deathccy的个人专页

晚市就黎得多，試午市真係第一次。依道午市定食性價比算唔錯，除了前菜、麻醬豆腐仲有miso soup, 都算幾抵食架！首先我們點了串燒牛肉定食，套餐包括牛舌和鹽燒牛肉。厚切牛舌厚度夠厚，一d都唔慳皮。火候掌握得恰到好處，口感彈牙多汁，每一口都令人垂涎三尺，真係冇得彈呀🥳再者係特上6品，係一個6款串燒既set，分別有鹽燒牛肉、牛舌、鯰魚、秋葵、雞翼、冬菇。串燒新鮮即燒，真係要再讚師傅既手勢，每一串燒得都剛剛好，呢個set絕對推介俾大家點！…查看更多

私房菜我地食好多間，但我地會回頭既真係得榮哥私房菜，因為性價比實在太高，加上真係用心製造每種菜式🤗本地水耕沙律菜伴芝麻醬雙色墨魚仔茶熛流心蛋伴黑魚子醬配厚切茄子頭盤三款小食各有特色，最喜愛厚切茄子，真係夠哂Juicy🥰燉龍利葉青欖柑桔黑毛豚肉湯湯清澈清甜，係疫情嚴重之下真係好需要蝦球水芙蓉好特別既一款菜，濃厚既蝦湯配上蝦球，份量雖少但十分濃郁遠年新會陳皮黑豚肉排骨排骨炸到恰巧，陳皮味道剛好，黑豚不算太肥招牌茶王燻雞招牌菜茶燻雞真係今餐最好味，少少茶味，雞皮炸得脆卜卜魚湯有機時今鮮蔬…查看更多

同完朋友食完晚餐，竟然話唔夠喉要轉場，係旺角就當然有好多選擇，Lab eat bistro依然都係人山人海，所以我地去左戶外傾下計。其實環境都唔錯，夏天都有冷風機吹，加埋個月亮燈真係份外有格調🎊由於我地已經食左野，所以我地叫小食，黑松露薯條新鮮即炸，但唔算油膻，係用黎吹水好好既選擇芝士墨西哥脆片係Nachos呀🥳份量都算多，配醬好開胃，吹下水都已經食哂飲品我地叫左凍檸茶同荔枝特飲，埋單都唔洗400蚊，係幾抵呀…查看更多

朋友喺觀塘附近返工，成日都話見到假日酒店呢間buffet都幾多人食，話想試下~//當晚去都算多人，店員安排入座後就會比一盅燉湯我地，都幾好飲，幾滋潤//估唔到呢個價錢嘅自助餐都會有蠔食，我都食左3隻，海水味幾濃，唔腥，食完都冇肚痛👍👍//凍盤嘅選擇都幾多，有螺、蝦、麵包蟹等等。。。個人幾滿意麵包蟹，都有幾多膏食😍//食完之後就到熟食，雞幾滑，魚又唔會鞋，唔錯👍食到飽哂之後我地就瘋狂食生果🤣有西瓜同菠蘿，都係我地飛佛😙😙…查看更多

依家食關西風壽喜燒又有一個新選擇啦，四款套餐各有特色，而我同朋友就梗係揀最balance既C餐，既有澳州又有日本和牛。餐廳環境唔錯，有專人為大家烹調，配上花茶份外有格調。前菜三款由左至右吃，最喜愛便是和牛餃子，牛舌都煎得恰到好處黎到今餐最震撼的一刻，二人份量既日本和牛，期間會配上配菜減低邪惡感，當中我最喜愛便是日本和牛肉眼，其油脂感真係無可比疑🤩🤩配上白飯簡直冇得彈食完咁多塊肉仲有和牛丼，侍應配上多款配料同和牛粒一齊炒，食完非常滿足。最後以豆腐雪糕作結，四百幾蚊黎講係十分超值架🥰…查看更多

120分鐘，任食封門柳同牛舌，多款手工飲品餃子，仲有十二款湯底任君選擇，一鍋堂一值都係我地去火鍋放題既首選。而佢地既B餐就係我地既all time favourite 😍 今次揀左潮汕湯底，清清地配上大地魚，可以先嘗一口，之後先吃打邊爐都可手工飲品款式好多，當中我最喜愛就係洛神花茶同新出既玫瑰花枸杞茶，其餘都各有特色，可以一試架咁多款牛都好高質素，我最愛就係封門柳，不是太肥，肉味爆登海鮮有蜆，蝦，白鱔片等等，唔係咁多放題店可以有咁多既選擇黎到我至愛既墨魚滑，爽彈有咬口，打到起哂膠，次次黎到都叫十份😍…查看更多

結識多年既朋友準備離開，難免會記掛我地一齊去日本品嘗過的高級壽喜燒套餐，所以今次特登係香港搵左依一間壽兵衛，我地食完都十分滿足，補償了去不了日本的違憾🤩我地叫左兩份最高級既日本和牛set，有四片頂級和牛（2肉眼+2西冷），新鮮野菜拼盤加上多款特色和食，在此為大家一一介紹。前菜已經係磯燒鮑魚+鮟鱇魚肝+日本有機粟米，前兩款當然美味，粟米更是甜到入心🥰再黎刺身三食，海膽+北寄貝+赤身，均屬於高質之選！😚牛肉他他配上日本生雞蛋，比想像中易入口，內有洋蔥令到口感爽甜，可以一試！黎到今餐既重點，壽喜燒和牛，先吃比較有油脂感的肉眼再吃西冷，師傅會先問我地要幾成熟，我地當然俾師傅決定，經過精心烹調之後，配上岩手縣一見鍾情米同日本雞蛋，吃完我同朋友都為之一振，記返起日本旅遊既往事。新鮮野菜都係今餐既特色，壽喜燒汁令到野菜更加美味，同時都可以解下膩！墨魚茶碗蒸十分特別，沒有任可配料反而更食得出雞蛋本身既香味。三文魚子釜飯更係令人十分震撼，三文魚子竟然係任添，仲要係新鮮即叫即開，我同朋友當然唔會錯過依個機會😏😏最後以柚子雪糕+紅豆信玄餅作結，非常滿足…查看更多

比較少食南美菜，聽到朋友介紹長沙灣有一間都比較新開嘅南美餐廳，一於試下。/入到餐廳見到佢嘅格局都比較浪漫，充滿着好多霓虹燈，所以成日餐廳嘅色調會比較紅色～咁啱又可以坐低喺霓虹燈牌下面，真係打卡一流呀今次叫咗佢哋好出色嘅加勒比烤雞加勒比烤雞上面掃左好惹味既醬汁黎烤，烤嘅煮法令到雞肉可以保持到好滑，什至連雞胸嘅位置都唔嚡口，好juicy，店員仲俾咗一隻特色辣醬，叮囑我哋要先試吓自己受唔受到先好食。一入口，嘩，真係幾辣喎！但加埋佢落隻雞度更加好食😋/除咗烤雞之外我哋另外仲叫咗一個豬鞍，份量好大啖啖肉，而且佢唔會煮到全熟，所以肉汁仲係爆棚架！/除此之外我哋仲叫咗一個蕃茄芝士沙律，因為睇到OpenRice話佢嘅芝士係南美芝士，自己都好好奇係咩味道。係煎過既芝士，將佢一開四再配埋蕃茄仔，好甜，芝士味一啖第一啖出！/最後我仲叫咗羅勒青醬大蝦意粉，青醬好香濃，意粉粗身同有咬口，軟硬適中！蝦份量都好多，好彈牙！/餐飲叫咗一杯南美檸檬特飲，因為係No Sugar，所以飲落去會比較酸，但正正因為食咗好多肉，所以用嚟解膩一流😍…查看更多

香港愈開愈多食yakitori既餐廳，但正宗既就真係冇乜邊幾間，今次終於俾我地搵到一間，用炭爐燒出黎既串燒果然唔同，真係回味無窮，店員仲好好人同我地介紹每串既特色，同埋配邊款調味（柚子/胡椒鹽/七味粉）先係最好，用餐體流非常一流！ 價錢方面都唔算話好貴，非常適合一大班朋友黎吹下水食下串燒！🥰🥰香菜雞胸沙律前菜沙律開胃菜都唔錯，夠哂酸！雞腎雞頸肉雞腳根我地特別喜愛依款雞腳根，個口感似爽口版既牛筋，又有少少咬口，一定要黎試下！雞皮雞皮亦都係我地既至愛！用炭火烤過既雞皮爽脆唔算太膩！雞胸軟骨月見雞肉棒雞公冠依款都非常特別，估唔到原來係咁既口感！伊比利亞豬肋條最後仲有一個雞湯同親子丼，夠哂飽同滿足呀！🤗…查看更多

壽司omakase就食得多，但串燒omakase都係真第一次食，今次黎到尖沙咀高貴地段食依間黑木，食物質素的確對得起價錢🥰價值$888的omakase，有前菜，十多款精緻串燒，吸物同甜品鱈魚乾配上啤酒一流，作為前菜岩哂蟹子胡麻沙律配上青森蘋果，最底仲有水菜沙律一齊食，夠哂refreshing九州雞脾肉+溫泉蛋，依款串燒釀左少少雞軟骨，食落更加有口感，蘸埋溫泉蛋汁更有風味磯煮鮑魚十分新鮮，餐廳仲好有心意，連埋日本芽蔥調味厚切牛舌用左最嫩既部分去燒，真係油脂感爆登三連串燒燒白鰻，店員十分貼心，係我地面前磨柚子皮即叫即燒，夠曬新鮮九州雞翼已經預先拆骨，配鹽燒醬係幾夾既長洲蝦膏黑豚肉包蘆筍好特別，既有味覺嗅覺既衝擊，我地好印象深刻美國牛肋肉串 牛油粟米，好夠味，粟米索哂d精華仲好食最後以白布烏冬同燒菠蘿作結。…查看更多

話說蕭生向來都好多gimmick，今次黎到依間神燈爐一黎就俾係門口外既蕭生神燈造型吸引左🤩佢係會不停咁向你招手，十分趣致。依家仲做緊新會員88折promotion，仲要係免費就可以做到，咁就梗係唔可以放過啦！今次揀左佢地level 2既燒肉放題，包括level 1超過50種野食之外，仲有特飲同安格斯牛有得嗌架！係自助食物區，除左有啤酒任飲之外，仲有d好搞笑既動物造型點心，大家可以黎打下卡！黎到主菜，安格斯牛質素幾高，有多款牛肉可以選擇添！海鮮都夠哂多款！芝士烤蠔都值得一試，蝦都算新鮮！…查看更多

座落係旺角站A出口附近，我同我大學同學都係Y dining 享用左一餐別出心裁既高級西餐，價錢方面仲要完全唔貴，我地食完都覺得應該要推介俾大家黎試一試🤩法式餐包+白酒忌麻汁煮青口原本我地諗住就咁食廚餐附送嘅餐包，但估都估唔到依兩款餐包同白酒忌廉汁係咁夾，青口都好新鮮，麵包配上忌廉汁非常惹味。龍蝦湯餐湯真係比到驚喜我哋，係我哋成餐最鍾意嘅食物，除咗濃郁之外仲有啖啖龍蝦肉，絕對係必試食物之一！野菌欖油意大利麵估唔到辣味咁十足嘅意粉，唔算太Heavy因為之後仲有一個煮食要食，除咗有少少油都冇乜嘢可以再投訴。慢煮牛肋骨依款牛肋骨既豪邁擺盤係幾震撼，但食落係入口即溶，底下仲有啲藜麥索晒啲汁，$398真係唔算貴TIRAMISU依款Tiramisu好特別，底下係成塊嘅手指餅，上邊配上忌廉，食落又唔算太膩Goose Island最後難得就梗係啤啤佢，依款Goose Island獲獎無數，小麥味濃，同埋都夠氣。…查看更多

難得父親節父親有假放，當然趁依個機會一家人慶祝一下啦，黎到依間高級西餐廳，一黎已經俾佢地個menu吸引，食完之後都冇令到我地失望😊🥰1. 法式餐包 + 牛肝菌湯配黑松露泡沫餐包加黑醋好開胃，餐湯有驚喜，個base係牛肚菌湯，建議同黑松露撈埋一齊飲2. 西西里島香茄海鮮意粉海鮮份量好多，夠哂兩仔爺食，蕃茄意粉配上少少basil調味，同海鮮一齊食好夾3. 意式生牛肉薄片及新鮮黑松露平時都唔太敢食生牛肉，今次就試一下，就即刻愛上🥰生牛肉處理得好好，夾上芝士及沙律茶係幾新鮮！4.西班牙黑毛豬鞍豬鞍係7成熟，以西班牙豬咁高質素係絕對無問題，油脂感豐富，岩哂食肉獸！5. Bailey Mousse Cake最後就一個mousse cake，好重酒味，都幾有特色！…查看更多

依家係香港散叫火鍋店數目不是很多，當中用心製作價錢又相宜的少之又少，今次難得黎到九龍公園附近去打邊爐，依間「打邊爐」真係令到我地讚不絕口🙌🙌1. 杏汁菜亁豬肺湯+ 四川麻辣鍋 ［鴛鴦鍋底]有選擇困難症既我地揀左一個鴛鴦鍋，兩款都有不用風味，同湯底已經有食物可以首先品嘗，麻辣湯底麻而不算太辣，不會蓋過食材本身既味道。杏汁湯底料頭十足，有新鮮菜乾同豬肺，又有另一種風味！2.手打餃子 + 手打肉丸打邊爐就梗係唔少得手打餃子同肉丸，真材實料，食落爽口彈牙，份量岩岩好！3. 自家制鮮炸響鈴依個係我朋友既至愛，點湯或者就咁食都可以，真係脆到爆炸，邪惡到呢😆😆4. 手切霜降安格斯肥牛手切肥牛係平時係街市即切個種，十分嫩滑有牛味，正！5. 嫩滑鴨血鴨血係特登叫黎同麻辣湯做配搭，真係天衣無縫！6.什菌盆食完咁邪惡既就當然要食下蔬菜啦，都十分新鮮！7. 墨魚滑油炸鬼最估唔到既係原來依道既炸物都咁出色，大家一定要留肚試下！ 爽口同炸得剛剛好！8. 自家製香茅檸檬薏米水 + 自家製竹蔗茅根水…查看更多

觀塘工廈向來都多隱世特色小店，今次黎到駱駝漆依間掌壽司，主打日本空運刺身同壽喜燒，當中見到佢地既二人套餐就最包羅萬有😚1. 柚子汁拼帶子刺身沙津沙律菜同帶子十分新鮮，配上柚子汁，開胃一流😊2. 刺身盛（鯛魚，油甘魚，拖羅，赤蝦，活赤貝，海膽）時令刺身加上精心既擺盤，真係令人垂涎三尺，由富有口感既油甘魚食到最後肥美既大拖羅，每一款都各有特色，聽店員講個menu仲會依季節而轉變，真係既不時不吃。3. 壽司盛（池魚，碎蔥吞拿魚茸，帆立貝）三款壽司當中最愛就係池魚，口感係我至愛，有咬口加上油脂感適中。4. 澳洲M9和牛鍋物湯底係壽喜燒湯，同和牛真係夾到天衣無縫，加上，仲有少量粉絲同雜菜拼盤，唔怕唔夠食呀🥰5.天婦羅沙甸魚沙甸魚用一層薄薄既炸皮包裹住，不是太油，食哂都唔太heavy最後以豆腐雪糕作結，可以話三個人食都夠飽呀！…查看更多