Yi Cheng的个人专页

當日打去訂枱，店員話只有bar枱坐。但一唔緊要照。 準時去到，店員安排左唔係bar枱既二人枱俾我地。但張枱好細，只夠放碟餸嗰隻。而且同隔離枱係超近，近到係會聽到隔離講野既而且餐廳細食客多，整體環境都好嘈。食物方面，當日餐湯係南瓜湯，另外我哋加咗$30要個龍蝦湯，兩個湯都好味！ 主食叫左個烤春雞配薯菜，個烤雞春不錯，雞肉整體都滑既，薯條也脆口，好味另外，叫咗一個肉眼牛扒。我哋叫五成熟但黎到似七成熟，切開睇d肉唔係粉紅色，明顯一定唔係五成熟。不過都在肉質都林，味道亦唔錯。飲品方面，叫左杯Dr Kitty，黎到先知咁細杯。酸酸甜甜咁，幾好飲。另外叫左杯普通紅酒，味道一般。環境方面，本身係幾浪漫既，但因為同隔離枱太近亦太多人既關係，餐廳變得好嘈。可能比較適合大夥兒而不是二人浪漫晚餐。當晚亦有波睇，餐廳開左部細電視直播，但眼見村餐廳都無人睇。而大電視（projector)播類似外國廣告既野，都係無人睇。…查看更多

已經嚟呢度食過四五次。今晚星期五7:00嚟到，只有三四位客倒。佢好多海鮮嘅食物都係時價。 好似一個蟹肉粉絲煲就要七百幾蚊，真係唔捨得食。所以只係叫咗一個大蝦粉絲煲$398，有六隻大蝦，而且個粉絲煲都係好大嘅。其實佢個煲都唔太夠味，我都叫佢左店員俾咗啲辣汁我地掂。另外佢個豬頸肉係用炭爐燒所以都好好食，正，$140幾。我地鍾意坐出面，空間大啲，環境都唔錯。入面雖然有冷氣但係感覺比較擠迫，又聽到其他食客講嘢。呢度嘅店員有啲係泰國人，佢哋比較hard sell。 例如問你要唔要燒乳豬，生蝦刺身等。但係服務都好嘅。:)呢間餐廳座位唔太多但都幾多人食，九成人都係揸車嚟。所以建議要先訂位，但車位就無得訂。成日都會亂泊，食食吓要倒車比其他客人既車出入。:(P.S.今晚有live Band，食過咁多次都係第一次有。…查看更多

一定要預約，walk in 8成都無位，因為間店唔大，得幾十個位。第一次食叫了海鮮套餐，佢set好左有咩海鮮，成份咁上俾你。都等左段時間先上到海鮮，不竟客人比較多，餐廳得兩個樓面。包埋四款配料，配料就可以自己揀。先食海鮮，每種海鮮都好新鮮，都好好味。D蝦仲生猛到係咁跳。但舊魚淨D, 我同老公都覺得麻麻地。值得一讚係店鋪將d海鮮洗得好乾淨。佢會俾個鐘你計時，同有張紙教你要煲幾多分鐘。食完海鮮就開始食配料，揀左肥牛，牛柳粒，墨丸同生菜，配料就不及海鮮出色但都ok既。最後佢會幫你落埋個粥。整體來說食物質素不錯，性價比高。唯一是環境有點擠迫同嘈。…查看更多

8點鐘到達餐廳，8:45才有位。Pizza的選擇唔係好多，大概六個倒，我地點左蘑菇芝士pizza，蘑菇味比較濃而芝士就唔係好出，但Pizza勝在夠熱，整體來說都可以。我哋仲叫咗個朱肋骨配薯條，薯條配燒烤粉，朱肋骨又唔會太硬，好味仲叫左個蜆肉意粉，蜆肉得幾隻，意粉份量亦比較少，但係都好好味。另外仲叫咗兩杯野亦都唔錯，好易入口亦唔會太甜！…查看更多

個日星期日2：15去到見到得兩枱人，而朋友又未到於是唔入去住，因為餐廳職員話入座計用餐1小時30分鐘，不過如果無人等都唔限時。其實個日我地個日超時而且有人等，店員都無趕我地走。我地2：30入座，大概五枱倒，全場大約係得十幾枱二人枱，兩三張四五人枱。餐廳無限兩人要叫一個high tea set，我地五個女仔只叫咗兩set，跟set有四杯嘢飲。High Tea Set有三層，最上層係甜點，下面兩層係咸點。最下層有兩個鬆餅，有草䓯醬同cream可以點，草莓醬味道濃d好味d,cream就無咩味。另外仲有兩個柚子脆皮撻，柚子甜甜地加埋鬆脆既撻﹐幾得意，好味！中間個層有兩件三文治，係沙律醬加蛋加菜等，都唔錯。仲有兩條長長既脆脆條，好鬆脆，亦都好好味。另外仲有兩件麵包仔同餅仔，賣相唔太吸引，味道亦無咩特別。碟中間係一個用杯裝住既一堆果仁，普通果仁味道。最上層係甜點，有兩粒馬卡龍，我試咗荔子同玫瑰味都唔錯，唔算太甜。仲有兩杯Tiramisu，一食就被朱古力粉咳到，太多朱古力粉了。另外，有兩粒紅莓cream既蛋糕仔，紅莓唔酸所以都唔差。仲有四枝朱古力棒棒，兩枝係普通朱古力，兩枝係白朱古力，朱古力入要有d紫色既醬，唔知咩黎，但成粒好甜。雖然甜點唔太多，但食少少已經覺得好流。一個set仲跟兩杯雪糕，我地叫左伯爵茶，有d似綠茶味，味道麻麻。荔子雪糕唔太甜，重重荔子味，唔錯，仲有焦糖海鹽雪糕，好重焦糖味，食唔到海鹽味，但都好食。仲有杯唔記得咗係咩。嘢飲方面，叫咗杯朱古力，店員都會拉westwood既飛碟標誌，超靚，其實咖啡都會拉呢個花既。仲有叫咗個洋甘菊花茶，第一壼已經好淡，不過我就鐘意清清地。另外仲有個玫瑰奶茶，朋友都話唔錯！小插曲係店員幫我壼花茶加水既時候將水倒咗係我身上，好在無燙親。仲有叫左兩個職員幫我哋影相，佢地第一句都係話等陣先，一個就唔記得左，一個就做完野先幫我地影，整體服務都可以接受，不過張枱太細，每黎一樣野都要收左枱面既嘢先夠位，high tea set亦出色。👍🏻…查看更多

Book左位一黎就有位，不過間店其實唔full。我地十一個人叫左三個鍋，幾個小食同壽司。第一個係上級豚肉麵鼓雞白湯鍋＄238，得幾塊豚肉，大量芽菜同娃娃菜，但要成二百幾蚊。味㬝鍋個湯底唔錯，夠味，豚肉亦都好味，但一人都無一塊肉，份量太少。其實我地本身係叫牛既，但朋友聞落話有臭襪味仲要好大浸，職員話係牛肩既味。不過職員話我地介意可以換過俾我地，佢俾過一鍋新既我地，服務超贊。第二鍋係上級豚肉鐵板鍋＄256，又係超大量芽菜同娃娃菜，仲有少量年糕，薯仔同豆腐。同頭先個煲無分別，只係個煲變左個鐵板。呢個鍋好淡無咩味，整體好一般。最後一個係松葉雪見美人鍋＄288，有幾條蟹腳，每人分得少少。蟹腳幾好味，但真係好少。鍋中間係大量蘿蔔蓉，仲有少少豆腐同骨膠原，整體幾好味。我地仲叫左柚子椒鹽雞翼＄52，熱辣辣，甜甜地，好好味。仲有個麻香木耳，喜歡辣既朋友應該唔錯。仲有大和豚沙律，好似凱撒沙律咁，都整得唔錯，有少量肉。仲叫左軟殻蟹壽司＄108，好鐘意食軟殻蟹好好味。大和十二帥，主要係刺身壽司，有一兩件熟既，壽司勁細件，十二件＄178，唔抵。最後係焗芝士煙肉茨仔，好似好pizza咁，好得意，好味道。…查看更多

每次黎食都要等位，尤其係過左7:30後，要等好耐下。因為間店好細，所以枱同枱之間係超近超窄的，係完全聽到隔離講野。所以想享受環境既話，呢到係俾唔到你。食物方面，我最鐘意食韓式炒粉絲，有少少肉、芝麻、楊䓤、紅蘿蔔絲、同菜炒成。粉絲好爽，粉絲配芝麻好香，好好味！韓式壽司都ok, $40 算不錯，但好好味又講唔上。其實好似自己整既壽司咁，有蛋、青瓜、火腿、蟹柳、紅蘿蔔、黃瓜同芝麻，清清地，有d人會叫外賣當午餐。仲叫左個牛肉鍋配白飯，可能浸住d牛肉既關係，d牛有d老，再配白飯食，有少少寡，味道帶甜，麻麻地。之前仲試過海鮮豆腐泡菜配白飯，好辣，我食唔到。但男友話唔錯，好好送飯，好味過牛肉鍋配白飯。…查看更多

近近地去附近食，見幾多人食就試下呢間泰國野。間店冷氣唔夠，坐左好耐仲有汗。兩個人叫左個牛肉青咖喱加蒜蓉包，雞肉炒金邊粉同青檸梳打。個牛肉青咖喱好味，d牛煮得岩岩好，青咖喱又唔辣岩我。蒜蓉包點埋青咖喱食真係好正。👍🏻👍🏻仲有雞肉炒金邊粉都唔錯，甜甜地，雖然雞肉有d老，但d金邊粉炒得唔錯，幾香。環境方面，座位同座位之間好窄，聽到隔離講野，而服務方面都唔錯。…查看更多

兩星期前打黎book, 點知full booking, 咁我地就入左waiting list,食前一日侍應打黎話有位。其實食個日見到都未full晒的，仲有幾張枱。High Tea 時間3:30-5:30，真係要夠鐘先入得。四個人要叫兩個set, 如果唔叫係，無叫set個位既minimum charge 係$300，咁叫set係會平d既。個set分甜同咸兩part,上層甜下層咸。我地食左咸先，有件吞拿魚蟹子加蔥既麵包，聽落有d奇怪但食落幾得意，幾好味。有件蝦肉加豆豆既乾麵包，個蝦好味，豆一般，㚒埋食都ok。另外再有件麵包夾ham，太咸了。其他仲有舊薯蓉，馬卡龍等等，味道都麻麻地。甜店方面相對比較出色，中間好似褔袋個個其實係炸到脆既皮包住一個用蘋果整既醎，初頭一睇以為係薯仔。匙上既係燉奶咁，但紅色個個醬超酸，mix埋食就麻麻地，剩係得酸味。右上角個件白朱古力紅莓蛋糕好好味，又唔太甜👍🏻👍🏻。另外綿花糖朱古力蛋糕超級甜，上面金色既係爆炸糖，太甜了😥另一舊朱古力糕點都係超甜，而且味道怪怪，唔知係咪朱古力外皮燒到焦左，一陣燒焦既味道。整體黎講野食就一般，係有兩三件比較出色。環境方面就真係唔錯，我地先到但無要求坐窗邊。坐梳化都唔錯，枱同枱之間都有足夠空間，所以都唔會聽到隔離講野既。侍應都有求必應既，會幫忙拍影相同拎水。到5:30侍應會同客人講用餐時間已經夠要離開，所以我地埋埋單都走了，其實兩個鐘要食野傾偈係唔係太夠既。每人消費$250幾連加一，如果有AE或city bank可以有九折。…查看更多

之前見過好多人排隊同裝修幾靚就黎試下，7點倒唔洗等。叫左三文魚、凡立貝、蟹棒三款壽司。刺身同蟹棒唔新鮮，紫菜林的，飯一夾就散晒。仲叫左個鐵板香蒜牛肉飯，d肥牛幾好味，但d飯林林濕濕的，好奇怪，仲有係勁油。因為唔夠飽，叫多個地獄海鮮拉麵，menu寫係spicy，但湯底只有少少辣，無咩味，海鮮亦比較少。只此一次，唔會再黎。…查看更多

我地九人book左枱，去到見佢安排我地坐房，其實唔錯，因為我地比較嘈，怕影響其他客人，而且坐得幾舒服。其實間房係好細，好應聲，所以如果有其他客人坐入黎，係大家會聽到晒大家講野，有一圍就係坐坐下出返去坐。野食方面，叫左個大蟹子飯，蟹子好大粒好新鮮，不過好細碗。個燒魚賣相唔得，燒到黑蚊蚊，但味道不錯的，係過隆了。苦瓜炒蛋，苦瓜唔苦，加埋魷魚食味道幾得意，夾埋食只有魷魚味。軟殻蟹壽司都好好味，軟殼蟹都有少少脆。仲有飲品方面，巨豐堤子梳打水好好飲，但蜜桃梳打水好似藥水味，好難飲。價錢方面每人食左接近三百，因為d野偏細碟，要叫好多先夠。…查看更多

想人少少所以㨂左星期五入長洲，一到步放低左d行李後就出去揾食，上網見呢到正評都可以話係最多就試下la...網上既圖係有雙熊係門口，但去到隻熊係係入面的。間店其實幾細，坐滿其實幾迫，同埋唔關門既關係，一有車經過就好嘈，呢樣係最差既地方。講下間店，一入去牆上有名信片售賣，亦有紙仔俾客人寫野然後掛起板上，怖置都幾靚同有心思。唔太肚餓關係，兩個人叫左個all day breakfast同兩杯野飲。all day breakfast 個賣相就唔係幾靚，無肉，薯角都脆脆地味道唔錯，粟米同蛋味道都正常，但塊面包就好似唔係咁新，麻麻，整體都不錯的，而且價錢適中，跟餐的奶茶很淡，完全無茶味，不好飲，另外叫的柚子梳打都唔錯，但柚子不多，但要三十幾蚊。整體環境食物其實一般，但奈何長洲cafe既選擇不多。…查看更多

中午黎食，已經好多人排隊等位，大熱天時又有蚊咬，其實真係好辛苦但真係想試下，所以繼續等。等左四個字終於有位，全部都要搭枱的。員工熊度好差，有客人話頭先有員工話有扣肉，員工話唔知邊個同你講有，早知而家就無。朋友點了海南雞飯，雞肉好霉，湯又淡，好難食，而且要成$44，但佢凍飲加兩蚊，就連檸蜜也是，幾抵！另外叫左個冬陰公豬頸肉金邊粉，都好多肉，肉同湯底都整得不錯，好好味！為左碗粉我會再來或者外賣。如果想享受環境同服務，呢到一定俾唔到你。但佢某d食物係幾好味。…查看更多

倆口子間中都會揸車到生昌食下晚飯，如果泊隔離會free一至兩個鐘...黎生昌主要黎係食野既，環境同服務都唔好太多要求，環境嘈，如果坐外面更加要食二手煙⋯每次黎一定會叫烏頭，佢係我食過咁多間最掂既一間，魚唔腥、好新鮮，夾埋個醬食好好味！另外亦會叫雙併，生腸配墨魚，一定揀豆腐底，感覺飽好多：P再叫個椒鹽炒魷魚，炸得好脆而且魷魚好新鮮，岩岩好、好味！…查看更多

咁岩經過愛民商場咁就試下間天馬餐廳，叫左個米高套餐同薯條雞脾餐。米高套餐有一塊厚既漢堡扒，芝士生葉漢堡包，薯條同一杯野飲。雖然好足料，但味道一般，本人不太喜歡食。個雞脾薯條餐都包一杯野飲，隻雞脾炸到隆晒，個賣相好唔得，炸都皮都黑黑地。但食左啖真係不得了，個塊皮好脆好似食乳鴿個塊皮咁。雖然好好味但真係勁唔健康，少吃多滋味！兩個餐都叫左凍奶茶，我對奶茶無咩要求所以覺得幾好飲。間店以外賣為主但都有少量座位，大部分員工都幾粗魯，但食物價錢都不錯。難得呢d小鋪仍可存在。…查看更多