多啦尊的个人专页

心血來潮事件簿（46）今日適逢黎到大埔，打算同朋友試下大埔小食，之前見到有人係YouTube介紹依間餅店嘅蛋撻，就特意黎食下蛋撻係由曲奇皮組成，唔太硬，食落好有蛋味，撻身好挺身，唔易爛，唔會太膩，易入口，有好懷舊嘅味道，係香港真係買少見少，食多幾件都唔介意🤩不過一個蛋撻就好高卡路里😅（本尊近排要減肥所以就著重D🤣）今日大埔小食本尊就介紹到依到，希望遲D有更多機會介紹其他好嘅食品俾大家啦 多啦😼…查看更多

心血來潮事件簿（45）本尊和朋友食完午餐之後，突然想起之前係YouTube見過有人介紹依到歷史悠久嘅粉果佬，於是就去特登試下😁哇，果然一去到就大把人排隊，咁真係好出名喔😱等下等下，過左差唔多30分鐘到終於差唔多有得食啦😆本尊就叫左燒賣黎食，見到燒賣其實都係即場蒸嘅，於是都明白點解要排咁耐，加上望落去比起普通出面買嘅燒賣的確較大粒，食落更加有魚味，就更加覺得佢真係真材實料，係好值得黎依到一試👍係依D咁凍嘅天氣，食下D暖笠笠嘅街邊小食係好D，都好推薦大家黎依間老字號一試，得閒再介紹更多野俾大家多啦😼…查看更多

心血來潮事件簿（44）本尊再次和朋友到依間餐廳食野，比起上次餐廳嘅擺設都比去年唔同😔但係今次係疫情下佢地新開左抗疫套餐，於是就黎試下😼於是本尊和朋友就叫左個二人套餐😇餐湯感覺上味道OK，應該落左比較多薯仔，質地較結😃之後我地叫左煙三文魚雜菜沙律，份量足夠，三文魚同菜新鮮，沙律有落醋，令人感到開胃💫而朋友都對佢個慢煮雞胸沙律讚不絕口😝而個拼盤有好多唔同種類嘅Cheese，都十分新鮮同份量足夠，價錢同味道方面都合理，性價比高，值得一試🤘之後主菜嘅豬肩肉有薯蓉配置，果然好食，依個豬都煮得合宜，味道不錯，加30蚊就有啦🤓而牛方面材料中上，份量適中，味道普通，性價則就中上啦，因為加$50就有啦😼另外本尊同朋友都有叫個薄餅食，味道依個價錢黎講唔錯，足料之餘味道都唔錯。唔會有芝士太過濟，係值得一叫🌟而飲品嘅焦糖奶蓋咖啡就略為太甜，咖啡則偏苦，但杯係幾得意🤨而朋友則對佢杯抹茶讚不絕口，仲有兩個樂天熊仔餅係上面，好可愛🐻以本尊第二次黎食講，感覺以小店黎講都可以維持佢以往嘅質素係不錯，而且性價比都偏高，係依個疫情底下，真係辛苦佢地，希望大家多多支持，為佢地打打氣💪…查看更多

心血來潮事件簿（43）適逢本尊好友生日，見佢都鍾意一D打卡蛋糕，又聽講依間鋪頭係香港都出名，本尊就特意買左個蛋糕俾佢😝望落個蛋糕都真係好IG-able，而本尊都係買0.5lb，兩個人黎講都真係夠食，甚至三個人都得🤣蛋糕上面以蛋白糖，棉花糖都忌廉組合而成，一見到就真係想起個肥字😨然後入面有士多啤梨啫喱，朱古力蛋糕，同朱古力Crunch組成😎本尊就最愛佢個個朱古力Crunch嘅餅底，口感夠豐富🥳食落成個蛋糕口感均勻，唔會太膩或者太甜👍然後仲食到少少花香味添😇本尊極力推薦依個俾大家，不過你問本尊，平都真係唔太平，不過一分錢一分貨😃好啦，下次有機會本尊再介紹更多特式蛋糕，今次都係本尊第一次介紹蛋糕😝溫提大家想訂蛋糕記住早3-4日預訂，如果係指定時間攞唔到，店員都好好可以俾你係當日其他時間再攞，希望黎緊有更多機會介紹俾你地啦 多啦😼…查看更多

心血來潮事件簿（42）本尊今日忽發其想咁約左一位好友，佢一見到本尊，第一句就話「同你食野永遠都係意大利野🤣」數下數下又確真係，所以本尊今次又再一次同朋友食意大利野😂😂今次本尊和朋友就叫左個二人餐食，望落第一個頭盤就份量一般，但係材料質素都不錯，味道都唔錯🤓然後另一個頭盤就同上面個個唔同，份量多好多，青口都好新鮮，配搭個醬汁都好好食，但係就差少少白酒味，都係值得叫嘅👍主菜方面肉眼扒就普通，雖然我地叫medium，但係感覺未去到一個medium嘅級數，同埋唔係太配搭嘅醬汁，感覺一般🤨另一度主菜則口感唔錯，個菠菜汁都味道好好，配搭合宜，都算係我食過意大利雲吞之中唔錯嘅其中一道菜，值得去叫🤩最後甜品方面個蛋糕就比較濕潤，口感同味道一般，可能本尊個人唔太喜歡太濕潤嘅蛋糕🙂飲品方面，本尊叫左氣泡酒，不過本尊係酒鬼就覺得太少酒🤣但係以口感同酒來說尚可😂離開餐廳之後，眼見餐廳同商場都所剩無幾，就有感而發覺得依個疫情真係影響左好多各行各業，希望疫情快過，大家重投生活，多啦😿…查看更多

心血來潮事件簿（41）適逢本尊好友離港，朋友特意話想係臨走前飲茶，於是經過同事介紹，本尊就介紹佢黎大館嘅樂茶居😎一入去環境優美，仲有一股古色古香的味道😝真係好適合談天說地講一日🥰不過係依度食野，每人係要指定叫茶，本尊同好友就叫左每人一款茶☕️不過品茶就好似品酒一樣，都係有一個學問，而且佢依到嘅茶易入口，同埋會有唔同嘅香味聞到，就好似本尊個款，係會聞到橙嘅味道，實在令人驚奇😍之後就叫左上湯浸時蔬，味道普通😃煎釀豆腐本身味道清淡，容易入口，配料唔錯👍之後就係蘿蔔香菇水晶餃，雖然只得兩個但係非常足料，食落好有滿足感，值得Encore🤩黑松露燒賣好夠料，味道平衡得好好，唔會互相搶走各樣材料嘅味道，都係encore之選🤩洋蔥牛肉手抓餅有羅勒嘅味道，同Wrap 嘅味道有D似，不過味道就不是本尊所喜，所以就覺得普通🤨另外值得推薦的係薑汁小籠包同香煎鍋貼，小籠包湯味唔太濃，分別配合佢嘅醋同㴔汁就更加好味😋最後本尊同朋友點左蕃茄湯煮牛肝菌水餃味道都唔錯架🤩總而言之，本尊覺得依間鋪頭比起出面酒樓係味道同材料都唔錯，係值得推薦嘅一間酒樓，環境一流都係一個傾計聚舊好地方🤗下次有機會再介紹更加多美食俾大家啦 多啦😼…查看更多

心血來潮事件簿（4️⃣0️⃣⭐️）本尊今晚約左一位好耐無見嘅朋友去食飯，適逢佢好鍾意食韓國野，見到依間餐廳似乎不錯，就最後book左依間餐廳食係二人限聚令下，本尊和朋友叫左個芝士炒雞（原味）食，不過真係好大😱，大到本尊同朋友真係擔心食唔完，而事實係真係食唔完😵，就性價比黎講，絕對係高。而味道方面，主打的芝士炒雞味道唔錯，帶有微辣，芝士好足料👍其他則正常發揮😃之後，本尊和朋友就叫左兩杯smoothie，分別係strawberry同blueberry smoothie，真材實料，好味，絕對抵飲🤪最後，小食方面就叫左芝士條😎味道普通😃今日就介紹到依到，希望遲下有機會本尊再介紹更多美食俾大家，係疫情下，大家都要健健康康吖，多啦😹…查看更多

心血來潮事件簿 (39)適逢本尊減緊肥，不過當本尊跑完步，個肚總係不知覺會叫本尊塞D野落肚，行下行下，就不知不覺行眼前嘅餐廳，就心血來潮咁入左去食🤪簡簡單單叫左D唔係好肥但係又飽肚嘅野就係以下依個雙層照燒牛肉漢堡（咁大家都知點解我減肥咁難啦）😅同配個餐要左兩件疑似麥樂雞黎食😂不過本尊都有節制，有乖乖咁叫健怡可樂黎飲（0卡路里🤪）簡單點評一下，雙層牛肉漢堡相等於M字頭嘅安格斯漢堡就真係略遜一籌，不過勝在有汁配合，但係偏甜，不過依個價錢就普普通通啦🤨而另一個好似麥樂雞嘅就真係比原版略遜，雞肉略硬，口感普通🤨不過就性價比黎講就都係普通啦😕好啦簡單點評完，下次本尊有機會再介紹其他美食俾大家 多啦😼…查看更多

心血來潮事件簿(38)今日本尊減肥成功幾個月之後，心血來潮想飲杯野，於是就去探索一下附近有乜嘢好飲嘅鋪頭，結果就發現左依間鋪頭係減肥前，本尊十分鍾意飲奶蓋茶（可能就係因為依樣嘢令到本尊要減肥😢），所以今次見到鋪頭有芝士海鹽奶蓋玉露茶就買左落黎飲啦🤪結果一飲茶味好夠，奶蓋好足料，甜味啱啱好。😍見到得兩個人打理鋪頭，本尊都覺得十分心痛，知道係疫情期間小店確實難以經營，希望大家都可以多多支持佢地😢（雖然可能要等耐D，店主都好好，有特登同本尊講聲唔好意思，有幫等得比較耐嘅人俾凳佢地坐，好有人情味，本尊都覺得等得耐都係十分值得👍）大家得閒不妨去支持佢地💪加油🥳…查看更多

心血來潮事件簿(37)難得本尊今日放半日，特登黎到大館依間新開餐廳試下，見IG嘅Post都有講到依度D咖啡好IG-able，於是過左黎一入到去，食物嘅款式雖然唔係好多，但係最後本尊選左鰻魚飯同試下依到嘅抹茶Latte🤪鰻魚飯真係唔錯，有入口即溶嘅感覺，佢其他配搭都好好，味噌湯有蜆係入面更加令個湯嘅層次去到另一個階段，突出大蜆嘅味道，材料同味道黎講絕對係滿分，不過就午餐性價比黎講，就稍貴左少少🧐當然另一杯就係佢個抹茶Latte，入落去甜到適中，亦無普通出面滿口抹茶粉個個質感，不論係味道同口感都恰到好處，係令人值得回味嘅一杯飲品😼希望各位有機會都可以黎到大館依到休息一下，飲杯咖啡，坐下，望下出面嘅風景，都幾寫意架😙有機會再介紹唔同嘅餐廳俾大家啦 多啦😉…查看更多

心血來潮事件簿 (36)適逢慶祝好友結婚，今日本尊同朋友特意黎依間餐廳食牛扒，其實依間餐廳本尊想介紹好耐，本尊黎依間餐廳食左7次，簡直係本尊平生encore得最多次嘅餐廳，因為佢嘅牛扒真係好好食🤪好食到乜嘢地步，係連我加拿大返黎嘅朋友都話好食，本尊嘅朋友生活係個到幾年，食盡當地美食，今次返黎佢講左好多次唔食牛扒，係因為佢認為香港無邊一間食扒嘅又抵又好食，而佢食完之後都讚不絕口，所以真係值得推介$318 包沙律，牛扒同任添薯條，本尊認為最好食就係medium-rare😋極力推薦大家去食，多啦😼用火維持牛扒嘅溫度，牛肉肉汁夠，配搭合適，簡直已經係無辦法用言語形容🤩有機會本尊都想試多次😎等本尊得閒再介紹更加多好西俾你地啦多啦😼…查看更多

心血來潮事件簿(35)適逢本尊今日遲左放工，有時間搜尋一下附近美食，咁啱見到網上有人推薦依間漢堡店，就打算入去食下☺️一見餐牌，見到有好多唔同種類的漢堡，而最平都只係$93！🤩見到都覺得抵食🥳本尊問問店員，佢就即刻介紹左佢地嘅signature burger 就係英雄漢堡😝哇！望落都真係幾大份，薯條都係粗薯條，又有好多條😋一見個漢堡攞上手個下都真係要兩隻手先攞到，整大個口都食唔到全部，完全物超所值🤣同埋佢個牛好多汁，配埋佢個蛋好Perfect😍店員仲同我講佢地入面用嘅蜜糖芥末醬仲要係自己整！🥰配合得非常好，真係正到傻🤪仲要去佢鋪頭買嘢有口罩送埋，依D咁好小店究竟要去邊到先搵到😢本尊極力推薦大家去依間鋪頭食！又平又好食，香港好難搵到！好，等本尊得閒再介紹更加多好嘢俾大家，下次見😚多啦😼…查看更多

心血來潮事件簿 (34)今日適逢本尊約左朋友出沙田食，但係朋友突然話想食Good food，所以佢就帶左本尊去食沙田的Pici🍲本尊曾經食過尖沙咀同中環的Pici，但一直都未食過沙田的，適逢朋友介紹，就都想不如去食下啦🤪原來Pici的Brunch有套餐，每人都只係$168，比起夜晚個sharing menu平得多，有麵包，一個starter，一個pasta，一個dessert，同一杯drink於是本尊就同分別叫左依D食物以上的食物係我第一次係Pici食，順帶一提，Pici係唔同分店都有少少唔同的menu，大家食完一間有興趣，所以去佢其他分店再食，又有另外一番風味😚依個Mozzarella Fritta內裏雖然充滿Mozzarella Cheese 但本尊認為熱度欠奉，食落唔太有口感，不過配佢個醬就更加有唔同口味，本尊會評大約3/5😐之後依個 Truffle Beef Tartare 要加$15，但個Truffle sauce同個Beef Tartare就好夾，彼此都相互配合，本尊會評4/5😝然後依個Homemade Meatball就普普通通，不過不失，本尊會評3/5😐去到Pasta，上面係Tangiolini，份糧適中，唔知係咪唔夠熱的緣故(?)，感覺唔係太特別，本尊會評3/5😐之後到Tagliatelle，面身偏硬，入面有Bacon同肉醬，食落幾有口感，本尊會評4/5😝其實除此之外，我地都有叫Orecchiette同Chitarra，不過本尊有點兒飽嘅關係，就沒有吃太多，大家可以去到再嘗試一下總體黎講，食過三間Pici，本尊比較推薦尖沙咀Pici，不論服務，氣氛同食品質素都相對較好，建議大家可以去嘗試，同如果各位有興趣唔同嘅menu有咩分別，都可以去佢不同分店再食，遲下有機會，本尊再分享更多俾大家，多啦😼…查看更多

心血來潮事件簿(33)適逢疫情過後，本尊都好耐未有機會同朋友聚餐，咁啱友人生日，於是本尊就黎試這間店，一到，真係有好多人排😱今次，本尊叫左佢嘅熱溶拉可雷特芝士漢堡🍔以賣相黎講，佢同幅相有少許落差，但勝在夠大份，味道還算不錯👌本尊依個套餐加多$30多元就有飲品，薯條及酸瓜，價錢方面上算合理🤔不過令我最欣賞的係，職員嘅驚喜做得非常好，咁啱本尊嘅友人生日，正當本尊同友人以為大家夠鐘要走的時候（因為佢限時一小時），職員突然送上本尊留下嘅蛋糕（但我並沒有提示職員送上😂），令到本尊同友人都感到十分驚喜😆依種態度值得加分👍不過係依到，本尊提提大家鋪頭要人齊先可以入，不過都建議大家早去排，因為都幾多人排隊😅同埋切餅費係一個蛋糕$50🤪好啦，下次有機會本尊再同大家分享更加多不同嘅美食啦🤪…查看更多

心血來潮事件簿(32)🤤本尊好似石沉大海左好耐，今日終於有時間出去食下野，係而家依個重要時候，大家記住一定要為己為人，帶口罩，同勤洗手。😷今日本尊同朋友黎到依間身處大埔新開的小店，一入到餐廳就望見熟悉的畫，令人不禁回想起這一年來所發生的事。🧐本尊和朋友都不是一些大食的人，唔知點解胃口細左😢，所以最後就決定點以下的食物🤩首先，本尊和朋友點了脆炸粗直薯條配黑松露蛋黃醬🤪，食落個薯條好好食，厚切同粉多，然後奇特嘅係黑松露蛋黃醬非常合拍，將個薯條昇華到另一層次，絕對係小食必點👍之後，好快就有另一樣嘢上菜🤪，就係芝士凍肉腸拼盤，想不到價錢非常便宜，都只是$88，平常其他餐廳都一定過百，所以最愛芝士的本尊都建議必點🥰好快又有多一樣上菜😙慢煮紅酒燴牛面頰🐮說真的，四個字，入口即融😼所以本尊建議菜到要立刻食，同埋佢個自家製牛油薯蓉作為配菜好好食，同樣價錢都係非常便宜🤑仲有依間餐廳令本尊最眼前一亮的地方就係佢嘅手工啤酒，真係有多唔同款選擇，本尊與朋友都係酒之鬼，所以就點左四支🤤最後當然少不免甜點類別，有點可惜的係當日有兩個甜點無😢但係另外都相當不錯係抗疫時候，當然要注重個人衛生，本尊好記得這間餐廳好體貼問我地有無自備膠袋裝口罩，無會俾一個我地，咁樣嘅餐廳點可以唔大大力支持😚絕對值得Encore💕💕難得本尊重出江湖，希望遲下有機會會再向大家介紹多D港式美食，多啦😸…查看更多