Double Yan的個人專頁

知道新開左一間黃店想去懲罰一下，去到見到原來係主打漢堡和門口貼住一張紙寫住新開張88折，就入去試食下先😍打開個menu見到原來除左漢堡，仲有素食精選，包括漢堡、意粉飯和素菜全餐，跟餐包一杯飲品仲可以加$9要一份沙律或餐湯。我就叫左素菜全餐，老公就叫左經典牛魔堡和另加左芝士條。特別想提及枱和杯的問題，導致到好容易會倒瀉杯野，員工係唔會俾返杯新的你，大家要留意下!.1️⃣經典牛魔堡 $57 ，另加芝士條$10 （6.16/10）價錢合理，但質素麻麻地，牛肉比較乾身，菜都幾新鮮，如果可以加多啲汁相對味道會好一點。芝士條有拉絲效果，但食落去有厚粉的感覺.2️⃣素菜全日餐 $75 （6.96/10）餐可以簡素牛或素雞，我簡左素牛，但食落去唔似牛肉似蟹餅。煙肉食落似火腿。黑松露滑蛋配搭菇一齊食呢個幾好食，沙律普通。薯格好香脆，不過都係正正常常同出面一樣…查看更多

朋友介紹話食過呢間唔錯，所以今次專登揸車入去食。佢的位置係錦田天空之城，天空之城仲有其他的特式食店，有機會可以一試。本身諗住錦田咁偏遠一定好少人去，點知原來好多人都係專登揸車入去食，所以有揸車的朋友要留意車位問題喇，有𝒹人會嘗試泊出面，但唔好太博，因為連個度都會俾人抄牌架🤭.坐低左拿拿聲叫野食先，朋友發板，就叫左以下呢幾款🤩1️⃣泰式炸蝦餅 $92蝦餅好脆身，仲好多蝦肉係入面，好食👍🏻2️⃣生蝦刺身 $128生蝦大大塊和厚身，感覺幾新鮮3️⃣馳名咖喱蟹 $348咖喱汁並唔係用辣咖喱，係用左甜咖喱，岩哂一𝒹食唔到辣的朋友，可以用黎點薄餅或送飯一流😋而蟹就相對一般，比較細隻和無咩蟹肉4️⃣無國界蒜蓉包 $55蒜蓉包好大舊，咬落去脆卜卜，用左咖喱蟹的咖喱汁點黎食，好好食，食完一舊會想再食第二舊🥰5️⃣冬陰功湯 $148份量多可以倒到好多碗，好足料，酸酸甜甜幾好飲6️⃣菠蘿海鮮炒飯 $115好多餸好足料，炒飯份量多，好野味🥰7️⃣肉碎生菜包 $88肉碎份量多，唔會乾唔會濕岩岩好，有些少微辣，味道豐富。生菜都幾乾淨又大塊8️⃣馬拉盞炒道菜 $78雖然份量多，但味道淡左少少9️⃣新鮮椰青 $38椰青清甜，幾好飲，但椰肉就好難整出黎食🔟椰汁糕 另外仲附送左一個甜品椰汁糕俾我地，不過我自己唔食呢𝒹糕點，所以俾唔到評價…查看更多

呢幾日想懲罰黃店，於是就來到日昇買小食。相信住土瓜灣的朋友對呢間唔會陌生，呢間長期排長龍，原因係價錢平、食物質素ok和係💛店，而且款式都算多，我就買左炸燒賣、夜市鹽酥雞、爆花司華力腸和韭菜餅（無影到相食評留返下次寫）去試食，其他就留返下次再去試🤤..1️⃣日昇夜市鹽酥雞 $15/份 （7.57/10）鹽酥雞用得太少鹽，鹽味唔夠出，唔會厚粉，食落去都算脆身.2️⃣炸燒賣 $12 8粒 （7.65/10）特色係落左少少椒鹽做調味，價錢以而家黎講算平，圍返起都係$1.5/粒.3️⃣爆花司華力腸 $12/條 （6.54/10）見相有醬，可能太忙漏左俾醬😅司華力腸size正常，係稍為咸左少少…查看更多

朋友請Mrs Yan Lee食生日飯就黎到尖沙咀呢間黃店💛食日本野🤤入到去見到個menu即刻心心眼😍原因係呢度除左有壽司、刺身、定食、沙律和小食之外，主打就係卷物和pizza🤩款式好創新、好特別、仲有好多款揀，每樣野都好吸引我眼球好想食😍不過得兩個人食唔到咁多，其他唯有留返下次先去食。我地叫左三文魚壽司pizza、搖滾樂和辣妹。.1️⃣三文魚𝒫𝒾𝓏𝓏𝒶 $90 （8.89/10）我好鍾意食呢個🤤款式好有特式。面層放左三文魚粒、脆脆和蟹子，用左炸過的壽司飯壓平去做個餅底，成件事好夾，食落去好香脆，我會再去食呢個🤩👍🏻.2️⃣搖滾樂 （芝士、炸蝦、牛油果、鰻魚）$92 （8.24/10）本身想叫鰻魚pizza，但見到卷物有鰻魚就叫左搖滾樂😍卷物有8件，壽司飯入面包住牛油果、芝士和炸蝦，上面放左一舊鰻魚，鰻魚肥美但有少許骨，口感好豐富，好味😋.3️⃣ 辣妹 （芝士、炸蝦、辣味吞拿魚、墨西哥辣椒）$95 （8.43/10）卷物總共有8件，壽司飯包住芝士和炸蝦，上面放左辣味吞拿魚、墨西哥辣椒和脆片，口感好豐富，好味👍🏻…查看更多

一直都好想係深水埗搵黃店食，但永遠都好多藍店，之前都聽過蕃茄師兄好出名，我又想食蕃茄通，就即刻行去試食🥰去到門口已經見到好多人係度等位，好彩有d人走左唔洗等太耐就有位😃我叫左一個滑一滑通粉，而老公就叫左滑一滑米線，小食就叫左個鮮炸腐皮墨魚蝦條...1️⃣滑一滑米線/通粉 $49顧名思義聽個名滑一滑唔少得的有炒蛋，仲有牛肉的蕃茄湯底😌呢度的炒蛋好滑好香，份量仲要好大份。牛肉一點都唔鞋，但味道就一般，無咩驚喜。蕃茄湯底好濃郁。呢度d野好大份，可以飽住個肚走人🥰...2️⃣鮮炸腐皮墨魚蝦條 $18/2件腐皮墨魚蝦條食落去幾爽口，好彈牙，口感唔錯😋…查看更多

同朋友係銅鑼灣行街，唔知食咩好就去左登龍街搵食，見有間車仔麵有幾個人排隊，咁就照排試下我有選擇困難，就點左佢既set 大尊有豬紅，蘿蔔，魚蛋，豬皮，紅腸，菜揀咗油面，湯加麻辣果麵質好有驚喜 唔會煮到好淋 又少少彈牙，麻辣湯食得辣可以試 幾香 蘿蔔清甜 豬皮 豬紅都好入味 紅腸同魚蛋正常無咩驚喜…查看更多

出開旺角就周圍搵好野食，聽聞有間好火紅的十三姨，係長期都要排隊，但今日去咁岩無咩人唔洗等位，呢間招牌的老闆娘鵝肝煎蛋撈飯聽聞係必食的，今次就試住呢樣先，仲有十三么、十三飛和手撕雞伴雞油飯都好出名，呢幾樣就唯有留返下次先再試1️⃣老闆娘鵝肝煎蛋撈飯 $118 （8.86/10）一見到個飯，我即刻雙眼發光，叮左一下🤩🤩🤩，是關鵝肝有成3件咁多，大大件仲要係好厚身，一點都唔係hea你，鵝肝的味道好出，好香好好食😋真係好抵食😋😋加上大大個太陽蛋🍳好靚😂，仲有炸蒜、菜莆、青蔥、大蔥和辣椒XO醬一齊撈飯食好香好正，佢有一個秘製豉油，不過有點咸，之後用左甜豉油，令到個飯更加好食😍😍我同朋友落左勁多甜豉油，職員都係咁望住我地😂個飯份量好多，本身細食的我地，竟然都將d飯食哂😋😋咁好食下次一定要再黎試埋其他個d😋😋2️⃣溏心蛋 跟餐加$6 （6.37/10）溏心蛋雖然唔係全熟，但做唔到流心的效果，唔係特別好食3️⃣雞叉燒 $24 （5.13/10）雞叉燒有些少酒味，不過味道有點淡，無咩特別，可以唔洗叫…查看更多

咁岩經過見到兩間有youtuber曾經介紹過的千層蛋糕店🍰（呢間仲有其他西式菜）我見有位坐和人流多，所以就一於入去試下啦🤗千層蛋糕款式都算多，都幾特別，每款都只係$32，都幾抵食，但最受歡迎的伯爵茶味已經賣哂😟我就試左最愛的抹茶和柚子，睇下好唔好食先😍1️⃣日本M6抹茶千層蛋糕千層蛋糕皮薄有點細件但好高身（約20層），cream和抹茶的比例好平均，但食落去只感覺到有些少抹茶粉的味道，味道唔夠濃，無咩特別2️⃣柚子千層蛋糕千層蛋糕皮薄有點細件但好高身（約20層），食落去有點柚子味，不過味道普通，味道唔夠濃，無咩特別，同抹茶比較的話抹茶相對比較好食…查看更多

經開深水埗夜晚想唔食太多野，上網搵下有咩好野食，搵到附近有間食石燒牛的店好多人推介，一於入去試下啦🤩呢間有成8間分店咁多，入到去係用自助下單機點餐，之後就可以入去簡埋飯、沙律、湯和檸檬水和醬汁，鍾意拎幾多就拎幾多，我和老公就點左牛柳和澳洲牛肉眼🥩🥰睇下好唔好食先😆1️⃣牛柳200g $110之前都有食過幾間石燒牛的店，我覺得呢間的牛柳相對比較好食，夠哂嫰口，牛味比較重，點埋點醬汁一齊食好惹味😋如果配搭埋飯撈埋一齊食，味道一流👍🏼2️⃣澳洲牛肉眼200g $110之所以點肉眼扒係因為唔想食純牛肉扒咁寡，所以有少少油花的肉眼扒就岩晒，本身都驚佢點肉眼扒肥膏超多，黎到之後見到肥膏岩岩好，好有驚喜，肉質鮮嫩重牛味，唔會好似出邊食超大舊肥膏…查看更多