今日經過天后清風街，見到公主餅店新店營業，原來公主搬咗嚟天后, 早前聽老婆講中環公主餅店冇咗，唔知搬咗去邊，佢食開果隻花茶味曲奇唔知㸃至買得番，有 D 唔開心，因為坊間大多數的曲奇都太重牛油, 很容易滯, 但公主嘅曲奇牛油同食材比例就剛好, 一 D 都唔覺油膩。 我走入去即刻掃咗兩盒 mixed 口味的花茶曲奇，實行俾老婆一個驚喜，跟手掃多一盒我飲紅酒時至鍾意食嘅䶢味曲奇，8 款口味之中我認為最正嘅三款係蟹肉, 西班牙火腿，所以除了即刻買咗一盒 8 種mixed 口味嘅，仲再訂埋蟹肉和西班牙火腿各半磅，一日後有得攞。順帶一提，個新款禮盒好靚，比以前果款四方型鋁盒更醒神，更環保, 值得一讃，另外每塊曲奇依家變成獨立包裝，我覺得更方便衛生, 仲可以keep 得耐一D。 …查看更多
