weieateat1234's Profile

趁11點半早少少出去食lunch搵到間cafe開11點坐低傾下計lunch set 包湯或沙律加飲品。飲品好多唔同款，可以叫flatwhite, dirty, cappacino同埋其他特飲。西京燒比目魚 - $188(set) 🌕🌕🌕🌖🌑見佢餐牌推薦就叫左份魚，份量好多，有2大塊，仲有沙律，菇同自家製薯蓉。菇好香同juicy; 自家製薯蓉留左少少無打爛哂，咬落有顆粒感，唔會一patpat; 沙律就不過不失。至於主菜，比目魚煮得岩岩好，魚肉好滑，味噌味濃郁。海膽味噌蟹肉意大利面 - $178 🌕🌕🌕🌕🌗見到相呢個好吸引 於是決定散叫都要試下一試無失望！海膽好好味 蟹肉多到😍 重點係 食哂成碟都唔覺得漏 蜜糖芥末炸雞粒 - $38/9粒 🌕🌕🌕🌕🌕一口大小 脆脆的 一咬落去肉汁就流出黎一啲雪味都無 3-4人share食都夠Dirty - 🌕🌕🌕🌗🌑 & Espresso cucumber tonic - $48 🌕🌕🌕🌕🌑Tonic 好清新 一飲落去青瓜味湧上黎 適合夏天消暑既飲品…Read More

平時啲居酒屋都好貴嗰日經過見到做緊兩百幾蚊一個餐咁多嘢食，仲有嘢飲任飲我就俾佢吸引咗入去啦佢個Menu有10道菜，跟住仲有清酒同埋其他嘢飲任飲魚生他他沙律- 🌕🌕🌕🌖🌑這家餐廳的魚生他他沙律魚肉鮮嫩，搭配他他醬的酸甜味道，令人胃口大開！三色刺身有三文魚、吞拿魚和八爪魚，每一種都新鮮又美味，特別係三文魚。三點壽司（海膽、墨魚和油甘魚）- 🌕🌕🌕🌑🌑海膽新鮮無苦味，墨魚同油甘魚都出色，食得出都算新鮮。海鮮茶碗蒸-🌕🌕🌕🌖🌑海鮮茶碗蒸是入面海鮮種類同材料都多，食落口啖啖肉，同個蛋融合一起，食落好夾。雜錦海蝦天婦羅和櫻花蝦唐揚炸難-🌕🌕🌕🌕🌑居酒炸物就好緊要啦，因為要送酒呀嘛，兩道炸物料理都炸得金黃酥脆，海蝦和櫻花蝦的口感鮮美，爽口彈牙。蜆貝麵豉湯-🌕🌕🌕🌗🌑最後，蜆貝麵豉湯是一道溫暖又濃郁的湯品，蜆貝的鮮美口感配上麵豉湯的香濃湯底，吃起來超舒服超滿足的。總體而言，食物質素唔錯，份量岩岩好，食完都夠飽。食物會逐份上，有清酒任飲，係同朋友聚一聚，傾下計既好地方。…Read More

係荔枝角AEON見到入面開咗間新嘅燒肉成日都見到排晒長龍仲諗緊究竟有乜特別於是今日趁早放工，五點幾冇乜人就去試吓見佢呢間主打啲一人套餐咁我地兩個人就叫一個平一個貴嘅試吓人氣牛肉三拼套餐 $128 -🌕🌕🌕🌕🌑溫泉蛋紫菜飯 +$15 - 🌕🌕🌕🌗🌑呢個餐一運到過嚟，就覺得份量都幾足每款牛都有三塊 佢嗰set肥嘅同瘦嘅肉都有我鍾意食佢個牛五花 脂肪平均 唔會成到成口油又食到牛脂嘅香味其他肉都係中上水平呢個價位嚟講算係好唔錯我哋仲另外加錢要做個溫泉蛋紫菜飯燒肉送呢啲飯，再加埋隻溫泉蛋真係冇得輸1++韓牛日牛極上套餐 $288 -🌕🌕🌕🌕🌗呢個係成個Menu最貴嘅你見份量係勁多 我哋嗌咗300 gram 送到過嚟我懷疑自己會食唔晒韓牛我喺香港都係第一次食終於試到啲人話韓牛好濃嗰隻牛味，雖然佢嘅部位瘦啲但係佢成個Set嘅balance做得好好因為另外日本嗰兩款和牛油脂十分豐富我自己就鍾意嗰隻宮崎A4三角腩你見到燒完之後 啲油咇晒出嚟外層焦脆但入口即溶 攞嚟送飯勁正 同坊間嗰啲高級燒肉店都有得比呢度仲準備咗四款醬汁可以點一人燒肉食到不同味道 但我都建議試吓一開始淨係落少少鹽先 唔使點醬有時候想食燒肉大部份就一係就放題 一係就好貴嘅高級燒肉呢間就做到一人份平價啲嘅燒肉，有陣時得閒落嚟食下過吓口癮都係一個唔錯嘅選擇…Read More

夜麻麻唔想食太飽 少少哋串燒就啱啦鮮甜花甲粉（$58）🌕🌕🌕🌕🌗份量好多有成十幾隻花甲，仲要隻隻都好乾淨毛紗一飲過湯 花甲嘅甜味出晒嚟 原來個湯係每日用花甲同豬骨新鮮煲再試吓個粉絲同坊間其他花甲粉唔同，佢個粉絲係好爽口唔會好似浸到林啤啤，咁仲好有咬口今次食咗小辣 下次會食辣啲，應該會仲正串燒 佢串燒唔算有好多款 但勝在佢平均分高又價錢相宜 揀幾款食完覺得特別好食推介一下爆蒜鮑魚 （$48/2隻）🌕🌕🌕🌕🌑鮑魚爽口彈牙 燒得剛剛好 個蒜味又唔會蓋過本身食材嘅味道魷魚鬚串（$20）🌕🌕🌕🌖🌑個調味好出色 辣粉個份量同味道啱啱好蒜蓉原條茄子（$32）🌕🌕🌕🌕🌗坊間好少燒茄子食到咁厚肉成塊扒咁樣擺上台😂啲肉一絲絲咁 勁好食韮菜 （$20/2串）🌕🌕🌕🌘🌑孜然雞翼（$18/2隻）🌕🌕🌕🌗🌑安格斯牛粒（$28）🌕🌕🌕🌑🌑厚切牛舌（$25）🌕🌕🌕🌑🌑秘製火雞腎（$12）🌕🌕🌕🌗🌑大角咀啲餐廳越開越多 越開越貴 呢間聚椒兩個人食咁多嘢都係三百幾 性價比極高！…Read More

大角嘴呢一兩年多咗好多食肆進駐特別係啲wine & restaurant , bar咁 俾附近放工啲office staff 同新樓啲年輕人輕鬆chill 下今日揸咗車就唔飲酒喇 但見呢間新開門口靚靚地 menu 又幾啱食 又唔貴 就捻住試試佢 講講佢個menu, 佢唔算超多嘢食 但樣樣都想試下咁 特別係個snacks menu , 買杯酒睇住波都幾爽今日兩個人食 都食咗四樣嘢 叫樣樣都試下咁先食頭盤蘭王蛋韃靼牛肉- 🌕🌕🌕🌖🌑第一次咁食蘭王蛋 但佢個濃蛋味又唔會搶晒個牛味 幾欣賞佢個他他牛切到一條條咁 唔會太碎 有返啲口感跟住叫樣香口嘢 炸甜蕃薯條- 🌕🌕🌕🌗🌑上菜先知佢炸完再焗 啲芝士溶埋落去 好夾又唔會超濃 仲食到蕃薯個甜味海膽忌廉汁蟹肉意大利飯- 🌕🌕🌕🌕🌑個海膽汁十分出色 平時會好稀又冇咩海膽味 佢呢個好濃海膽 飯煮到啱啱好 中間仲有啲菇增加口感👍🏼👍🏼 加拿大保濕豬胺配薯蓉- 🌕🌕🌕🌕🌗呢個Main 全晚亮點 係我食過其中一間最出色嘅豬豬味濃郁 肉汁鎖緊晒係入面 一啲都唔鞋 個薯蓉滑而唔膩 少少調味已經夠晒 大角嘴競爭咁大 差少少嘅餐廳都好快淘汰但我捻呢間應該長做長有淨係食嘢都夠佢贏 下次再飲嘢試埋其他先…Read More

放假晏左少少出去食野，係尖沙咀唔知食咩好，咁岩搵到呢間仲有lunch食 去到5點都仲有🤣 岩哂 記得之前係深水埗食過外賣都好食 NALU - 🌕🌕🌕🌕🌗 八爪魚+皇帝蟹柳+櫻桃蕃茄+ 粟米 + 辛味蛋黃醬揀呢款係因為個醬 少少辣 好惹味主食都唔差，八爪魚最怕好似擦膠咁，但呢到既係好爽口，而且份量超多，起碼有成2X粒，仲大大粒櫻桃蕃茄都有驚喜 好juice 有啲似食提子，甜甜地幾好味ONO - 🌕🌕🌕🌕🌘三文魚 + 皇帝蟹柳 + 雞蛋絲 + 青瓜+ 果仁芝麻醬個芝麻醬搭沙律菜好夾 食哂成碗都唔漏冷壓果汁 - 🌕🌕🌕🌗🌑set lunch跟野飲，果汁好fresh 都幾開胃最欣賞係用左雙層玻璃杯 食完飯杯果汁keep到凍👍P.S. Set可以轉沙律菜/糙米飯/壽司飯 (1 or 2), 不過餸同醬就fix左…Read More

無得去旅行 周圍搵啲過江龍餐廳 食左當去左見呢間係新加玻開過黎 仲係米之蓮推介就試試佢叫左個二人餐天天海南雞 + 油飯 - 🌕🌕🌕🌗🌑個到有正宗海南雞同天天海南雞，問左店員原來天天係無骨，咁我呢啲懶人就更係揀無骨雞份量都幾多 油飯係用煲仔上 乾爽得黎十分香口海南沙律 - 🌕🌕🌕🌑🌑好少見生果沙律用番石榴 個配合幾清新黑松露墨魚蝦多士 - 🌕🌕🌕🌕🌗😍必點！黑松露份量剛好 唔會搶左墨魚既鮮味 但又增添左份香味 咬落去煙煙韌韌 好彈牙 仲要多士係脆，口感豐富炒通菜 - 🌕🌕🌕🌘🌑檸茶 & 奶茶 - 🌕🌕🌕🌑🌑燉湯 - 🌕🌕🌕🌑🌑…Read More

烏蠅館都食過幾次 但次次都係一個人去食冒菜 今次同女朋友去食 又一齊辣癮起 就一於試下佢個麻辣火鍋 個鍋一上場就知真材實料 見到啲辣椒 牛油 大蔥 已經feel 到呢餐會辣得好過癮 店員加水之後慢慢滾 個湯頭超級濃郁惹味無得輸鴨血- 🌕🌕🌕🌕🌗麻辣火鍋配鴨血真係定律嚟 佢都好滑同幾多舊 好味滑雞柳-🌕🌕🌕🌗🌑佢將個雞柳切到一口size 入味得嚟又易熟 同埋冇雪味不過要小心火喉 好易熟過龍炸枝竹- 🌕🌕🌕🌕🌗又係啲索味嘢 啲精華吸晒入去 一啖食晒萵荀片- 🌕🌕🌕🌗🌑爽脆新鮮冇渣 墨汁墨魚丸+魚腐 -🌕🌕🌕🌗🌑墨丸幾彈牙 魚腐勁索汁 我就辣得滯 要隊俾女朋友食喇寬粉 -🌕🌕🌕🌑🌑最後就食個粉埋尾 女朋友好鐘意食 但我會覺得太煙韌都係上次係度食嘅土豆粉再正啲 總括嚟講 佢麻辣湯底夠晒正宗都算幾辣同最重要夠香好彩佢有碟醬料重蒜幫我解解辣又惹味啲料份量都算多 打邊爐又多一個選擇…Read More

唔知大家有冇食過芋圓一（可惜已經冇做）呢間係可以同佢媲美嘅甜品店但係區內都冇乜人知呢度最好食嘅係佢嘅芋泥 真係世界級我都食過唔少嘅芋泥喺呢間之前食過好食嘅就係天仁茗茶嘅芋泥鮮奶 但呢度嘅芋泥係仲好食啲啊個芋泥軟滑得來佢仲有一粒一粒嘅芋頭喺入邊又有口感又香又滑配搭埋好多芋圓好夾 仲有珍珠 小丸子 仙草 薏米個啲 材料勁豐富嚟到大角咀一定要試超級推介P.S.外賣app 叫 仲平啲 芋香芋泥仙草芋圓--🌕🌕🌕🌕🌕…Read More

好耐無去日本 又仲未有得去特登搵間日本菜食 搵番啲去旅行ge 感覺鐵板燒一般都幾貴 搵左幾間見呢間小店價錢相宜食物質素好似都ok 就book 晚餐試下同朋友叫左個大蝦餐（2人份量 )$6xx total有大蝦 安格斯牛肉粒 魷魚筒 炒飯同埋沙律 湯 菜魷魚筒 - 🌕🌕🌕🌖🌑一上菜就聞到陣陣香味 配炸蒜食好夾 調味得當 安格斯牛肉粒 - 🌕🌕🌕🌗🌑煎牛肉粒好考功夫 容易一下就太熟變香口膠又或者太生咬唔開 但呢到師傅煎得岩岩好煎封左其中一面 少少焦香 keep 到肉汁咬落有啲脆 有啲juicy :)唔錯唔錯大蝦 - 🌕🌕🌕🌕🌑諗住平平地食所以無叫龍蝦，叫大蝦，估唔到大蝦都咁好味爽滑彈牙 仲好香添炒飯 - 🌕🌕🌕🌖🌑炒得好乾爽 粒粒分明 仲有櫻花蝦 口感不錯炒芽菜 - 🌕🌕🌕🌑🌑整體而言師傅處理食材處理得好好 突出到食物ge優點二人份量剛好 如果胃口大ge 可以散叫多啲試唔同野食（食完個餐都仲有好多其他野想試）下次黎慶祝或者想食好啲的話 會試下龍蝦…Read More

本身以為啲打卡餐廳都係主要食環境唔expect 啲嘢食好出色 但呢間餐廳完全顛覆咗我對打卡餐廳嘅印象先睇下環境門口有個韆鞦可以俾人影相入面啲枱都幾闊落 唔會好逼燈光都好舒服 係度食輕鬆傾成晚計都正今日兩個人食 先叫兩杯嘢飲先Strawberry Avocado Smoothie🌕🌕🌕🌕🌖呢杯Smoothie 超級好飲 佢唔會好milky 估計佢Avocado夠creamy 唔使落好多奶 士多啤梨味好出 隻味唔假 好飲 Iced Fresh Fruit Tea🌕🌕🌕🌖🌑呢杯嘢飲夠fresh, 天時暑熱飲 fit 晒主食就叫一個pasta 一個main 香煎八爪魚墨魚汁意大利麵🌕🌕🌕🌕🌖就咁睇意粉個色已經好唔同 佢個墨汁唔會好似實黑色咁 估佢落咗啲cream變相佢唔會死鹹 又唔會食到成個咀黑晒 要講下佢個八爪魚唔係誇張 係其中一間我食過最好食嘅熟八爪魚平時食成日一係太韌 一係太淋 一係冇味 呢個八爪魚煮得啱啱好 又夠入味 超好食香煎慢煮西班牙伊比利亞黑毛豬🌕🌕🌕🌗🌑個豬鞍都幾好 豬味夠濃 配埋個Salsa refresh 下 係個唔錯嘅配搭本身都飽飽地 但冇理由唔叫埋個甜品法式焦糖吉士撻梳乎厘班戟🌕🌕🌕🌖🌑個pancake 好fluffy 搖下佢真係會彈下彈下味道都正 睇落多醬 但食落又唔會好膩整體嚟講 呢間餐廳值得推介 就算唔打卡唔影相 呢度啲嘢食都值得一去下次必定翻食個八爪魚意粉…Read More

天氣凍凍地，就好想打邊爐，放假訓晏左，而家又無夜晚堂食，於是就決定晏就食飽啲一餐過☺️ 濃厚原隻雞煲花膠湯- 🌕🌕🌕🌖🌑湯底好足料，有好多花膠加有半隻雞，職員會埋黎幫手剪開，雞肉好嫩滑，而且雞湯味道濃郁，叫啲索湯既火鍋料就岩哂啦食完湯底啲料都三成飽自家製蜂巢冰豆腐 - 🌕🌕🌕🌘🌑剪開左細細條，好快就索哂湯，唔洗等即刻食得西班牙豬腩片 - 🌕🌕🌕🌗🌑一上菜擺盤好靚，望落有肥膏但食落唔漏，反而幾爽牛骨汁濃湯牛丸（爆汁）- 🌕🌕🌕🌕🌗呢個出色一咬落去好juicy, 真係有汁係個口爆開，仲好香添。仔細望原來牛丸中間有啲脂肪，所以咁香蟹子墨魚滑 - 🌕🌕🌕🌖🌑份量充足，咬落彈牙，唔錯娃娃菜 - 🌕🌕🌕🌑🌑整體而言，雞湯濃郁，配合索湯材料好夾，係可以連湯都飲埋既火鍋，感覺好養生:)…Read More

今晚要係大圍食團年飯捻住早少少出嚟係附近行下食個晏係親戚屋企附近見到呢間街坊小店價錢唔貴兼且今日又有啲想食西餐 就入咗去試下 我地兩個人一人叫一個set lunch 頭盤有得揀餐湯或沙律一人一款頭盤試吓甘筍湯-🌕🌕🌕🌗🌑本身好驚飲甘筍湯 好驚佢浸草青味但呢個又冇喎 仲飲到少少甘筍蓉 應該真係攞甘筍blend 唔錯 沙律-🌕🌕🌕🌑🌑呢個冇咩特別 個沙律醬調得唔錯主菜叫咗個all day breakfast 同魚All Day Breakfast - 🌕🌕🌕🌖🌑都算足料 想食嘅都有齊晒 要講下個牛角包 好耐冇試過新鮮出爐嘅牛角包 切開佢仲出煙㗎 同埋要讚下個煙三文魚 唔會好鹹同佢唔會散其他都正常發揮 寶雲酥焗𩶘魚-🌕🌕🌕🌖🌑寶雲酥係法國傳統焗羊架嘅整法一般係麵包糠加入啲香草焗令到食物變得更加有層次呢間餐廳用咗呢種特別嘅方法整魚柳其他餐廳比較少見食落好香口 但又唔會乾 個皮整到脆口又唔會散 個餐仲包咗兩杯餐茶叫咗個水果茶同荔枝梳打兩杯野飲都幾好 唔會太甜 整體來講 街坊小店嚟講食物質素唔錯性格比高 可以一試…Read More

疫情又爆發 而家都係外賣番屋企食多啲今日下午就試左附近想試好耐ge 小店落單叫2個set, 一個係招牌ge 蜜糖芥末和牛堡, 另一個就叫左店員介紹ge 花生醬漢堡蜜糖芥末和牛堡 - 🌕🌕🌕🌕🌑我係好鍾意食菜嘅人 一見到就好開心 好多菜同好fresh 🤣 望落材料簡單，但食落味道層次豐富，夠juicy, 蜜糖ge 甜同芥末ge 辣都好出，好惹味👍花生醬漢堡 - 🌕🌕🌕🌕🌑男朋友最鐘意貪新鮮 試新口味🌝 花生醬夾漢堡，有啲想像唔到，好好奇係咩味，平時食花生醬好容易覺得好膩。一啖咬落去，又出奇地幾夾喎😂 係個偏甜甜地ge 漢堡～～ 好特別，同煙肉ge 咸味平衡得唔錯，唔會太搶，可以一試蕃薯條 - 🌕🌕🌕🌕🌖而家越來越多舖頭有蕃薯條食，但好多都直接用炸薯條ge 方法整，令到好容易太油，而呢到ge 蕃薯條係我食過最好食ge, 外面做得夠乾身，入面keep 到蕃薯蓉軟熟ge 口感☺️ 真正外脆內軟 拉絲芝士波 - 🌕🌕🌕🌑🌑外賣番屋企都拉到絲😂 主要應該係mozzeralla cheese 口感幾煙韌 不過呢種芝士就唔夠咸香記得趁熱食手作咖啡 & 玄米茶 - 🌕🌕🌕🌗🌑係漢堡店有手作茶同咖啡比較少見，好有誠意飲落好清熱食漢堡怕熱氣就岩哂啦整體黎講，漢堡ge 醬汁好出色，一試難忘💛小食蕃薯條都好喜歡，如果有其他醬配仲正外賣清單又多一間可以揀啦…Read More

大角咀嘢食選擇好多但車仔麵店舖就無咩臨近九點 食肆選擇唔多決定簡簡單單叫碗外賣 (外賣等左唔使3分鐘 仲快過隔離快餐店）叫咗個三餸車仔麵 外賣有九折折咗$40左右 面底選擇好多 有成10款餸方面就揀咗豬大腸，豬紅同咖喱魷魚份量好足 魷魚有魷魚肉同魷魚鬚 成五六舊豬大腸都有成七八舊 舊舊都啖啖肉湯底揀咗秘製辣汁 食落有陣花椒油味 有啲椒麻嘅感覺 食得辣嘅人可以中辣或以上咖喱魷魚 - 🌕🌕🌕🌖🌑咖喱魷魚非常入味 而且好爽口ge 水魷豬大腸 - 🌕🌕🌑🌑🌑雖然好大舊但係偏肥好多肥膏係入邊油膩感好重 個人就麻麻哋啦豬紅 - 🌕🌕🌖🌑🌑口感可以 食落唔會一咬就散但有少少腥味 下次會叫其他餸試吓～～…Read More