jacksonchow的个人专页

以前每年都會同朋友一起去泰國玩，因為疫情已經好耐無外遊了，好懷念D泰國美食，所以大家決定出黎吃下泰國菜同聚下，朋友係要見架嘛～大家先決定去北角，該區有唔少泰菜餐廳，但想坐得舒服方便傾計所以選了係和富商場既 orange elephant. 地方夠大又乾淨，橙色格調夠醒目，佢有幾張大圓檯又好坐又方便傾計～我地點咗青木瓜沙律，猪牛串燒，冬蔭功湯，加一元換黃咖哩雞，青木瓜沙律好吃夠爽脆，可以走辣，佢D小辣都好辣，串燒正正常常，冬蔭功偏鹹，但整體表現唔錯，價錢合理～…查看更多

香港想吃高級既吉列猪排有好多選擇，多數要二佰幾無限添加，我會選擇吉豚屋因為價錢比較平民而且份量足夠我吃，唔需要添加。佢D套餐介乎係50至100之間，已包括有猪排，豚肉湯及飲品，另外可加錢加炸蝦添～依家除咗猪排外仲有雞同牛既選擇，飯以外可以配烏冬。佢經常會出新餐例如壽喜燒。我始終都係覺得佢既吉列猪比雞牛整得好吃，我尤其鍾意吃佢D咖哩，覺得撈飯吃係好好味所以先咁貴，其次就係豚肉湯，每次去都要加大，因為細碗唔夠喉，特別推薦俾大家…查看更多

四寶食堂早餐一直都好，由舊鋪吃到變新鋪。新鋪裝修靚，空間都大咗好多，環境舒服好多。四寶吃早餐選擇好鬼多，今次介紹下佢三個早餐，先講下個火腿通心粉，火腿絲分量正常唔會話俾好多，湯底夠濃，通心粉夠彈牙，係唔錯。沙爹牛肉麵D沙爹夠濃加落D湯同麵味道幾好，牛肉就一般，唔覺係鮮牛肉，麵都係一般既光身麵，無咩驚喜，炸魚柳真係好鬼大塊夠抵食，魚肉質地就一般啦。三個都可以配太陽蛋或炒滑蛋，炒蛋都俾足2個蛋份量，好誇張。方包仲可以加一元轉多士或奶油猪，好低。價錢同出面連鎖快餐店差不多但質素就好好多～…查看更多

呢間馬祖間鋪之前都係吃台灣野好似叫台北101咁上下，發生過火警之後就無做，之後就轉咗做馬祖。由於大體裝修沒有什麼改變，令到我無特別關注佢。直至前排行開天后又咁啱經過先發現間鋪頭轉咗。反正未吃 lunch好奇心驅使下，我就入去試一試，睇下係咪同之前個間一樣。打開餐牌好彩唔一樣叫咗蕃茄米線同三杯雞飯，個米線係大碗又蕃茄湯底又夠濃，好好吃，由於個量比較多，女仔有機會吃唔哂，至於個三杯雞飯呢，D雞肉係好食好入味可惜D飯唔得同埋D汁唔夠，令到碗飯比較乾，埋單大約100,算係抵食，所以要求不多～比較推薦吃麵…查看更多

係觀塘返工既朋友仔都應該體會過放lunch搵食係幾咁麻煩既事情，因為真係太多人集中係個頭返工，搞到次次出去吃都用咗唔少時間用咗黎排隊，變相得番好少時間去享受個 lunch。factory99位於一間工廠大廈一樓，由於係工廠大廈所以佢裡面係非常大有大量的坐位，令到等位時間縮短唔少，加上佈置都幾靚，枱係厚木相當不錯。我今次叫咗個 lunch set牛肉漢堡配薯條，講真個薯條真係麻麻地，同outback差太遠，個包就好唔錯，D牛肉好足料好夠牛味，醬汁又好味，你仲可以要求佢換個包做香草包，不另加費用，餐湯羅宋湯好濃味，仲包餐飲，凍飲不另加費，埋單無加一，算係好抵食，推介大家去吃下…查看更多

以前係銅鑼灣返工，鵝頸橋街市有兩間我經常幫襯吃 lunch, 其中一間就係九記，每次去到見到條長龍就係九記，證明有幾多人鍾意呢間野。今次好彩係2點後去吃，叫做唔太難搵位，佢除咗有湯麵仲有撈麵，我個人比較喜歡撈麵，其實湯麵都好吃架～我今次叫咗2個麵底，粗麵加油麵，連個碗都要大D既，基本一個麵底配三個餸係34元，非常抵食。佢D餸都好好味，首推魚餅，大大塊好夠味，D牛根煵煮得又焾又入味，份量又多，冬菇又肥又大又入味，呢個價錢吃到又好味又飽肚既車仔麵，相信唔多地方可以，值得經常去吃…查看更多

有朋友話我知北角滙1樓牛牛日式火鍋料理旁邊開咗間吃酸菜魚的，今日特登去試下，去到已經係下午3點，攞咗飛見到大把位都無人叫號，等咗好耐，有個唔知係咪侍應既哥哥見我無人理就叫我去坐某一張空位，真係好服務叫咗個招牌酸菜魚下午茶餐，有酸菜魚鍋配白飯，個酸菜魚鍋賣相同味道係唔錯，不過D魚肉片係寥寥可數，即使我吃哂碗飯都係依然唔飽，其實我唔介意個餐貴番D俾多幾塊魚肉片我送下飯咪仲好。個餐無包飲品可加十元加野飲，我吃完叫佢先識得俾杯水我飲下，今時今日服務態度真好…查看更多

係疫情同防疫措施影響下，D食肆真係好難做，尤其係遊客區D有名食肆。今日行過銅鑼灣outback，佢做緊堂食同外賣優惠，外賣優惠比堂食低但我都係選擇堂食因為個地方係幾好坐。我係下午2點幾去吃唔使等位，我估係lunch時間一樣要排隊。睇番個 set menu明顯價錢係平咗，因為標名打咗折扣，不過個 set就無咗沙律，即係包餐湯，黑糖麵包(依然係無限添加)，主菜同一杯飲品。今次叫咗凱撒沙律同豬仔骨，outback d餐湯一向都咁濃郁好飲，凱撒沙律D菜幾新鮮，D蝦用胡椒煮過好好味， 唯獨沙律醬不足夠， 撈得唔係好勻循， 豬仔骨係配薯條嘅，等我先講下outback嘅薯條我一直覺得好有水準好好味， 大大條唔似得嗰啲快餐店嗰啲又細又瘦呀， 個豬仔骨唔知係咪因為價錢下調個問題令到佢份量比以前少冇咗幾啖肉食， 不過個味道依然係好味既。 食完個餐依然覺得唔係好夠飽，再叫多個黑糖麵包食， 如果冇做特價嘅話我覺得應該係會食得飽嘅:(， 依家免費會員(App申請一日後先生效，請提早申請)埋單仲有九折，真係世界難撈…查看更多

今日有事過海去佐敦，諗起之前係尖沙咀吃過殿大喜既午餐，覺得唔錯，今次就試另一間係尖沙咀既大喜屋，同樣都係一點半後有半價優惠，我地早十五分鐘到咗，諗住係門口等陣先，待應話可以入去坐住先等夠鐘先落單，服務好體貼，好人性化，值得一讚。坐低待應就立刻上麵鼓湯同沙律俾我地吃住先，午餐有好多款揀，我地叫咗鰻魚飯配雞翼同火炙壽司，蟹肉丼配吉列猪扒。D鰻魚同雞翼整得幾好食，其他都正常，甜品size比較細但味道ok. 每人包一款自取飲品，午餐份量偏大怕你餓親埋單都係八十幾，邊度搵～…查看更多

香港地吃早餐既鋪頭非常多，不同款式都有，豐儉由人。茶餐廳，粥鋪，Cafe, 連鎖快餐店，選擇非常多。我就最經常去餐記同大家樂吃早餐。咁啱屋企隔離間大家樂裝修完，環境好咗好多，仲多咗兩部點餐機，方便落order唔洗排隊每次去到第一樣野一定係要擺位先，因為經常好多人，之後先去order早餐，款式選擇多，有中式西式，叫咗個牛油餐包，炒滑蛋配牛尾湯紐紐粉，同炸魚柳餐。黎大家樂最主要係為左個牛油餐包，一大片牛油夾餐包既邪惡又滿足，不過個餐包好似比以前縮咗水，個滑蛋加咗牛奶炒都唔差，其他一般正常，個檸檬茶D檸檬又多又大片真係太客氣了…查看更多

沙爹王係我學生時期既飯堂，個時D野吃又便宜，款式又多又好味，分店都好多。不過依家吃沙爹王就一D都唔平，分店少很多但係食物水準都保持到，一樣咁好味。行開銅鑼灣想吃個下午茶，走咗去黃金廣場吃沙爹王，真係幾時都甘多人排隊等咗差唔多二十分鐘終於有位，立即 order咗個下午茶餐，當然係要吃個輕量白咖哩猪扒飯啦，加個雞軟骨小食，白咖哩汁，猪扒同飯係分開既，自己想落幾多都得。猪扒都有兩小塊，炸到剛剛好，軟硬適中白咖哩汁味道濃郁，令人吃上癮，其他食肆都有白咖哩但係始終做唔到咁好味，飯量同正常差不多，唔似係輕量，加埋杯冰紅茶，好滿足，每次有海外朋友來香港，我都會帶佢地去吃沙爹王，個個都讚好…查看更多

前排去咗灣仔電腦城買咗部新手提電腦，商場送咗張甘味讚岐烏冬既100元coupon, 今日就攞住佢去銅鑼灣皇室堡個間用咗佢。去到門囗唔駛排隊就入得，同樓下牛角排哂隊既情況差好遠。D午市定食定價相宜，大約都係六七十元左右，叫咗個什錦猪骨湯底烏冬因為睇相唔錯，結果是相當失望。料份量就好足啦但係除左個烏冬麵比較正常外其他都低於正常水平。湯底淡而無味，個流心蛋比較散，炸蝦完全無蝦味，炸猪扒太乾太柴，片腩肉一樣又老又乾，好彩係用咗 coupon, 俾正價我實喊出黎…查看更多

小弟近排去咗佐敦上堂，因為疫情關係午飯時間有人數限制及有D食肆直情唔開，所以搵食艱難行行下俾間吃日本拉麵個拉麵湯底吸引，係雞湯底呀！平時吃D拉麵都只係猪骨湯底，真係從來無諗過會有雞既湯底，可能係我孤漏寡聞叫咗個午市套餐，猪軟骨雞湯拉麵同埋加個小食苦瓜餃子。湯底雞湯味濃，D麵夠晒彈牙爽口，份量足夠，係D配菜比較少。個苦瓜餃子真係吃得出D苦瓜味，好鬼特別，苦得黎又幾好吃，如果大家有機會幫襯就記得去試一試啦。整體黎講黎間真心推薦…查看更多

有日行過炮台山附近見餓餓地，突然想吃D粉麵，見到間越南餐廳就入去試試。裝修顏色配搭唔錯，採光度就夠高。下午茶餐D粉麵款式豐富送熱飲。我叫咗個香茅豬扒金邊粉，原本係河粉要改粉麵落單時同侍應講就得，可加錢加大粉麵個份量。個粉一上檯，我習慣先試個原湯底，個湯底鮮甜夠晒濃，之後再加埋D青檸同辣椒湯底又係另一個層次。香茅猪扒炸得啱啱好，香脆，肉厚味濃好好吃美中不足係D金邊粉比較散同唔夠彈牙，要扣D分:((野飲一般般無咩特別～大家行開個不防去試一下…查看更多

今日行去北角滙試下牛牛日式火鍋放題，由於不太肚餓所以試咗個成人118個放題，118雖然只得一個小時，其他日式火鍋係一個半小時，不過就包含了猪同牛，我記得以前仲包埋羊。湯底方面有齊基本那幾款，時不時會有特別口味，好似今次有麻辣酸菜魚味，不過我都係吃番最鍾意既甜豉油味環境方面好唔錯，大玻璃窗望街境採光好， 座位舒適，最欣賞佢嘅係一人一鍋，可以有自己既湯底，或者有啲人唔食肉嘅話就唔使怕。 佢哋嘅豬肉係丹麥豬所以口感非常好，牛肉都不錯， 醬料方面選擇配搭豐富， 丸類選擇雖然唔多反而蔬菜種類繁多新鮮，對我嚟講已經足夠， 甜品同埋飲品方面選擇就比較少但係雪糕係 moovenpick , 所以無所謂啦～喺限時內食曬啲嘢買單仲有95折添 …查看更多