Luby Bear的个人专页

之前同事介紹大角咀嘅 Lost Stars, 不停讚話氣氛好好，所以我一直都save 左係OpenRice 想去嘅category. 好彩而家lost stars 回歸，黎到尖沙咀k11 商場， 鋪頭個位係屈左入去，如果唔熟k11 商場嘅格局可能要搵一下先搵到哩粒遺失星星💫 星期2 嘅晚上，無樂隊的加持我地都被安排坐到台前，法式熱融蜂蜜芝士🫕佢跟左幾件法包🥖芝士好濃郁！加左幾粒車厘茄. 連埋芝士一齊食又好夾巴馬火腿沙律🥗份量之大令人驚訝！巴馬火腿唔會死咸！好食 手工芝士烤雞卷外皮香脆包住個雞肉，真正嘅外脆內軟！跟個蒜香奶油汁!一級棒!哩個係我近期食過最脆最有畫面嘅雞卷👍🏻 會建議大家襯熱食另外仲叫左烤新西蘭肉眼dinner set 8oz 肉眼 配餐湯+ 紅酒肉眼鮮嫩 , 食紅肉 配 紅酒是必須的！大大加分💯 唯一可惜係我地平日夜晚去所以無live band. 已經約好左男朋友下次weekend 去。 期待🎷🎺…查看更多

話說去完日本番黎對日本嘅美食念念不忘，上網做下功課發現銅鑼灣有間居酒屋🏮幾特別，特登book 去同男朋友去試下一入去發覺裝修好特別，係日本懷舊風，仲有好多兒時小玩意! 令人好似置身係日本小區嘅復古店，好有風味！ 另外一讚係個餐牌，係將每樣食物都用卡通畫嘅形式畫出黎！心思滿分💯炸海鰻魚骨好香脆，無諗過原來炸海鰻骨係咁，食食下完全停唔到手，送酒一流！酒盗炒山藥店長推介，叫得酒盗，果然真係一個下酒嘅好配菜！唔洗每次都只係識叫支豆送酒咁悶魷魚明太子卷雞肉丸雞翼個醬汁有驚喜 三角胸骨 煙肉蠔又幾好味😋 蟹膏帆立貝 ， 鰻魚玉子 最中餅 有外脆內軟嘅口感咬落去啖啖蟹膏，啖啖鰻魚，滿足😌好鍾意哩度舒服嘅環境，令人好放鬆，下次再約埋朋友一齊去飲下酒食下野！…查看更多

同男朋友仔都係好鍾意打binno ，所以成日去搵唔同嘅火鍋餐廳，今次試下去同事推介係尖沙咀嘅花月宮入到去坐位好闊落，坐得舒服又自在，最怕打邊爐好迫，個台唔夠位擺野食會全程都要就住就住。我一見到湯底有黑松露野菌鍋就已經心心眼，黑松露愛好者必點!估唔到哩度竟然有新鮮牛胸爽！即刻叫一個黎試！多人以為牛胸爽白白一片是牛的脂肪，但其實佢係筋膜類肌肉，不但止唔油膩仲非常爽口，口感好特別，唔係間間火鍋店都有!美國頂級手切封門柳 肉味比較濃，同時又比較林，其實好適合打邊爐！薄切牛舌心牛舌心係牛舌入面最淋嘅部份！薄切最岩就係打邊爐！原來哩度都幾多牛刁鑽嘅部位！幾有驚喜！新鮮豬頸肉哩個夾上手比較厚身，本身仲怕會唔會靭，點知煮完出黎仲係好爽口！食得好過癮！叫左咁多肉都加左油麥菜同䈑荀，去下個油膩感！最後最後，我見到個餐牌仲有椒鹽粟米，忍唔住叫一個黎試！ 好創新，雖然好邪惡，但係又食得好滋味！…查看更多

生活需要加點儀式感，男朋友見我最近番工辛苦，特登揀左間Teppanyaki 帶我去enjoy 下臣Osmakase 🌸 粟米凍湯+ 蕃茄仔以清新去幫助開胃，做好準備接住落黎嘅美食！🌸龍蝦汁蒸蛋 濃郁嘅龍蝦汁+淡淡紫色嘅紫蘇花散發清新嘅香氣，帶出個清甜味！ 時令海產（3款） 🌸濱燒石垣貝 師傅用左8/9 月最當造嘅石垣貝肉質鮮甜，口感有d 似象拔蚌！比較實在同爽口！ 師傅提醒我地可以飲埋果啖湯仔，果然好清甜！讚讚讚！ 🌸 馬友一夜干 師傅早一晚吊起風干, 令到佢乾身d, 可以做到外脆內軟！再加埋鰹魚白粥，不得了地好食！🌸 白蝦帶子 配淡雪鹽上層脆身白蝦咸鮮加下層大大粒鮮甜帶子!師傅對脆同軟嘅對比運用得好好👍🏻淡雪鹽仲有助成件事再提升一個層次！ 🌸南非鮑魚先蒸後煎可以留番鮑魚嘅口感同時唔會太干同韌 鮑魚肝打成醬，加清酒去左d 苦澀味！甘甜甘甜！🌸 金鯛立鱗燒 配 酸菜魚汁保留左魚鱗片，用半煎炸嘅方式，魚皮香脆可口! 配酸菜魚汁創新同特別嘅配搭！創意分Up Up 🌸 沙巴虎蝦配蟲草花忌廉汁個虎蝦有成個前臂咁大隻！超巨型！蟲草花加蝦膏，個汁超好味！🌸 鵝肝配蘋果醋 一黎見到厚厚嘅鵝肝已經心心眼😍！個蘋果醋中和鵝肝個油膩感💪🏻 加埋冰凍菠蘿配柚子汁 ，超給力！🌸 美國封門柳+ 昆布干肉質鮮嫩, juicy juicy! 🌸 九州高菜炒飯 + 雜菜我想講連炒飯都唔馬虎！師傅落左滿滿嘅Mayonnaise，真係食到停唔到口！🌸甜品：柚子雪糕+ 焦糖多士最後甜品都超有心思，食落有驚喜！ 成個餐都十級滿意👍🏻大滿足!下次一定要帶埋屋企人黎試💕💕…查看更多

聽過呢間日本過江龍好耐，但未有機會試，今日行開波鞋街，就順便黎試一試佢，睇下可唔可以滿足到我呢個超愛牛丼🐂嘅人！黎到發現原來都多人排隊！ 門口有menu話俾大家知有咩食，一貫日式風格，佢同其他牛丼連鎖店唔同，佢係主打燒牛丼，仲有好少有嘅鐵板選擇👍🏻等咗十五分鐘，就可以入去坐！一場黎到，緊係試下啲唔同嘅野，叫咗個鐵板野菜燒牛肉定食，好快就黎到！個鐵板一上檯，熱辣辣，再加上燒牛肉嘅香味，不得之了！呢個定食係跟埋飯🍚，沙律同麵豉湯，有好多燒牛肉，因為即燒嘅關係，牛肉好香好有肉味！呢個定食除左牛正，底下有勁多椰菜，因為有燒肉汁嘅關係，啲菜都好好食🥬，送飯一流😋除左牛丼，我仲叫左唐揚炸雞同餃子，滿滿日式🇯🇵嘅感覺，正！…查看更多

Alchemy 唔同分店嘅裝修都好有心思，會用好多線條上嘅設計去俾人好舒服，特高樓底俾人好寫意嘅感覺！今次哩間係太古坊嘅新鋪，坐落係太古坊2 期，最新落成嘅商業大廈！我今次係晚餐時段去探店！唔算好多人，加上佢樓面大，好開揚，唔局束！ 🥑牛油果青瓜蕃茄沙律伴芝士配檸檬醋醬滿滿嘅牛油果加埋清新嘅檸檬醋，令人食慾大振! 健康又美味檸檬汁烤雞煙肉意大利三文治澎湃嘅芝士🧀️配上熱辣辣脆卜卜嘅麵包🥖我食到停唔到🥰煙鴨胸配菠菜扁意粉 健康之選！煙鴨胸都多，佢嘅份量係足夠一個男仔食！ 係男朋友面前食多幾啖都唔會顯得好大食😂法式西多士配自家制雜莓醬 自制雜莓醬酸甜度適中，同埋烘到金黃色嘅西多士，無得彈！ 迷你鮮奶咖啡最後因為夜晚，唔敢叫太大杯咖啡。 Alchemy 咖啡一定唔會錯！…查看更多

海南雞飯嘅表表者！ 我一定係推介Chatterbox. 一間係我食完會再食同再食嘅餐廳！太古分店係輕鬆食雞飯首選！同之前一樣，第一件事必點最出名嘅文華海南雞飯! 雞肉食左咁多次都仲係好保持到水準！鮮嫩稚滑！最最鍾意❤️！個油飯又係不得了！唔會太油膩同時又可以做到粒粒分明！星州海南炸豬扒配香米飯雖然個豬扒炸左，但係都無影響個肉質！同樣出色！ 美祿哥斯拉 大家知唔知 美祿哥斯拉 同 美祿恐龍🦖 嘅分別？ 就係哥斯拉有雪糕😂 椰糖咖啡☕️就是美味🥰…查看更多

約朋友食飯飲野，喺OpenRice 見到呢間餐廳好似幾靚😳叫左兩個Appetizer，海膽三文魚籽配多士，海膽質素唔錯👍🏻三文魚籽好脹卜卜😋芝士焗大燒烤菇配新鮮海膽，有滿滿嘅芝士，但係唔會搶左海膽味👍🏻再叫多一個risotto 同一個main course🤤蘋果玉桂鮮鴨胸意大利飯，飯硬度啱啱好，唔會太生，估唔到蘋果玉桂甜甜地酸酸地配飯又幾夾😳香烤加拿大保濕技術豬鞍配伯爵茶汁，豬鞍超厚，竟然好稔好juicy，果然好保濕😳女仔都係比較喜歡甜甜地嘅飲品，所以叫左杯snowball 同nothing，夠易入口，志在有啲feel咁啱係星期一去，聽到有人話天台live music開始，問一問原來逢一三六會有live music，食完飯上天台八卦下，好似幾ok，唔會太嘈（太嘈耳仔會唔舒服🙈），下次試吓先～…查看更多

女仔都係鍾意搵唔同風格嘅餐廳探索下，打下卡，今次去哩個係上環嘅隱世土耳其cafe Cafe 係小巷入面，一開門入去已經有強烈嘅異國情調！如果要打卡一定要預留一入門口果個位！色彩繽紛嘅花花同星星燈真係好岩大家去打卡！ 🍄蘑菇忌廉湯好濃郁嘅蘑菇味👍🏻 路易安娜斯蟹餅配芒果莎莎 一咬入口就食到一絲絲蟹肉，加埋芒果，美味開胃。墨西哥餅-手撕豬，三文魚，雞肉 有3 款唔同配料，我自己最鍾意食手撕豬！三文魚同雞肉都好fresh..小清新韓式咖喱蜜糖豬肋骨配香酥煎餅個咖喱蜜糖汁好特別! 甜甜的，又唔會太過火，豬肋骨煮得好軟淋! 配下脆脆嘅煎餅！開心滿足！Charcoal seasame latte黑芝麻latte 係個杯到起左保護色😂😂 芝麻味好重，飲入口都好順滑StrawbeffeLatte 底層有strawberry 醬。對士多啤利同咖啡嘅配合度有新認知！原來又幾夾幾好飲❤️ Lemon tart 清新小品! 唔錯嘅選擇！推介鍾意試新野同打卡嘅你✨…查看更多

為左大大滿足未有機會出走韓國嘅我，男朋友book 左尖東韓脈，佢地岩岩改左名，之前係好出名嘅韓珍！去韓國餐廳最開心就係佢會俾唔同嘅小碟小菜！每次見到咁大堆頭就已經覺得好抵😂有泡菜，醃蘿蔔，大豆芽，鵪鶉蛋，沙律，蛋餅！開心開心 🥰 一黎就即刻點隻醬油蟹，好鮮甜！醬油醃得好入味！甜甜地，唔會過咸。加埋紫菜蛋醬飯。真係不得了！同男朋友爭食最後一啖飯😂😂 絕對無令我失望.另外加左個八方美人套餐 $ 588有牛舌，雪花牛肉，豬頸肉，護心肉，豬肩肉，醬油雞肉，大蝦同鮑魚 $588 有8 樣野食。 抵抵抵！ 燒烤餐仲會送韓式蒸蛋！🤩每款肉肉都係厚實型，絕對唔hea. 我自己就最鍾意牛舌同雪花牛! 鮑魚同大蝦都唔可以忽視😍 重點：食韓燒一定要配韓式米酒！막걸리一絕🔥🔥…查看更多

揚櫻花蝦豆腐一黎已經見到滿滿嘅櫻花蝦鋪滿係豆腐上面，豆腐外脆內軟，加埋櫻花蝦一齊放入口，有豆腐軟滑之餘又有櫻花蝦嘅咬口，好有驚喜！櫻花蝦餃子🥟每隻餃子都好飽滿，不過係要食快啲，放耐左會有少少失色. 個人鐘意豆腐多啲☺️全天然豚肉五花腩（8枚） 五花腩肥瘦適中，第一塊自己燒有d 燒得太干，店員見到我有d 雞手鴨腳，主動黎幫我燒，好食好多😂😂 專業真係唔同d ！仲有生菜🥬可以俾你包住食，中和番油膩感👍🏻蘋果木煙燻松露和牛他他 哩個看似普通，原來打開個樽果陣有煙會散d 仙氣出黎😂 好有型! 加入雞蛋同蘋果絲，好fresh 同鮮嫩! Yummy！老饕澳洲M5/M6和牛牛板腱 牛味濃，幾多汁！輕輕一燒一卷就食得！讚！ 香蔥薄切牛舌 (7 枚)牛舌爽口！ 薄薄一片加埋蔥一齊，食唔停口☺️松露肉碎炒飯 松露愛好者必點！我忍唔住食左2 碗！🫣…查看更多

成日係IG 見到鬼金捧拉麵店。 今次決定去試下佢一入到去見到d 擺設同怖局都好有心思。 暗暗的加上多鬼怪擺設！好有感👍🏻 加埋個半開放式廚房，可以見到師傅係入面落力咁為客人準備美食！炒豆芽菜味噌拉麵🍜 有5 個辣度可以揀，仲可以麻同辣開分揀! 雖然我食唔到辣, 今次先由無辣無麻入手，下次想挑戰下👍🏻炒豆芽菜好澎湃! 食極都仲有。超開心！ 麵底係粗身嘅拉麵，有咬口，軟硬適中加埋味噌湯底每一啖都好滋味！增量叉燒味噌拉麵🍜 肉食朋友必點增量，超有滿足感！叉燒好有驚喜，好淋好入味，叉燒肥帶出左佢嘅香！我地仲加左味玉，真係日本蛋黎嫁，一d 都唔兒戲！下次再黎我一定要挑戰下辣同麻!!…查看更多

前一排同男朋友去曼谷夜市，見到人哋食呢啲shake shake 海鮮袋，但係怕夜市唔衛生，返到嚟，見到原來香港都有得食，就即刻book枱同男朋友去試吓！ 我地叫左個2 人餐Seafood combo 有唔同嘅選擇，海蝦，馬尼拉蜆，小龍蝦，小墨魚仔，翡翠螺，藍青口，海蜆，原隻去頭尤魚 我地揀左 小龍蝦🦞，翡翠螺，藍青口 加lemon butter source 跟餐有龍蝦湯/ 黑松露野菌忌廉湯頭盤： 黑松露炸薯條🍟黑松露烤菇意大利燴飯 仲要包2 杯house wine 🍷 我個人覺得食海鮮要配白酒👍🏻 本身仲諗緊會怕要自己shake, 原來侍應超貼心會係你面前shake, 仲提我地可以著好圍裙，唔怕d 汁唔小心彈上件衫。 小龍蝦食落比平時嘅龍蝦方便，一扭一拉，龍蝦肉就已經呼之欲出！翡翠螺比我想像中大隻好多，我要用巨大黎形容😂 仲要1 d 都唔un！ 正藍青口都好爽口，索曬d sauce 真係一流👍🏻 熱愛黑松露嘅我叫左一系列黑松露食物😂 所有食物嘅黑松露味都好出色，我表示超開心！最後有黑松露烤菇意大利燴飯做結尾！大滿足！ 食完之後，The Captain's house已經穩穩咁save 左係我個必定再去list 🥰…查看更多

哩間cafe 之前見到好多post 介紹，好精緻，一直都係我嘅to go list. 一入門口已經見到好靚嘅怖置，仲未坐低已經想周圍衝去影相🤭 Be Leaf 小食拼盤 炸洋蔥圈｜魚餅｜水牛雞翼佢嘅水牛雞翼唔太辣，係我怕辣都絕對handle 到嘅程度，酸辣酸辣咁，超開胃👍🏻洋蔥圈同魚餅都好香口，仲有沙律菜配合，中和番成件事無咁罪惡，同朋友仔一人一d. 好快就清曬。墨西哥芝士粟米片配牛油果醬配酸忌廉蕃茄莎莎芝士係鋪滿曬成個碟，成個份量好多，d 粟米片食到底都仲係好脆，正！虎蝦意式蕃茄芝士意大利飯賣相好IG able, 有2 隻大大嘅虎蝦，意大利飯注入濃郁蕃茄味，係哩d 咁凍嘅天氣食番個熱辣辣嘅飯，讚👍🏻鹽漬櫻花柚子梳打少少咸咸地，加埋柚子，甜甜咸咸咁，感覺幾新穎蔓越莓玫瑰紅棗茶哩個注重養生嘅我，唔知大家知唔知，蔓越莓係女仔嘅恩物，具有抗氧化嘅功效！係正野黎嫁！ 最後補多幾張打卡靚相俾大家睇下啦🥰…查看更多

秋風起，涼涼地，想食d 暖立立嘅野。聽同事介紹牛品打邊爐性價比高，就我睇下係咪真！ 首先，坐位非常闊落，超好坐，唔似其他邊爐餐廳咁迫。 超讚👍🏻👍🏻👍🏻 晚市係120 分鐘食到飽套餐，有4 款牛上品，牛極品，牛御品同牛殿品我地今次叫左牛御品 有得送新鮮鮑魚或者棒球貢丸、我地揀左鮑魚，絕對唔hea , 有番咁上下份量！ 湯底方面，reception 姐姐見我有選擇困難，好主動提我地可以簡鴛鴦鍋，推介元氣養生鍋 同黑蒜黃金鍋 (入面仲有卜卜蜆, 好開心）我覺得澳洲M9 和牛肩胛肉最好食，肉質嫩滑，肥瘦適中，肉味好出！正！我地叫左8 碟😂🤣 仲有封門柳，平時出去單點好貴嫁，今次包埋梗係點多幾碟enjoy 下。 封門柳牛味再濃d! 最岩無牛不歡嘅我地仲有安格斯牛板腱同一口牛，牛舌…好多選擇！ 飲品同蔬菜都有好多選擇👍🏻連熟食都好好食！鴨血都可以任食超堅!重點重點係，佢有個甜品corner, 芋圓任食，真係不得了！😍可以自己Mix and Match 創造自己甜品！…查看更多