cmy94的个人专页

蝦仁炒蛋滑飯超級好食👍🏻👍🏻👍🏻炒蛋好嫩身，炒得岩岩好👍🏻👍🏻👍🏻👍🏻👍🏻蝦仁亦都非常彈牙👍🏻👍🏻再加埋上面淋左少少美極👍🏻👍🏻👍🏻🤭好快就可以清左一碟🤭🤭芝士白汁雞皇焗意粉值得推薦👍🏻👍🏻👍🏻非常濃郁既芝士味👍🏻👍🏻👍🏻而且雞肉食落好嫩口👍🏻👍🏻👍🏻重點係65蚊，份量都非常充足👍🏻👍🏻👍🏻開頭驚兩個人唔夠飽，所以叫多左個清炒時菜，佢有幾款菜可以簡，最後我地簡左菜心。菜心味道就不過不失，但係68蚊黎講，都好抵，份量比一般冰室多而另一個要推薦既地方、就係飲品👍🏻👍🏻👍🏻依到既特飲有 可樂煲薑飲👍🏻👍🏻👍🏻其實佢都仲有樂多特式菜飲、可以飲但由於我地太遲去食😢飲品個邊已經收左工但依間冰室絕對推薦，食物好食，而且環境寬落，唔似平時既冰室，啲位好窄…查看更多

食過幾間粥底火鍋。依間都算值得推薦👍🏻👍🏻👍🏻👍🏻性價比高👍🏻👍🏻👍🏻每人200蚊已經食到幾款海鮮，同埋份量都好足👍🏻餐廳位置都好易搵，基本上地鐵出左5分鐘就到。而食物選擇方面真係非常豐富，可以話任君選擇，海鮮基本上實係揀個啲：飽魚都幾大隻、蠔又夠多、肉蟹啲肉無呃秤、蚌就個人黎講非常喜好食，所以綜合黎講都極之美味😛😛。嫌食得太多海鮮又可以係配料到揀啲菜啊瓜啊食下：冬菇、花膠、生菜都一應俱全🌽🌽🌽另外，為左食到一次好味嘅粥底、製作到碗正嘅海鮮粥，我地都跟足烹調時間去煮，一夠鐘就撈上黎，最尾個味道真係好濃好香！職員最後加嘅配料落個粥又係好恰當，中途職員亦都適當控制咋湯嘅份量，令到粥底唔會過稀過結。最後都係個句：好抵食！…查看更多

第一次望到餐牌的時候覺得以九龍灣餐廳價格以言都算是中價餐廳但仍然想一試因為每次晚餐時段經過的時候，店鋪外總是排着等候的人龍而這次要了兩個套餐一個是五花腩豬肉釜飯一個是牛柳粒番薯釜飯五花腩豬肉釜飯整體份量非常大五花腩肉鋪滿整個飯而內裡的飯粒全是日本米，所以食落粒粒分明而且非常有咬口而五花腩肉汁更加滲透在飯入面所以飯粒充滿著豬肉的香氣牛柳粒番薯釜飯牛柳粒為整餐帶來驚喜牛柳粒不但充滿肉汁而且非常嫩口而加入蕃薯粒的日本白飯，不但有咬口而且味道清新與濃郁的牛柳粒十分配合整體而言性價比非常高。肉類質素高，而且選用日本白米。…查看更多

路經深水埗，見到呢間食日本野嘅小店，心血來潮就勸大家坐低食番餐。以為係得深水埗就唔旺，加上個晚仲係平日，點知一樣坐滿仲要等位添，等位時見到又有刺身又有石板燒，已經搞到我地成班胃口大開！一坐低睇左陣menu,就決定嗌個壽司拼盤，貪佢款款壽司都齊咁濟～特別係海膽、魚子，呢兩樣新鮮程度一食就知，比起出面啲大型連鎖店一啲都唔失禮；再黎左口魚同埋龍蝦沙律平時比較少食，個拼盤都有齊😋😋另外我自己仲食左個半熟牛扒定食，medium牛扒一向都係我喜好，呢度慢工出細貨，牛扒煮到出黎夠淋夠香，份量亦好多！真係同朋友黎先食得哂😝…查看更多

餐廳位於旺中帶靜的尖沙咀街上，內裡佈置非常典雅，樓底夠高，空間感十足，極為舒適。內部採用長身大玻璃，採光度高，相信如果晏晝去食就更加感到餐廳利用自然光形造的氣氛。餐桌擺放有足夠距離，絕對夠私隱度；燈光的控制亦佳，既柔和但不會覺得太暗淡。食物方面，嗌餐前Waitress送上左烘左嘅麵包作為飯前食品。我地嗌左Classic Margarita同Carbonara Spaghetti。Classic Margarita用上最簡單嘅tomato、Mozzarella、basil同芝士，食材配搭起來極為自然，pizza所用嘅麵團水份充夠，口感更加顯得鬆軟。Carbonara Spaghetti 運用嘅醬料濃厚適宜，食落絕不感到油膩或好咸，再加上蛋黃及芝士的味道，以及切到岩岩好的煙肉粒，又係佳作！…查看更多

濃蝦壽喜燒湯麵 整體味道普通。蝦肉份量十足，咬落彈牙爽口。但湯底欠缺蝦味，反而似沖淡左既冬蔭公湯。沖繩蒸餃子餃子用先炸後蒸的形式，所以食落有少少奇怪。豚肉鳥冬相對蝦拉麵，味道較為好。湯底味道清甜，同烏冬配合。烏冬口感都非常爽口彈牙。黑糖檸檬茶原來黑糖同茶會分開上，所以可以按照個人口味調配。第一次飲黑糖檸檬茶，味道有驚喜，略帶苦味的茶加入黑糖，都幾配合。整體：唔太推薦。第一，以油塘區物價黎講，60蚊已經有好多其他選擇。第二，餐廳食物質素一般，性價比唔高。…查看更多

一上到去已經見到大部分店員係韓國店員，而且餐廳亦都播緊韓文歌，入到餐廳坐底，好似去左韓國咁。前菜（小黃瓜、泡菜、矮瓜）小黃瓜：食落微辣，口感爽脆。泡菜：食落微辣，但有部分食落有雪藏味。矮瓜：食落微辣，但係三樣小菜入面最出色。燒豬肉醬油拌飯 整體味道非常好，上菜時已經聞到好香濃既肉味，食落口感亦非常豐富，蔬菜絲爽口，飯粒有咬口。辣椒醬令到飯味更香濃，依間既辣椒醬味道偏甜。環境：座位非常闊落，就算繁忙時段都坐得好舒服。…查看更多

今次簡左海帶、豬皮、香辣冰豆腐配粗麵。海帶味道不錯，食落爽口，唔會有腥味。豬皮吸引左湯底，所以食落都好濃味。今次最驚喜係香辣冰豆腐，其他鋪頭比較少見既選擇。而且餐廳好貼心，將豆腐同麵分開，所以就唔怕辣汁個味會影響到湯底。豆腐口感紮實，而且吸收哂辣汁，味道不錯。環境：整體環境乾淨，座位闊落。就算晚市黎，都好快有位。服務：服務不錯，店員主動介紹晚餐優惠。整體：整體黎講味道不錯，但性價比比較低，因為人均消費大約60，如果銅鑼灣黎講，有好多唔同車仔麵選擇。…查看更多

人蔘雞湯 HKD 75： 一上菜，已經聞到好香既人蔘味，食落都係有好香濃既人蔘味同雞味。而雞都煮得岩岩好，食落仲好滑身。整體份量都好足但味道較偏咸。係依到，上菜既時候店員會先比食客檢查湯入面係足半隻雞，跟住先會剪開。依方面，就同傳統韓國餐廳比較似。前菜：前菜係較為失望。有時就係因為想食唔同既韓國前菜，先想食韓國野。但依到既前菜就唔太正宗，而且無味。整體：鋪頭係旺角較偏僻位置，賣點韓國人師傅，但我覺得都係唔夠正宗，不過整體味道幾好，如果純粹想食下韓國野，依間都係唔錯既選擇。…查看更多

三餸車仔撈麵 HKD 47今次叫左豬皮、瑞士雞翼同滷水蛋。而且加3蚊轉左做xo醬辣燥肉撈麵。整體味道不錯，豬皮非常入味，而且好大塊。瑞士雞翼味道就較為普通，味道較為淡，欠缺瑞士汁香味。滷水蛋則非常推薦，味道香濃，但唔會過硬。而xo醬辣燥肉都係一個唔錯既選擇，味道香辣，同粗麵味道配合!!!環境：整體環境不錯，枱面乾淨。但店內座位略為有略狹窄，繁忙時段黎食，可能會比較擠逼。整體：值得一試，價錢觀塘區黎講唔太貴。…查看更多

至慳精選早餐B HKD 15.5 KFC早餐係有優惠既情況下，性價比都幾高。蕃茄通粉：份量普通，大食少少未必夠。雖然都知入面未必有真蕃茄，但食落無假既蕃茄味。而且通粉都煮得岩岩好，唔會太爛。食完唔會覺得口乾。芝士火腿卷：個人黎講，芝士火腿卷係KFC最值得推薦既早餐。新鮮拎出黎既時候，外皮香脆，入面既芝士會有輕微拉絲效果。蜂蜜綠茶：雖然係茶包沖出黎，但味道幾好，唔會太甜。整體：非常推薦KFC早餐。特別有coupon既時候，因為20蚊以內有包有通粉有野飲既早餐，唔係間間餐廳都有。…查看更多

狗仔粉：整體味道不錯。狗仔粉食落煙韌有口感。狗仔粉同冬菇粒、菜甫粒味道非常配合，而且冬菇粒及菜甫粒為狗仔粉增加咬口。如果喜歡濃味，枱面上都有菜甫粒可以無限添加。如果食得辣，可以試下加辣味菜脯。由於狗仔粉整體味道偏咸，食既時候最好叫埋飲品。豬雜：非常惹味，唔食開內藏既人都可以一試，豬既內藏唔會有怪味。環境：整體衛生環境比較差，始終街鋪，食緊既時候會有小昆蟲係隔離飛黎飛去。同鋪面面積較少，所以位置都比較窄。如果黎食黎，建議唔好拎太多野，因為無位放。…查看更多

依間韓燒除左有好多款肉同海鮮可以選擇之外，亦都有唔同熟食可以選擇。所以性價比幾高。生肉方面：店入面有唔同既肉類提供，個人最推薦係燒羊肉同牛小排。兩款肉類味道都非常香濃。熟食方面：熟食就推薦豬手，依間鋪既豬手非常高質素，除左味道香濃，豬手咬落亦非常爽口。入黎唔食燒肉，整係食豬手都值得!環境：抽氣系統非常好，食完唔會有油煙味。服務：店員服務非常好，例如店員會主動問需唔需要換鐵板。整體：十分推薦依間餐廳。食物質素高，而且種類多。…查看更多

漢堡包餐 HKD 32 :整體味道很好，而且整個包份量非常充足，十分飽肚。包入面有牛肉漢堡、芝士及沙律醬。雖然只有好簡單既材料，但口感、味道卻十分豐富。牛肉漢堡扒方面，咬落好鬆軟，而且咬落仲會有牛肉汁，唔會煎得太乾身，同芝士非常配合。套餐亦都包含埋薯角。薯角炸得內脆外軟，食落唔會油膩。整體：非常推薦銀咖喱嘅下午茶餐，因為性價比好高。32蚊黎講好豐富，食物質素都好高。而且最欣賞，每樣炸物都炸到岩岩好，脆身得黎，唔會燶。…查看更多

照燒雞飯 HKD 49：非常香口的日式燒雞飯。雞排煮得岩岩好，雞皮煎得香脆，雞肉保持到嫩滑。配合埋燒汁，很好食！焗意式鴛鴦飯 HKD53： 一邊係白汁焗飯，一邊係肉醬焗飯。兩邊上面都鋪滿芝士，做到輕微既拉絲效果。白汁焗飯個邊味道較清淡，有少少似肯德x既雞皇飯。而肉醬個邊味道較濃，每啖都有蕃茄同肉既味道。對我黎講，肉醬個邊比較出色。環境：因為餐廳位於太古吉之島入面，所以位置比較少，繁忙時段未必搵到位坐。整體：太古區黎講，價錢算平，而且食物質素不錯，值得推薦。…查看更多