幸福好好味的個人專頁

上個星期五先啱啱食完第一個2021年冬天的邊爐，隔咗四日唔到，就即刻去咗第二餐2021年冬天的邊爐！但係呢間有啲唔同，呢一間係無限時任食！因為一班friend約咗食飯，費事食完又要搵地方去，所以就搵咗呢間無限食，我哋由下晝2:30食到6:30（原本係可以食到7:30 ）一邊食一邊吹水，雖然價錢貴咗少少（定係依家全部都係尼個價錢？！我真係因為疫情閉關好耐，）但係嘢食方面都唔錯，啲肥牛唔係普通街市買嘅cheap肥牛，竟然冇幫佢影特寫，唯有喺張合照中cap佢落嚟啦，另外環境坐得都舒服，喺香港呢個寸土是金嘅地方，所以可以俾你咁樣坐喺度食嘢嘅地方真係唔多，所以整體來講性價比係非常之高㗎！推薦推薦，啱晒一大班朋友邊食邊傾偈！…查看更多

2021年冬天第一個邊爐，台式邊爐，而家出咗好多台式養生鍋，價錢都幾貴，以前打邊爐好似都係百零蚊加埋一唔使200 ，而家二百幾蚊起， $300左右買單，真係好貴，定係疫情冇出嚟食嘢，唔知市價呢？ ！哈哈！但係一鍋堂真係唔錯！啲食物好乾淨，好新鮮，環境又整齊、乾淨。大家可以睇吓啲相，啲蔬菜好新鮮整齊咁擺咗喺保鮮櫃，就連啲熟食都望落去好似好好食咁，整體來講我係比滿分佢嘅，但係如果有埋日式芝麻醬就會更加好啦！…查看更多

好似興咗好耐，一直都冇去試，朋友一時興起就一齊去試吓啦，我哋係提早book咗位，平日嘅中午去食，唔係好多人， lunch set可以加$38就可以轉做相片打印，我覺得印出來既相好似唔係特別清，唔夠卡通果的圖清，我地叫左個意粉同漢堡，意粉幾好食，但個漢堡要睇清楚，佢係大啡菇，唔係肉，哈哈，差啲睇圖誤會左，但都幾好食😋但唔係好接受到張櫈好污糟，張相影唔出佢有幾污糟，見到都唔係好想喺度食嘢，唔明點解唔清潔下，真係好影響胃口，可唔可以改善下…查看更多

好耐冇來食啦，裝修完都冇來過，夏天會好熱，凍凍地食就岩晒！今次叫咗個雙餸，牛腩牛筋面，牛腩好靭，牛丸都好食，唔係太大陣牛肉味，應該加左陳皮，價錢真係唔貴，但係野飲好貴，好似一杯凍奶茶/凍檸茶要$18杯，真係好貴，而且并冇咩特別好飲，如果可以，就盡量唔好叫，性價比即刻拉低左，唔飲就好抵食好多啦我地星期五6點鐘食，唔係好多人，阿姐同阿哥都好服務，唔會明明有吉枱都要迫你搭枱，由其依家疫情，真係唔想坐太埋！唔會怕麻煩，值得讚！…查看更多

泰國菜真係好喜歡😍😍今次食泰仔，真係幾野味，食左幾樣野，覺得最出色既係炒通菜，真係好正，唔會好辣，而且好有鍋氣，蝦餅好大盤，好彈牙，最好唔2條友去食，樣樣都好大碟，就好似果碟青芒鰂魚咁，大條到呢！見到都吓一吓😱😱但只需168，抵食到爛，所以最好叫多幾個一起食，就可以食多幾款，下次會再去食，記得要book位，佢有落場時間（2-5:30），要留意返，另外呢～個老細係個floor行來行去，熱情咁招待，但係冇帶口罩😷🤦🤦🤦🤦…查看更多

原來已經好耐冇寫食評，太懶，前2日去左葵廣行街，之後走去尼間野食晚餐，見佢冇咩人排隊，唔洗點等，我地2個人，叫左半隻雞煲，加左個野菜拼盤同薯粉，肉骨茶，麥片蝦球，泰式奶茶及啤酒。尼到個環境其實真係好舒服，位與位之前隔得好開，服務態度非常好，但係食物呢…..你唔可以話佢唔好食，但你完全講唔出好食係邊！真係諗唔到有咩詞語可以形容到，連雞煲有雞味，我都唔係好夠膽講🤭🤭如果可以既話，大家去試下，就會明🤣🤣🤣但職員既服務真係好好！最後，埋單50x…查看更多

尼排疫情，個人太苦悶，搞到好想食泰菜，應該話食咁食泰菜，沖擊下生活，今次又係深水埗食泰菜，尼間鋪細細，平時都多人，今次行過冇咩人，即刻入左去，我地就叫左個套餐，幾抵食，不過唯一唔開心既係套餐入面個野飲唔石以轉椰青，加錢都冇得轉😢最後冇飲到，sadsad,整體味道唔錯，幾好，但都係覺得唔夠味，唔夠重口味🤣🤣🤣但係都係好食既，性價比係好高，推薦大家來試吓，但地方比較細，如果想坐得好舒服既話，就唔好。最後要講句：真係好抵，仲有芒果糯米飯做甜品，正！…查看更多

本來諗住去食牛角，但太多人，之後改食拉麵鬼xx, 都係好多人😫😫😫轉左食炸雞，又係好多人，最後係H8簡左尼間，冇咩人，2個人坐大枱，正，舒服😌第一次來食，見其他人都係話lunch set抵食，但晚餐冇，都唔知食咩肉好，所以求其叫左個$689咁既拼盤，又叫左個菜拼盤$5x，一個飯$39。價錢大大約數，唔係好記得清。總括來講，唔係好抵食，貴，肉類又唔係好食得出咩特別，而且食種類比較小，冇咩選擇，菜既種類真係令人擔心，燒洋蔥還好，燒大蔥真係第一次，好奇怪，仲要收咁多錢，唉！食左2片肉，感覺好似係我身上切落來咁痛，咁就差唔多要$1000😖仲有燒豬肉，係好似係日式拉麵入面塊差燒，麻麻地。…查看更多

冇得去旅行好掛住泰國，於是就忍唔住走來食泰菜，尼間見佢近近地，就來試下。我地3個人叫左4樣野，除返每人約200，但味道係唔錯既，可能我地叫左野飲啦，每杯都概4、50蚊，同出面差唔多，整體來講唔算貴，個火山排骨最正，我地叫左小，但都幾大盤，但其實佢骨多，又唔係望落去咁飽，但點個湯勁好味，食得非常開心，環境都幾好，望落十分乾淨，特別依家瘦情，更要特別注意，有機會再食最後，地點都十分方便，食完仲可以行下街，…查看更多

朋友介紹來食，望落都好抵，我地叫直個套餐299，有酸菜魚、涼拌青瓜、蒜泥白肉，紅燒肉咁既野，計落都好抵！主角係酸菜魚，味道不錯，魚肉唔係好多，酸菜好似都唔多，對於想真係食酸菜魚既朋友，就唔好叫我地尼個套餐啦，但想咩都試吓，咁尼個真係抵到爛！我見都幾多人叫烤魚食，另外，小店坐位比較窄，唔係好多位。…查看更多

疫情期間冇乜點出街食飯，呢排見到疫情有啲緩和，就即刻走咗去試吓呢個酸菜魚！1.首先最好食嘅係好似花生咁嘅嘢，香口！2.口水雞$7x真係好出色，啲辣醬好好味，啲肉都好滑！推薦大家一定要試吓。3.小籠包$4x都唔錯，張相都睇到漏汁，本來想叫多龍，但無奈已經食咗一碗飯！4.終於到酸菜魚$19x啦，主要係來食呢樣野嘅，但我覺得唔係好出色，酸菜唔夠多，同埋酸菜切得好細條，整體嘅味道好平淡，有一刻我懷疑緊自己係咪食緊酸菜魚，不過你望落去同你食落去係有落差嘅！最後東涌呢間個環境都唔錯，好乾淨，係享受嘅！下次可能都會再嚟，再試下佢個水煮魚好唔好食！真心推薦大家食口水雞，個賣相都好高級！另外整體價錢都唔係好貴，（實價唔好記得）大家可以去試吓！…查看更多

琴日早左收工就走咗去食個下午茶，記得之前喺呢間度食個下午茶，幾好味，又多嘢揀，所以今次想encore。點知入到去，好似換咗餐牌，比上次少左好多嘢食，我哋就揀左兩個餐，南瓜意粉有跟酥皮湯另一個焗飯就冇嘅，全部都有得揀紅豆冰飲，都唔使加錢， good ！個南瓜要分真係唔錯，多汁，尼個比上一個意粉工房啲意粉好食好多，雖然價錢貴少少但真係好食，我仲見到有啲人嗌咋雞塊左全日早餐，望落去都唔錯，下次可以試吓食。另外一樣值得讚嘅係佢哋係用只飲館非常環保。…查看更多

喺呢頭返開工，見到轉左新嘢食，就試吓新屎坑啦！裝修都係行工業風（即係水泥墻），感覺唔錯，可能係晏晝啦，款式唔算多，但可以揀意粉或飯我哋叫左香辣海苔醬墨魚腸意粉瑞士雞翼飯脆皮雞扒意粉肉醬意粉加牛丸上到嚟都幾大碟，意粉唔會太林，味道亦都唔會太咸，整體來講唔錯，最推介嘅係脆皮雞扒，個雞扒好大塊，層皮好脆，好似食緊乳豬咁，不過嘢飲個杯，好似同成個餐廳都唔係好襯，用茶記啲塑膠杯，如果可以改用玻璃杯啊，或者係透明嘅塑膠杯會好好多囉。…查看更多

我同個friend都好鍾意食放題，去完佢公司就決定喺附近搵嘢食，見到依家好評都幾多，就上咗去望吓個環境都唔錯！一入到去啲位都迫迫地，不過都慣呀香港有邊度唔迫迫地，呢間有得用Apps落單幾方便、環保，讚！坐低第一時間當然叫刺身，幾新鮮，啲肉唔會梅，仲有我最鍾意食嘅泰式生蝦！！食咗超多！迷你版嘅手卷食多幾舊都唔怕制另外啲熟食都唔錯，花膠大大件，芝士焗蝦都好香，個蟹咖喱蟹都唔錯啖啖肉唔梅食咗都有兩個半鐘六點到八點半，最後埋單加入一個人$300，唔算好貴，但如果要比較嘅話，始終大喜屋嘅性價比更高（尤其係睇到而家做緊優惠OpenRice book位八五折，好似:)）…查看更多

同事話呢間好好食，咁就帶咗我地來試，午飯發現都好多野食，每日都有唔同嘅餸，七日唔同款，尼樣嘢都幾正，好過出面啲茶餐廳，日日都係蒸肉餅、蒸魚、咖喱飯等等，真係食來食去都係呢啲，悶到死，但呢間就有啲新意，咩鮑魚汁啊，鰻魚汁啊，菜飯啊都有！尼樣嘢要俾個讚佢！但好食度呢～以前朋友就話好好食嘅，但今次我哋成個星期都嚟呢度食，差唔多日日都中伏，食個蒜香豬扒菜飯，個蒜香豬扒真係好好味好香，但係個飯呢咸到一個點，感覺食完個菜飯要即刻去急症洗下個腎，真係冇誇張到之後有一次又食呢個飯，個飯就OK，唔會好鹹，但係個豬扒就完全冇蒜香味，原本我上次食完都好掛住個豬扒，但.......朋友試過食其他嘢食都中伏，就連最簡單嘅蒸肉餅都可以唔係好食，我啲朋友已經放棄咗再食呢間野......我哋都懷疑係咪換咗大廚！！！不過以$39冇湯飲都算係抵㗎啦，未試過嗰朋友可以黎試吓！…查看更多