食野~的個人專頁

卡邦尼蛋汁長通粉加黑松露醬Carbonara 基本上係小編係逢親去Cafe都必叫嘅野食🤤而呢度仲有得加錢要黑松露醬😍成個 carbonara 一上枱就已經好香，本人比較鍾意食長通粉，因為可以每一啖都充滿着醬汁，而佢個醬好濃郁同creamy，亦唔會太過稀身，食晒成碟都唔會覺得漏 👍🏻👍🏻焦糖單骨雞翼店內有幾款口味嘅雞翼俾人揀，鍾意食比較甜嘅可以選擇焦糖味 🥰 雞翼先係炸到表面焦脆，跟著裹上焦糖，份量控制得啱啱好 👍🏻👍🏻 唔會話太多好黏，而且單骨食落夠哂方便，加加埋埋仲有成10支骨，好抵食 😍焙茶拿鐵焙茶拿鐵用咗兩種唔同嘅茶粉，分別用嚟沖泡同用作裝飾 🍵 聞落好香茶味，但入口又唔會太濃，加埋牛奶之後岩岩好中和咗苦味 😌白桃荔枝乳酸梳打經過老闆多次改良之後，甜度適中，而且仲有少少果肉，增加口感，咁熱嘅天氣就最岩飲返杯夠晒 fresh～…查看更多

漢堡唔一定熱， 都可以係凍！揀左薄荷朱古力雪糕配棉花糖同Oreo，再加埋煉奶，好邪惡好！大！舊！雪！糕！😈😈😈脹卜卜嘅漢堡包入面塞滿晒雪糕，非常跨張！個包即叫即烘，而且仲係面度加左蜜糖同牛油去烘，所以麵包好香🍔食嘅時候仲暖笠笠，所以個凍冰冰嘅雪糕溶得有啲快，會係咁滴，不過好貼心咁有提供膠手套🥰除左雪糕漢堡，仲新出左綿線冰！試左朱古力綿線冰，不過唔好誤會，個冰唔係朱古力冰，係啲配料係朱古力個theme！個冰底非常滑，配料非常多，有朱古力百力枝，棉花糖，oreo餅‼️最驚喜嘅係綿綿冰底下有早餐片，綿綿冰連埋脆脆嘅早餐片一齊食個口感好豐富😝夏日熱辣辣食個綿綿冰，真係即刻透心涼🥰…查看更多

燒帶子配脆皮豬腩肉及粟米蓉，帶子嘅淋身配埋豬腩肉嘅脆身，令到一入口個口感好豐富。本身仲驚咁樣會好油，但個豬腩肉香反而令帶子個味更加突出。值得一試！不過有啲貴，$98得兩隻豬扒配焗肉桂蘋果，豬扒煎得啱啱好可以封到啲肉汁係入面，表面有啲香口，但食落好淋同好有肉汁。成日食豬扒都會失望，因為會好老或者乾晒，但呢塊就真係perfec池~個蘋果就真係畫龍點睛，香中帶有少少酸甜，配住個豬扒食可以冇咁溜！El Cerdo招牌西班牙炒飯，好多好多青口！不過最特別係佢加左啲燒豬肉落去炒個飯，所以比平時嘅西班牙海鮮飯更加香！…查看更多

波特菇雜菌意粉配黑松露忌廉汁加煙三文魚，um...食唔到黑松露，最好食係煙三文魚😂香煎帶子蕎麥薄餅，)好味呀!!!好大粒帶子呀!!!!最衰食到最尾個底好濕，好易爛😭…查看更多

鰻魚.玉子.芝士包，個玉子原來係炒蛋，以為會係玉子燒果隻。條鰻魚幾肥幾香，不過食唔到面頭啲芝士味!個配角薯角好值得一讚!巴馬火腿.忌廉黑松露.意大利飯 ，巴馬火腿好香，但係個黑松露冇咩香味，同埋個飯可以煮得硬身啲~…查看更多

金魂 蒲燒釜飯，出名釜飯，但係啲飯好普通，好似平時煲嘅白飯放入去咁…最失望就係個飯底…金魂嘅鰻魚係油分最高，大條得黎亦都無骨！又燒得幾香！呢樣野抵讚！原條汁煮豬軟骨釜飯，同鰻魚釜飯一樣，個飯係令人失望嘅…作為釜飯，如果可以比客人自己控製焗啲飯幾耐會好啲！豬軟骨好入味，好淋，好好味！淨係食佢都值返…查看更多

牛油白酒煮藍青口伴法式薯條，好多青口!但係唔係好食到牛油同白酒嘅香味……中規中矩啦…油封鴨肶配紅酒橙汁 ，鴨肶好大隻但又煮得非常嫩滑!好有肉汁!而個紅酒橙汁配落去，啱啱好可以清走口入面嘅油份，令到成個感覺唔會好油膩~…查看更多

心之蛋卷，雖然個心畫得好求其，但個蛋卷煎得好滑！一切開，啲芝士同蛋漿即刻湧晒出黎，一啲都冇過熟~入面仲有啲蟹籽再加埋三文魚碎，配埋本身嘅蛋香，真係好好味！香蔥石板牛舌，牛舌煮得好淋~個汁望落去好似辣咁，但原來唔係不過個汁都好濃好香，有啲蓋過左牛舌本身個味，但都好好食心之魚生飯，個魚生飯真係……除左隻蝦之外，其餘啲魚生好似吞拿魚，三文魚咁，全部感覺都好唔新鮮……好失望………查看更多

脆焗蝦多士，蝦膠好彈牙呀，再加埋塊好脆嘅多士，絕對係一啖入面有兩個口感呀！同埋佢應該係焗嘅關係，所以唔係非常油，入口都唔會有個好溜嘅感覺！鐵板西班牙黑毛豬叉燒，係用黑毛豬整嘅叉燒呀～賣相好靚，半肥瘦！不過其實食落一般，肉質算得上鬆化，但係豬味唔係特別濃，整體其實同一般叉燒差唔多以三百幾蚊碟黎計，性價比有啲唔抵生磨蛋白杏仁茶 ，杏仁味非常濃！亦都磨得好滑好香~抵讚！！！底層嘅蛋白勁滑~煮嘅溫度同時間控制得啱啱好！係一個必食嘅甜品~…查看更多

最近大熱嘅深水埗大大碟意粉果然係名不虛傳！羅勒鮮茄煙肉意粉，一黎到就見到碟意粉高到成坐山咁！係真係意粉山！意粉好多，亦都非常足料！意粉炒過，口感亦唔係好似有時茶餐廳好淋嘅果種，依然有啲彈性而個蒜蓉味同個茄汁味亦都夾到，唔會太甜或者太酸，四十蚊真係好抵呀！！！！海苔芥末蝦沙律牛角酥，好足料嘅牛角酥！雖然牛角酥因為啲沙律同蝦而淋左，但係都仲好鬆軟~芥末蝦沙律個汁唔會太溜，都有好多隻蝦，係意粉之外另一個唔錯嘅選擇！唯獨係個海苔就真係好似唔多覺眼咁……… …查看更多

無骨芝辣初雪炸雞，芝士加辣呢兩種口味配搭起上黎簡直係絕配😍入口先係微微既辣味，然後芝士既香甜就慢慢散發出黎，兩者加埋起到中和作用，所以唔會太辣👍🏻同埋記得要嗌無骨，咁樣食上黎先可以啖啖肉🤤金大人串燒拼盤，淨係睇中間兜芝士就知呢個係十級邪惡嘅串燒拼盤‼️成個拼盤有齊炸雞薯條同多款釀雞翼，可以滿足到你不同嘅口味，而中間兜忌廉芝士味道非常濃郁，好Creamy，鍾意芝士醬嘅朋友一定會食唔停口🤤…查看更多

台式拌麵又開到嚟荃灣🥳試拌麵之前先試吓湯麵先，湯底帶有少少藥材味，但食到後期就淨係得返辣味🌶而牛肉同牛筋都得好淋👍🏻建議一定要揀粗麵，麵質彈牙加上凹凹凸凸，咁就可以掛上更多湯汁😛川味紅燒半筋半肉牛肉麵 拌麵相對起湯麵就冇咁出色啦☹️比起擔擔麵佢更似只係辣油撈麵，既冇擔擔嘅花生香，又冇乜麻醬味，令人失望😥老成都擔擔麵…查看更多