於一個月前訂枱，一直到前一日都冇人confirm booking, 要自己打番去confirm，都算，但明明已經remark 咗Happy birthday to XXX, 之後個甜品嚟到係冇寫到字，問佢佢先話寫字要加$40，我明明remark 咗問都唔問當我唔加，然後好尷尬臨時收番番去再加番，估唔到一間酒店內嘅西餐服務可以咁差。 野食係OK好食嘅，但服務咁樣成個用餐體驗都唔好，加上個杯都幾污糟，應該冇下次了。…查看更多

今日小妹生日，男朋友帶左我嚟呢度食生日飯慶祝🥰 叫左豐盛嘅set, 每一道菜都好好食！！係每一道！ 之前食嘅Omakase 通常都係好多壽司，當中都總有一兩道蒸品/ 湯品唔好食，但呢度既每一碟都好有驚喜好好食😋😋 特別係Tempura，炸得好乾身完全冇油， 刺身都好正 店員每一道菜都好有心機講每一樣食材黎自邊度，有咩特色，應該點食，呢點雖然好多餐廳都有做，但要有冇用心講係真係feel到，唔係背書咁。 見我地冇嗌酒，仲請我地飲左兩個sparking wine, 話亨下杯開心啲🥺 男朋友預先送左生日蛋糕過去，店員一齊出黎唱生日歌，加上餐廳本身預備既生日字，total 唱左兩次🤣仲好有耐性幫手拎番紥花，擺好蛋糕，幫手影相，好專業，本身坐窗口位，中途佢話bar枱話影相靚啲，問我地坐唔坐過去，服務真係好貼心😍😍 環境服務同野食都好正 下次一定會再黎架…查看更多

經外賣平台叫左呢間外賣，叫左冬蔭功湯，招牌生菜包，蝦醬炒飯，牛仔骨，未食過咁難食嘅泰國菜。生菜包啲肉碎超咸，當然我知道生菜包啲肉碎正常係重口味啲，配生菜中和先好食，但佢呢係包住菜都勁咸，係咸到想嘔果隻，完全唔想食。64蚊牛仔骨，只有一塊，成塊黎切都唔切，已經非常求其。 一食落口係完全冇味，仲非常韌其餘兩樣冇咁差，有40分左右啦，真係未食過咁難食嘅泰國野呢度total 三百五十幾蚊，真係完全唔值加好難食，唔會再食。…查看更多

去開灣仔附近，見呢間野openrice 評價唔錯，同埋都未食過日式撈麵，所以一試。 味道ok, 不過不失，但服務真係好差。 - 明明入面有位，喺門口拎位又冇人想理你- 入面有四人枱，但話兩個人唔可以坐，逼我地坐六人枱同4個人疊枱，最後食食下見佢安排左一個人坐四人枱😅- 連撈麵一齊放低左一個醬，我估係蜜糖？ 但佢冇講係咩黎，又冇教點食，咁我就估撈埋落去食算 - 但枱面有教你四部曲，可以加黑胡椒同醋，但我食左幾啖就埋黎收枱面調味料，收晒全部枱，但只係8點幾…. - 食左一大半好飽停低左，停左冇一陣，即刻埋黎話 係咪唔食架啦？就收左 其實我地都係8點幾食到9點，間野明明收10點，但感覺好似好趕收工唔想做生意咁，啲野食又唔特別好食，所以都係冇下次…查看更多

The worst service I have ever seen. The staffs are very rude to customers. Just like commanding the customers. When collecting the soup, simply say “take away your spoon’ and when serving the mussels, just say “put the shell on the plate!’ And the food are terrible either, bread is cold, soup is flavourless. Definitely will not come again. Very bad dining experience. …查看更多

八十幾蚊半斤既燒腩仔，竟然有四個邊位！！？ 斬晒d頭頭尾尾俾我，做生意唔係咁做架吓嘛？ 可以食既得四舊肉，仲要斬到大大舊，連埋一大舊骨擺落黎，邊位全部好乾好鞋食唔到，基本上半斤燒腩仔食到既得上排既四件，下面全部都係邊位頭頭尾尾食唔到既咁樣做生意都得，未食過咁差既燒味店，以後都唔會再幫襯。…查看更多

我諗呢個係我成世食過最難食既放題🤮 諗住係黃店支持下 但真係太難食而最厲害既係每一樣野食都係好難食刺身好差 極唔新鮮 仲有腥味 莫講話encore 連第一轉果d都唔想食我個fd食饅魚壽司 我食蟹肉蟹膏壽司 忍唔住lur左出黎 又臭又怪味諗住熱食會好d 但都係難食 芝士年糕成到成口油牛脷羊架都臭臭地 炒蟹霉晒 完全咬一啖就已經唔想食無論生野定熟食都出得好慢坐低落單半個鐘都未有野食落單混亂 數量亂俾 好多點左冇黎 一係俾多左未試過食放題食到未食飽都唔想食 食完仲要肚屙 埋單3百幾蚊 真係不可一不可再…查看更多

經過見到門口個甜品櫃d蛋糕好吸引 見佢做緊tea buffet 二百幾蚊一位 就入去食 食食下一半想拎甜品果陣 先發現原來甜品櫃唔包喺buffet入面！！！！ 淨係得枱面果d好hea既正方形切餅同杯裝mousse😕😕😕 仲要發現其實d甜品都唔好食 cheese cake 又實又硬䶢甜點加埋先得10款野食 要成二百幾蚊 火腿芝士牛角包 三文魚法包 碎蛋三文治 雞槌等等 全部都係又平又飽既野 仲要唔好食 中大伏😭😭伏到要即刻寫上open rice😭😭去d平價酒店食仲多野食 …查看更多

之前有朋友講過話呢間ok 咁去開觀塘就試下呢間既lunch 個fd去左廁所 我上去拎位先然後一去到差唔多坐滿不過都即刻有位 佢亦都冇話要人齊先入然後入去坐左一陣 睇下餐牌無啦啦有個女人 入黎話我 「你幾時人齊？ 我俾多兩分鐘你 再唔齊你就同我出番去！」 我食個lunch 都要俾人鬧😭😭😭雖然係繁忙時間 但係你又冇講明or寫低再者我又唔係坐你幾個字 都係坐左5分鐘姐服務態度咁差就算野食好食 都食得唔開心同埋其實我嗌左個K 都唔好食 （西冷扒 大啡菇 豬肉腸配薯蓉）未食過咁乾咁硬既牛肉 好似煲湯瘦肉😵我個fd個 肉眼扒就幾好食不過真係食到一肚氣😡…查看更多

第一次係open rice打食評因為我今次既經歷實在太唔愉快之前食過幾次lunch都ok咁今日打算再去食個lunch坐低左佢就俾個main menu我然後我問佢有冇lunch menu 然後個侍應聽完之後立即走開左 有冇都可以講聲姐😅然後我唔知發生咩事 再問過另一個侍應 然後佢拎俾我 再話烏冬 45號都冇 (簡單黎講即係稍為平少少既都冇 我唔信一大片魚生就有角切就冇😅） 都算啦 然後個侍應話嗌呢個menu比較耐(其實咪都係魚生飯🤷🏻‍♀️)要我地快啲落單 我睇都未睇😳同佢講睇睇先 佢又照企度唔肯走 咁就逼我好快咁落單 到最後送到份野食黎都唔係好耐。。Btw 食食下仲要食到塊唔知魚鱗定膠既野🤦🏻‍♀️其實間野打開門做生意 做到咁寒酸做乜 我寧願佢大大方方貼起門口話 從今起取消lunch menu 唔洗又有lunch menu又收埋唔俾人 menu上稍為平啲既又話冇 又唔係真係平 做生意做到咁真係好肉酸 以後都唔會再黎😡😡😡😡😡😡…查看更多