pudding317的个人专页

見多好評 所以試下下午茶 呢度$38 只有3隻餃 每隻大約係圖片一半大細 好小 味道唔特別鍾意 麵無味 整體來講唔試都可以而且店員態度麻麻 叫左好耐 原來仲未落單：） 最後都等左一段時間…查看更多

見到好多人推介伏特加蟹肉意粉，點知一食落去係罐頭羅宋湯嘅味道，零誠意可言，蟹肉係罐頭蟹肉嘅味道，仲要係一舊舊，菇係草青味好重，未熟既感覺，整體嚟講係好失望，仲要成百幾蚊！仲要等咗成半個鐘，佢先至講留咗單，上菜速度欠佳另外焦糖燉蛋多士，雖然賣相唔錯，但係製作零技巧可言，純粹就係一塊麵包再加忌廉醬汁，一笑置之。唯一可以揀嘅係佢嘅白酒青口，加上辣肉腸係幾惹味，成個感覺係好夾有驚喜嘅，但係整體嚟講都幾失望！…查看更多

豬手得兩舊 銀針粉+2餸要$47 整體嚟講覺得好油 唔建議食豬手和銀針 豬頸肉有5塊 味道ok 建議叫魚或者雞髀比較划算，整體嚟講可以接受，但略嫌態度欠佳 附近光顧嘅大多數係地盤工人 所以都比較吵雜 …查看更多

吃茶3000一直都係我好鍾意嘅茶飲 佢嘅奶蓋香濃 又重奶味 非常之滿意 另外佢嘅茶底都好香好好味 一入口有回甘嘅味道 今次飲咗國王珍珠奶茶，決明子奶蓋烏龍 國王珍珠奶茶嘅珍珠非常之彈牙 好有咬口 煙韌十足 而且佢嘅茶底好香 我揀咗佢嘅走甜配方 佢嘅甜度啱啱好 決明子奶蓋烏龍都係我嘅最愛 佢嘅茶底好香 而且新鮮 加上仙草 就口感十足 奶蓋嘅份量都幾多 每次經過都想買幾杯而家仲出左西柚系列 下次一於買黎試下！…查看更多

今次嗌咗決明子紅烏龍加奶蓋同國王珍珠奶茶，等咗大約15分鐘左右，唔算太多人。質素嚟講，烏龍茶茶味非常之香濃，茶底是用萃茶機現萃茶葉而成，飲得出非常之新鮮而且等候嘅時間唔算太長，價錢嚟講，30幾蚊一杯，喺香港嚟講價錢都幾平，質素有保證，非常滿意！另外，奶蓋嘅份量足夠，奶蓋夠厚，味道濃郁，又有芝士香，食過返尋味！另外我叫咗比較特別嘅熱珍珠奶茶，茶都非常之濃厚，入口香滑細膩，而且珍珠嘅數量都好多，咬落去好煙煙韌韌，好食又好飲，飲完一杯都非常之飽肚，又滿足感整體嚟講會係我平日放工經常會買飲品，推介…查看更多

一開始想試呢間餐廳係因為佢嘅外牆好吸引好靚，點知入到去嘅裝修昏暗，雖然都有壁畫 但係整體環境唔係特別靚 再講吓啲嘢食 叫咗一個肉骨茶 一個炒貴刁 貴刁嚟講，非常之油膩 油得來又無味 大蝦大約有六至八隻左右唔算話太多 食落去都爽口打牙嘅 但係成碟過分油膩 唔會想再食另外肉骨茶有送一個白飯 味道都偏淡 雖然話係招牌 食落去都幾失望 分量嚟講就中規中矩 肉量唔算多 材料仲有金菇 豆腐卜等 唯一可以讚嘅係 佢嘅油炸鬼係脆口 點湯嚟食都OK唔錯 而且呢間餐廳係自助點單俾錢嘅 相對嚟講，我都睇唔到點解佢要收加一總括嚟講我都唔會再幫襯下一次😂…查看更多

呢間餐廳我早喺三年前已經開始幫襯，嗰陣嘅味道好有驚喜 而且餐前嘅麵包都任食 質素同性價比都好高事隔三年，我再嚟幫襯，雖然價錢嚟講就差唔多，都係100尾到300左右(lunch)我以為都仍然有任食餐前麵包，加左兩個之後，到埋單先知要收錢，又唔預先同人講，餐牌又唔寫，呢個服務態度我覺得好失望既，雖然錢唔多，但點可以唔同人哋講加人哋錢…食物質素方面 豬肉相對嚟講就冇咁有驚喜 識落比較嚡口 味道都比較淡 帶子都嫩口好食 另外叫咗個鴨肝蟹肉意粉 鴨肝有兩舊 油脂分布唔錯 入口即溶好好味 而蟹肉就唔係好覺啦 蟹肉份量真係令我好失望嘅… 另外仲嗌咗個蘋果批配雪糕 個人覺得幾好食嘅 酥皮脆口 加埋薄片蘋果 同埋雪糕 有多重嘅口感 肉桂粉都幾香用餐環境方面，我雖然星期日去食lunch 得三枱客 唔算多人，相對嚟講都幾靜 啱晒拍拖傾偈 整體嚟講 我會覺得係一般 可能因為我之前幫襯開 係好有驚喜 味道好好 對比起嚟 而家就真係差咁啲 希望態度會改善好啲，唔好再收extra charge 又唔同人講😅食物質素都有進步空間…查看更多

好Juicy 嘅生煎包 一咬落口 醬汁爆晒出嚟 仲好大口氣 話唔爆汁嘅話可以免費換過個 生煎包個底脆卜卜 上面有啲芝麻食落好香口 而且新鮮煎好 熱辣辣 大滿足一咬落去 熱辣辣嘅湯汁瀉晒出嚟 成隻碟都係 冇得頂呀另外叫咗兩個set lunch 雞絲麻醬撈麵 麻將份量啱啱好 雞絲同埋青瓜，份量都多一食落口好滿足 而且份量大碗 味道唔錯另外叫咗一個酥炸排骨配菜飯 酥炸排骨骨肉質唔算太厚 但係勝在新鮮 新鮮炸起脆卜卜 粉都唔算太厚 味道OK整體餐廳光猛 唔使排隊 可以再戰…查看更多

諗住用網上落單 preorder可以唔洗等 點知上網落完單比左錢之後 去到先見到無開 打電話又無人聽都算之後嗰幾日 日日打電話追番 舖頭日日都話會有專人再覆 等左差唔多一星期都仲未收到退款 日日都話處理緊 點解舖頭無開但又會接受網上訂單 成個system都好有問題 仲要網上寫既營業時間又唔啱 又會不定期休業本來諗住見好評幾多 上次試過一次 覺得ok 點知有個咁唔愉快嘅經歷 好失望 而家仲未收到退款 雖然話$80唔係好多 但都希望舖頭可以認真處理下…查看更多

即叫即燒焦糖燉蛋 食落去凍冰冰 布甸好重雲呢拿子 石來充滿雲呢拿香，超級好味 另外焦糖燉蛋上面嘅焦糖脆脆係即叫即燒 脆脆卜卜 又熱又凍 雙重享受咁啱撞正焦糖燉蛋節有買一送一嘅優惠 而家淨係需要$25就可以買到過…查看更多

今次去過江龍湊湊打邊爐 叫咗個牛油果湯底 第一次食煮熟嘅牛油果 味道都幾特別入口即溶 但少少苦味咁另外出面亦都有滷肉飯任加 有台灣小食可以食 有涼拌小菜 選擇唔算太多，但都夠食當日做會員有免費嘅台式飲品送 叫咗珍珠奶茶 味道都唔錯，比得上出面嘅台式飲料 …查看更多

其實一開始係為咗佢$68嘅醬油蟹而嚟嘅 咁嚟到就嗌咗個人蔘雞 同嗌咗個海鮮煎餅$68嘅醬油蟹嚟講 仲有一個飯餸，我覺得其實係非常之抵㗎啦 雖然呢醬油蟹細咗少少 不過味道都唔錯 蟹膏就唔算話好多 但呢個價錢嚟講都冇得輸人蔘湯都送咗一碗飯 人蔘湯有半隻雞 雞裏面都有飯嘅 非常之有誠意 人蔘就唔係好食到 不過味道都OK嘅另外海鮮煎餅其實都夠晒大件 即叫即整都算係新鮮好食 見見到餐廳都幾多韓國人喺度食 而且係韓國人煮 大家用韓文嚟溝通 好有氣氛啊…查看更多

今次去開荃灣 試咗呢間巴斯克芝士蛋糕專門店 佢哋嘅款式都好多 今次就係試咗呢個泰式奶茶味 佢仲有焦糖醬可以淋喺面 焦糖醬偏甜 質地濃郁 芝士蛋糕唔夠軟身 泰式奶茶味都唔出 唔係話特別好食 但係價錢就差唔多要$60 1件 都唔係話唔貴整體嚟講，我覺得一般般…查看更多

我哋四個人去食 一共食咗千$4埋單 整體嚟講味道一般 串燒唔算話特別大份 價錢嚟講比較貴同埋食物嚟講都係比較油 食完之後返去都肚痾 食物水準嚟講係中規中矩 唔特別推薦值得一提嘅係佢哋嘅live Band show 每一日都會有 7:00準時開始 成晚都可以點歌 都可以上去唱歌 氣氛一流係一大班朋友去玩嘅選擇…查看更多

今次去咗食好出名嘅jen cafe 今日係平日嚟，所以人流都唔算話太多 叫咗個豬柳蛋漢堡 個蛋甜甜 又夠厚 食個超級滿足 而且個漢堡包都有心思有醬 整體嚟講都好夾好好食。另外就試咗個綠茶巴斯克 呢個整體嚟講其實都幾失望 因為佢係綠茶太濃 完全食唔到落 要用奶蓋嚟中和真係麻麻哋。另外試咗個焙茶蛋捲茶味香濃唔係話太甜，但係份量嚟講個人覺得比較細分 對唔得住呢個價錢 加上每人最低消費要嗌一杯嘢飲 就算叫咗嘢食都要叫嘢飲 所以整體消費嚟講其實都幾高如果叫咗嘢食 就唔使嗌嘢飲會比較好 變咗最後食Cafe埋單都要差唔多$200一個人 個人嚟講就覺得貴咗少少囉除咗價錢唔太滿意之外，食物質素嚟講係滿分嘅 …查看更多