liverpool1992的個人專頁

普通裝修，無咩特別，唔會特別好坐。漢堡包上黎賣相唔差，但食落先知奶野，個塊漢堡扒好咸、個底又黑又焦都算，咬落口仲要係半紅色，係半生熟既。依d組合肉仲夠膽俾生既客人食，真係完全唔掂。個包皮都係好乾好硬，完全唔ok。個價錢仲要唔平，質素衰過老麥，無得救。薯條係正常，無咩特別。因為無加一，所以無服務都好正常，依點唔加分、亦唔減分。成場得我地一枱客，大家食唔食自己諗。味道:3/10環境:4/10態度:4/10價錢:2/10總分:16/40(不合格)評級: D…查看更多

係香港既壽司郎分店大大話話我都食過十幾間，算係長期客仔，但尖沙咀分店的質素係香港咁多分店黎講都算數一數二咁差，食壽司郎時希望避開依間分店。第一，餐廳內部不知道是抽氣問題定點，有一陣淡淡的臭味，令人食得唔係咁自在，要扣分。第二，壽司出品的水平參次，我明明叫左一舊中拖羅，但大家睇圖見到件拖羅差唔多細個舊魚生飯咁滯，唯一值得稱讚既係壽司郎職員馬上幫我安排換返一件正常拖羅，工作效率一流。味道:3/10環境:4/10態度:7/10價錢:6/10總分:20/40(合格)評級: D+…查看更多

係銀座開左間新既泰國菜，見d位幾闊、裝修算新就入去試下，叫左豬手飯同海南雞飯，下午茶價格平均都要五十幾蚊，凍飲仲要加3蚊，絕對唔算平。先講海南雞飯，d醬汁唔好味，油飯唔香，海南雞好鞋，無乜雞味，依個質素仲衰過普通連鎖快餐店，完全唔值56蚊。杯檸茶得個酸字，唔香茶味。豬手飯就又係好鞋，唔好食。普通茶記既質素但貴過茶記既價錢，夜晚個性價比就更加低落，所以都係無回頭。味道:4/10環境:6/10態度:5/10價錢:3/10總分:18/40評級: D(唔合格)…查看更多

因為想食燒鵝同趕住返屋企，見到地鐵站附近有間連和燒味，咪行入去買外賣。首先個呀姐都好串，好唔休做咁，都唔係好旨在你一個半個客。跟住買左上庄燒鵝，返到去屋企一打開就戲肉黎，首先份量少，又多肥膏，食唔落口。我呀媽食完仲要話無味又鞋口。個價錢又唔係平，都要110蚊。買完睇到openrice先知原來依間餐廳係咁惡劣，真係唔會有下次。今次依篇食評係希望其他巴打唔好再中伏，俾錢劣質餐廳賺。味道:2/10環境:3/10態度:3/10價錢:2/10總分:10/40評級: F+(極惡劣)…查看更多

獲氣夠、有香港特色大牌檔已經半個月之前就預約好既楚撚記大排檔。一落位我地就叫左豬手、椒鹽粟米、九肚魚等招牌菜式。裝修方面就用返懷舊香港特色，唯一唔好就係要用QR Code落單，普通老人唔識用。豬肉撈飯夠香，但可惜唔健康XD豬手個皮好脆好正，係份量唔夠。椒鹽粟米好入味。九肚魚就外脆內鮮，係我最滿意既一道菜。霸王雞就普通。小炒皇唔錯，d菜幾甜。啤酒方面就有青島做特價，如果藍妹都有特價就好。臨尾仲有個番薯糖水送做結尾，十分識做。味道:8/10環境:7/10態度:6.5/10價錢:7/10總分:28.5/40評級: B…查看更多

今日同fd子叫左個二人餐食，總共128蚊，個餐有2個漢堡包、2兜薯條同4隻雞翼。個巨無霸超級大舊、舊牛肉好好食，其他配菜又超多汁。2個大男人都絕對食得飽。最有特色係友利坊既自製飲品，有益過可樂好多。薯條同雞翼相比，炸雞翼好食過薯條。最緊要除左快餐之外，友利坊仲有其他野可以選擇，中餐可以食燒味，燒味我推介食燒鵝，好香好多汁。西餐可以食威靈頓牛柳。味道:7/10環境:6/10態度:7/10價錢:6/10總分:26/40評級: B…查看更多

依間茶記裝左修鋪面人手少左，得返2個呀姐(1短頭髮, 1個扎馬尾)。馬尾呀姐忙緊其他野，我諗住入去坐低再俾佢嘟針卡，點知呀姐就即刻扭轉頭好似審犯咁喝我。如果你依間鋪頭唔夠人既就自己set部手機出黎俾客人嘟，而唔係周圍咁喝人咁無禮貌。落單送餐依位馬尾呀姐都係喂前喂後，無黎禮貌。野食裝修前都仲叫好食，依家d麵湯底又無味、d野飲又難飲左。有時候黃店並唔係大哂，如果無好既態度只會係趕客。可能你唔稀罕賺我個幾十蚊，但我可以好肯定同你講，我以後都唔會幫襯你依間茶餐廳。味道:4/10環境:7/10態度:1/10價錢:5/10總分:17/40評級: D…查看更多

當日點了越南雞翼、撈檬，其他食物是不錯的，越南雞翼炸得幾香。但令我不滿的是帶位的人員雙重標準及不知所謂。餐廳明明有大把的位置，排係我前面的客人已經順利進入，但當輪到我時候，那一位疑似是部長/接待員的人一直都沒有理我地，直至20分鐘後才安排我入座，接著排我後面的人也很大可以入座。如果唔想做生意其他可以早d講，依家疫情關係仲要賴係野咁，扮哂大牌，不知所謂。D野食係普通水平，但大把同你一樣級數既餐廳服務態度好過你唔知幾多。我發誓永遠都唔會再去食。味道:6環境:6態度:1.5價錢:3總分:16.5評級: D…查看更多

亞萊泰依間野價錢就一般水平啦，但如果計埋佢個食物水平就完全唔得，唔可以食用。最近去左食，叫左1條特價泰式鳥頭、菠蘿炒飯、生菜包同黃咖哩蟹肉蒜蓉包。首先講條鳥頭，得個酸字同青檸味，冇咩特色，d鱗又未清好，98蚊都俾多，完全唔好食。第2生菜包，d肉好多都係肥豬肉，同埋味道偏酸，好難食。第3黃咖哩蟹肉蒜蓉包，個蟹肉份量都ok，但蒜蓉包基本冇咩蒜蓉，只係一塊普通焗過既多士，咁就收138蚊，真係呃錢。第4樣菠蘿炒飯味道正常，算係4樣野比較正常個樣。唯一比較可取係依間野唔收加一，但都係一次無回頭。2個字難食。味道:2環境:3.5態度:5 性價比:4總分: 14.5評級: E+(極度惡劣)…查看更多

因為見特價所以去左銅鑼灣如心食自助餐，點知一食先知係最難食既自助餐。隻大蝦刺身用D就融既冰水浸住，見到都唔開胃，刺身款又少，得2,3款。個D軟殼蟹炸完又冇乜味，D粉又厚，口味好差。係胡椒蟹好DD。酒店黎講依間如心都算難食，又唔平，環境又唔靚。個魚扒又成陣雪藏味，超級難食。炸蟹球味道一般，蒸蛋都係一般水平。牛扒、羊架就普通水平味道:1環境:6 態度:5 性價比:1 總分: 13評級: E+(極度惡劣) …查看更多

今次叫左炸薯條同埋軟殼蟹漢堡包，薯條厚身大條即炸，非常好食，份量仲好多，我自己一個人都食唔哂，d薯條完全吊打大型連鎖店既薯條。軟殼蟹成隻好大舊，外脆多汁，唔驚熱氣真係要試下，出面好少可有成隻軟殼蟹上而收依個價錢。不過小店位置有限，如果多人堂食既可能要等，特別係南區唔係太多黃店。個包身唔太林，仲有個自己既icon印左上去，好有特色，值得一試既漢堡包。夜晚好似仲有意粉食。味道:7.5環境:6態度:6.5性價比:7總分: 27評級: B+…查看更多

黎到大埔道依間新開既西式快餐店，入面唔會播cctvb，值得加分。依到早午晚餐都有，菜式都非常之多，由港式到西式既都有。環境黎講都十分寬敞，特別係依家武肺疫情之下，距離愈遠愈安全。今日晏就叫左個海鮮焗飯同豬扒焗飯，價錢都唔太貴，大概50蚊左右，塊墊底既木板好靚，個豬扒飯汁都ok。海鮮飯都係正常水平，凍飲都係加2蚊。外賣仲可以平20蚊，真係抵到爛。如果想要食抵食既西餐，我強烈建議大家黎La Tessa食。味道:7環境:7態度:7.5性價比:9總分: 30.5評級: B+…查看更多

最近得知店主俾業主打壓係疫市之下仲加租3成，所以我都決定去幫襯一下。來到真係都幾多人食，如果想晚飯時間食到最好book定位先，依間鋪頭得意的地方個餐牌係一張收據。今次我地食左日式芝士年糕，單骨雞翼、可樂餅、炸蠔同番茄牛腩等日式小食。 最好食係日式芝士年糕，有煙un既口感同甜味，真係一定要食。可樂餅炸得比較乾身就一般， 單骨雞翼處於水準之上，店員亦都好有禮貌。番茄牛腩同出面其他鋪頭比亦都唔差，吉列蠔都可以，2個人都係食左230蚊，係旺角既市價都唔太貴。味道:7.5 環境:8 態度:7 性價比:7.5 總分: 30 評級: B+…查看更多

老實說很少黃店是屬於難食的，但這一間漢堡博士是例外的。今日來到紅橋一心想支持一下良心的美食，最後來到依間漢堡博士叫了一個英式魚柳漢堡和一個芝士牛肉磨菇漢堡，價錢約40蚊一個，還合理。在等了一段時間之後想查問一下外賣有未，但老細既老婆唔係好想理我地，成程都係西口西面，咁我都算。當打開漢堡食先知大獲，首先個包皮好淋，完全唔得。第二個魚柳好淋，成pat野咁又超級咸，個牛肉又冇味既，成個包整到超級多汁。杜生有時真係講得岩，你一間食店最基本係要整好d食物，唔係d人唔會返轉頭。…查看更多

睇完yellow open rice ，得知依到係由烏克蘭籍的廚師打理就馬上就決定預約book位去食依間主打東歐(烏克蘭和俄羅斯)既餐廳一入到去見到有文宣仲有好傳統的斯拉夫風格的佈置，經openrice 預約仲有一shot vodka飲，好正我地叫左烏克蘭羅宋湯，同香港既唔同唔會辣，仲有d cream同紅菜頭係入面，超好飲。跟住就係主菜俄羅斯兔肉、vodka燒豬肋骨同埋基輔炸雞扒基輔炸雞扒真係依到既招牌菜，d雞肉入面好香牛油味，薯片厚切好正vodka燒完豬肋骨d醬汁有油味，d肉好軟，同埋只係百幾蚊超抵，最後最特別係平時好少係出面食到既兔仔肉+意粉兔仔肉俾我既感覺有d似豬肉，但un d，味覺幾好，我個人極強力推薦東歐餐廳!!味道:8.5環境:9.5態度:8性價比:8總分:34/40…查看更多