gigichi84的个人专页

相信大家如果以家有去開旺角女人街都應該會見過呢間野，一直都唔知食咩同怕唔好食，所以咁多年黎都無勇氣入去試下！難得星期日去果欄行下，點知一出油麻地地鐵站就肚餓，為有睇下附近有咩食啦！比我見到呢間應該新開無幾耐既大家食，見佢門面幾新淨企理，就一於入去試下啦！原來都幾多野食架喎，有唔同既套餐又或者可以好似譚仔咁㨂餸同面！我就㨂左手攪面加狀元骨同鹹腩肉，仲加左$4轉做茄蛋湯底！茄蛋湯底真心好味！但骨同肉就普通... 無太特別！面底都足份量！下次會再黎食，要試下個削面先！呢到竟然有驚喜！…查看更多

唔係好肚餓但都要食晚餐架，就諗起世貿有間元氣，咋咋臨用手機app拎位先！一行三人去到等位都要等大半個鐘先有位，可能係假日關係啦！以家大部分元氣分店都已經用新裝修，用高速列車送壽司比客人！慳番唔少人工費一般刺身壽司🍣都有！係唯獨三文魚腩搵唔到，可能我眼大睇過龍！最喜愛燒魚背壽司同吞拿魚蓉壽司🍣仲有軟殼蟹手卷，必食！另外仲有點了枝豆、蒸蛋同烏冬，後兩樣都好味！！如果枝豆有熱食就梗加好啦！壽司果然一年四季都岩食！…查看更多

年近歲晚，去開上環海味街辦年貨，就順便黎呢到食下點心啦！去到大約兩點半，已經有條小人龍，好彩等位時間大約15分鐘就有位啦！店內座位比較淺窄，唯有快食快閃！三個人點了八個點心，北菇滑雞飯，糯米雞，蝦腸，菠蘿叉燒包，蒸流沙奶黃包（有炸的），雞扎，煎蘿蔔糕同埋菜苗餃。本人最喜歡就係個北菇滑雞飯，本身個飯送上枱前已經落左豉油，所以唔需要額外再落！食到最底唔會好似外面咁有層油係個底到點心都算快上枱，味道幾好，食完唔會有油腻感！…查看更多

天氣轉冷就梗係要去打邊爐啦！！已經去過禾牛薈幾次，今次人數多，所以朋友一早訂左間私人房，房間大仲有電視睇，可以坐十幾人！打邊爐前叫左兩個熟食，蜆介鯪魚波同炸雞軟骨。湯底㨂左兩個，一個牛雜湯，另一個蕃茄薯仔湯。因本人唔食牛，所以不能比意見啦！蕃茄薯仔湯真材實料，味道夠！食物方面點左豚肉、本地牛、皇帝菜、手打墨魚丸、豬潤等等... 最特別係有豬心！第一次食豬心，味道幾好，口感爽脆！仲有水晶粉，放入湯底滾一滾，吸收哂湯水，好味！遺憾食唔到水晶包！！下次訂位一定要留左水晶包先！！…查看更多

路經葵廣，例必周圍行下發屈下新食店，係地下發現到呢間新開既食店賣越南小食，店名蜜越，蜜月？So sweet! 有我既至愛撈檬！！可惜之後要食晚飯，今次與它無緣... 但都有試下其他小食，越南春卷，牛油雞翼，炸蝦餅仲有未飲過既牛油果沙冰！（掛住食，唔記影相！）炸物真係現場即炸... 所以等候時間就要耐少少... 可能新開關係... 但店主也好有禮貌咁叫我地等等同講唔好意思... （原來食店是由兩位甜姐兒開的！）下次再有時間經過都會再去試食其他產品！…查看更多