LC29的個人專頁

當日打電話book位已經full左只可以walk-in ，1:40去到都仲好多人，都等咗大概15至20分鐘。叫咗軟殼蟹和牛漢堡，海鮮冬陰意大利飯，半隻香茅烤雞同埋香芋椰子pancake。份量比較少，三個人叫咗3個 main一個甜品都唔係太飽。整體味道都唔錯，係一間打卡嘅餐廳。呢個意大利飯勁小應該冇一碗飯，但係味道唔錯。有隻大蝦🍤我最鍾意係呢個軟殼蟹和牛漢堡，雖然軟殼蟹唔係幾夠脆。烤雞最好食係佢嗰汁， 雞味道可以但係裏面唔熟。呢個pancake係跟一個芋頭味嘅汁，唔會太甜。…查看更多

今日想食酸辣米線嗰啲，由太子行到去旺角都仲未諗到食邊間，後來就諗起貴川嘅炸魚片。叫咗酸辣麻辣紅薯粉加炸魚片，點知原來已經同以前唔同曬。變咗炸魚片頭仲要好多油，唔熱嘅。飲埋野埋單 $48 …查看更多

天仁茗茶係我嘅Top 5之一，大熱天時行過一定要飲返杯 🧋 叫咗簡簡單單嘅珍珠奶綠，今次叫咗微糖但係比平時淡咗，啲珍珠冇乜甜味同埋啲冰打得唔夠碎。但係杯茶依然係咁好飲 ！ …查看更多

諗唔到食乜，突然間諗起佢個菠蘿包就揀咗去呢間食。叫咗個常餐，雪菜肉絲通粉再加左個鮮油菠蘿包。其實淨係想食佢個菠蘿包但係冇理由晏晝淨係食個包。個通粉就正正常常冇乜特別，菠蘿包係大大個再加一片厚身嘅牛油 😍 …查看更多

星期六早上11點前去到，好多枱唔洗等，但係好多張枱已經Reserved。四個人一共叫咗八樣嘢，份量嚟講比出邊茶樓小嘅，所以叫咗八樣嘢先啱啱夠飽。衛生方面見佢哋會用分開兩塊布抹枱，都幾乾淨。埋單$460用咗四張coupon，即係$260 ！ 抵 ！ …查看更多

叫咗特色仙草百配 $26，抵食！出面食碗糖水閑閑哋都要 $30幾蚊。平時唔太鍾意食甜嘅嘢，呢碗食落又唔會太甜。都幾多人買外賣但係唔使點等好快有得攞。我比較細食，兩個人食一碗份量啱啱好。…查看更多

叫咗黃金軟殼蟹長通粉！未食過咁細嘅pasta ，係一人迷你size 。Pizza 兩個人食都勉強可以嘅，最抵食係$10隻生蠔🦪 。冇draft beer得bottle 或者罐裝。如果想食得飽一定要叫每人一個main 再加啲頭盤同小食。人手不足，想叫嘢要等好耐先叫到人。…查看更多

Set lunch, $40幾蚊兩個餸仲有埋嘢飲！係幾底食嘅，但係唔好食囉。完全唔係亦都唔似正宗越南牛肉粉嗰個味道，如果你唔諗越南牛肉粉，當佢係一碗普通嘅牛肉河粉就可以 ！失望嘅越南牛肉粉 😔…查看更多

睇社交平台見到個video介紹都幾吸引，好有特色，創新同埋多元化，半自助餐打邊爐加燒肉放題，乜都有得食咁。係就係好平字，不過係俾啲好劣嘅食材。最奇怪嘅係個韓燒爐要加牛油紙喺底，搞到啲油癡晒落啲食物度，油琳琳！只可以講一分錢一分貨😒…查看更多

喺商場入邊都好方便，地下可以搭lift直上到去。Lunch set都幾抵食，叫咗個生牛肉粉$65 加$8可以轉特飲。飲品我叫咗青檸梳打，叫咗走冰點知梳打水係唔凍嘅 😒 星期六人手唔夠，去到門口等攞位等咗一陣先有人帶位。叫嘢食都係一樣等咗好耐先有人serve。整體味道同埋價錢嚟講可以。…查看更多

今晚特登過嚟觀塘食呢一間台式小店，係一間喺工廈入面嘅餐廳。我哋七點前去到仲有好多位，上餐嘅速度都可以。但係走嘅時候好多人喺出面排隊，平日來講都算多人！鹽酥雞比較大件，如果切細件啲會好啲，啲雞就無乜味，唔夠鹹，一定要加鹽酥雞粉。最好食係麻辣鴨血麵，鴨血好入味，湯底唔算非常辣 (小辣) 平時少食飯嘅我都覺得呢碗滷肉飯唔錯！ 黑糖綜合芋圓，如果唔食得好甜千祈唔好叫，呢碗野係甜到飛天!!!!! 成碗野都係超濃郁嘅糖水，食咗四分一已經食唔到。…查看更多

叫咗兩餸嘅酸辣米線 🍜$38 ，必點招牌春卷同埋墨魚丸。一碗兩餸米線來講都算抵食，出面$38食唔到兩餸。招牌春卷係我每次都會點嘅，未試過墨魚丸今次就試吓，墨魚丸有啲失望，裏面冇墨魚 🦑 食落有啲實。酸辣湯底如果可以再辣啲就好啦！12點前去到，坐得疏疏落落幾舒服，一人一張枱。…查看更多

叫咗個炸雞髀薯條🍟，等候時間唔算耐。隻雞髀返到屋企都仲係新鮮熱辣，不過就太多油，啲薯條同埋個外賣盒底都係油。味道算OK，隻雞髀唔會炸到乾晒食落仲有肉汁。唔係好抵食 ，加咗凍飲埋單$40 💰…查看更多

住喺樓上好耐冇食，對上一次食已經係幾年前嘅事。今日下午茶時間有啲肚餓突然間諗起不如食車輪餅。就買咗個伯爵麻薯囗味，麻薯係幾有新意嘅，唔知係咪我揀錯口味覺得非常一般。…查看更多

去完海港城行街就諗住用Dining B Coupon 食嘢，最後揀咗呢間。兩個人叫咗一碗雲吞麵同埋一碗牛筋麵，真係細得可憐🥺 大過個飯碗少少咁多🤏雲吞同牛筋味道都唔錯，雲吞係一蚊銀嘅size 😒如果想食得飽起碼每人要叫兩碗。衛生方面有待改善，收碗職員帶住同一對手套比調味架我，感覺唔係咁良好，睇住佢收碗然後又再比嘢我。…查看更多